TITUS
Minor Old Lower Franconian Monuments
Part No. 2
Previous part

Chapter: 2  
Psalm II.


Verse: 1  
Line: 4       Umbe uuath bizzedon thie\de
Line: 5    inde luide thâhten îdele thing?

Verse: 2  
Line: 6       Samen stuondon kuningâ
Line: 7    erthen inde fursten samene quâ\mon
Line: 8    in ên uuithar got inde uui\thar
Line: 9    Krist sînan:

Verse: 3  
Line: 10       Cebrekan uuir gebende irô
Line: 11    inde veruuerfon uuir fan uns
Line: 12    joh irô.

Verse: 4  
Line: 13       Ther bûôt in himelen be\scoffôn
Line: 14    sal sî, inde got bespotten
Line: 15    sal sî.

Verse: 5  
Line: 16       Than sprecan sal ce hin
Line: 17    in âbulgî sînro, in heizmuode
Line: 18    sînon druovon sal sî.

Verse: 6  
Line: 19       Ik geuuisso gesazt bin
Line: 20    kuning van himo .over Syon berg
Line: 21    heilegen sînan, sagênte gebot
Line: 22    sîna.

Verse: 7  
Line: 23       Got quat ce mir: sun mîn
Line: 24    bis thu; ik hiudo gebar thih.

Verse: 8  
Line: 25       Bidde fan mir, inde ge\van
Line: 26    sal thir thiede hereve thîn,
Line: 27    inde hevode thîne gemerke er\thon.

Verse: 9  
Line: 28       Gerihten saltu sî in ruo\dan
Line: 29    îsirnero, alsô vaz bilitheres
Line: 30    cebrekan saltu sî.

Page: He4  
Verse: 10  
Line: 1       Inde nu kuningâ forne\mot:
Line: 2    gelierot uuerthet ir ther
Line: 3    duomot ertha.

Verse: 11  
Line: 4       Thienôt gode in vorton,
Line: 5    inde mendiôt himo bit bevungon.

Verse: 12  
Line: 6       Bivêt the lêra, that ne
Line: 7    uuanne gebulgan uuerthe got,
Line: 8    inde veruuerthet fan uuege rehta,

Verse: 13  
Line: 9       than erbrinnet in kurtur
Line: 10    vriste âbulge sîn; sêlige alle thie
Line: 11    getrûuunt in himo.



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.