TITUS
Ioane Minchkhi, Poezia
Part No. 2
Previous part

Hymn number: 2 
Page of ed.: 151 
Line of ed.: 34BC  ყველიერისა კჳრიაკესა. [ცისკრად]. ჴმაჲ ბ


Line of ed.: 35BC    პირველითგან იყო
Line of ed.: 36BC    სიტყუაჲ მამისა და ღმრთისა თანა,
Line of ed.: 37BC    განუშორებელი
Line of ed.: 38BC    სულისაგან თანაარსისა
Page of ed.: 152  Line of ed.: 1BC    და ჟამთა დაწყებასა
Line of ed.: 2BC    გამოვიდა პირისაგან მამისა
Line of ed.: 3BC    საქმე ცისა და ქუეყანისაჲ,
Line of ed.: 4BC    სულითა მით გონიერითა
Line of ed.: 5BC    დაგუბადნა არარაჲსაგან
Line of ed.: 6BC    ხილულნი
Line of ed.: 7BC    და უხილავნი ბუნებანი,
Line of ed.: 8BC    განაგნა საქმენი
Line of ed.: 9BC    ძლიერნი და მიუწდომელნი,
Line of ed.: 10BC    აწ იხარებს მათ ზედა,
Line of ed.: 11BC    მამისა და სულისა თანა
Line of ed.: 12BC    იქების უკუნითი უკუნისამდე.

Line of ed.: 13    პირველითგან იყო
Line of ed.: 14    სიტყუაჲ მამისა და ღმრთისა თანა,
Line of ed.: 15    უჴორცოდ შობილი
Line of ed.: 16    და არაჲ ქმნული, მსგავსი მამისაჲ,
Line of ed.: 17    აღსასრულსა ჟამთასა
Line of ed.: 18    ჴორცითა დაებადა მჴსნელად ჩუენდა,
Line of ed.: 19    რომელნი შევიპყრენით წყუდიადსა
Line of ed.: 20    და დამონებულ ვიყვენით
Line of ed.: 21    მთავარსა მას ბნელისასა,
Line of ed.: 22    რომელი
Line of ed.: 23    უვნებელმან მოკლა ვნებითა,
Line of ed.: 24    რამეთუ დამდაბლდა
Line of ed.: 25    მაღალი და ჩუენთჳს ჯუარს-ეცუა,
Line of ed.: 26    ჯუარს-ვეცუნეთ მის თანა
Line of ed.: 27    და მოვიღოთ სასუმელი იგი,
Line of ed.: 28    რომელი მიიღო ჩუენთჳს მჴსნელმან ჯუარსა ზედა.

Line of ed.: 29    მაცხოვარო ჩუენო,
Line of ed.: 30    სიტყუაო და ძალო მამისაო,
Line of ed.: 31    ჩუენდა მჴსნელად მოხუედ
Line of ed.: 32    და სოფელმან შენ არაჲ გიცნა
Line of ed.: 33    და ისრაელთა ერმან
Line of ed.: 34    სუეტისა წილ და ღრუბლისა ნათლისა _
Line of ed.: 35    ჯუარსა ზედა ჴელნი განგიპყრნეს
Line of ed.: 36    ორთა ავაზაკთა შორის;
Line of ed.: 37    და მკუდართა აღდგინებისა წილ _
Line of ed.: 38    საფლავსა
Line of ed.: 39    დაგდვეს და დაგფარეს დაფლვითა,
Line of ed.: 40    ხოლო უძლეველმან
Line of ed.: 41    ძალმან და ღმრთეებამან შენმან
Page of ed.: 153  Line of ed.: 1    დასცა ჯოჯოხეთისა
Line of ed.: 2    ძალი და ჴელმწიფებაჲ მისი
Line of ed.: 3    და სულნი იგი დაშჯილნი იჴსნნა მისგან.

Line of ed.: 4    ერი უსხეულოთაჲ
Line of ed.: 5    ღმრთივ შემწყნარებელსა მას საფლავსა
Line of ed.: 6    გარემოჲს მდგომარენი
Line of ed.: 7    უღაღადებდეს მჴსნელსა ჩუენსა:
Line of ed.: 8    "აღდეგ და შეიწყალე
Line of ed.: 9    სიონი და დაიმკჳდრენ წარმართნი!
Line of ed.: 10    რად გძინავს შენ, ვითარცა მკუდარსა,
Line of ed.: 11    მღჳძარეთა მეუფესა?!
Line of ed.: 12    ვერ დაითმენენ მნათობნი,
Line of ed.: 13    არცაღა
Line of ed.: 14    თავს-იდებენ ზეცისა ძალნი
Line of ed.: 15    უფროჲს ბუნებისა
Line of ed.: 16    სიმდაბლესა შენსა, მაღალო,
Line of ed.: 17    არამედ აწ აჩუენე
Line of ed.: 18    ღმრთეებისა შენისა ძალი
Line of ed.: 19    აღდგომითა მკუდრეთით მესამესა დღესა".

Line of ed.: 20    სულთა ჩუენთა მჴსნელმან
Line of ed.: 21    წინაჲსწარ სოფლის დაბადებისა,
Line of ed.: 22    გამოგჳრჩინა ჩუენ
Line of ed.: 23    სამწყსოდ თჳსად _ ერი წარმართთაჲ,
Line of ed.: 24    ჩუენთჳს მოვიდა ზეცით
Line of ed.: 25    და გჳჴსნნა დიდისა საცთურისაგან
Line of ed.: 26    საღმრთოჲთა სიტყჳთა ტკბილითა
Line of ed.: 27    თჳთ ზრახა ცხორებაჲ ჩუენი
Line of ed.: 28    და გუამცნო ქველისსაქმითა
Line of ed.: 29    მარადის
Line of ed.: 30    ლმობიერად გლახაკთმოწყალებაჲ.
Line of ed.: 31    ვერჩდეთ სიხარულით
Line of ed.: 32    მცნებათა და ბრძანებათა მისთა,
Line of ed.: 33    შევიყუაროთ გზაჲ იგი,
Line of ed.: 34    იწროჲ და ფრიად საჭირველი,
Line of ed.: 35    რომელსა მივჰყავთ ცხორებად საუკუნოდ.

Line of ed.: 36    რომელი მოვიდა
Line of ed.: 37    მაღლით სიმდაბლედ სიტყუაჲ მამისაჲ,
Line of ed.: 38    სიბრძნით განმგებელი,
Line of ed.: 39    ღმერთი დამბადებელი ჩუენი,
Line of ed.: 40    მან ზრახა ჭეშმარიტი
Page of ed.: 154  Line of ed.: 1    წესი სულთა ჩუენთა ცხორებისათჳს _
Line of ed.: 2    ლოცვაჲ დაუცადებელი,
Line of ed.: 3    მარხვაჲ და სიწმიდე ჴორცთაჲ,
Line of ed.: 4    უპოვარებაჲ, სიგლახაკე
Line of ed.: 5    და ყოვლად
Line of ed.: 6    საწუთროჲსა უზრუნველობაჲ.
Line of ed.: 7    ნუ ზრუნავთ ჴორცთათჳს,
Line of ed.: 8    შემოსისა გინა ჭამადთა,
Line of ed.: 9    არამედ ეძიებდით
Line of ed.: 10    უპირატეს სასუფეველსა
Line of ed.: 11    და ესე ყოველი შეგეძინოს თქუენ!

Line of ed.: 12    გარდაჰჴდა მცნებასა
Line of ed.: 13    დამბადებელისა თჳსისასა
Line of ed.: 14    პირველ ქმნული იგი
Line of ed.: 15    ევა-ყოველთა ცხოველთა დედაჲ,
Line of ed.: 16    მოგუატყუა ჩუენ სიკუდილი
Line of ed.: 17    სმენითა მოშურნისა განზრახვითა,
Line of ed.: 18    არამედ შობითა შენითა,
Line of ed.: 19    დიდებულო დედოფალო,
Line of ed.: 20    ვიჴსნენით ხრწნილებისაგან
Line of ed.: 21    და კუალად
Line of ed.: 22    ღირს ვიქმნენით უხრწნელებასა,
Line of ed.: 23    რამეთუ რომელსა
Line of ed.: 24    დავებადენით ხატად თჳსად,
Line of ed.: 25    მანვე შემიწყალნა ჩუენ,
Line of ed.: 26    ჭეშმარიტად ღმრთისა სიტყუამან
Line of ed.: 27    შენგან ჴორცთა შესხმითა და გუაცხოვნნა ჩუენ.
Hymn type:  



Next part


This text is part of the TITUS edition of Ioane Minchkhi, Poezia.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.