TITUS
Epistolae Catholicae (D)
Part No. 3
Previous part

Chapter: 2  
Verse: 1   Link to kba1Link to kbbLink to kbgLink to gnt   ძმანო ჩემნო, ნუ თუალთ-ღებით* გაქუნ* სარწმუნოებაჲ უფლისა ჩუენისა იესუ ქრისტეს დიდებისაჲ.
Verse: 2   Link to kba1Link to kbbLink to kbgLink to gnt   
რამეთუ უკუეთუ შევიდეს შესაკრებელსა თქუენსა კაცი ოქროჲსა ბეჭდითა და სამოსლითა ბრწყინვალითა და შევიდეს გლახაკიცა სამოსლითა შეურაცხითა
Verse: 3   Link to kba1Link to kbbLink to kbgLink to gnt   
და მიჰხედოთ* მას, რომელსა-იგი ემოსოს სამოსელი ბრწყინვალე, და ჰრქუათ მას: შენ დაჯედ აქა კეთილად, და გლახაკსა მას ჰრქუათ: შენ დეგ იქი, ანუ დაჯედ აქა ქუეშე ფერჴთა ჩუენთა
Verse: 4   Link to kba1Link to kbbLink to kbgLink to gnt   
და არა განიკითხენით თავთა შორის თქუენთა და იქმნენით მსაჯულ გულის სიტყჳთა ბოროტითა.
Verse: 5   Link to kba1Link to kbbLink to kbgLink to gnt   
ისმინეთ, ძმანო ჩემნო საყუარელნო: ანუ არა გლახაკნი სოფლისანი გამოირჩინაა* ღმერთმან მდიდარნი სარწმუნოებითა და მკჳდრნი სასუფეველისანი, რომელ-იგი აღუთქუა მოყუარეთა თჳსთა?
Verse: 6   Link to kba1Link to kbbLink to kbgLink to gnt   
ხოლო თქუენ შეურაცხ-ჰყავთ გლახაკი. ანუ არა მდიდარნი გმძლავრობენა თქუენ, და იგინივე მიგიზიდვენ* თქუენ სამშჯავროდ*?
Verse: 7   Link to kba1Link to kbbLink to kbgLink to gnt   
ანუ არა იგინი ჰგმობენა კეთილსა მას სახელსა, რომელი წოდებულ არს თქუენ ზედა?
Verse: 8   Link to kba1Link to kbbLink to kbgLink to gnt   
უკუეთუ შჯულსა აღასრულებთ სამეუფოსა, მსგავსად წერილისა: შეიყუარო მოყუასი შენი, ვითარცა თავი თჳსი, კეთილად ჰყოფთ.
Verse: 9   Link to kba1Link to kbbLink to kbgLink to gnt   
ხოლო უკუეთუ თუალთ-აღებთ*, ცოდვასა იქმთ და იმხილებით შჯულისაგან, ვითარცა გარდამავალნი შჯულისანი*.
Verse: 10   Link to kba1Link to kbbLink to kbgLink to gnt   
რამეთუ რომელმან ყოველი შჯული დაიმარხოს და სცთეს ერთითა, იქმნა იგი ყოვლისავე თანა-მდებ.
Verse: 11   Link to kba1Link to kbbLink to kbgLink to gnt   
რამეთუ რომელმან-იგი თქუა: ნუ იმრუშებ, მანვე თქუა: ნუ კაც-ჰკლავ; ხოლო უკუეთუ იმრუშო არა და კაც-ჰკლა, იქმენ გარდამავალ შჯულისა.
Verse: 12   Link to kba1Link to kbbLink to kbgLink to gnt   
ესრეთ იტყოდეთ და ესრეთ ჰყოფდით, ვითარცა შჯულისაგან აზნაურებისა განშჯადნი.
Verse: 13   Link to kba1Link to kbbLink to kbgLink to gnt   
რამეთუ საშჯელი უწყალო არს მათთჳს, რომელთა არა ყონ წყალობაჲ; მოქადულ არს წყალობაჲ საშჯელსა ზედა*.
Verse: 14   Link to kba1Link to kbbLink to kbgLink to gnt   
რაჲ სარგებელ არს, ძმანო ჩემნო, უკუეთუ ვინმე თქუას: სარწმუნოებაჲ მაქუს, და საქმენი არა ჰქონდინ? ნუ ძალ-უც-მეა სარწმუნოებასა ხოლო ცხოვნებად მისა?*
Verse: 15   Link to kba1Link to kbbLink to kbgLink to gnt   
ხოლო* უკუეთუ ძმაჲ გინა დაჲ შიშუელ იყვნენ და ნაკლულევან მდღევრისა* საზრდელისა
Verse: 16   Link to kba1Link to kbbLink to kbgLink to gnt   
და ჰრქუას ვინმე* მათ*: წარვედით* მშჳდობით, განძეღით და განტეფით, და არა სცეს* მათ საჴმარი ჴორცთაჲ, რაჲ სარგებელ არს?
Verse: 17   Link to kba1Link to kbbLink to kbgLink to gnt   
ეგრეთცა* სარწმუნოებაჲ: უკუეთუ არა აქუნდენ საქმენი, მკუდარ არს იგი ხოლო.
Verse: 18   Link to kba1Link to kbbLink to kbgLink to gnt   
არამედ თქუას ვინმე: შენ სარწმუნოებაჲ გაქუს და მე საქმენი მქონან, მიჩუენე მე სარწმუნოებაჲ ყოველი* საქმეთაგან შენთა, და მე გიჩუენო შენ საქმეთაგან ჩემთა სარწმუნოებაჲ ჩემი.
Verse: 19   Link to kba1Link to kbbLink to kbgLink to gnt   
შენ გრწამს, ვითარმედ ერთ არს ღმერთი, კეთილად იქმ, და ეშმაკთაცა ჰრწამს და ძრწიან მისგან.
Verse: 20   Link to kba1Link to kbbLink to kbgLink to gnt   
გნებავსა* ცნობად, კაცო ამაოო*, ვითარმედ* სარწმუნოებაჲ თჳნიერ საქმეთაჲსა* მკუდარ არს?
Verse: 21   Link to kba1Link to kbbLink to kbgLink to gnt   
აბრაჰამ, მამაჲ ჩუენი, არა საქმეთაგან განმართლდაა, რამეთუ შეწირა ისაკი, ძჱ თჳსი, საკურთხეველსა ზედა.
Verse: 22   Link to kba1Link to kbbLink to kbgLink to gnt   
ხედავა*, რამეთუ სარწმუნოებაჲ შეეწია საქმეთა მისთა და საქმეთაგან სარწმუნოებაჲ იგი სრულ იქმნა?
Verse: 23   Link to kba1Link to kbbLink to kbgLink to gnt   
და აღესრულა წერილი იგი, რომელი იტყჳს: ჰრწმენა აბრაჰამსა ღმერთი, და შეერაცხა მას* სიმართლედ და მეგობარ ღმრთისა ეწოდა*.
Verse: 24   Link to kba1Link to kbbLink to kbgLink to gnt   
ხედავთა*, რამეთუ საქმეთაგან განმართლდების კაცი და არა სარწმუნოებისაგან ხოლო?
Verse: 25   Link to kba1Link to kbbLink to kbgLink to gnt   
ეგრეთვე და რაბცა*, მეძავი, არა საქმეთაგან განმართლდაა, რამეთუ შეიწყნარნა მსტოარნი* იგი, და სხჳთ გზით წარავლინნა?
Verse: 26   Link to kba1Link to kbbLink to kbgLink to gnt   
რამეთუ ვითარცა ჴორცნი თჳნიერ სულისა მკუდარ არიან, ეგრეთვე სარწმუნოებაჲ თჳნიერ საქმეთასა მკუდარ არს.

Next part



This text is part of the TITUS edition of Epistolae Catholicae (D).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.