TITUS
Physiologus: Wiener Prosa
Part No. 3
Previous part

Chapter: 3   Link to Physiol1 Link to Physiol3 Link to Physiold Link to Physioll
Paragraph: 1     Ouch ist ein tier unte heizzit Einhurno. von deme zellit Physiologus, daz iz suslich gislahte habe.
Paragraph: 2     Iz ist luzzil tier unte ist deme Chizzine gilich unte ist vile chuone. Iz habit ein horn an deme houbite. nehein man nimag in givahen, neware mit disme liste.
Paragraph: 3     Man nimit eine magit unte leittet sie in die stat, da der Einhurn emzige Item: 134r  wisit, unt lazzit sie eine da.
Paragraph: 4     So der Einhurne si gisihet, so springet er in ir barm unde slaffet. so wirt er gevangen unde leitet man in zuo des chuniges phalinze.
Paragraph: 5     Also tet unser trehtin, der haltende Christ, der geistlich Einhurne ist, so David sprach: "er ist min liebo also des Einhurnen sun" und chut ave sus: "Sin gewalt wirt erhohet also des Einhurnen horn". sus chut Zacharias: "er irchuchet in Davidis geslahte daz horn unsere heile"; unt in dem buoche deutronomio da ist sus gescriben:
Paragraph: 6     Moyses, do er wihte Josebes geslahte, do chod er: "du min erister sun, din anesune ist getan also des Pharres, diniu horn sint getan, also des tieris Rinocerotis."
Paragraph: 7     Daz er ave ein horn habit, daz bezeichinot, daz Christ sprach: "Ich unt min vater wir birn ein"; Christis houbit daz ist Item: 134v  got.
Paragraph: 8     Sin chuoni diu meinit daz, wante neheine furstuomo noch gewalte noch herscaft in vernemen nimahten noch helle nimahte in gehaben.
Paragraph: 9     Daz er Iuzzil ist, daz meinit diu diemuoti siner libhafte, also er selbe sprach: "Lirnet von mir, want ich milte bin unte diemuotis herzen."
Paragraph: 10     Er got ist so chuoni, daz ter unchustigi tiefel firnemen noch ersuochen nimach dei gitougen siner libhafti.
Paragraph: 11     Mit einim deme willen sines vater so fuor er in die wambe der unbiruortin magide; duo wart daz wort ze fleiske getan unde wonet in uns.
Paragraph: 12     <D>az der Einhurne dem Chizze gelich ist, daz bezeichinot unseren haltare, also Sante Paulus chod: "Got wart getan in suntiges lichnamen bilde, do verdamnote er unsere sunte mit sineme lichenamen."

   
Paragraph: V2     lutzil W.; chitzîne W.
Paragraph: V3     babit (!) W.
Paragraph: V4     gisihet (!) W.; flaffet W.
Paragraph: V5     threhtin W.; und irchuk-\chet W.
Paragraph: V6     do (!) chod W.
Paragraph: V7     Ich: mit Initiale W.
Paragraph: V9     lutzil W.; Lirnet: mit Initiale W.
Paragraph: V10     got: g aus d korr. W.
Paragraph: V11     fuor (!) W.
Paragraph: V12     az: davor Lücke für Initiale W.; Got: mit Initiale W.



Next part


This text is part of the TITUS edition of Physiologus: Wiener Prosa.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.