TITUS
Brandane
Part No. 4
Previous part

Chapter: 4     
Verse: 137     DOe hi te scepe gaen began,
Verse: 138     Vant hi thoeft van eenen doden man

Verse: 139     Voer hem ligghende vp tsant:
Verse: 140     Die vloet dreeft an tlant.

Verse: 141     Dat hoeft was arde [= harde] groet,
Verse: 142     Nye en sach hi des ghenoet:

Verse: 143     Dat voerhoeft was hem breet
Verse: 144     Wel vijf voete, God weet.

Verse: 145     Doe bemaendijt wel diere
Verse: 146     Bi Gode vele sciere,

Verse: 147     Dat hi hem dade verstaen,
Verse: 148     Hoe zijn leuen was ghedaen.

Verse: 149     Thoeft ieghen Brandane sprac
Verse: 150     Ende seide: "al doet mi onghemac,

Verse: 151     Ic wilt di segghen saen,
Verse: 152     Hoe mijn leuen was ghedaen.

Verse: 153     Ic was een heydin man;
Verse: 154     Om mijn ghewin quam ic daer an,

Verse: 155     Dat ic arde [= harde] dicwile woet
Verse: 156     Ouer des zeewes vloet.

Verse: 157     Jc was groet ende stranc
Verse: 158     Ende ic was wel .C. voete lanc;

Verse: 159     Dus woedic in die diepe zee
Verse: 160     Ende dede den ghenen wee

Verse: 161     Die hier vp die zee baren
Verse: 162     Met scepen wilden varen:

Verse: 163     Hem nam ic haue ende goet.
Verse: 164     Eens so wies zeere die vloet

Verse: 165     Met eenen storme die was stranc.
Verse: 166     Al haddic ghesijn noch so lanc, Manuscript page: 180a  [180a]

Verse: 167     Ic en hadde niet vonden gront,
Verse: 168     Daer ic teerst toter borst in stont.

Verse: 169     Doe en conste ics niet ghenesen:
Verse: 170     Dus moeste mijn sterfdach wesen,

Verse: 171     Also van alle dinghen moet,
Verse: 172     Sijn si quaet ofte goet,

Verse: 173     Sonder die pine der hellen,
Verse: 174     Daer di zielen in quellen

Verse: 175     Ende daer si sonder eenich hende [= ende]
Verse: 176     Doeghen wee ende allende;

Verse: 177     Ende oec dat paradijs,
Verse: 178     Dat den saleghen es wijs,

Verse: 179     Daer si hebben eewelike
Verse: 180     Die bliscap arde [= harde] rike."


Next part


This text is part of the TITUS edition of Brandane.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.