TITUS
Textcollection: RV 
R̥g-Veda
Text: RVS 
R̥gveda-Saṃhitā


On the basis of the edition by Th. Aufrecht,
Bonn 1877 (2.Aufl.),
entered by H.S. Ananthanarayana, Austin / Texas;
TITUS version
with corrections by Fco.J. Martínez García,
synoptically arranged with
the metrically restored version by B. van Nooten and G. Holland
and the "Padapātha" version by A. Lubotsky,
by Jost Gippert,
Frankfurt a/M, 31.1.1997 / 28.2.1998 / 24.6.1998 / 22.10.1999 / 1.6.2000




Book: 1    1
Hymn: 1 


Verse: 1 
Halfverse: a    agním īḷe puróhitaṃ yajñásya devám r̥tvíjam /
   agním īḷe puróhitaṃ
   agním īḷe puróhitam
   agním īḷe puróhitaṃ

Halfverse: b    yajñásya devám r̥tvíjam /
   yajñásya devám r̥tvíjam /
   yajñásya devám r̥tvíjam /

Halfverse: c    hótāraṃ ratnadʰā́tamam //
   hótāraṃ ratnadʰā́tamam //
   hótāram ratnadʰā́tamam //
   hótāraṃ ratnadʰā́tamam //


Verse: 2 
Halfverse: a    agníḥ pū́rvebʰir ŕ̥ṣibʰir ī́ḍyo nū́tanair utá /
   agníḥ pū́rvebʰir ŕ̥ṣibʰir
   agníḥ pū́rvebʰiḥ ŕ̥ṣibʰiḥ
   agníḥ pū́rvebʰir ŕ̥ṣibʰir

Halfverse: b    ī́ḍyo nū́tanair utá /
   ī́ḍyaḥ nū́tanaiḥ utá /
   ī́ḍiyo nū́tanair utá /

Halfverse: c    sá devā́m̐ éhá vakṣati //
   sá devā́m̐ éhá vakṣati //
   sá devā́n ā́ ihá vakṣati //
   sá devā́m̐ éhá vakṣati //


Verse: 3 
Halfverse: a    agnínā rayím aśnavat póṣam evá divé-dive /
   agnínā rayím aśnavat
   agnínā rayím aśnavat
   agnínā rayím aśnavat

Halfverse: b    póṣam evá divé-dive /
   póṣam evá divé-dive /
   póṣam evá divé-dive /

Halfverse: c    yaśásaṃ vīrávattamam //
   yaśásaṃ vīrávattamam //
   yaśásam vīrávattamam //
   yaśásaṃ vīrávattamam //


Verse: 4 
Halfverse: a    ágne yáṃ yajñám adʰvaráṃ viśvátaḥ paribʰū́r ási /
   ágne yáṃ yajñám adʰvaráṃ
   ágne yám yajñám adʰvarám
   ágne yáṃ yajñám adʰvaráṃ

Halfverse: b    viśvátaḥ paribʰū́r ási /
   viśvátaḥ paribʰū́ḥ ási /
   viśvátaḥ paribʰū́r ási /

Halfverse: c    sá íd devéṣu gacʰati //
   sá íd devéṣu gacʰati //
   sáḥ \!\ ít devéṣu gacʰati //
   sá íd devéṣu gacʰati //


Verse: 5 
Halfverse: a    agnír hótā kavíkratuḥ satyáś citráśravastamaḥ /
   agnír hótā kavíkratuḥ
   agníḥ hótā kavíkratuḥ
   agnír hótā kavíkratuḥ

Halfverse: b    satyáś citráśravastamaḥ /
   satyáḥ citráśravastamaḥ /
   satyáś citráśravastamaḥ /

Halfverse: c    devó devébʰir ā́ gamat //
   devó devébʰir ā́ gamat //
   deváḥ devébʰiḥ ā́ gamat //
   devó devébʰir ā́ gamat //


Verse: 6 
Halfverse: a    yád aṅgá dāśúṣe tvám ágne bʰadráṃ kariṣyási /
   yád aṅgá dāśúṣe tvám
   yát aṅgá dāśúṣe tvám
   yád aṅgá dāśúṣe tuvám

Halfverse: b    ágne bʰadráṃ kariṣyási /
   ágne bʰadrám kariṣyási /
   ágne bʰadráṃ kariṣyási /

Halfverse: c    távét tát satyám aṅgiraḥ //
   távét tát satyám aṅgiraḥ //
   táva ít tát satyám aṅgiraḥ //
   távét tát satyám aṅgiraḥ //


Verse: 7 
Halfverse: a    úpa tvāgne divé-dive dóṣāvastar dʰiyā́ vayám /
   úpa tvāgne divé-dive
   úpa tvā agne divé-dive
   úpa tvāgne divé-dive

Halfverse: b    dóṣāvastar dʰiyā́ vayám /
   dóṣāvastar dʰiyā́ vayám /
   dóṣāvastar dʰiyā́ vayám /

Halfverse: c    námo bʰáranta émasi //
   námo bʰáranta émasi //
   námaḥ bʰárantaḥ ā́ imasi //
   námo bʰáranta émasi //


Verse: 8 
Halfverse: a    rā́jantam adʰvarā́ṇāṃ gopā́m r̥tásya dī́divim /
   rā́jantam adʰvarā́ṇāṃ
   rā́jantam adʰvarā́ṇām
   rā́jantam adʰvarā́ṇãaṃ

Halfverse: b    gopā́m r̥tásya dī́divim /
   gopā́m r̥tásya dī́divim /
   gopā́m r̥tásya dī́divim /

Halfverse: c    várdʰamānaṃ své dáme //
   várdʰamānaṃ své dáme //
   várdʰamānam své dáme //
   várdʰamānaṃ suvé dáme //


Verse: 9 
Halfverse: a    sá naḥ pitéva sūnávé 'gne sūpāyanó bʰava /
   sá naḥ pitéva sūnávé
   sá naḥ pitā́ iva sūnáve
   sá naḥ pitéva sūnáve

Halfverse: b    'gne sūpāyanó bʰava /
   ágne sūpāyanáḥ bʰava /
   ágne sūpāyanó bʰava /

Halfverse: c    sácasvā naḥ svastáye //
   sácasvā naḥ svastáye /
   sácasva+ naḥ svastáye //
   sácasvā naḥ suastáye //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.