TITUS
Biblia gothica
Part No. 60
Previous part

Chapter: 7 
Verse: 1    𐌸𐌰𐌿 𐌽𐌹𐌿 𐍅𐌹𐍄𐌿𐌸, 𐌱𐍂𐍉𐌸𐍂𐌾𐌿𐍃 𐌺𐌿𐌽𐌽𐌰𐌽𐌳𐌰𐌼 𐌰𐌿𐌺 𐍅𐌹𐍄𐍉𐌸 𐍂𐍉𐌳𐌾𐌰, 𐌸𐌰𐍄𐌴𐌹 𐍅𐌹𐍄𐍉𐌸 𐍆𐍂𐌰𐌿𐌾𐌹𐌽𐍉𐌸 𐌼𐌰𐌽𐌽, 𐍃 𐌻𐌰𐌲𐌲𐌰 𐍈𐌴𐌹𐌻𐌰 𐍃𐍅𐌴 𐌻𐌹𐌱𐌰𐌹𐌸?
   Þau niu wituþ, broþrjus kunnandam auk witoþ rodja, þatei witoþ fraujinoþ mann, s<wa> lagga ƕeila swe libaiþ?
   an ignoratis fratres scientibus enim legem loquor quia lex in homine dominatur quanto tempore vivit
   ῍Η ἀγνοεῖτε, ἀδελϕοί, γινώσκουσιν γὰρ νόμον λαλῶ, ὅτι ὁ νόμος κυριεύει τοῦ ἀνϑρώπου ἐϕ' ὅσον χρόνον ζῇ;

Verse: 2    𐌾𐌰𐌷 𐌰𐌿𐌺 𐌿𐍆𐍅𐌰𐌹𐍂𐌰 𐌵𐌴𐌽𐍃 𐌰𐍄 𐌻𐌹𐌱𐌰𐌽𐌳𐌹𐌽 𐌰𐌱𐌹𐌽 𐌲𐌰𐌱𐌿𐌽𐌳𐌰𐌽𐌰 𐌹𐍃𐍄 𐍅𐌹𐍄𐍉𐌳𐌰; 𐌰𐌸𐌸𐌰𐌽 𐌾𐌰𐌱𐌰𐌹 𐌲𐌰𐍃𐍅𐌹𐌻𐍄𐌹𐌸 𐌰𐌱𐌰, 𐌲𐌰𐌻𐌰𐌿𐍃𐌾𐌰𐌳𐌰 𐌰𐍆 𐌸𐌰𐌼𐌼𐌰 𐍅𐌹𐍄𐍉𐌳𐌰 𐌰𐌱𐌹𐌽𐍃.
   jah auk ufwaira qens at libandin abin gabundana ist witoda; aþþan jabai gaswiltiþ aba, galausjada af þamma witoda abins.
   nam quae sub viro est mulier vivente viro alligata est legi si autem mortuus fuerit vir soluta est a lege viri
   ἡ γὰρ ὕπανδρος γυνὴ τῷ ζῶντι ἀνδρὶ δέδεται νόμῳ· ἐὰν δὲ ἀποϑάνῃ ὁ ἀνήρ, κατήργηται ἀπὸ τοῦ νόμου τοῦ ἀνδρός.

Verse: 3    𐌸𐌰𐌽𐌽𐌿 𐌸𐌰𐌽 𐌰𐍄 𐌻𐌹𐌱𐌰𐌽𐌳𐌹𐌽 𐌰𐌱𐌹𐌽 𐌷𐌰𐌹𐍄𐌰𐌳𐌰 𐌷𐍉𐍂𐌹𐌽𐍉𐌽𐌳𐌴𐌹, 𐌾𐌰𐌱𐌰𐌹 𐍅𐌰𐌹𐍂𐌸𐌹𐌸 𐍅𐌰𐌹𐍂𐌰 𐌰𐌽𐌸𐌰𐍂𐌰𐌼𐌼𐌰; 𐌹𐌸 𐌾𐌰𐌱𐌰𐌹 𐌲𐌰𐍃𐍅𐌹𐌻𐍄𐌹𐌸 𐍅𐌰𐌹𐍂, 𐍆𐍂𐌹𐌾𐌰 𐌹𐍃𐍄 𐌸𐌹𐍃 𐍅𐌹𐍄𐍉𐌳𐌹𐍃, 𐌴𐌹 𐌽𐌹 𐍃𐌹𐌾𐌰𐌹 𐌷𐍉𐍂𐌹𐌽𐍉𐌽𐌳𐌴𐌹 𐍅𐌰𐌿𐍂𐌸𐌰𐌽𐌰 𐌰𐌱𐌹𐌽 𐌰𐌽𐌸𐌰𐍂𐌰𐌼𐌼𐌰.
   þannu þan at libandin abin haitada horinondei, jabai wairþiþ waira anþaramma; (iþ) jabai gaswiltiþ wair, frija ist þis witodis, ei ni sijai horinondei waurþana abin anþaramma.
   igitur vivente viro vocabitur adultera si fuerit cum alio viro si autem mortuus fuerit vir eius liberata est a lege ut non sit adultera si fuerit cum alio viro
   ἄρα οὖν ζῶντος τοῦ ἀνδρὸς μοιχαλὶς χρηματίσει ἐὰν γένηται ἀνδρὶ ἑτέρῳ· ἐὰν δὲ ἀποϑάνῃ ὁ ἀνήρ, ἐλευϑέρα ἐστὶν ἀπὸ τοῦ νόμου, τοῦ μὴ εἶναι αὐτὴν μοιχαλίδα γενομένην ἀνδρὶ ἑτέρῳ.

Verse: 4    𐍃𐍅𐌰𐌴𐌹 𐌽𐌿 𐌾𐌰𐌷 𐌾𐌿𐍃, 𐌱𐍂𐍉𐌸𐍂𐌾𐌿𐍃 𐌼𐌴𐌹𐌽𐌰𐌹, 𐌰𐍆𐌳𐌰𐌿𐌸𐌹𐌳𐌰𐌹 𐍅𐌰𐌿𐍂𐌸𐌿𐌸 𐍅𐌹𐍄𐍉𐌳𐌰 𐌸𐌰𐌹𐍂𐌷 𐌻𐌴𐌹𐌺 𐍇𐍂𐌹𐍃𐍄𐌰𐌿𐍃, 𐌴𐌹 𐍅𐌰𐌹𐍂𐌸𐌰𐌹𐌸 𐌰𐌽𐌸𐌰𐍂𐌰𐌼𐌼𐌰, 𐌸𐌰𐌼𐌼𐌰 𐌿𐍃 𐌳𐌰𐌿𐌸𐌰𐌹𐌼 𐌿𐍂𐍂𐌴𐌹𐍃𐌰𐌽𐌳𐌹𐌽, 𐌴𐌹 𐌰𐌺𐍂𐌰𐌽 𐌱𐌰𐌹𐍂𐌰𐌹𐌼𐌰 𐌲𐌿𐌳𐌰.
   swaei nu jah jus, broþrjus meinai, afdauþidai waurþuþ witoda þairh leik Xristaus, ei wairþaiþ anþaramma, þamma us dauþaim urreisandin, ei akran bairaima guda.
   itaque fratres mei et vos mortificati estis legi per corpus Christi ut sitis alterius qui ex mortuis resurrexit ut fructificaremus Deo
   ὥστε, ἀδελϕοί μου, καὶ ὑμεῖς ἐϑανατώϑητε τῷ νόμῳ διὰ τοῦ σώματος τοῦ Χριστοῦ, εἰς τὸ γενέσϑαι ὑμᾶς ἑτέρῳ, τῷ ἐκ νεκρῶν ἐγερϑέντι, ἵνα καρποϕορήσωμεν τῷ ϑεῷ.

Verse: 5    𐌸𐌰𐌽 𐌰𐌿𐌺 𐍅𐌴𐍃𐌿𐌼 𐌹𐌽 𐌻𐌴𐌹𐌺𐌰, 𐍅𐌹𐌽𐌽𐍉𐌽𐍃 𐍆𐍂𐌰𐍅𐌰𐌿𐍂𐌷𐍄𐌹 𐌸𐍉𐍃 𐌸𐌰𐌹𐍂𐌷 𐍅𐌹𐍄𐍉𐌸 𐍅𐌰𐌿𐍂𐌷𐍄𐌴𐌳𐌿𐌽 𐌹𐌽 𐌻𐌹𐌸𐌿𐌼 𐌿𐌽𐍃𐌰𐍂𐌰𐌹𐌼 𐌳𐌿 𐌰𐌺𐍂𐌰𐌽 𐌱𐌰𐌹𐍂𐌰𐌽 𐌳𐌰𐌿𐌸𐌰𐌿;
   þan auk wesum in leika, winnons frawaurhti þos þairh witoþ waurhtedun in liþum unsaraim du akran bairan dauþau;
   cum enim essemus in carne passiones peccatorum quae per legem erant operabantur in membris nostris ut fructificarent morti
   ὅτε γὰρ ἦμεν ἐν τῇ σαρκί, τὰ παϑήματα τῶν ἁμαρτιῶν τὰ διὰ τοῦ νόμου ἐνηργεῖτο ἐν τοῖς μέλεσιν ἡμῶν εἰς τὸ καρποϕορῆσαι τῷ ϑανάτῳ·

Verse: 6    𐌹𐌸 𐌽𐌿, 𐍃𐌰𐌹, 𐌰𐌽𐌳𐌱𐌿𐌽𐌳𐌰𐌽𐌰𐌹 𐍅𐌰𐌿𐍂𐌸𐌿𐌼 𐌰𐍆 𐍅𐌹𐍄𐍉𐌳𐌰, 𐌲𐌰𐌳𐌰𐌿𐌸𐌽𐌰𐌽𐌳𐌰𐌽𐍃 𐌹𐌽 𐌸𐌰𐌼𐌼𐌴𐌹 𐌲𐌰𐌷𐌰𐌱𐌰𐌹𐌳𐌰𐌹 𐍅𐌴𐍃𐌿𐌼, 𐍃𐍅𐌰𐌴𐌹 𐍃𐌺𐌰𐌻𐌺𐌹𐌽𐍉𐌼𐌰 𐌹𐌽 𐌽𐌹𐌿𐌾𐌹𐌸𐌰𐌹 𐌰𐌷𐌼𐌹𐌽𐍃 𐌾𐌰𐌷 𐌽𐌹 𐍆𐌰𐌹𐍂𐌽𐌹𐌸𐌰𐌹 𐌱𐍉𐌺𐍉𐍃.
   iþ nu, sai, andbundanai waurþum af witoda, gadauþnandans in þammei gahabaidai wesum, swaei skalkinoma in niujiþai ahmins jah ni fairniþai bokos.
   nunc autem soluti sumus a lege morientes in quo detinebamur ita ut serviamus in novitate spiritus et non in vetustate litterae
   νυνὶ δὲ κατηργήϑημεν ἀπὸ τοῦ νόμου, ἀποϑανόντες ἐν ᾧ κατειχόμεϑα, ὥστε δουλεύειν ἡμᾶς ἐν καινότητι πνεύματος καὶ οὐ παλαιότητι γράμματος.

Verse: 7    𐍈𐌰 𐌽𐌿 𐌵𐌹𐌸𐌰𐌼? 𐍅𐌹𐍄𐍉𐌸 𐍆𐍂𐌰𐍅𐌰𐌿𐍂𐌷𐍄𐍃 𐌹𐍃𐍄? 𐌽𐌹𐍃𐍃𐌹𐌾𐌰𐌹! 𐌰𐌺 𐍆𐍂𐌰𐍅𐌰𐌿𐍂𐌷𐍄 𐌽𐌹 𐌿𐍆𐌺𐌿𐌽𐌸𐌴𐌳𐌾𐌰𐌿 𐌽𐌹𐌷 𐌸𐌰𐌹𐍂𐌷 𐍅𐌹𐍄𐍉𐌸, 𐌿𐌽𐍄𐌴 𐌻𐌿𐍃𐍄𐌿 𐌽𐌹𐌷 𐍅𐌹𐍃𐍃𐌴𐌳𐌾𐌰𐌿, 𐌽𐌹𐌷 𐍅𐌹𐍄𐍉𐌸 𐌵𐌴𐌸𐌹: 𐌽𐌹 𐌲𐌰𐌹𐍂𐌽𐌾𐌰𐌹𐍃.
   ƕa nu qiþam? witoþ frawaurhts ist? nis-sijai! ak frawaurht ni ufkunþedjau nih þairh witoþ, unte lustu nih wissedjau, nih witoþ qeþi: ni gairnjais.
   quid ergo dicemus lex peccatum est absit sed peccatum non cognovi nisi per legem nam concupiscentiam nesciebam nisi lex diceret non concupisces
   Τί οὖν ἐροῦμεν; ὁ νόμος ἁμαρτία; μὴ γένοιτο· ἀλλὰ τὴν ἁμαρτίαν οὐκ ἔγνων εἰ μὴ διὰ νόμου, τήν τε γὰρ ἐπιϑυμίαν οὐκ ᾔδειν εἰ μὴ ὁ νόμος ἔλεγεν, Οὐκ ἐπιϑυμήσεις.

Verse: 8    𐌹𐌸 𐌻𐌴𐍅 𐌽𐌹𐌼𐌰𐌽𐌳𐌴𐌹 𐍆𐍂𐌰𐍅𐌰𐌿𐍂𐌷𐍄𐍃 𐌸𐌰𐌹𐍂𐌷 𐌰𐌽𐌰𐌱𐌿𐍃𐌽 𐌲𐌰𐍅𐌰𐌿𐍂𐌷𐍄𐌰 𐌹𐌽 𐌼𐌹𐍃 𐌰𐌻𐌻𐌰𐌽𐌰 𐌻𐌿𐍃𐍄𐌿; 𐌿𐌽𐍄𐌴 𐌹𐌽𐌿 𐍅𐌹𐍄𐍉𐌸 𐍆𐍂𐌰𐍅𐌰𐌿𐍂𐌷𐍄𐍃 𐍅𐌰𐍃 𐌽𐌰𐍅𐌹𐍃.
   iþ lew nimandei frawaurhts þairh anabusn gawaurhta in mis allana lustu; unte inu witoþ frawaurhts was nawis.
   occasione autem accepta peccatum per mandatum operatum est in me omnem concupiscentiam sine lege enim peccatum mortuum erat
   ἀϕορμὴν δὲ λαβοῦσα ἡ ἁμαρτία διὰ τῆς ἐντολῆς κατειργάσατο ἐν ἐμοὶ πᾶσαν ἐπιϑυμίαν· χωρὶς γὰρ νόμου ἁμαρτία νεκρά.

Verse: 9    𐌹𐌸 𐌹𐌺 𐌵𐌹𐌿𐍃 𐌹𐌽𐌿 𐍅𐌹𐍄𐍉𐌸 𐍃𐌹𐌼𐌻𐌴, 𐌹𐌸 𐌵𐌹𐌼𐌰𐌽𐌳𐌴𐌹𐌽 𐌰𐌽𐌰𐌱𐌿𐍃𐌽𐌰𐌹 𐍆𐍂𐌰𐍅𐌰𐌿𐍂𐌷𐍄𐍃 𐌲𐌰𐌵𐌹𐌿𐌽𐍉𐌳𐌰;
   iþ ik qius <was> inu witoþ siml(e), iþ qimandein anabusnai frawaurhts gaqiunoda;
   ego autem vivebam sine lege aliquando sed cum venisset mandatum peccatum revixit
   ἐγὼ δὲ ἔζων χωρὶς νόμου ποτέ· ἐλϑούσης δὲ τῆς ἐντολῆς ἡ ἁμαρτία ἀνέζησεν,

Verse: 10    𐌹𐌸 𐌹𐌺 𐌲𐌰𐌳𐌰𐌿𐌸𐌽𐍉𐌳𐌰, 𐌾𐌰𐌷 𐌱𐌹𐌲𐌹𐍄𐌰𐌽𐌰 𐍅𐌰𐍂𐌸 𐌼𐌹𐍃 𐌰𐌽𐌰𐌱𐌿𐍃𐌽𐍃, 𐍃𐌴𐌹 𐍅𐌰𐍃 𐌳𐌿 𐌻𐌹𐌱𐌰𐌹𐌽𐌰𐌹, 𐍅𐌹𐍃𐌰𐌽 𐌳𐌿 𐌳𐌰𐌿𐌸𐌰𐌿.
   iþ ik gadauþ(noda), jah bigitana warþ mis anabusns, sei was du libainai, wisan du dauþau.
   ego autem mortuus sum et inventum est mihi mandatum quod erat ad vitam hoc esse ad mortem
   ἐγὼ δὲ ἀπέϑανον, καὶ εὑρέϑη μοι ἡ ἐντολὴ ἡ εἰς ζωὴν αὕτη εἰς ϑάνατον·

Verse: 11    𐌿𐌽𐍄𐌴 𐍆𐍂𐌰𐍅𐌰𐌿𐍂𐌷𐍄𐍃 𐌻𐌴𐍅 𐌽𐌹𐌼𐌰𐌽𐌳𐌴𐌹 𐌸𐌰𐌹𐍂𐌷 𐌰𐌽𐌰𐌱𐌿𐍃𐌽 𐌿𐍃𐌻𐌿𐍄𐍉𐌳𐌰 𐌼𐌹𐌺, 𐌾𐌰𐌷 𐌸𐌰𐌹𐍂𐌷 𐌸𐍉 𐌿𐍃𐌵𐌰𐌼.
   unte frawaurhts lew nimandei þairh anabusn uslutoda mik, jah þairh þo usqam.
   nam peccatum occasione accepta per mandatum seduxit me et per illud occidit
   ἡ γὰρ ἁμαρτία ἀϕορμὴν λαβοῦσα διὰ τῆς ἐντολῆς ἐξηπάτησέν με καὶ δι' αὐτῆς ἀπέκτεινεν.

Verse: 12    𐌰𐌸𐌸𐌰𐌽 𐌽𐌿 𐍃𐍅𐌴𐌸𐌰𐌿𐌷 𐍅𐌹𐍄𐍉𐌸 𐍅𐌴𐌹𐌷𐌰𐍄𐌰 𐌾𐌰𐌷 𐌰𐌽𐌰𐌱𐌿𐍃𐌽𐍃 𐍅𐌴𐌹𐌷𐌰 𐌾𐌰𐌷 𐌲𐌰𐍂𐌰𐌹𐌷𐍄𐌰 𐌾𐌰𐌷 𐌸𐌹𐌿𐌸𐌴𐌹𐌲𐌰.
   aþþan nu sweþauh witoþ weihata jah anabusns weiha jah garaihta jah þiuþeiga.
   itaque lex quidem sancta et mandatum sanctum et iustum et bonum
   ὥστε ὁ μὲν νόμος ἅγιος, καὶ ἡ ἐντολὴ ἁγία καὶ δικαία καὶ ἀγαϑή.

Verse: 13    𐌸𐌰𐍄𐌰 𐌽𐌿 𐌸𐌹𐌿𐌸𐌴𐌹𐌲𐍉 𐍅𐌰𐍂𐌸 𐌼𐌹𐍃 𐌳𐌰𐌿𐌸𐌿𐍃? 𐌽𐌹𐍃𐍃𐌹𐌾𐌰𐌹! 𐌰𐌺 𐍆𐍂𐌰𐍅𐌰𐌿𐍂𐌷𐍄𐍃 𐌴𐌹 𐌿𐍃𐌺𐌿𐌽𐌸𐌰 𐍅𐌰𐌿𐍂𐌸𐌹 𐍆𐍂𐌰𐍅𐌰𐌿𐍂𐌷𐍄𐍃, 𐌸𐌰𐌹𐍂𐌷 𐌸𐌰𐍄𐌰 𐌸𐌹𐌿𐌸𐌴𐌹𐌲𐍉 𐌼𐌹𐍃 𐌲𐌰𐍅𐌰𐌿𐍂𐌺𐌾𐌰𐌽𐌳𐌴𐌹 𐌳𐌰𐌿𐌸𐌿, 𐌴𐌹 𐍅𐌰𐌿𐍂𐌸𐌹 𐌿𐍆𐌰𐍂𐌰𐍃𐍃𐌰𐌿 𐍆𐍂𐌰𐍅𐌰𐌿𐍂𐌷𐍄𐌰 𐍆𐍂𐌰𐍅𐌰𐌿𐍂𐌷𐍄𐍃 𐌸𐌰𐌹𐍂𐌷 𐌰𐌽𐌰𐌱𐌿𐍃𐌽.
   þata nu þiuþeigo warþ mis dauþus? nis-sijai! ak frawaurhts ei uskunþa waurþi frawaurhts, þairh þata þiuþeigo mis gawaurkjandei dauþu, ei waurþi ufarassau frawaurhta frawaurhts þairh anabusn.
   quod ergo bonum est mihi factum est mors absit sed peccatum ut appareat peccatum per bonum mihi operatum est mortem ut fiat supra modum peccans peccatum per mandatum
   Τὸ οὖν ἀγαϑὸν ἐμοὶ ἐγένετο ϑάνατος; μὴ γένοιτο· ἀλλὰ ἡ ἁμαρτία, ἵνα ϕανῇ ἁμαρτία, διὰ τοῦ ἀγαϑοῦ μοι κατεργαζομένη ϑάνατον· ἵνα γένηται καϑ' ὑπερβολὴν ἁμαρτωλὸς ἡ ἁμαρτία διὰ τῆς ἐντολῆς.

Verse: 14    𐍅𐌹𐍄𐌿𐌼 𐌰𐌿𐌺 𐌸𐌰𐍄𐌴𐌹 𐍅𐌹𐍄𐍉𐌸 𐌰𐌷𐌼𐌴𐌹𐌽 𐌹𐍃𐍄; 𐌹𐌸 𐌹𐌺 𐌻𐌴𐌹𐌺𐌴𐌹𐌽𐍃 𐌹𐌼, 𐍆𐍂𐌰𐌱𐌰𐌿𐌷𐍄𐍃 𐌿𐍆 𐍆𐍂𐌰𐍅𐌰𐌿𐍂𐌷𐍄.
   witum auk þatei witoþ ahmein ist; iþ ik leikeins im, frabauhts uf frawaurht.
   scimus enim quod lex spiritalis est ego autem carnalis sum venundatus sub peccato
   οἴδαμεν γὰρ ὅτι ὁ νόμος πνευματικός ἐστιν· ἐγὼ δὲ σάρκινός εἰμι, πεπραμένος ὑπὸ τὴν ἁμαρτίαν.

Verse: 15    𐌸𐌰𐍄𐌴𐌹 𐍅𐌰𐌿𐍂𐌺𐌾𐌰, 𐌽𐌹 𐍆𐍂𐌰𐌸𐌾𐌰; 𐌿𐌽𐍄𐌴 𐌽𐌹 𐌸𐌰𐍄𐌴𐌹 𐍅𐌹𐌻𐌾𐌰𐌿 𐍄𐌰𐌿𐌾𐌰, 𐌰𐌺 𐌸𐌰𐍄𐌴𐌹 𐍆𐌹𐌾𐌰 𐌸𐌰𐍄𐌰 𐍄𐌰𐌿𐌾𐌰.
   þatei waurkja, ni fraþja; unte ni þatei wiljau tauja, ak þatei fija þata tauja.
   quod enim operor non intellego non enim quod volo hoc ago sed quod odi illud facio
   ὃ γὰρ κατεργάζομαι οὐ γινώσκω· οὐ γὰρ ὃ ϑέλω τοῦτο πράσσω, ἀλλ' ὃ μισῶ τοῦτο ποιῶ.

Verse: 16    𐌹𐌸 𐌾𐌰𐌱𐌰𐌹 𐌸𐌰𐍄𐌴𐌹 𐌽𐌹 𐍅𐌹𐌻𐌾𐌰𐌿 𐌸𐌰𐍄𐌰 𐍄𐌰𐌿𐌾𐌰, 𐌲𐌰𐌵𐌹𐍃𐍃 𐌹𐌼 𐍅𐌹𐍄𐍉𐌳𐌰 𐌸𐌰𐍄𐌴𐌹 𐌲𐍉𐌸.
   iþ jabai þatei ni wiljau þata tauja, gaqiss im witoda þatei goþ.
   si autem quod nolo illud facio consentio legi quoniam bona
   εἰ δὲ ὃ οὐ ϑέλω τοῦτο ποιῶ, σύμϕημι τῷ νόμῳ ὅτι καλός.

Verse: 17    𐌹𐌸 𐌽𐌿 𐌾𐌿 𐌽𐌹 𐌹𐌺 𐍅𐌰𐌿𐍂𐌺𐌾𐌰 𐌸𐌰𐍄𐌰, 𐌰𐌺 𐍃𐍉 𐌱𐌰𐌿𐌰𐌽𐌳𐌴𐌹 𐌹𐌽 𐌼𐌹𐍃 𐍆𐍂𐌰𐍅𐌰𐌿𐍂𐌷𐍄𐍃.
   iþ nu ju ni ik waurkja þata, ak so bauandei in mis frawaurhts.
   nunc autem iam non ego operor illud sed quod habitat in me peccatum
   νυνὶ δὲ οὐκέτι ἐγὼ κατεργάζομαι αὐτὸ ἀλλὰ ἡ οἰκοῦσα ἐν ἐμοὶ ἁμαρτία.

Verse: 18    𐍅𐌰𐌹𐍄 𐌰𐌿𐌺 𐌸𐌰𐍄𐌴𐌹 𐌽𐌹 𐌱𐌰𐌿𐌹𐌸 𐌹𐌽 𐌼𐌹𐍃, 𐌸𐌰𐍄𐌹𐍃𐍄 𐌹𐌽 𐌻𐌴𐌹𐌺𐌰 𐌼𐌴𐌹𐌽𐌰𐌼𐌼𐌰, 𐌸𐌹𐌿𐌸; 𐌿𐌽𐍄𐌴 𐍅𐌹𐌻𐌾𐌰𐌽 𐌰𐍄𐌻𐌹𐌲𐌹𐌸 𐌼𐌹𐍃, 𐌹𐌸 𐌲𐌰𐍅𐌰𐌿𐍂𐌺𐌾𐌰𐌽 𐌲𐍉𐌸 𐌽𐌹.
   wait auk þatei ni bauiþ in mis, þat-ist in leika meinamma, þiuþ; unte wiljan atligiþ mis, iþ gawaurkjan goþ ni.
   scio enim quia non habitat in me hoc est in carne mea bonum nam velle adiacet mihi perficere autem bonum non invenio
   οἶδα γὰρ ὅτι οὐκ οἰκεῖ ἐν ἐμοί, τοῦτ' ἔστιν ἐν τῇ σαρκί μου, ἀγαϑόν· τὸ γὰρ ϑέλειν παράκειταί μοι, τὸ δὲ κατεργάζεσϑαι τὸ καλὸν οὔ·

Verse: 19    𐌿𐌽𐍄𐌴 𐌽𐌹 𐌸𐌰𐍄𐌴𐌹 𐍅𐌹𐌻𐌾𐌰𐌿 𐍅𐌰𐌿𐍂𐌺𐌾𐌰 𐌲𐍉𐌸, 𐌰𐌺 𐌸𐌰𐍄𐌴𐌹 𐌽𐌹 𐍅𐌹𐌻𐌾𐌰𐌿 𐌿𐌱𐌹𐌻 𐍄𐌰𐌿𐌾𐌰.
   unte ni þatei wiljau waurkja goþ, ak þatei ni wiljau ubil <þata> tauja.
   non enim quod volo bonum hoc facio sed quod nolo malum hoc ago
   οὐ γὰρ ὃ ϑέλω ποιῶ ἀγαϑόν, ἀλλὰ ὃ οὐ ϑέλω κακὸν τοῦτο πράσσω.

Verse: 20    𐌾𐌰𐌱𐌰𐌹 𐌽𐌿 𐌸𐌰𐍄𐌴𐌹 𐌽𐌹 𐍅𐌹𐌻𐌾𐌰𐌿 𐌹𐌺 𐌸𐌰𐍄𐌰 𐍄𐌰𐌿𐌾𐌰, 𐌾𐌿 𐌽𐌹 𐌹𐌺 𐍅𐌰𐌿𐍂𐌺𐌾𐌰 𐌹𐍄𐌰, 𐌰𐌺 𐍃𐌴𐌹 𐌱𐌰𐌿𐌹𐌸 𐌹𐌽 𐌼𐌹𐍃 𐍆𐍂𐌰𐍅𐌰𐌿𐍂𐌷𐍄𐍃.
   jabai nu þatei ni wiljau ik þata tauja, ju ni ik waurkja ita, ak sei bauiþ in mis frawaurhts.
   si autem quod nolo illud facio non ego operor illud sed quod habitat in me peccatum
   εἰ δὲ ὃ οὐ ϑέλω [ἐγὼ] τοῦτο ποιῶ, οὐκέτι ἐγὼ κατεργάζομαι αὐτὸ ἀλλὰ ἡ οἰκοῦσα ἐν ἐμοὶ ἁμαρτία.

Verse: 21    𐌱𐌹𐌲𐌹𐍄𐌰 𐌽𐌿 𐍅𐌹𐍄𐍉𐌸, 𐍅𐌹𐌻𐌾𐌰𐌽𐌳𐌹𐌽 𐌼𐌹𐍃 𐌲𐍉𐌸 𐍄𐌰𐌿𐌾𐌰𐌽, 𐌿𐌽𐍄𐌴 𐌼𐌹𐍃 𐌰𐍄𐌹𐍃𐍄 𐌿𐌱𐌹𐌻.
   bigita nu witoþ, wiljandin mis goþ taujan, unte mis atist ubil.
   invenio igitur legem volenti mihi facere bonum quoniam mihi malum adiacet
   Εὑρίσκω ἄρα τὸν νόμον τῷ ϑέλοντι ἐμοὶ ποιεῖν τὸ καλὸν ὅτι ἐμοὶ τὸ κακὸν παράκειται·

Verse: 22    𐌲𐌰𐍅𐌹𐌶𐌽𐌴𐌹𐌲𐍃 𐌹𐌼 𐌰𐌿𐌺 𐍅𐌹𐍄𐍉𐌳𐌰 𐌲𐌿𐌳𐌹𐍃 𐌱𐌹 𐌸𐌰𐌼𐌼𐌰 𐌹𐌽𐌽𐌿𐌼𐌹𐌽 𐌼𐌰𐌽𐌽;
   gawizneigs im auk witoda gudis bi þamma innumin mann;
   condelector enim legi Dei secundum interiorem hominem
   συνήδομαι γὰρ τῷ νόμῳ τοῦ ϑεοῦ κατὰ τὸν ἔσω ἄνϑρωπον,

Verse: 23    𐌰𐌸𐌸𐌰𐌽 𐌲𐌰𐍃𐌰𐌹𐍈𐌰 𐌰𐌽𐌸𐌰𐍂 𐍅𐌹𐍄𐍉𐌸 𐌹𐌽 𐌻𐌹𐌸𐌿𐌼 𐌼𐌴𐌹𐌽𐌰𐌹𐌼, 𐌰𐌽𐌳𐍅𐌰𐌹𐌷𐌰𐌽𐌳𐍉 𐍅𐌹𐍄𐍉𐌳𐌰 𐌰𐌷𐌼𐌹𐌽𐍃 𐌼𐌴𐌹𐌽𐌹𐍃 𐌾𐌰𐌷 𐍆𐍂𐌰𐌷𐌹𐌽𐌸𐌰𐌽𐌳𐍉 𐌼𐌹𐌺 𐌹𐌽 𐍅𐌹𐍄𐍉𐌳𐌰 𐍆𐍂𐌰𐍅𐌰𐌿𐍂𐌷𐍄𐌰𐌹𐍃 𐌸𐌰𐌼𐌼𐌰 𐍅𐌹𐍃𐌰𐌽𐌳𐌹𐌽 𐌹𐌽 𐌻𐌹𐌸𐌿𐌼 𐌼𐌴𐌹𐌽𐌰𐌹𐌼.
   aþþan gasaiƕa anþar witoþ in liþum meinaim, andwaihando witoda ahmins meinis jah frahinþando mik in witoda frawaurhtais þamma wisandin in liþum meinaim.
   video autem aliam legem in membris meis repugnantem legi mentis meae et captivantem me in lege peccati quae est in membris meis
   βλέπω δὲ ἕτερον νόμον ἐν τοῖς μέλεσίν μου ἀντιστρατευόμενον τῷ νόμῳ τοῦ νοός μου καὶ αἰχμαλωτίζοντά με ἐν τῷ νόμῳ τῆς ἁμαρτίας τῷ ὄντι ἐν τοῖς μέλεσίν μου.

Verse: 24    𐍅𐌰𐌹𐌽𐌰𐌷𐍃 𐌹𐌺 𐌼𐌰𐌽𐌽𐌰! 𐍈𐌰𐍃 𐌼𐌹𐌺 𐌻𐌰𐌿𐍃𐌴𐌹𐌸 𐌿𐍃 𐌸𐌰𐌼𐌼𐌰 𐌻𐌴𐌹𐌺𐌰 𐌳𐌰𐌿𐌸𐌰𐌿𐍃 𐌸𐌹𐍃?
   waina(h)s ik manna! ƕas mik lauseiþ us þamma leika dauþaus þis?
   infelix ego homo quis me liberabit de corpore mortis huius
   ταλαίπωρος ἐγὼ ἄνϑρωπος· τίς με ῥύσεται ἐκ τοῦ σώματος τοῦ ϑανάτου τούτου;

Verse: 25    𐌰𐍅𐌹𐌻𐌹𐌿𐌳𐍉 𐌲𐌿𐌳𐌰 𐌸𐌰𐌹𐍂𐌷 𐌹𐌴𐍃𐌿 𐍇𐍂𐌹𐍃𐍄𐌿, 𐍆𐍂𐌰𐌿𐌾𐌰𐌽 𐌿𐌽𐍃𐌰𐍂𐌰𐌽𐌰; 𐌾𐌰𐌿 𐌽𐌿 𐍃𐌹𐌻𐌱𐌰 𐌹𐌺 𐍃𐌺𐌰𐌻𐌺𐌹𐌽𐍉 𐌲𐌰𐌷𐌿𐌲𐌳𐌰𐌹 𐍅𐌹𐍄𐍉𐌳𐌰 𐌲𐌿𐌳𐌹𐍃, 𐌹𐌸 𐌻𐌴𐌹𐌺𐌰 𐍅𐌹𐍄𐍉𐌳𐌰 𐍆𐍂𐌰𐍅𐌰𐌿𐍂𐌷𐍄𐌰𐌹𐍃.
   awiliudo guda þairh Iesu Xristu, fraujan unsarana; jau nu silba i(k) skalkino gahugdai witoda gudis, iþ leika witoda frawaurhtais.
   gratia Dei per Iesum Christum Dominum nostrum igitur ego ipse mente servio legi Dei carne autem legi peccati
   χάρις δὲ τῷ ϑεῷ διὰ ᾽Ιησοῦ Χριστοῦ τοῦ κυρίου ἡμῶν. ἄρα οὖν αὐτὸς ἐγὼ τῷ μὲν νοὶ δουλεύω νόμῳ ϑεοῦ, τῇ δὲ σαρκὶ νόμῳ ἁμαρτίας.

Next part


This text is part of the TITUS edition of Biblia gothica.

Copyright TITUS Project, Frankfurt a/M, 17.11.2023. No parts of this document may be republished in any form without prior permission by the copyright holder.