TITUS
The Shatberd Codex
Part No. 3
Previous part

Chapter: 2  
Page of ed.: 72  
Line of ed.: 10  
თავი მე-ბ̂

Line of ed.: 11  
და თქუა მეორისა თავისათჳს: რაჲსათჳს დაებადა კაცი უკუანაჲსკნელ
Line of ed.: 11  
ყოველთა [დაბადებულთა]?


Line of ed.: 13        არღა იყო ჯერ-ერთ დაბადებული ესე და პატიოსანი, კაცსა ვიტყჳ, პოვნილ
Line of ed.: 14     შუენიერებასა შინა არსთასა, რამეთუ არა ჯერ-იყო, რაჲთა გამოჩნდეს
Line of ed.: 15     მთავარი უწინარჱს სამთავროჲსა მისისა. არამედ ჯერ-იყო ჭეშმარიტად, რაჲთა
Line of ed.: 16     განიმზადოს სამეუფოჲ პირველ და მაშინ-ღა გამოჩნდეს მეფჱ.

Line of ed.: 17        და ვითარ განმზადა დამბადებელმან ყოველთამან საუნჯჱ სამეუფოჲ და
Line of ed.: 18     არს ესე ქუეყანაჲ, ზღუაჲ და ხერთვისნი და ესე ცაჲ, რომელი არს მაგრილობელ
Line of ed.: 19     მათ ზედა. დაიუნჯა საუნჯესა ამას ყოველი სიმდიდრჱ, ესე იგი არს სიმდიდრჱ
Line of ed.: 20     ყოველთა დაბადებულთაჲ, მცენარეთაჲ და ნერგთაჲ და ცხოველთაჲ და
Line of ed.: 21     ყოველნი ესე სულ და საშუმინველ. და უკუეთუ გინდეს აღრაცხად სიმდიდრჱ
Line of ed.: 22     Ms. page: 6v   ბუნებათაჲ და რომელი მათგან განშუენდების წინაშე თუალთა კაცთასა.
Line of ed.: 23     მსგავსებაჲ ოქროჲსაჲ და ვეცხლისაჲ და Page of sec. ed.: 147  ესე ქვანი პატიოსანნი და მბრწყინვალენი,
Line of ed.: 24     რომელნი საკჳრველად ჩანედ წინაშე კაცთა, რამეთუ ესე ყოვლითურთ
Line of ed.: 25     დაიუნჯნეს კაცისათჳს უბესა შინა ქუეყანისასა, ვითარცა საგანძურნი
Line of ed.: 26     მეფეთანი. და ამისა შემდგომად გამოაჩინა სოფელსა შინა, რაჲთა იყოს მხედველ
Line of ed.: 27     საკჳრველებათა მათ, რომელნი არიან მათ შინა, და იყოს კეთილთა
Line of ed.: 28     მათ ზედა უფალ, რაჲთა გულისხმა-ყოს მოცემული იგი მისი, რომლითა იშუებდეს
Line of ed.: 29     და ცნას ძალი შემოქმედისა თჳსისაჲ, რომელი მიუთხრობელ არს
Line of ed.: 30     ხილულთა მათგან და შუენიერებათა დაბადებულთა და დიდებულთა. და ამისთჳს
Line of ed.: 31     შეიყვანა კაცი სოფლად უკუანაჲსკნელ დაბადებულთა, არა თუ შეურაცხებისა
Line of ed.: 32     მისისათჳს უკუანა მოიქცია, არამედ, რაჲთა იყოს მეფჱ დაბადებითგან-ვე
Line of ed.: 33     მისით, ვითარცა-იგი ვის ჰნებავნ სერისა ყოფაჲ, თანა-აც მას, რაჲთა
Line of ed.: 34     განჰმზადოს პირველად, რაჲ-იგი უჴმს საჭმლად და მაშინ-ღა მიუწოდოს ჩინებულთა
Line of ed.: 35     მათ. და კუალად, რაჲთა შეამკოს სახლი თჳსი და ტაბლაჲ ჯეროვნად,
Line of ed.: 36     და მაშინ-ღა შეიყვანნეს სტუმარნი ჭამად პურისა თჳსისა.

Line of ed.: 37        და ამით ესევითარითა სახითა ყო მზრდელმან მან ბუნებისა ჩუენისამან
Line of ed.: 38     მდიდარმან და მეუფემან, რაჟამს შეამკო დაბადებული ყოვლითა შუენიერებითა
Line of ed.: 39     და განჰმზადა საყოფელი ესე დიდებული და პატიოსანი, მაშინ-ღა შემოიყვანა
Line of ed.: 40     კაცი და მისცა მას საქმედ მონაგები რჩეული, პოვნილი და მომზადებული.
Line of ed.: 41     და ამისთჳს Ms. page: 7r   ყო მას შინა მიზეზი ცხორებისაჲ მრჩობლად და შეჰრია
Page of ed.: 73   Line of ed.: 1     საღმრთოჲ იგი ქუეყანისასა მას, რაჲთა იწოდოს და სახელ-ედვას ორთა-ვე
Line of ed.: 2     მათ: ერთი იგი ღმრთისა ბუნებითა გონებისაჲთა, ხოლო მეორჱ იგი
Line of ed.: 3     კეთილთა ქუეყანისათაგან შუებად საგრძნობელითა ჴორციელითა.



Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.