TITUS
Epistolae Catholicae (B)
Part No. 4
Previous part

Chapter: 3  
Verse: 1   Link to kba1Link to kbgLink to kbdLink to gnt   ნუ მრავალნი ჰმოძღურებთ, ძმანო ჩემნო! უწყოდეთ, რამეთუ უდიდჱსი საშჯელი მოიღოთ.
Verse: 2   Link to kba1Link to kbgLink to kbdLink to gnt   
რამეთუ ფრიად სცთებით ყოველნი, ხოლო რომელი სიტყჳთა არა* სცთეს, იგი სრული კაცი არს, შემძლებელ არს იგი აღუირ-სხმად ყოველსავე გუამსა თჳსსა.
Verse: 3   Link to kba1Link to kbgLink to kbdLink to gnt   
უკუეთუ ცხენსა აღჳრნი აღუსხნით დამორჩილებად ჩუენდა, იგი და ყოველი გუამი მისი მოვაქციით,
Verse: 4   Link to kba1Link to kbgLink to kbdLink to gnt   
და აჰა ესერა, ნავებიცა იგი დიდ-დიდები, ფიცხელთაგან ქართა მიმოდატაცებულნი, მოიქცევიან მცირისაგან საჭისა, ვიდრეცა-იგი ჰნებავნ* მისლვად განმმართებელსა მას.
Verse: 5   Link to kba1Link to kbgLink to kbdLink to gnt   
ეგრევე, ენაჲ მცირე ასოჲ არს და დიდად მაღლოის. აჰა კუალად მცირემან ცეცხლმან რავდენი ნივთი აღაგზნის!
Verse: 6   Link to kba1Link to kbgLink to kbdLink to gnt   
და ენაჲ ეგრეთვე ცეცხლ არს, სამკაული სიცრუვისაჲ. ენაჲ დამკჳდრებულ არს ასოთა შინა ჩუენთა, რომელი შეაგინებს ყოველსა გუამსა და აღაგზებს ურმის თუალსა მას შესაქმისასა და აღგზებულ არს გეჰენიაჲსაგან.
Verse: 7   Link to kba1Link to kbgLink to kbdLink to gnt   
ყოველი ბუნებაჲ მჴეცთა და მფრინველთაჲ და ქუეწარმავალთა და მცურვალთაჲ დაიმწყსების და დამწყსილ არს ბუნებასა ქუეშე კაცთასა.
Verse: 8   Link to kba1Link to kbgLink to kbdLink to gnt   
ხოლო ენაჲ კაცთაჲ ვერვის ჴელ-ეწიფების დამწყსად, დაუპყრობელი ბოროტი, სავსჱ გესლითა მაკუდინებელითა.
Verse: 9   Link to kba1Link to kbgLink to kbdLink to gnt   
რამეთუ მით ვაკურთხევთ ღმერთსა და მამასა. და მით ვჰწყევთ* კაცთა, რომელნი მსგავსად ღმრთისა შექმნულ არიან.
Verse: 10   Link to kba1Link to kbgLink to kbdLink to gnt   
მიერ პირით გამოვალს კურთხევაჲ და წყევაჲ. არა ჯერ-არს, ძმანო ჩემნო საყუარელნო, ესე ესრჱთ ყოფად.
Verse: 11   Link to kba1Link to kbgLink to kbdLink to gnt   
ნუუკუე წყაროჲსა მისვე თუალისაგან გამოდინ ტკბილი და მწარჱ?
Verse: 12   Link to kba1Link to kbgLink to kbdLink to gnt   
ეგების-მეა, ძმანო ჩემნო, ვითარმცა ლეღუმან ზეთის ხილი გამოიღო, გინა თუ ვენაჴმან ლეღჳ? ეგრევე ვერცა მარილ[...]ალი* ტკბილ ყოფად.
Verse: 13   Link to kba1Link to kbgLink to kbdLink to gnt   
ვინ არს ბრძენ და მეცნიერ თქუენ შორის, აჩუენენ კეთილ[...]ათა საქმჱ თჳსი სიმშუიდითა სიბრძნისაჲთა.


(საკითხავი აქ წყდება)


Next part



This text is part of the TITUS edition of Epistolae Catholicae (B).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.