TITUS
Ulenspieghel
Part No. 3
Previous part

Chapter: 2  
HOE ULESPIEGHEL DRIEMAEL OP EENEN
DACH GHEDOOPT WAS ALS HI
GHEBOREN WAS.


Sentence: 1     Inden lande van Sassen int dorp te Knetlinge by den Welme werdt Ulespieghel gheboren. Sentence: 2   Ende sijn vader hiet Page of edition: 2  Claes Ulespieghel ende sijn moeder Wybeke. Sentence: 3   Ende si sonden haer kint tot Amplenen ter doopen ende deden dat heeten Thiel Ulespieghel. Sentence: 4   Alst ghedoopt was soe brochten si dat kint inder herberghen daer si dat kint verdroncken als dat op veel plaetsen dye ghewoonte is, ende die vadere maecte goede chiere met sinen ghevaders, ende daer nae nam die bidtster weder dat kint ende soudet nae huys draghen ende si soude over een vondere ofte brugge gaen die over een waterken lach, ende die bidtster was wel ghedroncken ende si viel metten kinde vander bruggen, ende souden beyde verdroncken hebben hadden si geen hulpe ghecregen. Sentence: 5   Ende als si weder te huys quamen maecten si eenen ketele met warmen watere ende ontbonden dat ionghe kint ende ghinghen dat weder wasschen vanden moddere daer dat kint metter bidtsteren in ghevallen was. Sentence: 6   Ende aldus wert Thile Ulenspieghel op eenen dage driewerf ghedoopt, eens inder kercken, eens inden modder ende slijc, ende eens int warme water.



Next part


This text is part of the TITUS edition of Ulenspieghel.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.