TITUS
Author: Kalidasa 
Kālidāsa
Genre: Poems 
Poems

Work: Rtus. 
Rtusaṃhāra


On the basis of the edition
Meghadūta (Le Nuage Messager). Poème élégiaque de Kālidāsa.
Traduit et annoté par R.H. Assier de Pompingan.
En appendice: Rtusaṃhāra (Les saisons). Poème descriptif attribué à Kālidāsa.
(Texte et Traduction.)
Paris 1938
entered and edited by
Peter Olivier, Jost Gippert and Avinash Sathaye, 1996;
TITUS version by Jost Gippert,
Frankfurt a/M, 27.10.1997 / 28.2.1998 / 21.6.1998 / 15.3.2000 / 1.6.2000 / 3.12.2008




Paragraph: 1 
atʰa grīṣmaḥ //


Strophe: 1 
Verse: a    pracaṇḍasūryaḥ spr̥haṇīyacandramāḥ
Verse: b    sadāvagāhakṣatavārisañcayaḥ /
Verse: c    dināntaramyo 'bʰyupaśāntamanmatʰo
Verse: d    nidāgʰakālaḥ samupāgataḥ {nidāgʰakālo 'yamupāgataḥ} priye // 1 //

Strophe: 2 
Verse: a    niśāḥ śaśāṅkakṣatanīlarājayaḥ
Verse: b    kva cidvicitraṃ jalayantramandiram /
Verse: c    maṇiprakārāḥ sarasaṃ ca candanaṃ
Verse: d    śucau priye yānti janasya sevyatām // 2 //

Strophe: 3 
Verse: a    suvāsitaṃ harmyatalaṃ manoramaṃ {manoharaṃ}
Verse: b    priyāmukʰoccʰvāsavikampitaṃ madʰu /
Verse: c    sutantrigītaṃ madanasya dīpanaṃ
Verse: d    śucau niśītʰe 'nubʰavanti kāminaḥ // 3 //

Strophe: 4 
Verse: a    nitambabimbaiḥ sudukūlamekʰalaiḥ
Verse: b    stanaiḥ sahārābʰaraṇaiḥ sacandanaiḥ /
Verse: c    śiroruhaiḥ snānakaṣāyavāsitaiḥ
Verse: d    striyo nidāgʰaṃ śamayanti kāminām // 4 //

Strophe: 5 
Verse: a    nitāntalākṣārasarāgalohitair
Verse: b    nitambinīnāṃ caraṇaiḥ sunūpuraiḥ /
Verse: c    pade pade ham̐sarutānukāribʰir
Verse: d    janasya cittaṃ kriyate samanmatʰam // 5 //

Strophe: 6 
Verse: a    payodʰarāścandanapaṅkacarcitās
Verse: b    tuṣāragaurārpitahāraśekʰarāḥ /
Verse: c    nitambadeśāścalahemamekʰalāḥ
Verse: d    prakurvate kasya mano na sotsukam // 6 //

Strophe: 7 
Verse: a    samudgatasvedacitāṅgasaṃdʰayo
Verse: b    vimucya vāsām̐si gurūṇi sāṃpratam /
Verse: c    staneṣu tanvam̐śukamunnatastanā
Verse: d    niveśayanti pramadāḥ sayauvanāḥ // 7 //

Strophe: 8 
Verse: a    sacandanāmbuvyajanodbʰavānilaiḥ
Verse: b    sahārayaṣṭistanamaṇḍalārpitaiḥ /
Verse: c    savallakīkākaligītaniḥsvanaiḥ
Verse: d    prabudʰyate {vibodʰyate} supta ivādya manmatʰaḥ // 8 //

Strophe: 9 
Verse: a    siteṣu harmyeṣu niśāsu yoṣitāṃ
Verse: b    sukʰaprasuptāni mukʰāni candramāḥ
Verse: c    vilokya niryantraṇamutsukaściraṃ
Verse: d    niśākṣaye yāti hriyeva pāṇḍutām // 9 //

Strophe: 10 
Verse: a    asahyavātoddʰatareṇumaṇḍalā
Verse: b    pracaṇḍasūryātapatāpitā mahī /
Verse: c    na śakyate draṣṭumapi pravāsibʰiḥ
Verse: d    priyāviyogānaladagdʰamānasaiḥ // 10 //

Strophe: 11 
Verse: a    mr̥gāḥ pracaṇḍātapatāpitā bʰr̥śaṃ
Verse: b    tr̥ṣā mahatyā pariśuṣkatālavaḥ /
Verse: c    vanāntare toyamiti pradʰāvitā
Verse: d    nirīkṣya bʰinnāñjanasaṃnibʰaṃ nabʰaḥ // 11 //

Strophe: 12 
Verse: a    savibʰramaiḥ sasmitajihmavīkṣitair
Verse: b    vilāsavatyo manasi prasaṅginām {pravāsināṃ}/
Verse: c    anam̐gasam̐dīpanamāśu kurvate
Verse: d    yatʰā pradoṣāḥ śaśicārubʰūṣaṇāḥ // 12 //

Strophe: 13 
Verse: a    ravermayūkʰairabʰitāpito bʰr̥śaṃ
Verse: b    vidahyamānaḥ patʰi taptapām̐subʰiḥ /
Verse: c    avāṅmukʰo jihmagatiḥ śvasan muhuḥ
Verse: d    pʰaṇī mayūrasya tale niṣīdati // 13 //

Strophe: 14 
Verse: a    tr̥ṣā mahatyā hatavikramodyamaḥ
Verse: b    śvasan muhurbʰūrividāritānanaḥ /
Verse: c    na hantyadure 'pi gajān mr̥gādʰipo
Verse: d    vilolajihvaścalitāgrakesaraḥ // 14 //

Strophe: 15 
Verse: a    viśuṣkakanṭʰāhataśīkarāmbʰaso
Verse: b    gabʰastibʰirbʰānumato 'bʰitāpitāḥ /
Verse: c    pravr̥ddʰatr̥ṣṇopahatā jalārtʰino
Verse: d    na dantinaḥ kesariṇo 'pi bibʰyati // 15 //

Strophe: 16 
Verse: a    hutāgnikalpaiḥ saviturmarīcibʰiḥ
Verse: b    kalāpinaḥ klāntaśarīracetasaḥ /
Verse: c    na bʰoginaṃ gʰnanti samīpavartinaṃ
Verse: d    kalāpacakreṣu niveśitānanam // 16 //

Strophe: 17 
Verse: a    sabʰadramustaṃ paripāṇḍukardamaṃ
Verse: b    saraḥ kʰanannāyatapotramaṇḍalaiḥ
Verse: c    pradīptabʰāso raviṇā vitāpito {ravermayūkʰairabʰitāpito bʰr̥śaṃ}
Verse: d    varāhayūtʰo viśatīva bʰūtalam // 17 //

Strophe: 18 
Verse: a    vivasvatā tīkṣṇatarām̐śumālinā
Verse: b    sapaṅkatoyāt saraso 'bʰitāpitaḥ /
Verse: c    utplutya bʰekastr̥ṣitasya bʰoginaḥ
Verse: d    pʰaṇātapatrasya tale niṣīdati // 18 //

Strophe: 19 
Verse: a    samuddʰr̥tāśeṣamr̥ṇālajālakaṃ
Verse: b    vipannamīnaṃ drutabʰītasārasaṃ
Verse: c    parasparotpīḍanasam̐hatairgajaiḥ
Verse: d    kr̥taṃ saraḥ sāndravimardakardamam // 19 //

Strophe: 20 
Verse: a    raviprabʰodbʰinnaśiromaṇiprabʰo
Verse: b    vilolajihvādvayalīḍʰamārutaḥ /
Verse: c    viṣāgnisūryātapatāpitaḥ pʰaṇī {hutāgnisūryātapatāpitaḥ}
Verse: d    na hanti maṇḍūkakulaṃ tr̥ṣākulaḥ // 20 //

Strophe: 21 
Verse: a    sapʰenalālāvr̥tavaktrasaṃpuṭaṃ
Verse: b    vinirgatālohitajihvamunmukʰam {viniḥsr̥tā} /
Verse: c    tr̥ṣākulaṃ niḥsr̥tamadrigahvarāda
Verse: d    gaveṣamāṇaṃ mahiṣīkulaṃ jalam // 21 //

Strophe: 22 
Verse: a    paṭutaradavadāhotpluṣṭaśaṣpaprarohāḥ
Verse: b    paruṣapavanavegotkṣiptasam̐śuṣkaparṇāḥ /
Verse: c    dinakaraparitāpakṣīṇatoyāḥ samantāda
Verse: d    vidadʰati bʰayamuccairvīkṣyamāṇā vanāntāḥ // 22 //

Strophe: 23 
Verse: a    śvasiti vihagavargaḥ śīrṇaparṇadrumastʰaḥ
Verse: b    kapikulamupayāti klāntamadrernikuñjam /
Verse: c    bʰramati gavayayūtʰaḥ sarvatastoyamiccʰañ
Verse: d    śarabʰakulamajihmaṃ proddʰaratyambukūpāt // 23 //

Strophe: 24 
Verse: a    vikacanavakusumbʰasvaccʰasindūrabʰāsā
Verse: b    prabalapavanavegoddʰūtavegena tūrṇam /
Verse: c    taruviṭapalatāgrālim̐ganavyākulena
Verse: d    diśi diśi paridagdʰā bʰūmayaḥ pāvakena // 24 //

Strophe: 25 
Verse: a    dʰvanati pavanaviddʰaḥ {pavanavr̥ddʰaḥ} parvatānāṃ darīṣu
Verse: b    spʰuṭati paṭuninādaḥ śuṣkavam̐śastʰalīṣu /
Verse: c    prasarati tr̥ṇamadʰye labdʰavr̥ddʰiḥ kṣaṇena
Verse: d    kṣapayati {glapayati} mr̥gavargaṃ prāntalagno davāgniḥ // 25 //

Strophe: 26 
Verse: a    bahutara iva jātaḥ śālmalīnāṃ vaneṣu
Verse: b    spʰurati kanakagauraḥ koṭareṣu drumāṇām /
Verse: c    pariṇatadalaśākʰānutpatatyāśu {utpatan prām̐śu} vr̥kṣāda
Verse: d    bʰramati pavanadʰūtaḥ sarvato 'gnirvanānte // 26 //

Strophe: 27 
Verse: a    gajagavayamr̥gendrā vahnisam̐taptadehāḥ
Verse: b    suhr̥da iva sametā dvandvabʰāvaṃ vihāya /
Verse: c    hutavahaparikʰedādāśu nirgatya kakṣāda
Verse: d    vipulapulinadeśāṃ nimnagāṃ sam̐viśam̐ti // 27 //

Strophe: 28 
Verse: a    kamalavanacitāmbuḥ pāṭalāmodaramyaḥ
Verse: b    sukʰasalilaniṣekaḥ sevyacandrām̐śujālaḥ {sevyacandrām̐śuhāraḥ}/
Verse: c    vrajatu tava nidāgʰaḥ kāminībʰiḥ sameto
Verse: d    niśi sulalitagītairharmyapr̥ṣṭʰe sukʰena // 28 //



iti grīṣmaḥ //


Next part


This text is part of the TITUS edition of Kalidasa, Rtusamhara.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.