TITUS
Alexanderroman (Wernigeroder Handschrift)
Part No. 3
Previous part

Chapter: 2  
Neptanabus in Ägypten


Verse: 91    Als ich nü müt han ze sagen
Verse: 92    Von Allexandro, nit verdagen

Verse: 93    Mag ich, und müzz sein gesleht
Verse: 94    Sagen, von dem er kom reht,

Verse: 95    Als ez hat angefangen.
Verse: 96    Land euch der red nit blangen!

Verse: 97    Ez warnd in Egipten land
Verse: 98    Vor alter maister vil erkand

Verse: 99    In astronomia der künst
Verse: 100    Die ubten sie vast mit günst.

Verse: 101    Nü waz ir künig Neptanabus
Verse: 102    Zu der zeit ein astronomius

Verse: 103    Und ein nygromaticus,
Verse: 104    Daz in teutsch spricht alsus:

Verse: 105    Ain maister in der zauberey.
Verse: 106    Ain künig waz bey

Verse: 107    In Persya, Archaxerses
Verse: 108    So dez künigs namen waz.

Verse: 109    Der zoch auf Neptanabum
Verse: 110    Mit gewalt in Egiptüm:

Verse: 111    Dem entwaich Neptanabus
Verse: 112    Haymlich, sagt daz puch süß,

Verse: 113    Daz nymmant west wa er waz komen.
Verse: 114    Da daz lantfolk het vernomen,

Verse: 115    Sie fragten yren apt got,
Verse: 116    Der hiez Serapis on spot,

Verse: 117    Daz er sagt mer
Verse: 118    Wa ir her wer

Verse: 119    Komen hin. er sprach zu in:
Verse: 120    'Ir wert kurczlichen in

Verse: 121    Sehen jung, als er waz alt.
Verse: 122    Ir sullend auch machen pald

Verse: 123    Ain seul in der ere sein,
Verse: 124    Dar ein sol der nam mein

Verse: 125    Serapis gehawen stann,
Verse: 126    Als ich ez euch gekundet hann.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.