TITUS
Text: Theoph. 
Theophilus

Nach der Helmstädter Handschrift 1203


On the basis of the edition by
Robert Petsch,
Theophilus.
Heidelberg: Carl Winter, 1908
prepared by Thomas F. Shannon,
Berkeley, 2001;
TITUS version by Jost Gippert,
Frankfurt a/M, 13.4.2002 / 2.3.2003



Erklärungen:
MS.: Helmstedt 1203, fol. 143r-159v.
Quelle: Volker Krobisch, Die Wolfenbütteler Sammlung (Cod. Guelf. 1203 Helmst.). Köln: Böhlau, 1997.

Zeichen im Text:
[=]   bezeichnet Änderungs- bzw. Verbesserungsvorschläge des Herausgebers.
( )   gibt vom Herausgeber vorgeschlagene Ergänzungen an, z.B. für fehlende Buchstaben oder Wörter.
/   bezeichnet Alternativlesungen.
{ }   bezeichnet im Text Vorhandenes, das laut Herausgeber weggelassen werden sollte.

NB: Die wenigen diakritischen Zeichen im Text (kleines v über u) werden hier nicht berücksichtigt.

[For easy referencing, the divisions of the text were numbered. J.G.]




Chapter: (1) 
Theophilus


Verse: 1    IK BYN GHENANT THEOPHOLUS.   Manuscript page: 143r  [143r]
Verse: 2     Mine claghe kundeghe ik alsus:

Verse: 3     Ik was ghenant eyn cloker man,
Verse: 4     Der papheit konde ik my wol vorstan

Verse: 5     Vnde ok an vroliken saken:
Verse: 6     Ik konde wol recht maken

Verse: 7     Vnde recht konde ik vor keren
Verse: 8     Vnde vnrecht wol meren.

Verse: 9     Ik was woldich vnde rike.
Verse: 10     My was neyman ghelike

Verse: 11     An reden vnde ok an synnen.
Verse: 12     De(s) hadde ik alle en bynnen

Verse: 13     Noch [= Nach?] eren, so ik hope.
Verse: 14     Ghekoren wart ik to eynem biscope.

Verse: 15     Ik scolde eyn here sin ghewesen,
Verse: 16     Do vordrot my synghen vnde lesen.

Verse: 17     Gans [= Tans?] haue ik eyn ander ghekoren.
Verse: 18     O wi, dat ik ju wart gheboren:

Verse: 19     Myn prouende wart my ghenomen,
Verse: 20     De plach my to houe komen

Verse: 21     An wine vnde an vete [= wete],
Verse: 22     Des mot ik eyn arm man heten.

Verse: 23     Ik wil od alle waghen
Verse: 24     Vnde wil dem [= don] dar solke claghe,   Manuscript page: 143v  [143v]

Verse: 25     Dat swar is to draghen.
Verse: 26     Doch wil ik od waghen,

Verse: 27     Vnde wart my alto swar:
Verse: 28     Ik mot my gheuen in der duuel schar;

Verse: 29     Eft ienich duuel were
Verse: 30     By my hir up erden,

Verse: 31     Syn eghen wolde ik werden.
Verse: 32     Ik wolde ome beden ere

Verse: 33     Nu vnde jummer mere,
Verse: 34     Groter, wan ik Gode dede,

Verse: 35     Dat he my hulpe darmede,
Verse: 36     Dat ik worde eyn so rike man,

Verse: 37     Dat ik mochte wederstan
Verse: 38     Dem biscope vnde den heren

Verse: 39     Vnde alle den, de myne wedersaten weren.
Verse: 40     De don my so grote anlaghe,

Verse: 41     Dat ik dat Gode van himmel claghe.
Verse: 42     Ik beyde dy, Satanas,

Verse: 43     Bi dem Gode, dede hefft ghescapen lof vnde gras,
Verse: 44     De alle dingk ghescapen hefft,

Verse: 45     Dem himmel vnde erde tobode stad!
Verse: 46     Ik beswere di bi dem valle,

   {Ik beswere dy bi dem valle,}   Manuscript page: 144r  [144r]
Verse: 47     Den de duuel deden alle,
Verse: 48     Du vnde dine ghenoten,

Verse: 49     Do gy van dem himmel worden gestoten.
Verse: 50     Ik beswere dy by den jungesten dage,

Verse: 51     Wan God deyt so grote clage
Verse: 52     Ouer alle syne vndersaten,

Verse: 53     Dat du komest vil drade
Verse: 54     Vnde antwordes hir my

Verse: 55     Alle, des ik vrage dy.
Verse: 56     (S)ATINAS SPRAK: Theophile, wat menestu hir mede?

Verse: 57     Dat is io der papen sede,
Verse: 58     Dat du my so sere besweret hest

Verse: 59     Bi dem Gode, dede heft gescapen lof vnde gras,
Verse: 60     De alle ding ghescapen hat,

Verse: 61     Beyde grot vnde stat.
Verse: 62     Alsus plege gy papen,

Verse: 63     Gy bedregen vns, so de lude de apen.
Verse: 64     Gy binden vns up in eyt,

Verse: 65     Dat sy vns lef edder leyt,
Verse: 66     Dat wy moten to ju komen.

Verse: 67     Du heft my lange reyse benomen.
Verse: 68     Ik was hen to Judea:

Verse: 69     Myne ghesellen schochte ek aldar.   Manuscript page: 144v  [144v]
Verse: 70     De koning is dar ghestoruen,

Verse: 71     De zele hedde ek wol irworuen.
Verse: 72     Dar hedde ek gerne bleuen,

Verse: 73     Du heft my daraf ghedreuen.
Verse: 74     Tohant do ek dynen syn vornam,

Verse: 75     Vil drade dat ek to dy quam.
Verse: 76     Nu sage: wat wultu my,

Verse: 77     Nu ek byn ghekomen to dy?
Verse: 78     THEOPHILE SPRAK: Satanas, hastu suluer vnde golt?

Verse: 79     Ik wil dy geuen den duresten solt,
Verse: 80     Den ek ju ghewan:

Verse: 81     Wente ek byn eyn ebele [= edele] man.
Verse: 82     Ik wil dy vorkopen

Verse: 83     My(n) zele; in der dopen
Verse: 84     Myt Godes blode war se reynicheit

Verse: 85     Vnde na Godes bilde voreynicheit:
Verse: 86     De wil ek dy geuen in dyne hant,

Verse: 87     Ik enhan neyn durer pant,
Verse: 88     Wultu dat also vnfangen,

Verse: 89     So wil ik den winkop angangen.
Verse: 90     (SA)TANAS SPRAK: Neyn, de rede doget nicht,

Verse: 91     Duncket dy, suluer vnde golt wesen nicht?   Manuscript page: 145r  [145r]
Verse: 92     Dat is vul dicke ghescheyn,

Verse: 93     Des wil wy vns vorseyn,
Verse: 94     Dat wy den luden vnse gud geuen,

Verse: 95     Dat se oren wollust mede dreuen
Verse: 96     Twintich edder wol drittich jar,

Verse: 97     Do begunden se dencken dar,
Verse: 98     An den wech to komen,

Verse: 99     Dat se vns worden ghenomen.
Verse: 100     Is dek nu vnse gud lef,

Verse: 101     So lat vns scriuen eynen bref
Verse: 102     Vnde eynne [= eyne] hantfeste,

Verse: 103     Also plegen io de besten.
Verse: 104     De scal alsus wesen:

Verse: 105     Alle, de dussen bref lesen,
Verse: 106     Horen edder seyn,

Verse: 107     De scullen des bekennen vnde gen,
Verse: 108     Dat Theophilus des duuel sy.

Verse: 109     Dyn jngesegel henge ok darby,
Verse: 110     De bref mot vullenkomen syn.

Verse: 111     Henge ok daran dyn vingerlin,
Verse: 112     Dat du dregest an dyner hant,

Verse: 113     So antworde my den bref vnde pant.
Verse: 114     Du scalt herliken leuen;

Verse: 115     Ek wil dy gudes en noch gheuen.   Manuscript page: 145v  [145v]
Verse: 116     (T)HEOPHILE SPRAK: Wat scolde dy de bref myn?

Verse: 117     Myne wort schullen war syn,
Verse: 118     Ek wil dy nicht vorleghen.

Verse: 119     Wolde ik dy bedregen,
Verse: 120     So en hete ek neyn pape.

Verse: 121     SATANAS SPRAK: Neyn, du eyn [= en] kanst dar nicht mede schapen.
Verse: 122     Wuldu vns werden vnderdan,

Verse: 123     Dyn hantfeste wil ik han
Verse: 124     Vnde de breue dyn,

Verse: 125     Dat du willest wesen myn.
Verse: 126     So lat my eynen bref scriuen,

Verse: 127     Dat du willest by my bliuen.
Verse: 128     Dar scrif in, dat lif vnde de zele dyn

Verse: 129     Sculle des duuel(s) syn,
Verse: 130     Vnde nummer dyner trost sculle mer werden,

Verse: 131     Beyde an himmel vnde an erden;
Verse: 132     We ok vor dy beyde,

Verse: 133     De vns vnrechte dede.
Verse: 134     Behaget dy sus de sake,

Verse: 135     So wil ik den winkop maken.
Verse: 136     (T)HEOPHILE SPRAK: Wat eyn io don mot,   Manuscript page: 146r  [146r]

Verse: 137     Dat is dicke mate gud.
Verse: 138     Ek byn darvmme to di komen,

Verse: 139     So en deil ik han vornomen,
Verse: 140     Ik wil dyn denstman werden:

Verse: 141     Wat du my bust vp erden,
Verse: 142     Dat do ik nu vnde jummer mere.

Verse: 143     SATANAS SPRAK: Do also eyn here.
Verse: 144     (T)HEOPHILE SPRAK: Du w(u)lt my darto driuen,

Verse: 145     Dat ek eynen bref late scriuen
Verse: 146     Vnde eyn(e) hantfeste -

Verse: 147     Also du sprekest also [= Also don, sprekestu,] de beste -
Verse: 148     De my an myne zele geyt,

Verse: 149     Dar to byn ek al bereyt.
Verse: 150     THEOPHILE SPRAK: So loue my openbar

Verse: 151     By der helleschen schar,
Verse: 152     Dat du my gudes so vele willest geuen,

Verse: 153     Dat ik moge herliken leuen,
Verse: 154     Vnde maken my to eynem heren,

Verse: 155     So dat me my beyde ere.
Verse: 156     SATANAS SPRAK: Twiuel nicht en har,

Verse: 157     Wente ik sage dy vorwar:
Verse: 158     Wes du begheret eyne,

Verse: 159     Des scaltu hebben twene.
Verse: 160     Ik wil dat waghen wol,   Manuscript page: 146v  [146v]

Verse: 161     Dat me dy vrochten sol.
Verse: 162     (T)HEOPHILE SPRAK: Ik wil id alle (waghen).

Verse: 163     Ik mot doch alle daghe
Verse: 164     Ewichliken syn vorloren,

Verse: 165     Ik were beter vngheboren.
Verse: 166     Nu reke my eyn blakhorne,

Verse: 167     Vederen vnde parmynt.
Verse: 168     SATANAS SPRAK: Id is my bereit also (eyn) wint.

Verse: 169     THEOPHILE SPRAK: Ik wil scriuen eyn karat [= tractat],
Verse: 170     Dat myn zele nummer werdde [= werde] rat.

Verse: 171     SATANAS SPRAK: Er du scriuen begunnest,
Verse: 172     So do, dat du meynscop wynnest

Verse: 173     My(n) vnde alle myner ghesellen,
Verse: 174     De dar woldich syn in der helle.

Verse: 175     Godes schaltu vorseken [= vorsaken] gar
Verse: 176     Vnde syner moder, de one gebar.

Verse: 177     Se is so kreftich vnde gud,
Verse: 178     Dat ik or nicht nomen mot.

Verse: 179     Du scalt vorsaken aller dingk,
Verse: 180     De myt Gode an dem hymmel synt.

Verse: 181     Du scal vorsaken hute
Verse: 182     Aller guden lute,

Verse: 183     De hir up erden syn,   Manuscript page: 147r  [147r]
Verse: 184     Sunnen, man, der sterne schin.

Verse: 185     Vorsake ok aller dyngk,
   {De myt Gode an dem hemel synt}
Verse: 186     Vnde [= Deme] in der kerken sincht,

Verse: 187     Spreken, dencken vnde lesen:
Verse: 188     Alle dyn dancke scal to my wesen.

Verse: 189     Du scholt neyn cruce vor dy legen,
Verse: 190     Also gude lude plegen.

Verse: 191     Dyn tunge scal stille lighen,
Verse: 192     An Godes denste sik nicht wegen.

Verse: 193     Vorbut ok dynen oren,
Verse: 194     Dat se Godes denst nicht horen.

Verse: 195     Kerken gan scaltu vormyden,
Verse: 196     Neyne almissen scaltu snyden,

Verse: 197     Du engeuest se dorch myne ere:
Verse: 198     Ik dy des nicht vorkere.

Verse: 199     Wultu dat aneganghen,
Verse: 200     So wil ik dy to denste enfangen.

Verse: 201     (T)HEOPHILE SPRAK: Du heft my sware rede vor gesaghet,
Verse: 202     Alseme io den mistroteren [= mistrosteten] pleget [= plaget?].

Verse: 203     Id is mi nu misse ghevallen,
Verse: 204     Doch wil ik vorsaken alle   Manuscript page: 147v  [147v]

Verse: 205     An himmel vnde an erden,
Verse: 206     Vp dat ik rike moge werden.

Verse: 207     Doch wil ik sunder leyden
Verse: 208     Eyne darut bescheyden:

Verse: 209     De is gheheten Maria:
Verse: 210     Der wil ik nicht afstan.

Verse: 211     De mach myne zele wol vlien,
Verse: 212     Der wil ik nicht vortigen.

Verse: 213     (S)ATANAS SPRAK: O wy, dat sote wort,
Verse: 214     Dat hebbe ik van dy vnsachte hort!

Verse: 215     Swich du io des wordes me,
Verse: 216     Ed bernet my vnde deit my we.

Verse: 217     Wultu my werden vnderdan,
Verse: 218     Godes moder scaltu afstan.

Verse: 219     Se is so gud vnde reyne,
Verse: 220     Beheldestu se alleyne,

Verse: 221     We enmochten dy nicht scaden:
Verse: 222     Se brochte dy wol to gnade(n).

Verse: 223     THEOPHILE SPRAK: So mot ek or vorsaken,
Verse: 224     Vp dat du my willest rike maken.

Verse: 225     Id is my ok twar alleyn [= all eyn?]!
Verse: 226     Dyn wille scal an my scheyn.

Verse: 227     SATANAS SPRAK: Du sprek(est) also eyn here.   Manuscript page: 148r  [148r]
Verse: 228     Ik ensculdeghe dy nu nicht mere.

Verse: 229     Nu scaltu don wat ik dy hete.
Verse: 230     THEOPHILE SPRAK: Dar to so byn ik gar bereit,

Verse: 231     Dat sage ik dy up myn truwicheit.
Verse: 232     SATANAS SPRAK: Dat ga to scaden edder to lucke,

Verse: 233     So tret dre vote achter rucke,
Verse: 234     Sperk [= Sprek]: Ek vorsake Godes gar,

Verse: 235     Vnde siner moder, de on gebar.
Verse: 236     (THEOPHILE SPRAK:) Ik haue eyne(n) bref gescreuen

Verse: 237     Ouer myn lif, zele vnde leuen.
Verse: 238     Solk grimmelik bref wart ye [= ne],

Verse: 239     My gruwet, wen ik on seyn [= sey].
Verse: 240     Dusse bref dudet wol:

Verse: 241     Lif vnde zele des duuels wesen sol.
Verse: 242     SATANAS SPRAK: Do her den bref, leue vrunt.

Verse: 243     Ik vore on in de hellegrunt,
Verse: 244     Vnde antwor(de) on mynem meyster Lucifere,

Verse: 245     De is myn ouerste here.
Verse: 246     HE NAM DEN BREF TO HANT,

Verse: 247     DO SPRAK HE: Ik haue eyn gud pant
Verse: 248     Vnde wil one voren enwech,

Verse: 249     Beide ouer bruge vnde ouer stech,
Verse: 250     Dat he on holde an den dach,

Verse: 251     Dat he vns nutte werden mach.   Manuscript page: 148v  [148v]
Verse: 252     (S)ATANAS SPRAK: Ik bringe dy

Verse: 253     Schone cleder, des loue my,
Verse: 254     Suluer clar vnde golt;

Verse: 255     Schone cleder du dragen scholt,
Verse: 256     Samit vnde baldekin

Verse: 257     Scal myt suluer dorslagen syn.
Verse: 258     Dit is eyn stucke suluer fyn;

Verse: 259     Dat hebbe to des [= der] koste dyn.
Verse: 260     De besten spise scaltu eten,

Verse: 261     Dines leydes scaltu vorgheten.
Verse: 262     Dit synt edele stene;

Verse: 263     De gyf den vrowen reyde [= reyne],
Verse: 264     Dat se dyner winnen kunne [= kunde],

Verse: 265     Vnde kesen dy to vrunde.
Verse: 266     (D)O SPRAK THEOPHILUS

Verse: 267     ROMICHLIKEN ALSUS:
Verse: 268     Nu wil ik gar in vraude varen,

Verse: 269     Myn lif wil ik bewaren.
Verse: 270     Ik wil myk vraude wynnen,

Verse: 271     De sorge mot van hinnen.
Verse: 272     Ik sage dat vorwar:

Verse: 273     Ik han ghesorget mennich jar.
Verse: 274     He mote nu myner walden,   Manuscript page: 149r  [149r]

Verse: 275     An vroden wil ik alden;
Verse: 276     Alle, deit [= dat?] id lif vordeyt,

Verse: 277     Des mot de zele vurgelden.
Verse: 278     De duuel wil myner welden,

Verse: 279     Nu late de zele sorgen
Verse: 280     Den auent vnde den morgen.

Verse: 281     Wy riden in dem lande
Verse: 282     Ghecledet myt schonem wande,

Verse: 283     De zele steit to pande.
Verse: 284     Dat is eyn iamerlik elende:

Verse: 285     Dat lif wil in vrauden leuen,
Verse: 286     Des mot de zele beuen.

Verse: 287     Neynen rad kan ik or gheuen,
Verse: 288     De zele mot ewichliken even [= euen]

Verse: 289     {Vnde} in der hellegrunt sweuen.
Verse: 290     (S)ATANAS SPRAK: Alsus scaltu jummer bliuen:

Verse: 291     Du macht alle dyn lust driuen,
Verse: 292     Du macht noch lange leuen,

Verse: 293     Ik wil di gudes ennoch gheuen.
Verse: 294     DO SPRAK THEOPHILUS

Verse: 295     JAMERLIKEN ALSUS:
Verse: 296     Me spreket, dat de zele si cleyne -

Verse: 297     Des mot ek scrien vnde weynen -
Verse: 298     Vnde dat se si van clener nature,

Verse: 299     Des is my de vroude dure.   Manuscript page: 149v  [149v]
Verse: 300     Ik wil id euenture truren [= ruren?],

Verse: 301     Vnde wil se om wol duren.
Verse: 302     De wile dat ik byn by dy,

Verse: 303     Wil ik wol gheholden my,
Verse: 304     De wile dat ek leue.

Verse: 305     Wente ik sterue, so mot de zele beuen,
Verse: 306     O wy, in der leyden stunde,

Verse: 307     Wente se senket se in de afgrunde,
Verse: 308     Dar se nummer mach ut rouuen [= rauuen?],

Verse: 309     Noch Godes antlate beschauwen.



Next part


This text is part of the TITUS edition of Theophil.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.