TITUS
Text collection: RV 
Text: AitUp 
Aitareya-Upaniṣad

as edited by Mislav Ježic
in his edition
R̥gvedske upanišadi:
Aitareya, Kaušītaki, Bāškalamantra-upanišad,
Zagreb: Matica Hrvatska 1999,
p. 87-125,
electronically prepared by Mislav Ježic,
Zagreb 1999;
corrections by Matthias Ahlborn;
TITUS version by Jost Gippert,
Frankfurt a/M, 24.5.2001 / 7.12.2008 / 21.4.2012





aitareyopaniṣat


Chapter: 1 
Paragraph: 1 
Verse: 1 
Sentence: a    ātmā vā idam eka evāgra āsīt /
Sentence: b    nānyat kiṃcana miṣat /
Sentence: c    sa īkṣata lokān nu sr̥jā iti //1//

Verse: 2 
Sentence: a    sa imām̐l lokān asr̥jatāmbʰo marīcīr maram āpaḥ /
Sentence: b    ado 'mbʰaḥ pareṇa divam /
Sentence: c    dyauḥ pratiṣṭʰā /
Sentence: d    antarikṣaṃ marīcayaḥ /
Sentence: e    pr̥tʰivī maraḥ /
Sentence: f    yā adʰastāt tā āpaḥ //2//

Verse: 3 
Sentence: a    sa īkṣata ime nu lokāḥ /
Sentence: b    lokapālān nu sr̥jā iti /
Sentence: c    so 'dbʰya eva puruṣaṃ samuddʰr̥tyāmūrccʰayat //3//

Verse: 4 
Sentence: a    tam abʰyatapat /
Sentence: b    tasyābʰitaptasya mukʰaṃ nirabʰidyata yatʰāṇḍam /
Sentence: c    mukʰād vāk /
Sentence: d    vāco 'gniḥ // nāsike nirabʰidyetām /
Sentence: e    nāsikābʰyāṃ prāṇaḥ /
Sentence: f    prāṇād vāyuḥ // akṣiṇī nirabʰidyetām /
Sentence: g    akṣībʰyāṃ cakṣuḥ /
Sentence: h    cakṣuṣa ādityaḥ // karṇau nirabʰidyetām /
Sentence: i    karṇābʰyāṃ śrotram /
Sentence: j    śrotrād diśaḥ // tvaṅ nirabʰidyata /
Sentence: k    tvaco lomāni /
Sentence: l    lomabʰya oṣadʰivanaspatayaḥ // hr̥dayaṃ nirabʰidyata /
Sentence: m    hr̥dayān manaḥ /
Sentence: n    manasaś candramāḥ // nābʰir nirabʰidyata /
Sentence: o    nābʰyā apānaḥ /
Sentence: p    apānān mr̥tyuḥ // śiśnaṃ nirabʰidyata /
Sentence: q    śiśnād retaḥ /
Sentence: r    retasa āpaḥ //4//


Verse: col. 
iti pratʰamaḥ kʰaṇḍaḥ //


Paragraph: 2 
Verse: 1 
Sentence: a    tā etā devatāḥ sr̥ṣṭā asmin mahaty arṇave prāpatan /
Sentence: b    tam aśanāpipāsābʰyām anvavārjat /
Sentence: c    tā enam abruvan āyatanaṃ naḥ prajānīhi /
Sentence: d    yasmin pratiṣṭʰitā annam adāmeti //1//

Verse: 2 
Sentence: a    tābʰyo gām ānayat /
Sentence: b    tā abruvan na vai no 'yam alam iti /
Sentence: c    tābʰyo 'śvam ānayat /
Sentence: d    tā abruvan na vai no 'yam alam iti //2//

Verse: 3 
Sentence: a    tābʰyaḥ puruṣam ānayat /
Sentence: b    tā abruvan sukr̥taṃ bateti /
Sentence: c    puruṣo vāva sukr̥taṃ /
Sentence: d    tā abravīd yatʰāyatanaṃ praviśateti //3//

Verse: 4 
Sentence: a    agnir vāg bʰūtvā mukʰaṃ prāviśat /
Sentence: b    vāyuḥ prāṇo bʰūtvā nāsike prāviśat /
Sentence: c    ādityaś cakṣur bʰūtvākṣiṇī prāviśat /
Sentence: d    diśaḥ śrotraṃ bʰūtvā karṇau prāviśan /
Sentence: e    oṣadʰivanaspatayo lomāni bʰūtvā tvacaṃ prāviśan /
Sentence: f    candramā mano bʰūtvā hr̥dayaṃ prāviśat /
Sentence: g    mr̥tyur apāno bʰūtvā nābʰiṃ prāviśat /
Sentence: h    āpo reto bʰūtvā śiśnaṃ prāviśan //4//

Verse: 5 
Sentence: a    tam aśanāpipāse abrūtām āvābʰyām api prajānīhīti /
Sentence: b    te abravīt etāsv eva vāṃ devatāsv ābʰajāmy etāsu bʰāginyau karomīti /
Sentence: c    tasmād yasyai kasyai ca devatāyai havir gr̥hyate bʰāginyāv evāsyām aśanāpipāse bʰavataḥ //5//


Verse: col. 
iti dvitīyaḥ kʰaṇḍaḥ //


Paragraph: 3 
Verse: 1 
Sentence: a    sa īkṣata ime nu lokāśca lokapālāś ca /
Sentence: b    annam ebʰyaḥ sr̥jā iti //1//

Verse: 2 
Sentence: a    so 'po 'bʰyatapat /
Sentence: b    tābʰyo 'bʰitaptābʰyo mūrtir ajāyata /
Sentence: c    yā vai sā mūrtir ajāyatānnaṃ vai tat //2//

Verse: 3 
Sentence: a    tad enat sr̥ṣṭaṃ parāṅ atyajigʰāṃsat /
Sentence: b    tad vācā 'jigʰr̥kṣat /
Sentence: c    tan nāśaknod vācā grahītum /
Sentence: d    yad dʰainad vācāgrahaiṣyad abʰivyāhr̥tya haivānnam atrapsyat //3//

Verse: 4 
Sentence: a    tat prāṇenājigʰr̥kṣat /
Sentence: b    tan nāśaknot prāṇena grahītum /
Sentence: c    sa yad dʰainat prāṇenāgrahaiṣyad abʰiprāṇya haivānnam atrapsyat //4//

Verse: 5 
Sentence: a    tac cakṣuṣājigʰr̥kṣat /
Sentence: b    tan nāśaknoc cakṣuṣā grahītum /
Sentence: c    sa yad dʰainac cakṣuṣāgrahaiṣyad dr̥ṣṭvā haivānnam atrapsyat //5//

Verse: 6 
Sentence: a    tac cʰrotreṇājigʰr̥kṣat /
Sentence: b    tan nāśaknoc cʰrotreṇa grahītum /
Sentence: c    sa yad dʰainac cʰrotreṇāgrahaiṣyac cʰrutvā haivānnam atrapsyat //6//

Verse: 7 
Sentence: a    tat tvacājigʰr̥kṣat /
Sentence: b    tan nāśaknot tvacā grahītum /
Sentence: c    sa yad dʰainat tvacāgrahaiṣyat spr̥ṣṭvā haivānnam atrapsyat //7//

Verse: 8 
Sentence: a    tan manasājigʰr̥kṣat /
Sentence: b    tan nāśaknon manasā grahītum /
Sentence: c    sa yad dʰainan manasāgrahaiṣyad dʰyātvā haivānnam atrapsyat //8//

Verse: 9 
Sentence: a    tac cʰiśnenājigʰr̥kṣat /
Sentence: b    tan nāśaknoc cʰiśnenā grahītum /
Sentence: c    sa yad dʰainac cʰiśnenāgrahaiṣyad visr̥jya haivānnam atrapsyat //9//

Verse: 10 
Sentence: a    tadapānenājigʰr̥kṣat /
Sentence: b    tad āvayat /
Sentence: c    saiṣo 'nnasya graho yad vāyuḥ /
Sentence: d    annāyur vā eṣa yad vāyuḥ //10//

Verse: 11 
Sentence: a    sa īkṣata /
Sentence: b    katʰaṃ nv idaṃ mad r̥te syād iti /
Sentence: c    sa īkṣata katareṇa prapadyā iti /
Sentence: d    sa īkṣata yadi vācābʰivyāhr̥taṃ yadi prāṇenābʰiprāṇitaṃ yadi cakṣuṣā dr̥ṣṭaṃ yadi śrotreṇa śrutaṃ yadi tvacā spr̥ṣṭaṃ yadi manasā dʰyātaṃ yady apānenābʰyapānitaṃ yadi śiśnena visr̥ṣṭam atʰa ko 'ham iti //11//

Verse: 12 
Sentence: a    sa etam eva sīmānaṃ vidāryaitayā dvārā prāpadyata /
Sentence: b    saiṣā vidr̥tir nāma dvāḥ /
Sentence: c    tad etan nāndanam /
Sentence: d    tasya traya āvasatʰās trayaḥ svapnā ayam āvasatʰo 'yam āvasatʰo 'yam āvasatʰa iti //12//

Verse: 13 
Sentence: a    sa jāto bʰūtāny abʰivyaikʰyat kim ihānyaṃ vāvadiṣad iti /
Sentence: b    sa etam eva puruṣaṃ brahmatata(ta)mam apaśyad idam adarśam itī3 //13//

Verse: 14 
Sentence: a    tasmād indro nāma /
Sentence: b    idandro ha vai nāma /
Sentence: c    tam idandraṃ santam indra ity ācakṣate parokṣeṇa /
Sentence: d    parokṣapriyā iva hi devāḥ parokṣapriyā iva hi devāḥ //14//


Verse: col. 
iti tr̥tīyaḥ kʰaṇḍaḥ //

iti pratʰamo 'dʰyāyaḥ//



Next part


This text is part of the TITUS edition of Rg-Veda: Aitareya-Upanisad.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.