TITUS
Vikramacarita (SR)
Part No. 2
Previous part

Chapter: F2 
II. Frame-Story: Second Section
King Bhartr̥hari and the fruit that gave immortality
Southern Recension of ii


Paragraph: 1 
Line: 1    asti samastavastuvistīrṇā guṇaparābʰūtapurandaranivāso 'jjayinī
Line: 2    nāma nagarī. tatra samastasāmantasīmantinīsīmantasindūrāruṇa/caraṇakamalayugalo
Line: 3    bʰartr̥harir nāma rājā 'sīt, sakalakalāpravīṇaḥ
Line: 4    samastaśāstrābʰijñaś ca. tasyā 'nujo vikramo nāma svavikramā/pahr̥tavairivikramo
Line: 5     'bʰūt. tasya bʰartr̥harer bʰāryā rūpalāvaṇyā/diguṇavinirjitasurāṅganā
Line: 6     'naṅgasenā nāmā 'bʰūt.


Line: 7    tasmin nagare brāhmaṇaḥ kaścit sakalaśāstrābʰijño viśeṣato
Line: 8    mantraśāstravit, paraṃ daridraḥ, mantrānuṣṭʰānena bʰuvaneśvarīm
Line: 9    atoṣayat. tuṣṭā sā brāhmaṇam avādīt: bʰo brāhmaṇa, varaṃ
Line: 10    vr̥ṇīṣva. brāhmaṇeno 'ktam: devi, yadi me prasannā 'si, tarhi māṃ
Line: 11    jarāmaraṇavarjitaṃ kuru. tato devyā divyam ekaṃ pʰalaṃ dattvā
Line: 12    bʰaṇitaś ca [!]: bʰoḥ putra, etat pʰalaṃ bʰakṣaya, jarāmaraṇavarjito
Line: 13    bʰaviṣyasi. tato brāhmaṇas tat pʰalaṃ gr̥hītvā svabʰavanaṃ pratyā/gatya
Line: 14    snātvā devatārcanāṃ vidʰāya yāvat pʰalaṃ bʰakṣayati, tāvat
Line: 15    tasya manasy evaṃ buddʰir abʰūt: kim iti, ahaṃ tāvad daridraḥ;
Line: 16    amaro bʰūtvā kasyo 'pakāraṃ kariṣyāmi? paraṃ bahukālajīvinā 'pi
Line: 17    bʰikṣāṭanam eva kāryam. ataḥ paropakāriṇaḥ puruṣasya svalpa/kālajīvitam
Line: 18    api śreyase bʰavati. anyac ca: yas tu vijñānavibʰavā/diguṇair
Line: 19    yuktaḥ kṣaṇamātram api jivati, tasyai 'va jīvitaṃ sapʰalaṃ
Line: 20    bʰavati. tatʰā co 'ktam:


Strophe: 4 
Verse: a    yaj jīvati kṣaṇam api pratʰitair manuṣyo
Verse: b    vij ñānaśauryavibʰavādiguṇaiḥ sametaḥ,
Verse: c    tat tasya jīvitapʰalaṃ pravadanti santaḥ;
Verse: d    kāko 'pi jīvati ciraṃ ca baliṃ ca bʰuṅkte. \\1\\
Strophe:   Verse:  


Paragraph: 2 
Line: 1    tatʰā ca:


Strophe: 2 
Verse: a    yaj jīvyate yaśodʰarmasahitais, tac ca jīvitam;
Verse: b    baliṃ kavalayan klinnaṃ ciraṃ jīvati vāyasaḥ. \\2\\
Strophe:   Verse:  


Paragraph: 3 
Line: 1    api ca:


Strophe: 3 
Verse: a    yasmiñ jīvati jīvanti bahavaḥ, sa tu jīvati;
Verse: b    bako 'pi kiṃ na kurute cañcvā svodarapūraṇam? \\3\\
Strophe:   Verse:  


Paragraph: 4 
Line: 1    kiṃ ca:


Strophe: 4 
Verse: a    kṣudrāḥ santi sahasraśaḥ svabʰaraṇavyāpārapūrodarāḥ;
Verse: b    svārtʰo yasya parārtʰa eva, sa pumān ekaḥ satām agraṇīḥ;
Verse: c    duṣpūrodarapūraṇāya pibati srotaḥpatiṃ vāḍavo,
Verse: d    jīmūtas tu nidāgʰasaṃbʰr̥tajagatsaṃtāpavicʰittaye. \\4\\
Strophe: 5  
Verse: a    asaṃpādayataḥ kaṃcid artʰaṃ jātikriyāguṇaiḥ,
Verse: b    yadr̥ccʰāśabdavat pum̐saḥ saṃjñāyai janma kevalam. \\5\\
Strophe:   Verse:  


Paragraph: 5 
Line: 1    iti vicārya tat pʰalaṃ rājñe dīyate cet, sa jarāmaranavarjito bʰūtvā
Line: 2    cāturvarṇyaṃ dʰarmataḥ paripālayiṣyatī 'ti tat pʰalaṃ gr̥hītvā
Line: 3    rājasamīpam āgatya --


Strophe: 6 
Verse: a    ahīnāṃ mālikāṃ bibʰrat tatʰā pītāmbaraṃ vapuḥ,
Verse: b    haro hariś ca bʰūpāla karotu tava maṅgalam! \\6\\
Strophe:   Verse:  


Paragraph: 6 
Line: 1    ity āśīrvādapūrvakaṃ rājño haste pʰalaṃ dattvā bʰaṇati sma: bʰo
Line: 2    rājan, devatāvaraprasādalabdʰam idam apūrvapʰalaṃ bʰakṣaya,
Line: 3    jarāmaraṇavarjito bʰaviṣyasi. tato rājā tat pʰalaṃ gr̥hītvā tasmai
Line: 4    bahūny agrahārāṇi dattvā visasarja, vicārayati sma: aho, mamai/tatpʰalabʰakṣaṇad
Line: 5    amaratvam bʰaviṣyati. mamā 'nangasenāyām
Line: 6    atiprītiḥ. sā mayi jīvaty eva mariṣyati. tasya viyogaduḥkʰam
Line: 7    soḍʰum na śaknomi. tasmad idaṃ pʰalaṃ mama praṇapriyāyā


Line: 8    anaṅgasenāyai dāsyāmī 'ty anaṅgasenām āhūya dattavān. tasyā
Line: 9    anaṅgasenāyā māndurikaḥ kaścit priyatamaḥ, sā punar vicārya tasmai
Line: 10    tat pʰalaṃ dadau. tasya māndurikasya kācid dāsī priyatamā, sa
Line: 11    tasyai prādāt. dāsyā api kasmim̐ścid gopālake prītiḥ, sā tasmai datta/vatī.
Line: 12    tasyā 'pi kasyāṃcid gomayadʰāriṇyāṃ mahat prema, so 'pi
Line: 13    tasyai prayaccʰat. tataḥ sā gomayadʰāriṇī grāmād bahir gomayaṃ
Line: 14    dʰr̥tvā gomayabʰājanaṃ svaśirasi nidʰāya tadupari tat pʰalaṃ
Line: 15    nikṣipya yāvad rājavītʰyām āgaccʰati, tāvad rājā bʰartr̥harī rāja/kumāraiḥ
Line: 16    saha vaihālīṃ gaccʰam̐s tasyāḥ śirasi stʰāpitagomayā/grastʰitaṃ
Line: 17    tat pʰalaṃ dr̥ṣṭvā gr̥hītvā vyāgʰuṭya gr̥ham āgataḥ.
Line: 18    tatas taṃ brāhmaṇam āhūyā 'vādīt: bʰo brāhmaṇa, tvayā yat
Line: 19    pʰalaṃ dattaṃ tādr̥śam anyat pʰalam asti kim? brāhmaṇeno
Line: 20     'ktam: bʰo rājan, tat pʰalaṃ devatāvaraprasādalabdʰaṃ divyam;
Line: 21    tādr̥śaṃ pʰalaṃ bʰūloke nā 'sti. anyac ca: raja nama sākṣād īśvaraḥ,
Line: 22    tasya purato 'nr̥taṃ na vācyam. sa devavan nirīkṣaṇīyaḥ. tatʰā co
Line: 23     'ktam:


Strophe: 7 
Verse: a    sarvadevamayo rājā r̥ṣibʰiḥ parikīrtitaḥ;
Verse: b    tasmāt taṃ devavat paśyen na vyalīkaṃ vadet sudʰīḥ. \\7\\
Strophe:   Verse:  


Paragraph: 7 
Line: 1    tato rājñā bʰaṇitam: tādr̥śaṃ pʰalaṃ dr̥śyate cet, katʰam? brāh/maṇo
Line: 2     'bravīt: tat pʰalaṃ bʰakṣitaṃ vā na vā? rājā 'bʰaṇat: na
Line: 3    mayā bʰakṣitaṃ tat pʰalam, mama prāṇavallabʰāyā anaṅgasenayai
Line: 4    dattam. brāhmaṇeno 'ktam: tarhi tāṃ pr̥ccʰa, tat pʰalaṃ kiṃ
Line: 5    bʰakṣitam iti. tato rājā 'naṅgasenām āhūya śapatʰaṃ kārayitvā
Line: 6     'pr̥ccʰat. tayo 'ktam: tat pʰalaṃ māndurikasya dattam iti. tataḥ
Line: 7    sa ākāritaḥ pr̥ṣṭo dāsyai dattam ity akatʰayat. dāsī gopāle, gopālo
Line: 8    gomayadʰāriṇyai dattam ity avādīt. tato jātasaṃpratyayo raja
Line: 9    paramaviṣādaṃ gatvā ślokam apaṭʰat:


Strophe: 8 
Verse: a    rūpe manohāriṇi yauvane ca
Verse: b    vr̥tʰai 'va pum̐sām abʰimānabuddʰiḥ;
Verse: c    natabʰruvāṃ cetasi cittajanmā
Verse: d    prabʰur yad eve 'ccʰati tat karoti. \\8\\
Strophe:   Verse:  


Paragraph: 8 
Line: 1    punaś ca: aho strīṇāṃ cittaṃ caritraṃ kenāpi jñātuṃ na śakyate.
Line: 2    tatʰā co 'ktam:


Strophe: 9 
Verse: a    aśvaplutaṃ vāsavagarjitaṃ ca,
Verse: b    strīṇāṃ ca cittaṃ, puruṣasya bʰāgyam,
Verse: c    avarṣaṇaṃ cā 'py ativarṣaṇam ca,
Verse: d    devo na jānāti - kuto manuṣyaḥ? \\9\\
Strophe:   Verse:  


Paragraph: 9 
Line: 1    tatʰā ca:


Strophe: 10 
Verse: a    gr̥hṇanti vipine vyāgʰraṃ, vihaṃgaṃ gagane stʰitam,
Verse: b    sarinmadʰye gataṃ mīnaṃ, na strīṇāṃ capalaṃ manaḥ. \\10\\
Strophe:   Verse:  


Paragraph: 10 
Line: 1    kiṃ ca:


Strophe: 11 
Verse: a    vandʰyāputrasya rājyaśrīḥ puṣpaśrir gaganasya ca
Verse: b    bʰaved eva, na tu strīṇāṃ manaḥśuddʰir manāg api. \\11\\
Strophe:   Verse:  


Paragraph: 11 
Line: 1    api ca:


Strophe: 12 
Verse: a    sukʰaduḥkʰajayaparājayajīvitamaraṇāni ye vijānanti,
Verse: b    muhyanti te 'pi nūnaṃ tattvavidaś ceṣṭitaiḥ strīṇām. \\12\\
Strophe:   Verse:  


Paragraph: 12 
Line: 1    anyac ca:


Strophe: 13 
Verse: a    smaropamam api prāpya vāñcʰanti puruṣāntaram
Verse: b    nāryaḥ sarvāḥ svabʰāvena, vadantī 'ty amalāśayāḥ. \\13\\
Strophe:   Verse:  


Paragraph: 13 
Line: 1    tatʰā ca:


Strophe: 14 
Verse: a    vinā japena mantreṇa tantreṇa vinayena ca
Verse: b    vañcayanti naraṃ nāryaḥ prajñādʰanam api kṣaṇāt. \\14\\
Strophe: 15  
Verse: a    kulajātiparibʰraṣṭaṃ nikr̥ṣṭaṃ duṣṭaceṣṭitam
Verse: b    aspr̥śyam adʰamaṃ prāyo manye strīṇāṃ priyaṃ varam. \\15\\
Strophe: 16  
Verse: a    gauraveṣu pratiṣṭʰāsu guṇeṣv ārādʰyakoṭiṣu
Verse: b    vr̥tʰā 'pi ca nimajjanti doṣapaṅke svayaṃ striyaḥ. \\16\\
Strophe: 17  
Verse: a    etā hasanti ca rudanti ca vittahetor,
Verse: b    viśvāsayanti ca naraṃ na tu viśvasanti;
Verse: c    tasmān nareṇa kulaśīlavatā sadai 'va
Verse: d    nāryaḥ śmaśānavaṭikā iva varjanīyāḥ. \\17\\
Strophe:   Verse:  


Paragraph: 14 
Line: 1    anyac ca:


Strophe: 18 
Verse: a    na vairāgyāt paraṃ bʰāgyaṃ, na bodʰād aparaṃ sukʰam,
Verse: b    na harer aparas trātā, na saṃsārāt paro ripuḥ. \\18\\
Strophe:   Verse:  


Paragraph: 15 
Line: 1    itī 'daṃ padyaṃ paṭʰitvā paramam vairāgyaṃ gato bʰartr̥harir
Line: 2    vikramārkaṃ rājye 'bʰiṣicya svayaṃ vanaṃ jagāma.

Line: 3    iti bʰartrharer vairāgyakatʰā




Next part


This text is part of the TITUS edition of Vikramacarita (SR).

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.