TITUS
Minor Old Lower Franconian Monuments
Part No. 4
Previous part

Chapter: 18  
Psalm XVIII.

(Hebr. XIX.)


Verse: 1  
Line: 1       Himilâ tellunt guodlîc-heide
Line: 2    
godes, inde uuerk handô sînrô
Line: 3    
farkundit festî.

Verse: 2  
Line: 4       
Dag dages ût rôpizôt uuort
Line: 5    
inde naht nahti cundit uuîsduom.

Verse: 3  
Line: 6       
Ne sint sprâken noh uuort
Line: 7    
therô ne uuerthint gihôrda stem\men irô.

Verse: 4  
Line: 8       
An allero erthon fuor lûtî
Line: 9    
irô, inde an endon ringis erthon
Line: 10    
uuort irô.

Verse: 5  
Line: 11       
An sunnun satta selitha sîna,
Line: 12    
inde he alsô brûde-gomo fort
Line: 13    
gangende fan bete-kameren sînro.

Verse: 6  
Line: 14       
Mendida alsô uurisil te lou\poni
Line: 15    
uueh, fan hôon himili ût\ganc
Line: 16    
sîn.

Verse: 7  
Line: 17       
Inde uuithirloup sîn untes
Line: 18    
te hôî sînro, noh ne ist the sig
Line: 19    
geberge fan bitte sînro.

Page: He6  
Verse: 8  
Line: 1       
Êuua godes unbeuullan, be\kêrende
Line: 2    
sêlun, urkuntscap go\des
Line: 3    
getrûuui, uuîsduom farlîendi
Line: 4    
luzzilon.

Verse: 9  
Line: 5       
Rehtnussi godes rehta, ge\blîthande
Line: 6    
hertan, gebot godes
Line: 7    
scôni, irliohtende ôgon.

Verse: 10  
Line: 8       
Forhta druften heilig, vol\uuonende
Line: 9    
an uuerildî uuerildis;
Line: 10    
duomâ druften giuuâri, rehtlî\ka
Line: 11    
an sig selvon.

Verse: 11  
Line: 12       
Bigerlîka ovir golt inde
Line: 13    
stein dûrlîkin vilo, inde suottera
Line: 14    
ovir honog inde râta.

Verse: 12  
Line: 15       
Geuuisso scalc thîn be\hôdit
Line: 16    
sia, an behuodende im
Line: 17    
uuithir-lôn mikil.

Verse: 13  
Line: 18       
Mis-dâdî unie virnimit?
Line: 19    
Fan beholenen mînin gereini mi
Line: 20    
inde fan fremethon ginâthe scal\ke
Line: 21    
thînin.

Verse: 14  
Line: 22       
Of sie mîn ne uuerthon
Line: 23    
geuueldig, than ik unbeuullan
Line: 24    
uuesan scal fan mis-dâdi mei\stero.

Verse: 15  
Line: 25       
Inde uuesan solon that
Line: 26    
gelîcân sulun sprâken mundis
Line: 27    
mînis, inde gehugdnisse hertin
Line: 28    
mînis an geginuuirdî thînro emi\ceio.

Verse: 16  
Line: 29       
Hêro hulpere mîn inde re\lôsere
Line: 30    
mîn.




Page: He7  
Next part



This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.