TITUS
Theophil
Part No. 3
Previous part

Chapter: (3)  
(SO SINGET THEOPHOLE: ALMA MATER DEIPARA.)


Verse: 714     MARIA SPRAK: Theophile, ik wil di ricken
Verse: 715     Vnde wil di nicht vorstricken:

Verse: 716     Ik leyde den bref vp din herte;
Verse: 717     Vordelget sin alle dine smerte

Verse: 718     Mit sunderliken saken.
Verse: 719     Wen du nu werst vntwaken,

Verse: 720     So dancke minem kinde
Verse: 721     Vnde allem himmelschen gesinde,

Verse: 722     Dat di gnade is gegeuen.
Verse: 723     Werf vmme eyn ewich leuent.

Verse: 724     THEOPHILE SPRAK IN KORTER VRIST:
Verse: 725     Ik loue an dinen sonen, den hilligen god [= Crist].

Verse: 726     Vnde wil one nummer mer untdugen [= untdingen];
Verse: 727     (Noch) de soyten juncfrowen maget Marien,

Verse: 728     De my gnade wunnen hat;
Verse: 729     Dat alle, grot vnde s(t)at,

Verse: 730     Konden spreken, dwingen vnde heten,
Verse: 731     So [= Se] konden se mit loue nummer mer boten,

Verse: 732     So [= Se] en konden se nummer wul louen,
Verse: 733     Se sin alles loues enbouen.   Manuscript page: 159v  [159v]

Verse: 734     Louet se, vrowen vnde man,
Verse: 735     Alle vnse trost lid daran.

Verse: 736     Se is aller gnade {wul} (eyn vul schryn)
Verse: 737     Dat is an mi worden schyn.

Verse: 738     Ik hadde my vor redet solker mere
Verse: 739     Dat ik iummer mere

Verse: 740     Scholde des duuels sin gewesen.
Verse: 741     Se halp my, dat ik bin genesen.

Verse: 742     Ik wil ok alle tijd na orem loue ringen
Verse: 743     Mit lesen vnde mit singen,

Verse: 744     Vnde wil or nummer mer vortigen
Verse: 745     Der soyten iuncfrowen maget Marien.

Verse: 746     Et sic est finis.

Verse: 747     Ach wat was ik vro,
Verse: 748     Do ik sach finito libro.




This text is part of the TITUS edition of Theophil.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.