TITUS
Kalidasa, Kumarasambhava
Part No. 2
Previous part

Sanga: 2  

Metre: A    (anuṣṭubʰ)

Strophe: 1  
Verse: ab     tasmin viprakr̥tāḥ kāle tārakeṇa divaukasaḥ
   tasmin viprakr̥tās~ kāle / tārakeṇa diva=okasas~

Verse: cd     turāsāhaṃ purodʰāya dʰāma svāyaṃbʰuvaṃ yayuḥ
   turā-sāham~ puras=dʰāya / dʰāma svāyam=bʰuvam~ yayur~

Strophe: 2  
Verse: ab     teṣām āvirabʰūd brahmā parimlānamukʰaśriyām
   teṣām āvis=abʰūt~ brahmā / parimlāna-mukʰa-śriyām

Verse: cd     sarasāṃ suptapadmānāṃ prātar dīdʰitimān iva
   sarasāṃ supta-padmānām~ / prātar dīdʰitimān iva

Strophe: 3  
Verse: ab     atʰa sarvasya dʰātāraṃ te sarve sarvatomukʰam
   atʰa sarvasya dʰātāraṃ / te sarve sarvato-mukʰam

Verse: cd     vāgīśaṃ vāgbʰir artʰyābʰiḥ praṇipatyopatastʰire
   vāk=īśam~ vāgbʰis~ artʰyābʰis~ / praṇipatya~ upatastʰire

Strophe: 4  
Verse: ab     namas trimūrtaye tubʰyaṃ prāk sr̥ṣṭeḥ kevalātmane
   namas tri-mūrtaye tubʰyam~ / prāk sr̥ṣṭes~ kevala=ātmane

Verse: cd     guṇatrayavibʰāgāya paścād bʰedam upeyuṣe
   guṇa-traya-vibʰāgāya / paścāt~ bʰedam upeyuṣe

Strophe: 5  
Verse: ab     yad amogʰam apām antar uptaṃ bījam aja tvayā
   yad amogʰam apām antar / uptam~ bījam aja tvayā

Verse: cd     ataś carācaraṃ viśvaṃ prabʰavas tasya gīyase
   atas~ cara=acaram~ viśvam~ / prabʰavas tasya gīyase

Strophe: 6  
Verse: ab     tisr̥bʰis tvam avastʰābʰir mahimānam udīrayan
   tisr̥bʰis tvam avastʰābʰis~ / mahimānam udīrayan

Verse: cd     pralayastʰitisargāṇām ekaḥ kāraṇatāṃ gataḥ
   pralaya-stʰiti-sargāṇām / ekas~ kāraṇatām~ gatas~

Strophe: 7  
Verse: ab     strīpuṃsāv ātmabʰāgau te bʰinnamūrteḥ sisr̥kṣayā
   strī-puṃsau~ ātma-bʰāgau te / bʰinna-mūrtes~ sisr̥kṣayā

Verse: cd     prasūtibʰājaḥ sargasya tāv eva pitarau smr̥tau
   prasūti-bʰājas~ sargasya / tau~ eva pitarau smr̥tau

Strophe: 8  
Verse: ab     svakālaparimāṇena vyastarātrindivasya te
   sva-kāla-parimāṇena / vyasta-rātrin-divasya te

Verse: cd     yau tu svapnāvabodʰau tau bʰūtānāṃ pralayodayau
   yau tu svapna=avabodʰau tau / bʰūtānām~ pralaya=udayau

Strophe: 9  
Verse: ab     jagadyonir ayonis tvaṃ jagadanto nirantakaḥ
   jagat=yonis~ ayonis tvam~ / jagat=antas~ nirantakas~

Verse: cd     jagad-ādir anādis tvaṃ / jagad-īśo nirīśvaraḥ
   jagat=ādis~ an-ādis tvam~ / jagat=īśas~ nirīśvaras~

Strophe: 10  
Verse: ab     ātmānam ātmanā vetsi sr̥jasy ātmānam ātmanā
   ātmānam ātmanā vetsi / sr̥jasi~ ātmānam ātmanā

Verse: cd     ātmanā kr̥tinā ca tvam ātmany eva pralīyase
   ātmanā kr̥tinā ca tvam / ātmani~ eva pralīyase

Strophe: 11  
Verse: ab     dravaḥ saṃgʰātakaṭʰinaḥ stʰūlaḥ sūkṣmo lagʰur guruḥ
   dravas~ saṃgʰāta-kaṭʰinas~ / stʰūlas~ sūkṣmas~ lagʰus~ gurus~

Verse: cd     vyakto vyaktetaraś cāsi prākāmyaṃ te vibʰūtiṣu
   vyaktas~ vyakta=itaras~ ca~ asi / prākāmyam~ te vibʰūtiṣu

Strophe: 12  
Verse: ab     udgʰātaḥ praṇavo yāsāṃ nyāyais tribʰir udīraṇam
   udgʰātas~ praṇavas~ yāsām~ / nyāyais tribʰis~ udīraṇam

Verse: cd     karma yajñaḥ pʰalaṃ svargas tāsāṃ tvaṃ prabʰavo girām
   karma yajñas~ pʰalam~ svargas / tāsām~ tvam~ prabʰavas~ girām

Strophe: 13  
Verse: ab     tvām āmananti prakr̥tiṃ puruṣārtʰapravartinīm
   tvām āmananti prakr̥tim~ / puruṣa=artʰa-pravartinīm

Verse: cd     taddarśinam udāsīnaṃ tvām eva puruṣaṃ viduḥ
   tad-darśinam udāsīnaṃ / tvām eva puruṣam~ vidur~

Strophe: 14  
Verse: ab     tvaṃ pitr̥̄ṇām api pitā devānām api devatā
   tvam~ pitr̥̄ṇām api pitā / devānām api devatā

Verse: cd     parato 'pi paraś cāsi vidʰātā vedʰasām api
   paratas~ api paras~ ca~ asi / vidʰātā vedʰasām api

Strophe: 15  
Verse: ab     tvam eva havyaṃ hotā ca bʰojyaṃ bʰoktā ca śāśvataḥ
   tvam eva havyam~ hotā ca / bʰojyam~ bʰoktā ca śāśvatas~

Verse: cd     vedyaṃ vedayitā cāsi dʰyātā dʰyeyaṃ ca yat param
   vedyam~ vedayitā ca~ asi / dʰyātā dʰyeyam~ ca yad~ param

Strophe: 16  
Verse: ab     iti tebʰyaḥ stutīḥ śrutvā yatʰārtʰā hr̥dayaṃgamāḥ
   iti tebʰyas~ stutīs~ śrutvā / yatʰa=artʰās~ hr̥dayam=gamās~


Verse: cd     prasādābʰimukʰo vedʰāḥ pratyuvāca divaukasaḥ
   prasāda=abʰimukʰas~ vedʰās~ / pratyuvāca diva=okasas~

Strophe: 17  
Verse: ab     purāṇasya kaves tasya caturmukʰasamīritā
   purāṇasya kaves tasya / catur-mukʰa-samīritā

Verse: cd     pravr̥ttir āsīc cʰabdānāṃ caritārtʰā catuṣṭayī
   pravr̥ttis~ āsīt~ śabdānām~ / carita=artʰā catuṣṭayī

Strophe: 18  
Verse: ab     svāgataṃ svān adʰī*-kārān / prabʰāvair avalambya vaḥ
   svāgatam~ svān adʰī-kārān / prabʰāvais~ avalambya vas~

Verse: cd     yugapad yugabāhubʰyaḥ prāptebʰyaḥ prājyavikramāḥ
   yuga-pad yuga-bāhubʰyas~ / prāptebʰyas~ prājya-vikramās~

Strophe: 19  
Verse: ab     kim iti dyutim ātmīyāṃ na bibʰrati yatʰā purā
   kim iti dyutim ātmīyām~ / na bibʰrati yatʰā purā

Verse: cd     himakliṣṭaprakāśāni jyotīṃṣīva mukʰāni vaḥ
   hima-kliṣṭa-prakāśāni / jyotīṃṣi~ iva mukʰāni vas~?

Strophe: 20  
Verse: ab     praśamād arciṣām etad anudgīrṇasurāyudʰam
   praśamād arciṣām etad / an-udgīrṇa-sura=āyudʰam

Verse: cd     vr̥trasya hantuḥ kuliśaṃ kuṇṭʰitāśrīva lakṣyate
   vr̥trasya hantur~ kuliśam~ / kuṇṭʰita=aśri~ iva lakṣyate

Strophe: 21  
Verse: ab     kiṃ cāyam aridurvāraḥ pāṇau pāśaḥ pracetasaḥ
   kim~ ca~ ayam ari-durvāras~ / pāṇau pāśas~ pracetasas~

Verse: cd     mantreṇa hatavīryasya pʰaṇino dainyam āśritaḥ
   mantreṇa hata-vīryasya / pʰaṇinas~ dainyam āśritas~?

Strophe: 22  
Verse: ab     kuberasya manaḥśalyaṃ śaṃsatīva parābʰavam
   kuberasya manas=śalyam~ / śaṃsati~ iva parābʰavam

Verse: cd     apaviddʰagado bāhur bʰagnaśākʰa iva drumaḥ
   apaviddʰa-gadas~ bāhus~ / bʰagna-śākʰas~ iva drumas~

Strophe: 23  
Verse: ab     yamo 'pi vilikʰan bʰūmiṃ daṇḍenāstamitatviṣā
   yamas~ api vilikʰan bʰūmim~ / daṇḍena~ astam-ita-tviṣā

Verse: cd     kurute '*sminn amogʰe 'pi nirvāṇālātalāgʰavam
   kurute ~asmin~ a-mogʰe ~api / nirvāṇa=alāta-lāgʰavam

Strophe: 24  
Verse: ab     amī *ca katʰam ādityāḥ pratāpakṣatiśītalāḥ
   amī ca katʰam ādityās~ / pratāpa-kṣati-śītalās~

Verse: cd     citranyastā iva gatāḥ prakāmālokanīyatām
   citra-nyastās~ iva gatās~ / prakāma=ālokanīyatām

Strophe: 25  
Verse: ab     paryākulatvān marutāṃ vegabʰaṅgo '*numīyate
   paryākulatvād~ marutām~ / vega-bʰaṅgas~ anumīyate

Verse: cd     ambʰasām ogʰasaṃrodʰaḥ pratīpagamanād iva
   ambʰasām ogʰa-saṃrodʰas~ / pratīpa-gamanāt~ iva

Strophe: 26  
Verse: ab     āvarjitajaṭāmaulivilambiśaśikoṭayaḥ
   āvarjita-jaṭā-*mauli/-vilambi-śaśi-koṭayas~

Verse: cd     rudrāṇām api mūrdʰānaḥ kṣatahuṃkāraśaṃsinaḥ
   rudrāṇām api mūrdʰānas~ / kṣata-hum=kāra-śaṃsinas~

Strophe: 27  
Verse: ab     labdʰapratiṣṭʰāḥ pratʰamaṃ yūyaṃ kiṃ balavattaraiḥ
   labdʰa-pratiṣṭʰās~ pratʰamam~ / yūyam~ kim~ balavattarais~

Verse: cd     apavādair ivotsargāḥ kr̥tavyāvr̥ttayaḥ paraiḥ
   apavādais~ iva~ utsargās~ / kr̥ta-vyāvr̥ttayas~ parais~?

Strophe: 28  
Verse: ab     tad brūta vatsāḥ kim itaḥ prārtʰayadʰve samāgatāḥ
   tad brūta vatsās~ kim itas~ / prārtʰayadʰve samāgatās~?

Verse: cd     mayi sr̥ṣṭir hi lokānāṃ rakṣā yuṣmāsv avastʰitā
   mayi sr̥ṣṭis~ hi lokānām~ / rakṣā yuṣmāsu~ avastʰitā

Strophe: 29  
Verse: ab     tato mandāniloddʰūtakamalākaraśobʰinā
   tatas~ manda=anila=uddʰūta/-kamala=ākara-śobʰinā

Verse: cd     guruṃ netrasahasreṇa codayām āsa vāsavaḥ
   gurum~ netra-sahasreṇa / codayām āsa vāsavas~

Strophe: 30  
Verse: ab     sa dvinetraṃ hareś cakṣuḥ sahasranayanādʰikam
   (Var.: sa dvinetro)
   sa dvi-netram~ hares~ cakṣus~ / sahasra-nayana=adʰikam
   (Var.: sa dvi-netras~)

Verse: cd     vācaspatir uvācedaṃ prāñjalir jalajāsanam
   vācas-patis~ uvāca~ idam~ / prāñjalis~ jala-ja=āsanam

Strophe: 31  
Verse: ab     evaṃ yad āttʰa bʰagavann āmr̥ṣṭaṃ naḥ paraiḥ padam
   evam~ yad āttʰa bʰagavan~ / āmr̥ṣṭam~ nas~ parais~ padam

Verse: cd     pratyekaṃ viniyuktātmā katʰaṃ na jñāsyasi prabʰo
   pratyekam~ viniyukta=ātmā / katʰam~ na jñāsyasi prabʰo?

Strophe: 32  
Verse: ab     bʰavallabdʰavarodīrṇas tārakākʰyo mahāsuraḥ
   bʰavan=labdʰa-vara=udīrṇas / tāraka=ākʰyas~ mahā=asuras~

Verse: cd     upaplavāya lokānāṃ dʰūmaketur ivottʰitaḥ
   upaplavāya lokānām~ / dʰūma-ketus~ iva~ uttʰitas~

Strophe: 33  
Verse: ab     pure tāvantam evāsya tanoti ravir ātapam
   pure tāvantam eva~ asya / tanoti ravis~ ātapam

Verse: cd     dīrgʰikākamalonmeṣo yāvanmātreṇa sādʰyate
   dīrgʰikā-kamala=unmeṣas~ / yāvat=mātreṇa sādʰyate

Strophe: 34  
Verse: ab     sarvābʰiḥ sarvadā candras taṃ kalābʰir niṣevate
   sarvābʰis~ sarvadā candras / tam~ kalābʰis~ niṣevate

Verse: cd     nādatte kevalāṃ lekʰāṃ haracūḍāmaṇīkr̥tā*m
   na~ ādatte kevalām~ lekʰām~ / hara-cūḍā-maṇī-kr̥tām

Strophe: 35  
Verse: ab     vyāvr̥ttagatir udyāne kusumasteyasādʰvasāt
   vyāvr̥tta-gatis~ udyāne / kusuma-steya-sādʰvasāt

Verse: cd     na vāti vāyus tatpārśve tālavr̥ṇtānilādʰikam
   na vāti vāyus tad=pārśve / tāla-vr̥ṇta=anila=adʰikam

Strophe: 36  
Verse: ab     paryāyasevām utsr̥jya puṣpasaṃbʰāratatparāḥ
   paryāya-sevām utsr̥jya / puṣpa-saṃbʰāra-tad=parāḥ

Verse: cd     udyānapālasāmānyam r̥tavas tam upāsate
   udyāna-pāla-sāmānyam / r̥tavas tam upāsate

Strophe: 37  
Verse: ab     tasyopāyanayogyāni ratnāni saritāṃ patiḥ
   tasya~ upāyana-yogyāni / ratnāni saritām~ patis~

Verse: cd     katʰam apy ambʰasām antar ā niṣpatteḥ pratīkṣate
   katʰam api~ ambʰasām antar / ā niṣpattes~ pratīkṣate

Strophe: 38  
Verse: ab     jvalanmaṇiśikʰāś cainaṃ vāsukipramukʰā niśi
   jvalan-maṇi-śikʰās~ ca~ enam~ / vāsuki-pramukʰās~ niśi

Verse: cd     stʰirapradīpatām etya bʰujaṅgāḥ paryupāsate
   stʰira-pradīpatām etya / bʰujam=gās~ paryupāsate

Strophe: 39  
Verse: ab     tatkr̥tānugrahāpekṣī taṃ muhur dūtahāritaiḥ
   tad=kr̥ta=anugraha=apekṣī / tam~ muhur dūta-hāritais~

Verse: cd     anukūlayatīndro 'pi kalpadrumavibʰūṣaṇaiḥ
   anukūlayati~ indras~ api / kalpa-druma-vibʰūṣaṇais~

Strophe: 40  
Verse: ab     ittʰam ārādʰyamāno 'pi kliśnāti bʰuvanatrayam
   ittʰam ārādʰyamānas~ api / kliśnāti bʰuvana-trayam

Verse: cd     śāmyet pratyapakāreṇa nopakāreṇa durjanaḥ
   śāmyet pratyapakāreṇa / na~ upakāreṇa durjanas~

Strophe: 41  
Verse: ab     tenāmaravadʰūhastaiḥ sadayālūnapallavāḥ
   tena~ amara-vadʰū-hastais~ / sa-daya=ālūna-pallavās~

Verse: cd     abʰijñāś cʰedapātānāṃ kriyante nandanadrumāḥ
   abʰijñās~ cʰeda-pātānām~ / kriyante nandana-drumās~

Strophe: 42  
Verse: ab     vījyate sa hi saṃsuptaḥ śvāsasādʰāraṇānilaiḥ
   vījyate sa hi saṃsuptas~ / śvāsa-sādʰāraṇa=anilais~

Verse: cd     cāmaraiḥ surabandīnāṃ bāṣpasīkaravarṣibʰiḥ
   cāmarais~ sura-bandīnām~ / bāṣpa-sīkara-varṣibʰis~

Strophe: 43  
Verse: ab     utpāṭya meruśr̥ṅgāṇi kṣuṇṇāni haritāṃ kʰuraiḥ
   utpāṭya meru-śr̥ṅgāṇi / kṣuṇṇāni haritām~ kʰurais~

Verse: cd     ākrīḍaparvatās tena kalpitāḥ sveṣu veśmasu
   ākrīḍa-parvatās tena / kalpitās~ sveṣu veśmasu

Strophe: 44  
Verse: ab     mandākinyāḥ payaḥ śeṣaṃ digvāraṇamadāvilam
   mandākinyās~ payas~ śeṣam~ / dig-vāraṇa-mada=āvilam

Verse: cd     hemāmbʰoruhasasyānāṃ tadvāpyo dʰāma sāṃpratam
   hema=ambʰas=ruha-sasyānām~ / tad-vāpyas~ dʰāma sāṃpratam

Strophe: 45  
Verse: ab     bʰuvanālokanaprītiḥ svargibʰir nānubʰūyate
   bʰuvana=ālokana-prītis~ / svargibʰis~ na~ anubʰūyate

Verse: cd     kʰilībʰūte vimānānāṃ tadāpātabʰayāt patʰi
   kʰilī-bʰūte vimānānām~ / tad-āpāta-bʰayāt patʰi

Strophe: 46  
Verse: ab     yajvabʰiḥ saṃbʰr̥taṃ havyaṃ vitateṣv adʰvareṣu saḥ
   yajvabʰis~ saṃbʰr̥tam~ havyam~ / vitateṣu~ adʰvareṣu sas~

Verse: cd     jātavedomukʰān māyī miṣatām āccʰinatti naḥ
   jāta-vedas=mukʰāt~ māyī / miṣatām āccʰinatti nas~

Strophe: 47  
Verse: ab     uccair uccaiḥśravās tena hayaratnam ahāri ca
   uccais~ uccais=śravās tena / haya-ratnam ahāri ca

Verse: cd     dehabaddʰam ivendrasya cirakālārjitaṃ yaśaḥ
   deha-baddʰam iva~ indrasya / cira-kāla=arjitam~ yaśas~

Strophe: 48  
Verse: ab     tasminn upāyāḥ sarve naḥ krūre pratihatakriyāḥ
   tasmin~ upāyās~ sarve nas~ / krūre pratihata-kriyās~

Verse: cd     vīryavanty auṣadʰānīva vikāre sānnipātike
   vīryavanti~ auṣadʰāni~ iva / vikāre sānnipātike

Strophe: 49  
Verse: ab     jayāśā yatra cāsmākaṃ pratigʰātottʰitārciṣā
   jaya=āśā yatra ca~ asmākam~ / pratigʰāta=uttʰita=arciṣā

Verse: cd     haricakreṇa tenāsya kaṇṭʰe niṣka ivārpitaḥ
   hari-cakreṇa tena~ asya / kaṇṭʰe niṣkas~ iva~ arpitas~

Strophe: 50  
Verse: ab     tadīyās toyadeṣv adya puṣkarāvartakādiṣu
   tadīyās toya-deṣu~ adya / puṣkara=āvartaka=ādiṣu

Verse: cd     abʰyasyanti taṭāgʰātaṃ nirjitairāvatā gajāḥ
   abʰyasyanti taṭa=āgʰātam~ / nirjita=airāvatās~ gajās~

Strophe: 51  
Verse: ab     tad iccʰāmo vibʰo sr̥ṣṭaṃ senānyaṃ tasya śāntaye
   (Var.: sraṣṭuṃ)
   tad iccʰāmas~ vibʰo sr̥ṣṭam~ / senā-*nyam~ tasya śāntaye
   (Var.: sraṣṭum~)

Verse: cd     karmabandʰaccʰidaṃ dʰarmaṃ bʰavasyeva mumukṣavaḥ
   karma-bandʰa=cʰidam~ dʰarmam~ / bʰavasya~ iva mumukṣavas~

Strophe: 52  
Verse: ab     goptāraṃ surasainyānāṃ yaṃ puraskr̥tya gotrabʰit
   goptāram~ sura-sainyānām~ / yam~ puraskr̥tya gotra-bʰid~

Verse: cd     pratyāneṣyati śatrubʰyo bandīm iva jayaśriyam
   (Var.: suraśriyam)
   pratyāneṣyati śatrubʰyas~ / bandīm iva jaya-śriyam
   (Var.: sura-śriyam)

Strophe: 53  
Verse: ab     vacasy avasite tasya sasarja giram ātmabʰūḥ
   (Var.: tasmin)
   vacasi~ avasite tasya / sasarja giram ātma-bʰūs~
   (Var.: tasmin)

Verse: cd     garjitānantarāṃ vr̥ṣṭiṃ saubʰāgyena jigāya sā
   garjita=nantarām~ vr̥ṣṭim~ / sau-bʰāgyena jigāya sā

Strophe: 54  
Verse: ab     saṃpatsyate vaḥ kāmo '*yaṃ kālaḥ kaścit pratīkṣyatām
   saṃpatsyate vas~ kāmas~ ayam~ / kālas~ kaścit pratīkṣyatām

Verse: cd     na tv asya siddʰau yāsyāmi sargavyāpāram ātmanā
   na tu~ asya siddʰau yāsyāmi / sarga-vyāpāram ātmanā

Strophe: 55  
Verse: ab     itaḥ sa daityaḥ prāptaśrīr neta evārhati kṣayam
   itas~ sa daityas~ prāpta-śrīs~ / na~ itas~ eva~ arhati kṣayam

Verse: cd     viṣavr̥kṣo 'pi saṃvardʰya svayaṃ cʰettum asāṃpratam
   viṣa-vr̥kṣas~ api saṃvardʰya / svayam~ cʰettum a-sāṃpratam

Strophe: 56  
Verse: ab     vr̥taṃ tenedam eva prāṅ* mayā cāsmai pratiśrutam
   vr̥tam~ tena~ idam eva prāk~ / mayā ca~ asmai pratiśrutam

Verse: cd     vareṇa śamitaṃ lokān alaṃ dagdʰuṃ hi tattapaḥ
   (Var.: vareṇāśamitaṃ)
   vareṇa śamitam~ lokān / alam~ dagdʰum~ hi tad=tapas~
   (Var.: vareṇa~ aśamitam~)

Strophe: 57  
Verse: ab     saṃyuge sāṃyugīnaṃ tam udyantaṃ prasaheta kaḥ
   (Var.: udyataṃ)
   saṃyuge sāṃyugīnam~ tam / udyantam~ prasaheta kas~
   (Var.: udyatam~)

Verse: cd     aṃśād r̥te niṣiktasya nīlalohitaretasaḥ
   aṃśāt~ r̥te niṣiktasya / nīla-lohita-retasas~?

Strophe: 58  
Verse: ab     sa hi devaḥ paraṃ jyotis tamaḥpāre vyavastʰitam
   (Var.: pratiṣṭʰitam)
   sa hi devas~ param~ jyotis / tamas=pāre vyavastʰitam

Verse: cd     pariccʰinnaprabʰāvarddʰir na mayā na ca viṣṇunā
   pariccʰinna-prabʰāva=*r̥ddʰis~ / na mayā na ca viṣṇunā

Strophe: 59  
Verse: ab     umārūpeṇa te yūyaṃ saṃyamastimitaṃ manaḥ
   umā-rūpeṇa te yūyam~ / saṃyama-stimitam~ manas~

Verse: cd     śambʰor yatadʰvam ākraṣṭum ayaskāntena lohavat
   śambʰos~ yatadʰvam ākraṣṭum / ayas-kāntena lohavat

Strophe: 60  
Verse: ab     ubʰe eva kṣame voḍʰum ubʰayor vīryam āhitam
   (Var.: bījam)
   ubʰe eva kṣame voḍʰum / ubʰayos~ vīryam āhitam

Verse: cd     sā vā śambʰos tadīyā vā mūrtir jalamayī mama
   sā vā śambʰos tadīyā vā / mūrtir jala-mayī mama

Strophe: 61  
Verse: ab     tasyātmā śitikaṇṭʰasya saināpatyam upetya vaḥ
   tasya~ ātmā śiti-kaṇṭʰasya / sainā-patyam upetya vas~

Verse: cd     mokṣyate surabandīnāṃ veṇīr vīryavibʰūtibʰiḥ
   mokṣyate sura-bandīnām~ / veṇīs~ vīrya-vibʰūtibʰis~

Strophe: 62  
Verse: ab     iti vyāhr̥tya vibudʰān viśvayonis tirodadʰe
   iti vyāhr̥tya vibudʰān / viśva-yonis tiras=dadʰe

Verse: cd     manasy āhitakartavyās te 'pi pratiyayur divam
   manasi~ āhita-kartavyās / te ~api pratiyayur divam

Strophe: 63  
Verse: ab     tatra niścitya kandarpam agamat pākaśāsanaḥ
   tatra niścitya kandarpam / agamat pāka-śāsanas~

Verse: cd     manasā kāryasaṃsiddʰitvarādviguṇaraṃhasā
   (Var.: ... kāryasaṃsiddʰau tvarā-...)
   manasā kārya-saṃsiddʰi/-tvarā-dvi-guṇa-raṃhasā
   (Var.: ... kārya-saṃsiddʰau / tvarā-...)

Metre: M    (mālinī)

Strophe: 64  
Verse: a     atʰa sa lalitayoṣidbʰrūlatācāruśr̥ṅgaṃ
   atʰa sa lalita-yoṣid/-bʰrū-latā-cāru-śr̥ṅgam~

Verse: b     rativalayapadāṅke cāpam āsajya kaṇṭʰe
   rati-valaya-pada=aṅke / cāpam āsajya kaṇṭʰe

Verse: c     sahacaramadʰuhastanyastacūtāṅkurāstraḥ
   saha-cara-madʰu-hasta/-nyasta-cūta=aṅkura=astras~

Verse: d     śatamakʰam upatastʰe prāñjaliḥ puṣpadʰanvā
   (Var.: puṣpaketuḥ)
   śata-makʰam upatastʰe / prāñjalis~ puṣpa-dʰanvā
   (Var.: puṣpa-ketus~)





Next part


This text is part of the TITUS edition of Kalidasa, Kumarasambhava.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.