TITUS
Shanshovani, Georgian Grammar
Part No. 4
Previous part

Page: 4  Line: 1       ხოლო ესე განიყოფების ორად: ჴმიანად და შეჴმობილად.
Line: 2    ჴმიანი არს რომელი თჳთ აღმოიჴმობის, რომელი
Line: 3    არს: ე; და შეჴმობილი არს, რომელი ვერ შემძლებელ არს
Line: 4    თჳთ აღმოჴმობად, არამედ ჴმიანისა თანა შეთხზულობითა
Line: 5    აღმოიჴმობის, რომელი არს: რე; და ჴმოვანნი არიან
Line: 6    შვიდნი, რომელ არიან ესენი: ა, ე, ი, ო, უ, ჲ, ჳ. ხოლო ამათგან
Line: 7    მაღალნი არიან ესენი: ა, ე; და ზომიერი: ი; და მცირედ
Line: 8    მდაბალ არს ამათ შორის: ო, უ; და ს{რულა}დ მდაბალ და
Line: 9    მოკლე არიან: ჲ, ჳ; და ამათ შორის არიან რომელნიმე
Line: 10    ნესტვთა შინა არა მოიღებიან: ე, ო; ხოლო ამათგან წინა
Line: 11    მდებარე ჴმოვანნი არიან ესენი: ა, ე, ი, ო, უ. ხოლო
Line: 12    წინა მდებარედ იწოდებიან, რომელ ჴმოვანნი ჴმოვანსა
Line: 13    თანა შეთხზვით ერთსა ჴმასა ჰყოფობენ, ვითარცა: აი, ია,
Line: 14    უა, ეი, იო; და საქუ̂ჱდასოცა არიან ესენი: ა, ე, ი, ო, უ,
Line: 15    ჲ, ვითარცა: ია, ოე, აუ, უი, აჲ. ხოლო ჳ და ჲ უფროსად
Line: 16    იჴმარებიან ამ ალაგს: ჳ უფროსად ვინის ალამს, ვითარცა:
Line: 17    თავითჳსით და თჳთ თჳსით; და ჲ, უფროსად ინის
Line: 18    ალაგს, ვითარცა: რაიმე და რაჲმე; კვალადცა იოტსა
Line: 19    დანიშნავს მტკიცედ. ხოლო ორ ჴმოვანად იტყვიან ესენიცა:
Line: 20    აი, ია, იო, იუ, აჲ, რამეთუ ერთსა მარცვალსა შორის
Line: 21    ორ-ხმოვანსა წარმოაჩენენ. ხოლო სხუანი არიან
Line: 22    შეჴმობილნი რიცხვით ოცდა ათორმეტნი, რომელ არიან
Line: 23    ესენი: ბ, გ, დ, ვ, ზ, ჲ, თ, კ, ლ, მ, ნ, პ, ჟ, რ, ს, ტ, ფ,
Line: 24    ქ, ღ, ყ, შ, ჩ, ც, ძ, წ, ჭ, ხ, ჴ, ჯ, ჰ, ჵ, ჶ. ხოლო ამათგან
Line: 25    ბოჴნი არიან ათერთმეტნი: ფ, ს, ქ, ღ, თ, ვ, ჩ, ჯ,
Line: 26    ჴ, ყ, ჶ.

Next part


This text is part of the TITUS edition of Shanshovani, Georgian Grammar.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.