TITUS
Anna von Koeln, Liederbuch
Part No. 5
Previous part

Song: 14.  
Manuscript page: 19a-20a 
Sub nota puer nobis nascitur. Carmen


Strophe: 1  
Verse: 1     Jhesus, suesse lieff al eynich eyn,
Verse: 2     ws Maria geboren,
Verse: 3     du bis myns hertzen troist alleyn
Verse: 4     ws dusenden wsverkoren.

Strophe: 2  
Verse: 1     Syt willekommen, suesse Jhesukyn,
Verse: 2     in snoeden doeken gewonden,
Verse: 3     gelacht int cribbekyn,
Verse: 4     da oss ind esel an stonden.

Strophe: 3  
Verse: 1     Jhesus, du coerst eyn wyntersche nacht
Verse: 2     ind ouch eyne arm moder,
Verse: 3     ich en hoerde nochtans geyn gewach
Verse: 4     van eynichen bonten voeder.

Strophe: 4  
Verse: 1     In hemel en was armoit noch verdreit,
Verse: 2     dat kruit bloede in der erden,
Verse: 3     die lude en wosten de durbarheit neit,
Verse: 4     eir sy Jhesus wolde anwerden.

Strophe: 5  
Verse: 1     Die engelen sungen eynen nuwen sanck:
Verse: 2     Glorie sy Goed in den throne;
Verse: 3     die melodie gaff so suessen clanck,
Verse: 4     die heirdekens songen myt schoene.

Strophe: 6  
Verse: 1     Ons is geboren eyn cleyn kyndekyn,
Verse: 2     al der engelen eyn here.
Verse: 3     Al die werelt is ouch myt syn,
Verse: 4     he mynnet ons lutterlich sere.

Strophe: 7  
Verse: 1     Nu lait ons gaen in Bethleem,
Verse: 2     dat kyndelyn visyteren,
Verse: 3     wir haven gehoirt der engelen sanck,
Verse: 4     wir willen myt iubelieren.

Strophe: 8  
Verse: 1     O Jhesu, du bis myns hertzen geryff
Verse: 2     mynre der suver megden,
Verse: 3     du bleyfft gesunt, al ander lieff
Verse: 4     ich en kan oere neit geplegen.

Strophe: 9  
Verse: 1     Maria, leve moder myn,
Verse: 2     ich en kan van uch neit gescheiden,
Verse: 3     ich en have gekust dyn kyndelyn
Verse: 4     en neme oirloeff van uch beiden.

Strophe: 10  
Verse: 1     Vallazu zu vollazuzu vallanyuo
Verse: 2     laet ons gaen, dat kyndelyn rest,
Verse: 3     benedicamus domino.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.