TITUS
Author: Strick. 
Der Stricker
Book: Tierb. 
Tierbispel

On the basis of the edition
Der Stricker,
Tierbispel.
Hrsg. v. Ute Schwab.
3., durchges. Aufl.
Tübingen: Niemeyer 1983.
(= Altdeutsche Textbibliothek. 54.)
entered by Andrea Hofmeister-Winter,
Graz 2006;
TITUS version by Jost Gippert
Frankfurt a/M, 26.11.2008



[Längenzeichen ergänzt von A. H.-W.]



Fable: Hahn 
Der Hahn und die Perle


|P1-3
Verse: 1    Vor einem stadele dâ man drasch,
Verse: 2    dâ gienc ein hane durch genasch
Verse: 3    und warp als er kunde.
Verse: 4    dô er scherren begunde,
Verse: 5    dô vant er in kurzer stunt
Verse: 6    einen wol getânen funt:
Verse: 7    einen schœnen mergriezen.
Verse: 8    "möht ich dîn iht geniezen",
Verse: 9    sprach er wider sich selben dô,
Verse: 10    "sô wære ich dîn harte frô.
Verse: 11    wære dir iemen zuo komen,
Verse: 12    dem du möhtest gefromen,
Verse: 13    dem wære wol mit dir geschehen.
Verse: 14    nu hân ich kürzlîche gesehen:
Verse: 15    weder ich enmac dîn
Verse: 16    niht geniezen noch du mîn.
Verse: 17    des bistu hie ze mir verlorn,
Verse: 18    ich næme für dich ein haberkorn."
Verse: 19    Der hane gelîchet einem man,
Verse: 20    der beidiu wil unde kan
Verse: 21    tumplîche werben
Verse: 22    und wænet doch niht verderben.
Verse: 23    kumt er den mergriezen ane,
Verse: 24    er lât in ligen als der hane.
Verse: 25    waz sint die mergriezen?
Verse: 26    diu wort, der wir niezen
Verse: 27    gegen gote und nâch den êren.
Verse: 28    beginnet man in lêren,
Verse: 29    wie er werben solde,
Verse: 30    ob er sich lieben wolde
Verse: 31    beidiu gote und den liuten,
Verse: 32    sô mac man imz iemer diuten,
Verse: 33    ê er sich dran iht kêre.
Verse: 34    des effet er sich sêre,
Verse: 35    der den wîsheit lêret,
Verse: 36    der sich an die rede niht kêret!
Verse: 37    swer niht wîsheit wil pflegen,
Verse: 38    fünde er si ligen an allen wegen,
Verse: 39    er möhte ir niht mê niezen
Verse: 40    denne ouch der hane des mergriezen.




Next part


This text is part of the TITUS edition of Der Stricker, Tierbispel.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.