TITUS
Godefrit Hagen, Reimchronik der Stadt Coeln
Part No. 2
Previous part

Section: II.  
Die weuer slaicht

Page of edition: 214 

Verse / Line: 1        Wolde mirs Got gehengen
Verse / Line: 2     dat ich moichte volbrengen,
Verse / Line: 3     so wolde ich begynnen
Verse / Line: 4     van saichen, die en bynnen
Verse / Line: 5     Coelne der gueder stede
Verse / Line: 6     gescheit sint. Nu doit myne beide
Verse / Line: 7     in swiget doch alstille
Verse / Line: 8     ind vernempt mynen wille;
Verse / Line: 9     ich sal uch sagen dat beste ich kan,
Verse / Line: 10     war vmb ich deser reden began.
Verse / Line: 11     Nu hoirt ir heren wat geschaich
Verse / Line: 12     zo Coelne en bynnen vp eynen daich,
Verse / Line: 13     do man schreiff dusent ind ccc hundert iair
Verse / Line: 14     ind nuyn ind seiszijch offenbair,
Verse / Line: 15     in den pinxst hilgen dagen,
Verse / Line: 16     wair is dat ich sagen.
Verse / Line: 17     Die weuer algemeine
Verse / Line: 18     beide grois ind cleine
Verse / Line: 19     bestoinden sich zo houffen
Verse / Line: 20     ind quamen snel gelouffen
Verse / Line: 21     al vp der burger huys;
Verse / Line: 22     sy heissen rait scheffen al her vs.
Verse / Line: 23     Der rait schicket her vs by sy
Verse / Line: 24     irre gesellen dry,
Page of edition: 215  Verse / Line: 25     vp dat sy vernemen,
Verse / Line: 26     vp wat dat volck dar queme.
Verse / Line: 27     Eyn van den weueren sprechen began:
Verse / Line: 28     "Ir heren, die scheffen haint eynen man
Verse / Line: 29     alda ligen in der haicht,
Verse / Line: 30     vurwair sy uch dat gesaicht,
Verse / Line: 31     dan aue willent vnse gesellen hain
Verse / Line: 32     gericht, dat lais wir uch verstain,
Verse / Line: 33     want hie vp der straissen
Verse / Line: 34     gerouft hait ind neit gelaissen."
Verse / Line: 35     Der rait antwerde in:
Verse / Line: 36     "Ir heren laist desen syn
Verse / Line: 37     bestain etzlichen daich,
Verse / Line: 38     bys man vernemen maich
Verse / Line: 39     die wairheit hin aue
Verse / Line: 40     ind man ouch gehore weder clage,
Verse / Line: 41     so maich der scheffen vrdel geuen
Verse / Line: 42     eyme zo benemen syn leuen."
Verse / Line: 43     Do reiffen die weuer alle
Verse / Line: 44     mit groisme schalle,
Verse / Line: 45     sy en woldens neit gehengen,
Verse / Line: 46     dat man't eit leisse lengen
Verse / Line: 47     ind wolde man in den man neit geuen,
Verse / Line: 48     so moist it sich in anders heuen.
Verse / Line: 49     Der rait bekante wale
Verse / Line: 50     ir homodige zale
Verse / Line: 51     ind baden sy, dat sijt breichten
Verse / Line: 52     an ir gesellen ind bedeichten,
Verse / Line: 53     it solde in ouel zemen,
Verse / Line: 54     solden sy eyman nemen
Page of edition: 216  Verse / Line: 55     ain scheffen vrdel den lijff
Verse / Line: 56     it were man off wijff.
Verse / Line: 57     "Bestein wir geweltlicher saichen,
Verse / Line: 58     dat sal vns ein quoit reicht maichen,
Verse / Line: 59     gevreischt man't in me lande,
Verse / Line: 60     man sal sprechen it sy schande.
Verse / Line: 61     Vmb Got van hemelrich,
Verse / Line: 62     her vmb berait uch wijslich!"
Verse / Line: 63     Deser worde sy in vil saichten
Verse / Line: 64     ind myt goeden in vurlaichten,
Verse / Line: 65     doch halp it in vil clein.
Verse / Line: 66     Nu hoirt wie ich dat meine,
Verse / Line: 67     sy in wolden gein berait hain,
Verse / Line: 68     noch ouch eren gesellen gewain,
Verse / Line: 69     mer sy reiffen algelich
Verse / Line: 70     beide arm ind riche,
Verse / Line: 71     sy wolden hain den man zer stunt
Verse / Line: 72     ind daden in da by kont,
Verse / Line: 73     sy wolden in myt der gewalt holen.
Verse / Line: 74     Do wart deme heichtere beuolen,
Verse / Line: 75     dat hie in geue den man,
Verse / Line: 76     den voirten sy do van dan
Verse / Line: 77     ind slogen eme aue syn heuft,
Verse / Line: 78     vurwair myr des geloift,
Verse / Line: 79     ain scheffen vrdel dat geschaich,
Verse / Line: 80     dat it manich man saich.
Verse / Line: 81     Deser gewalt myt sulchme spele
Verse / Line: 82     dreuen sy ducke vele. -
Verse / Line: 83     Herna ouer etzlichen daich
Verse / Line: 84     hadden die weuer eyn verdraich
Page of edition: 217  Verse / Line: 85     vnder en gemeinlich
Verse / Line: 86     beyde arm ind riche,
Verse / Line: 87     wie sy dar an quemen,
Verse / Line: 88     dat sy den guden luden benemen
Verse / Line: 89     ire heirlicheit ind ir gewalt.
Verse / Line: 90     Dar na hadden sy sich gestalt
Verse / Line: 91     mit allen ampten in der stat;
Verse / Line: 92     vurwair sult ir wyssen dat,
Verse / Line: 93     sy hadden sich myt ein verbunden
Verse / Line: 94     zo den seluen stunden,
Verse / Line: 95     sy bleuen altzijt an eren part.
Verse / Line: 96     Dat was den guden luden hart,
Verse / Line: 97     want wat sy wolden dat geschaich.

Verse / Line: 98        Nu hoirt wie vp eynen daich
Verse / Line: 99     der weuer ein deyl quam
Verse / Line: 100     vp dat burger huys as ich vernam.
Verse / Line: 101     Do sy vp dat huys quamen
Verse / Line: 102     ind den rait alda vernamen,
Verse / Line: 103     eyn van in sprechen began:
Verse / Line: 104     "Ir heren, da synt dry man,
Verse / Line: 105     die haint zo dem lantvreden
Verse / Line: 106     van der stede wegen gereden,
Verse / Line: 107     ind haint nu vp dat leste
Verse / Line: 108     neit gedain der stede beste,
Verse / Line: 109     want sy hulpen vrloff geuen
Verse / Line: 110     heren Emunt Birckelin irme neuen,
Verse / Line: 111     dat hie penden moge vp die stat;
Verse / Line: 112     her vmb sult ir wissen dat,
Verse / Line: 113     dat vnse gesellen willent hain
Verse / Line: 114     dat men sy'z zo turnen do gain."
Page of edition: 218  Verse / Line: 115     Der rait in antwerde ind sprach:
Verse / Line: 116     "Ir heren, durch den gueden daich,
Verse / Line: 117     wir moichten dry man dat gekeren,
Verse / Line: 118     dat die stede myt den heren
Verse / Line: 119     alda hadden ouer dragen?
Verse / Line: 120     Dat en kunden sy neit weder sagen,
Verse / Line: 121     sy moisten volgen dem meisten part,
Verse / Line: 122     ain was it in zo doin hart;
Verse / Line: 123     sy sint vnschuldich deser dait
Verse / Line: 124     der ir sy hie bezegen hait."
Verse / Line: 125     Die weuer spraichen euer doy
Verse / Line: 126     alsus dem rade zoy:
Verse / Line: 127     "It dunckit vns besser syn gedain,
Verse / Line: 128     dat man sy do zo den turnen gain,
Verse / Line: 129     dan meir krut dar aue intstey,
Verse / Line: 130     ir heren wir in sain uch numme."
Verse / Line: 131     Der rait sprach: "Laist dit bestain,
Verse / Line: 132     dat duncket vns wail syn gedain,
Verse / Line: 133     zwene dage off dry;
Verse / Line: 134     vnse heren sullen schicken dar by
Verse / Line: 135     ind ein guede antworde sagen,
Verse / Line: 136     die uch wale sal behagen."
Verse / Line: 137     Die weuer reiffen algemein
Verse / Line: 138     beide grois ind clein,
Verse / Line: 139     sy wolden zer stunt ein antworde hain,
Verse / Line: 140     ind leissen ouch da by verstain,
Verse / Line: 141     woulden sy ir neit in die turne laissen,
Verse / Line: 142     sy wolden sy nemen vp der straissen.
Verse / Line: 143     Bynnen dis, dat ich vernam,
Verse / Line: 144     der weuer vil gelouffen quam
Page of edition: 219  Verse / Line: 145     al vp der burger huys
Verse / Line: 146     ind maichden da ein grois geruysch.
Verse / Line: 147     Do der rait dat vernam
Verse / Line: 148     dat der weuer so vil quam,
Verse / Line: 149     do wart in gesaicht,
Verse / Line: 150     sy solden zo den turnen werden gelaicht.
Verse / Line: 151     Do geingen sy do heym weder
Verse / Line: 152     ind beiten vnlange seder.
Verse / Line: 153     Nu hoirt ir namen we sy weren
Verse / Line: 154     deser drier heren,
Verse / Line: 155     die da zo torne moisten gain,
Verse / Line: 156     ich sal sy uch doin verstain:
Verse / Line: 157     Costyn greue der einre heisch,
Verse / Line: 158     der ander her Gerart van Benesijs,
Verse / Line: 159     her Gotschalck Birkelin
Verse / Line: 160     moist der derde geselle syn.
Verse / Line: 161     Dar na des neisten morgens vro
Verse / Line: 162     quamen die weuer do
Verse / Line: 163     by den rait zo der seluer stunt.
Verse / Line: 164     Eyne do sprechen begont:
Verse / Line: 165     "Hoirt ir heren algelich,
Verse / Line: 166     vnse gesellen gemeinlich
Verse / Line: 167     ind al ampt, dat maich ich sagen,
Verse / Line: 168     haint des ouerdragen,
Verse / Line: 169     dat man eicht man liege
Verse / Line: 170     van vrre alre wege
Verse / Line: 171     vp die turne eyne zijt,
Verse / Line: 172     bys man werde quijt
Verse / Line: 173     heren Emuntz veitschaff,
Verse / Line: 174     so mogen sy komen her weder aff
Page of edition: 220  Verse / Line: 175     ind man ouch eynen meichtigen rait
Verse / Line: 176     gesette weder in syn stait."
Verse / Line: 177     Do der rait dyt vernam,
Verse / Line: 178     dat sy myt sulchen meren quamen,
Verse / Line: 179     des verducht sy sere
Verse / Line: 180     vmb sulche vngehoirte mere.
Verse / Line: 181     Sy spraichen: "Ir heren doit wale,
Verse / Line: 182     laist ligen dese zale,
Verse / Line: 183     in laist vns eindreichtich leuen,
Verse / Line: 184     so in maich vns neman weder streuen."
Verse / Line: 185     Clein halp ir weder reden,
Verse / Line: 186     want sy en volgeden neit der beiden.
Verse / Line: 187     Wat sal vil hin aff gesaicht!
Verse / Line: 188     Die weuer hadden die maicht
Verse / Line: 189     beyde zo doin ind zo laissen,
Verse / Line: 190     des dreuen sy me dan maissen
Verse / Line: 191     ir gewalt mit guden luden.
Verse / Line: 192     Vurwair maich ich dat duden,
Verse / Line: 193     sy worden kome ouerdadinckt do,
Verse / Line: 194     dat sy yren willen geuen dar zo,
Verse / Line: 195     dat die eicht heren voyren
Verse / Line: 196     bynnen mittate. Nu moicht ir horen
Verse / Line: 197     van desen eicht heren
Verse / Line: 198     we ir name weren,
Verse / Line: 199     ich sal sy uch nennen,
Verse / Line: 200     ir moicht sy wail kennen.
Verse / Line: 201     Her Werner van Spegel was
Verse / Line: 202     der eichter ein; hu hoirt vurbas
Verse / Line: 203     we die anderen moisten syn,
Verse / Line: 204     her Heinrich van me Kusin
Page of edition: 221  Verse / Line: 205     ind van Oylreportzen her Iohan,
Verse / Line: 206     ouch so moist da syn nochtan
Verse / Line: 207     Iohan Scherfgin
Verse / Line: 208     ind Iohan Hirtzelin,
Verse / Line: 209     Heinrich Iude
Verse / Line: 210     was ir ein; ain dede hie't noede,
Verse / Line: 211     ouch so was da noch
Verse / Line: 212     Iohan van Mummersloch,
Verse / Line: 213     Vranck van me Horne
Verse / Line: 214     was der eicht, an was't eme zorn.
Verse / Line: 215     Sus geingen die eicht van rade
Verse / Line: 216     sancte Cunbertz bynnen mittate
Verse / Line: 217     ind lagen da eilff wechen.
Verse / Line: 218     Ich maich it vurwair sprechen,
Verse / Line: 219     ir hadden ein deil anders zo schaffen,
Verse / Line: 220     dan sy da lagen by den paffen. -

Verse / Line: 221        Dyt wil ich hie laissen stain
Verse / Line: 222     ind wil uch vurbas sain,
Verse / Line: 223     wie zo Coelne en bynnen der stat
Verse / Line: 224     eyn nuwe rait wart gesat.
Verse / Line: 225     Dyt dreuen die weuer algelich,
Verse / Line: 226     want sy hedden gerne sich
Verse / Line: 227     gezogen by den rait,
Verse / Line: 228     dat in gebuyrde neit irre stait.
Verse / Line: 229     Nu hoirt wie sijt an veingen,
Verse / Line: 230     by den rait dat sy geingen,
Verse / Line: 231     eyn van den weueren bestoint zo sagen:
Verse / Line: 232     "Ir heren wir hain ouerdragen,
Verse / Line: 233     dat gein scheffen me zo rade
Verse / Line: 234     sitzen sal wer vro noch spade,
Page of edition: 222  Verse / Line: 235     noch ouch burgermeister en sy,
Verse / Line: 236     dat sain wir uch dar by.
Verse / Line: 237     Dar zo wil wir, dat man breche
Verse / Line: 238     dat ampt van der richterzechge."
Verse / Line: 239     Dyt moist geschein, so as ich hain vernomen,
Verse / Line: 240     solden die dry van den turnen komen
Verse / Line: 241     ind ouch vs mittaten die eicht,
Verse / Line: 242     it were krum off it we reichte,
Verse / Line: 243     it moiste na eren willen gain. -
Verse / Line: 244     Dit wil ich hie laissen stain
Verse / Line: 245     ind sagen wie dijs nuwe rait
Verse / Line: 246     gemaicht wart ind in wilcher stait.
Verse / Line: 247     Da worden gekoren vunffzein man,
Verse / Line: 248     so ich it reichte vernam,
Verse / Line: 249     die worden van den gesleichten genomen,
Verse / Line: 250     als it van alders was her komen;
Verse / Line: 251     ouch wart gekoren da by
Verse / Line: 252     eyn wijt rait; wie vil der sy,
Verse / Line: 253     dat wil ich uch laissen verstain,
Verse / Line: 254     der was vunffzijch sonder wain.
Verse / Line: 255     In disme widen rade was
Verse / Line: 256     der ampt vil, as ich it las,
Verse / Line: 257     beide peltzer ind smede
Verse / Line: 258     ind gurdelmeicher da mede,
Verse / Line: 259     der sarworter was
Verse / Line: 260     eyn deil dryn; hoirt vurbas
Verse / Line: 261     wie die anderen waren,
Verse / Line: 262     dat sint meilre wissent zworen,
Verse / Line: 263     ouch was da as ich meine
Verse / Line: 264     van den kremeren zwene,
Page of edition: 223  Verse / Line: 265     ind van den kannengeisseren ein man
Verse / Line: 266     moiste da syn; nochtan
Verse / Line: 267     die reymsnider waren da
Verse / Line: 268     so wie sy myt namen kompt her na;
Verse / Line: 269     ouch dar ynne was
Verse / Line: 270     eyn deil der loirre, der mich vergas,
Verse / Line: 271     ain sint sy myt den lesten
Verse / Line: 272     sy wolden doch syn myt den besten;
Verse / Line: 273     ouch woren da goltsmede.
Verse / Line: 274     Got geue in den rede,
Verse / Line: 275     die dat ey erdaichten
Verse / Line: 276     ind dar zo braichten,
Verse / Line: 277     dat Coellen die gude stat
Verse / Line: 278     mit sulchen raitz luden wart besat!
Verse / Line: 279     Dyt dreuen die weuer algelich
Verse / Line: 280     ind hadden da by sich
Verse / Line: 281     dar ynne also bewart,
Verse / Line: 282     dat sy hadden dat meiste part
Verse / Line: 283     in me rade; wat maich ich sagen
Verse / Line: 284     hin aue vil ind gewagin?
Verse / Line: 285     It moist gain na eren wille
Verse / Line: 286     beide offenbair ind stille,
Verse / Line: 287     ind wat sy wolden dat geschaich
Verse / Line: 288     beide naicht ind daich,
Verse / Line: 289     want ir gewalt was so grois,
Verse / Line: 290     dat is die besten ducke verdrois.
Verse / Line: 291     Sy en kundens gekeren neit,
Verse / Line: 292     her vmb sungen sy ir leit.
Verse / Line: 293     Solde man eniche assyse setzen
Verse / Line: 294     bynnen der stat, sonder letzen
Page of edition: 224  Verse / Line: 295     moist dat doch der quijt syn,
Verse / Line: 296     it moist allit gelden der wyn;
Verse / Line: 297     wat schait dat ich't melden,
Verse / Line: 298     sy en wolden ney kijt mit gelden
Verse / Line: 299     der assise en geine
Verse / Line: 300     beide grois noch cleine.
Verse / Line: 301     Ouch sy uch dat kunt,
Verse / Line: 302     sy hadden zo der seluer stunt
Verse / Line: 303     die slussel van der stat.
Verse / Line: 304     Vurwair soilt ir wissen dat,
Verse / Line: 305     die slussel hadden sy doch mede,
Verse / Line: 306     as weirlich geue in Got den rede,
Verse / Line: 307     van der stede segel ind schatz;
Verse / Line: 308     want al ir vp satz,
Verse / Line: 309     wat sy en geloichten neit,
Verse / Line: 310     den besten her vmb was it gescheit.

Verse / Line: 311        Nu hoirt wie lange dis rait
Verse / Line: 312     stoint in deser stait.
Verse / Line: 313     Ich wene her gekoren worde
Verse / Line: 314     do man schreiff na Gotz geburde
Verse / Line: 315     dusend dry hundert iair
Verse / Line: 316     ind seuentzijch offenbair,
Verse / Line: 317     veirzein naicht na sent Iohans dage;
Verse / Line: 318     ich wene ich wair sage
Verse / Line: 319     ind stoint also ein iair,
Verse / Line: 320     dat maich ich sagen vurwair,
Verse / Line: 321     ind dar zo vunff mainde.
Verse / Line: 322     Der weuer ein wainde,
Verse / Line: 323     hie solde zo ewigen dagen
Verse / Line: 324     also stain ain weder sagen.
Page of edition: 225  Verse / Line: 325     Nu hoirt wie vp einen daich
Verse / Line: 326     die Got, die al dinck vermaich,
Verse / Line: 327     neit langer en wolde gehengen,
Verse / Line: 328     dat sy moichten volbrengen
Verse / Line: 329     iren groissen ouer moit.
Verse / Line: 330     Nu vernempt, myt wilcher spoit
Verse / Line: 331     dat it dar zo quam;
Verse / Line: 332     ich sal uch sagen as ich vernam.
Verse / Line: 333     Eyn weuer geuangen was
Verse / Line: 334     in der haicht, as ich las,
Verse / Line: 335     die sulche misdait hadde gedain,
Verse / Line: 336     dat maich ich sagen sonder wain,
Verse / Line: 337     dat der scheffen hatte vrdel gegeuen,
Verse / Line: 338     dat man eme beneme dat leuen.
Verse / Line: 339     Dem richter wart hie beuolen,
Verse / Line: 340     in der haicht moist hie in holen
Verse / Line: 341     ind voirt in in dat velt; dat saich
Verse / Line: 342     manich man vp den daich.
Verse / Line: 343     Hencken van Turne was hie genant,
Verse / Line: 344     vnder den weueren was hie bekant,
Verse / Line: 345     want hie was irre gesellen ein,
Verse / Line: 346     als des dages wail schein.
Verse / Line: 347     Eyn weuer gelouffen quam
Verse / Line: 348     vp beide huys, do hie it vernam.
Verse / Line: 349     Hie sprach: "Ir heren alle,
Verse / Line: 350     seit wie uch dit beualle,
Verse / Line: 351     dat man vren gesellen leit
Verse / Line: 352     in't velt ind syn houft af sleit;
Verse / Line: 353     ich saich in ey zo sonder beiden
Verse / Line: 354     alda hyn zo velde leiden!"
Page of edition: 226  Verse / Line: 355     Eyn weuer dat vernam,
Verse / Line: 356     hie wart zornich ind gram,
Verse / Line: 357     van den husen dat hie leiff,
Verse / Line: 358     dat volck hie an reiff,
Verse / Line: 359     dat sy leiffen zo velde
Verse / Line: 360     ind hoilden den man myt gewelde.
Verse / Line: 361     Sys leiffen sy zo velde wert,
Verse / Line: 362     mallich nam myt eme syn swert
Verse / Line: 363     ind woilden den man hoilen
Verse / Line: 364     as in was beuolen;
Verse / Line: 365     ire gein da heyme leis
Verse / Line: 366     beide kule noch den speis,
Verse / Line: 367     sy wolden't myt in dragen.
Verse / Line: 368     Hoirt vort ich sal uch sagen,
Verse / Line: 369     in dat velt dat sy quamen.
Verse / Line: 370     Heren Euerhart Hardevuyst sy vernamen,
Verse / Line: 371     de zo der zijt ein richter was,
Verse / Line: 372     vp syme henxt dat hie sas.
Verse / Line: 373     Eyn weuer quam by in gerant,
Verse / Line: 374     Heinrich Baichstraisse was hie genant,
Verse / Line: 375     hie sprach: "Her richter, wir willen hain
Verse / Line: 376     den man gevrist al sonder wain,
Verse / Line: 377     in doit irs neit, it wirt uch leit,
Verse / Line: 378     dat spreche ich vp mynen eit!"
Verse / Line: 379     Her Euerhart sprach: "Ich in kan
Verse / Line: 380     gevristen en geinen man,
Verse / Line: 381     da scheffen vrdel ouer geit,
Verse / Line: 382     it sy myr leiff, off it sy myr leit."
Verse / Line: 383     Wat hulpe vil dat ich seichte
Verse / Line: 384     ind die wort zo ende breichte
Page of edition: 227  Verse / Line: 385     die sich da ergeingen.
Verse / Line: 386     Hoirt wie sijt ane veingen:
Verse / Line: 387     Sy namen den man myt gewalt
Verse / Line: 388     ind voirden in in ire gewalt
Verse / Line: 389     zo der stat weder in.-
Verse / Line: 390     Hie wil ich laissen desen syn.
Verse / Line: 391     Nu hoirt sonder vragen
Verse / Line: 392     van irre zwen, die dit sagen,
Verse / Line: 393     so scheir it in wart bekant,
Verse / Line: 394     in die stat quamen sy gerant.
Verse / Line: 395     Nu vernempt wie sy weren,
Verse / Line: 396     ich sal sy uch ercleren:
Verse / Line: 397     Her Iohan van Croyn was
Verse / Line: 398     der ein; hoirt vurbas
Verse / Line: 399     ind Teilman van Couelshouen,
Verse / Line: 400     dese zwein wil ich louen
Verse / Line: 401     sent Bryden dat sy quamen,
Verse / Line: 402     die broderschaff vernamen,
Verse / Line: 403     den saichten sy die mere,
Verse / Line: 404     wie da geuaren were.
Verse / Line: 405     So scheir die broderschaff dat vernam,
Verse / Line: 406     mallich synre wapen gesan,
Verse / Line: 407     sy leiffen ind wapenden sich
Verse / Line: 408     beide arm ind riche.
Verse / Line: 409     Vurwair solt ir wissen dat,
Verse / Line: 410     it wapende sich alt in der stat.
Verse / Line: 411     Der rait hadde sich scheir bereit,
Verse / Line: 412     neit langer wart van in gebeit,
Verse / Line: 413     sent Bryden dat sy quamen,
Verse / Line: 414     die broderschaff da vernamen.
Page of edition: 228  Verse / Line: 415     Eyne geselschaff is myr bekant,
Verse / Line: 416     die sint lodere genant,
Verse / Line: 417     die woren mit den eirsten da by,
Verse / Line: 418     hie aue willich louen sy.
Verse / Line: 419     Die gesellen van Ysenmart
Verse / Line: 420     quamen by den rait geschart.
Verse / Line: 421     Ich haint ouch wail vernomen,
Verse / Line: 422     da sy neit alle in woren komen;
Verse / Line: 423     die koufflude vp me Aldenmart
Verse / Line: 424     quamen myt der seluer vart.
Verse / Line: 425     Die gesellen van Hemelrich
Verse / Line: 426     leissen des dais neit manen sich,
Verse / Line: 427     sy quamen harde scheir
Verse / Line: 428     vnder der stede baneire.
Verse / Line: 429     Die vischmenger dar quamen,
Verse / Line: 430     als balde als sy it vernamen.
Verse / Line: 431     Die broderschaff sent Bryden
Verse / Line: 432     en wolde des neit liden,
Verse / Line: 433     dat man't stelte in einchen vreden.
Verse / Line: 434     Sy spraichen myt den reden,
Verse / Line: 435     sy hadden sich dar zo gestalt,
Verse / Line: 436     sy wolden keren die gewalt.
Verse / Line: 437     Sus treckede die baneir vs
Verse / Line: 438     sente Bryden der gebuyr huys.
Verse / Line: 439     Eme volgede mench man,
Verse / Line: 440     die ich genomen neit en kan.
Verse / Line: 441     Vur Airsburch dat sy quamen,
Verse / Line: 442     alda sy vernamen
Verse / Line: 443     alsulche mere,
Verse / Line: 444     wie da gewapent were
Page of edition: 229  Verse / Line: 445     der weuer ein michel schar.
Verse / Line: 446     By den Vrouwen broderen, alda
Verse / Line: 447     trecktden sy myt der baneir vort
Verse / Line: 448     die baich vp al vp den ort
Verse / Line: 449     ouer den Weitmart, dat sy traden;
Verse / Line: 450     in geynen vrede sy en baden.
Verse / Line: 451     Mallich zoich da syn swert
Verse / Line: 452     ind leiff zo den vianden wert.
Verse / Line: 453     Nu hoirt sonder vragen,
Verse / Line: 454     do die weuer dat gesagen,
Verse / Line: 455     sy vluwen in Peter Nycols huys
Verse / Line: 456     ind leissen die baneir hie vs
Verse / Line: 457     ind ouch zwein man
Verse / Line: 458     bleuen vur der doren nochtan,
Verse / Line: 459     der bleiff ein in der noit
Verse / Line: 460     zo der seluer stunt doit;
Verse / Line: 461     die ander vur doit da laich,
Verse / Line: 462     dat it manich man saich.
Verse / Line: 463     Nu moicht man wonder schauwen
Verse / Line: 464     wie die baneir wart zo hauwen
Verse / Line: 465     beide zo splissen
Verse / Line: 466     ind zo stucken zo ryssen.
Verse / Line: 467     Die smede snel vys traden
Verse / Line: 468     mit irme baneir vnberaden
Verse / Line: 469     ind wolden, as ich hain vernomen,
Verse / Line: 470     den weueren zo helpen komen.
Verse / Line: 471     Mer do sy dat gesagen,
Verse / Line: 472     dat die weuer neder lagen,
Verse / Line: 473     neit sere sy in ylden do vort,
Verse / Line: 474     mer man saich sy hie ind dort
Page of edition: 230  Verse / Line: 475     vlein an allen enden.
Verse / Line: 476     Got van hemel wolde sy schenden,
Verse / Line: 477     want sy weder ere ind reicht
Verse / Line: 478     woren weder die geschleichte. -
Verse / Line: 479     De is wail geleirt,
Verse / Line: 480     die al dinck zo dem besten keirt.




Next part


This text is part of the TITUS edition of Godefrit Hagen, Reimchronik der Stadt Coeln.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.