TITUS
Obsidio Constantinopolis
Part No. 5
Previous part

Paragraph: 5     
Line of ed.: 18       რამეთუ ღმერთმან საკჳრველებათამან კუალად-ცა აჩუენა ძალი
Line of ed.: 19    თჳსი ჩუენ ზედა. და ადგილსა თჳსსა წმიდასა განცხადნა ჟამსა მას
Line of ed.: 20    რომელსა-ცა შეეწია მას შინა ერსა თჳსსა. რომელი გამოარჩია
Line of ed.: 21    სამკჳდრებელად თჳსად: რომლისა მიერ დიდებულ ყო სახელი წმიდაჲ
Line of ed.: 22    თჳსი: და ქებულ ფრიად: ქალაქსა მას შინა დიდებისა და ძლიერებისა
Line of ed.: 23    თჳსისასა. რომლისა წარწყმედად შეითქუნეს მეფენი ქუეყანისანი. და
Line of ed.: 24    მთავარნი ბოროტნი ერისა თანა ღუთის მბრძოლისა შეკრბეს ერთად:
Line of ed.: 25    მოვიდეს მძჳნვარედ. და მოიცვეს ყოვლით კერძო. ახალი ესე სიონი.
Line of ed.: 26    ქალაქი ღუთისა სამკჳდრებელი და ბრძოლითა დაუპყრებელი. ისწრაფდეს
Line of ed.: 27    აღბორგებულნი იგი. რათა-მცა ყვეს იჱრუსალემი იებოსეად:
Line of ed.: 28    იზრახეს ზაკუვით ერსა ზედა ღუთისასა და თქუეს. მოვედით მოვსრნეთ
Line of ed.: 29    იგინი თესლთაგან და აღვჴოცოთ ქუეყანით საჴსენებელი ქრისტეანობისაჲ:
Line of ed.: 30    არამედ რისხვითა ზეგარდამოჲთა შეირყინეს და შეძრწუნდეს და სალმობამან შეიპყრნა იგინი. და
Line of ed.: 31    ნიავქარითა სასტიკითა შეიმუსრნეს: და უბსკრულთა ქუესკნელისათა წარსაწყმედელად მიეცნეს:
Line of ed.: 32    და მავალნი იგი ღელვათა ზედა დაპყრობად ქუეყანისა. მყოფთა თანა
Page of ed.: 12   Line of ed.: 1    ქუეყანისათა. ვითარცა რაჲ ნავნი კარქედონისანი. მღაღადებელ ბოროტად
Line of ed.: 2    წარწყმედისა მის მათისა იქმნნეს. და ვითარცა იგი გუესმნეს
Line of ed.: 3    ჩუენ. ოდეს-მე ქმნულნი საკჳრველებანი ღუთისანი და ძლიერებანი მისნი
Line of ed.: 4    ჴსნად ერისა თჳსისა. ეგრეთ-ვე ვიხილეთ აჰა ესერა ქალაქსა თჳსსა
Line of ed.: 5    ზედა: რომელი-ცა დააფუძნა იგი კლდესა მას ზედა სახარებისასა.
Line of ed.: 6    რათა ბჭენი ჯოჯოხეთისანი არაჲ ერეოდიან მას უკუნისამდე:.

Next part


This text is part of the TITUS edition of Obsidio Constantinopolis.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.