TITUS
Physiologus: Millstaetter Handschrift (Verse arrangement)
Part No. 3
Previous part

Chapter: 2   Link to Physiol2 Link to Physiol1 Link to Physiold Link to Physioll
Der Panther


Paragraph: 1  
Strophe: 10  
Verse: 1    Dar nach heizzet ein tier Panthere,   mit mislicher varwe.
Verse: 2    scone ist ez genuoch,   dar zuo listich unde gefuoch.
Verse: 3    von dem tiere man liset,   dem Drachen ist ez vient, swa ez in sihet.

Verse: V1    10,1 misli/ uarwe M.: misIih' Karajan: misli<cher> Ganz
Verse: V3    10,3 Von: mit Initiale M. unter 3 ein Bild

Paragraph: 2  
Strophe: 11  
Verse: 1    So daz selbe tier sich sciere   sich hat gesattet von den tieren,
Verse: 2    dei ez chan vahen wol,   so leget ez sich in sin hol.
Verse: 3    dri tage ez slæffet:   so ez danne uf stet,
Manuscript Page: 86r_(Ka._76)  
Verse: 4    so rohot iz starche,   von im chumet solich smache,
Verse: 5    daz niht im gelichis in der werlde suozze ist.

Verse: V1b    11,1b Ganz streicht sich
Verse: V3    11,3 slæffet (!) M.; of M.; slæfet: stêt oder slâfet: stât Pretzel unter 3 ein Bild M.

Paragraph: 3  
Strophe: 12  
Verse: 1    So danne diu tier dei alumbe sint,   sine stimme gehorint,
Verse: 2    so samenent si sich dar nach, ze dem suozzem smache ist in gach.
Verse: 3    dem tiere si volgint,   swa ez hin oder her ferit.

Verse: V2    12,2 suozzem (!) M.

Paragraph: 4  
Strophe: 13  
Verse: 1    Der Trache, so er sine stimme gehoret,   in sinem loche er sich birget,
Verse: 2    daz er niht vernemen mege   sine stimme an dem wege,
Verse: 3    dei andiriu tier so minnot:   so liget er, sam er si tot.

Verse: V3    13,3 minno<n>t Ganz unter Verweis auf Prosa.

Paragraph: 5  
Strophe: 14  
Verse: 1    Also tet der heilige Christ,   der er wariu Panthera ist,
Verse: 2    do er gesach daz mennisclich chunne   mit dem tievil bedwungen,
Verse: 3    von himil fuor er gereite   mit siner mennischeite.
Verse: 4    er lost uns mit sinem suozzcm smach   unde zuht uns uz des tievels sach.
Verse: 5    von diu volgen wir dem lambe   hie unde allenthalben,
Verse: 6    swa wir in dem lande varen,   also lerent uns die vorsagen:
Verse: 7    "dem Panthera ich gelich bin   und dem hiwisc Effraim.
Verse: 8    gelich bin ich da   dem hiwisce Juda."

Verse: V4    14,4 oz M.
Verse: V6    14,6 also: mit Großbuchstabe? M.
Verse: V7    14,7 Dem: mit Initiale M.
Verse: V7/8    14,7/8 "Lücke und Misverständnis" Lauchert.


Paragraph: 6  
Strophe: 15  
Verse: 1    Damit bezeichnot er,   do Effraim dienot den apgotern,
Verse: 2    daz buozzot got an im,   als er verdient het umbe in.

Verse: V1    15,1 Apgotern: mit Großbuchstabe M.

Paragraph: 7  
Strophe: 16  
Verse: 1    Mit wistuom erscinet got guot,   wan er ist durneht unde vruot,
Verse: 2    einfaltich unde mitwære,   genadich, veste unde gewære.

Verse: V2    16,2 Einfaltich, Mitwære, Genadich, Gewære: mit Großbuchstaben M.

Paragraph: 8  
Strophe: 17  
Verse: 1    David sprichet dar,   daz er si vrambar
Verse: 2    in siner scone   vor anderen chindonen.

Paragraph: 9  
Strophe: 18  
Verse: 1    Daz daz Panthera mammunde ist,   daz bezeichent den heiligen Christ,
Manuscript Page: 86v_(Ka._77)  
Verse: 2    daz er mitewær was in den noten,   do in die Juden marteroten.

Verse: V1    18,1 Mammunde (!): mit Großbuchstabe M.

Paragraph: 10  
Strophe: 19  
Verse: 1    Fur guot er allez daz hete,   daz si im getaten.
Verse: 2    dar nach vuor er ze helle   unde beroubet den tievil mit alle.

Paragraph: 11  
Strophe: 20  
Verse: 1    Daz ez des dritten tages erwachet   unde so suozzen stanch lazzet,
Verse: 2    daz bezeichent abir got:   wand er erwachotʽ
Verse: 3    also der entslaffen ist von wine,   sus rief er den sinen:
Verse: 4    "gehabet iuch wol mine holden,   die werlde han ich ubirwunden.
Verse: 5    ich won mit iu gerne   biz an daz ende der werlde."

Verse: V3    20,3 ist (!) M.; Sus: mit Großbuchstabe M.
Verse: V4    20,4 Gehabet: mit Initiale M.

Paragraph: 12  
Strophe: 21  
Verse: 1    Waz ist suozzir   ode erlichir
Verse: 2    dem smache unsires trohtines   des haltenden Christes?

Verse: V1    21,1 erlicher M.; ode (!) M.

Paragraph: 13  
Strophe: 22  
Verse: 1    Die mit dem gelouben im bisint unde rehte wirchent, die sint siniu chint:
Verse: 2    die abir verre sint durh ir brode,   so si sine stimme horent,
Verse: 3    so werdent si ervullet unde gelabet   von dem suozzem smache, den si von got habent.

Verse: V1    22,1 dem: d aus m korr. M.; geloben: o korr. M.; wrchent (!) danach Reimpunkt M.
Verse: V1-2    22,1-2 Reimtrennung nach wirchent, chint, sint Ganz
Verse: V2    22,2 durh (!) M.
Verse: V3    22,3 suzzen (!) M.


Paragraph: 14  
Strophe: 23  
Verse: 1    Wir sculen in suochen,   volgen unde anruoffen,
Verse: 2    also der vorsage sprichet Davit:   "trohtin, diniu woft sint
Verse: 3    suozzir in minem munde   danne honich unde flade deheine stunde."

Paragraph: 15  
Strophe: 24  
Verse: 1    Ouch sculen wir in den buochen,   dei da heizzent Cantica canticorum suochen:
Verse: 2    "nach dem stanche diner gesalbede   louffen wir dir nach allenthalben.
Verse: 3    wande die jungen genote   dich minnoten."
Verse: 4    da nach ist gescriben abere:   "ein chunich legite mich in sine kamere.
Verse: 5    nu menden unde   wesen vro mit ime."

Verse: V2    24,2 Nach: mit Initiale M.
Verse: V4    24,4 Ein: mit Initiale M.; kam/re M.
Verse: V5    24,5 Reimpunkt nach menden, nicht nach unde M., so Ganz.

Paragraph: 16  
Strophe: 25  
Verse: 1    Nu gezimet uns wol, nu wir   mit der heiligen touffe gejunget unde geniwet birn,
Verse: 2    ze louffen mit reinen gedanchen   nach dem suozzem stanche
Manuscript Page: 87r_(Ka._78)  
Verse: 3    unde in gote   nach dem geselbede siner gebote,
Verse: 4    daz er uns leite ze siner phalzen   in die himiliscen Jerusalem,
Verse: 5    daz wir da sin mendende   immir an ende.

Verse: V4    25,4 phallzen M.
Verse: V5    25,5 mendenti M. nach Z.; AMEN M.



Next part


This text is part of the TITUS edition of Physiologus: Millstaetter Handschrift (Verse arrangement).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.