TITUS
Alexanderroman (Wernigeroder Handschrift)
Part No. 2
Previous part

Chapter: Prol.  
Prolog


Verse: 1    Nach dez vaters Abraham
Verse: 2    Zeit als die werlt köm,

Verse: 3    Warnd vier künigreich
Verse: 4    Die grosten und auch sicherlich

Verse: 5    An maht weit und brait.
Verse: 6    Von dem ersten uns sait

Verse: 7    Die geschrift: ez ist genant
Verse: 8    Egyptinn, und weit erkant

Verse: 9    Waz ez in der alten e.
Verse: 10    Ich main daz ez nit ste

Verse: 11    So in solcher macht.
Verse: 12    Dez andern künigreichs aht

Verse: 13    Waz groß und ist nicht sa,
Verse: 14    Und waz geheißen Asyria.

Verse: 15    Daz drit daz waz Kriechen:
Verse: 16    Dez namen sach man riechen

Verse: 17    Hie vor in alter zeit
Verse: 18    Nachen und auch weit.

Verse: 19    Daz ist nü als clain,
Verse: 20    Als ich gelaub und main,

Verse: 21    Daz sie habent kainen kaiser mer,
Verse: 22    Als sie gehabt hand piz her:

Verse: 23    In haben die Turchen erslagen
Verse: 24    Yeczo in kurczen tagen,

Verse: 25    Die Turcken, die nit gelaubig sind
Verse: 26    Hayden: weib und kind

Verse: 27    Mußent in sein undertan.
Verse: 28    Daz vierd künigreich one wann

Verse: 29    Ist römisch reych,
Verse: 30    Daz man als gewalticleich

Verse: 31    Sach hie vor der werlt kraiß
Verse: 32    Betwingen mit vil großem sweiß

Verse: 33    Der Römer und mit yrem plut,
Verse: 34    Da mit sie vil er und gut

Verse: 35    Erwurben: daz seyget nider,
Verse: 36    Und fürht daz ez nymmer wider

Verse: 37    Kom in solch grozz maht,
Verse: 38    Wann dar nach nicht traht

Verse: 39    Mer kain römischer vogt.
Verse: 40    Sie haben vor oft geczogt

Verse: 41    Zu betwingen land und leüt,
Verse: 42    Daz sie laider nit tünd heüt.

Verse: 43    Doch sagt die geschrift daz,
Verse: 44    Als ich ez sach und laz,

Verse: 45    Daz römisch reych sol beleiben,
Verse: 46    Ob ez halt nit auf gewaltes scheyben

Verse: 47    Gat, piz on den jungsten tag.
Verse: 48    Ez ist zeit daz ich zu stat

Verse: 49    Lend und kom an daz
Verse: 50    Dürch daz daz puch funden waz.

Verse: 51    Daz ist von Allexander
Verse: 52    Von dem großen, der

Verse: 53    All diße werlt in zwelf jarn
Verse: 54    Tet under seinen gewalt parn.

Verse: 55    Ee ich nü kom dar an,
Verse: 56    So sag ich daz Pharon,

Verse: 57    Künig in dem ersten reych,
Verse: 58    Zwang gewalticleich

Verse: 59    Judischew diet.
Verse: 60    Moyses der schied

Verse: 61    Mit dem volk dürch daz mer,
Verse: 62    Dar ynn verdarb Pharo sein her.

Verse: 63    Von dem künig von Asyria
Verse: 64    Ward her nach Judea

Verse: 65    So getwungen mit gewalt
Verse: 66    Daz paide jüng und alt,

Verse: 67    Waz von den zwelf geslehten
Verse: 68    Kom, die braht er knehten,

Verse: 69    Daz er die zehen gesleht beslözz
Verse: 70    Mit ainem gepirg also grözz:

Verse: 71    Daz ain haißet Gog
Verse: 72    Und daz ander Magog:

Verse: 73    Dar ynn sie müßent ewiclich
Verse: 74    Sein, als daz mich

Verse: 75    Die geschrift weyset.
Verse: 76    Also ward verbreiset

Verse: 77    Jerusalem die stat groß
Verse: 78    Ward von volk alles blözz.

Verse: 79    Daz gesleht Benyany
Verse: 80    Und Juda ward da hin

Verse: 81    Gefürt gen Babilöm
Verse: 82    Und müst da sein under der krön,

Verse: 83    Bizz sie der künig von Persya
Verse: 84    Ledigt dem sie zins da

Verse: 85    Müsten lang zeit geben,
Verse: 86    Die man vor sach in freyhait leben,

Verse: 87    Bizz auf den tag daz Darius
Verse: 88    Der künig starb. alsus

Verse: 89    Ward Allexander ain
Verse: 90    Gewaltig in der werlt gemain.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.