TITUS
Old Georgian Hagiographical Texts, vol. III
Part No. 2
Previous part

Paragraph: 2     
Line of ed.: 6        ინება და მეუფემან მეუფეთამან და უფალმან უფლებათამან და
Line of ed.: 7     
შემოქმედმან ყოველთა მთავრობათა და ჴელმწიფებათამან იესუ, ძემან
Line of ed.: 8     
ღმრთისამან, თანა-სწორმან ჟამისა და სულისა წმიდისამან, მოსლვაჲ ქუეყანად
Line of ed.: 9     
ჴსნად დაბადებულთა თჳსთა, მოავლინა მოციქულად და მახარებელად
Line of ed.: 10     
მოსლვისა მისისა მთავარანგელოზი გაბრიელ და იშენა ტაძარი
Line of ed.: 11     
ქუეყანასა ზედა ბუნებისაგან მისისა, უმაღლესი ცასა ცათასა, ყოვლითურთ
Line of ed.: 12     
მოცვული და ბრწყინვალე ქალწულებითა და უბიწოებითა, და
Line of ed.: 13     
შევიდა დიდი იგი მეუფე ტაძარსა მას შინა: არცა კლიტენი მისნი დაჰჴსნნა,
Line of ed.: 14     
არცა ბჭენი მისნი განახუნა, არამედ შევიდა, ვითარცა შუენის მეუფებასა
Line of ed.: 15     
მისა, და გამოვიდა, ვითარცა იცის საიდუმლომან ღმრთეებისა
Line of ed.: 16     
მისისამან, და ტაძარი იგი ეგრეთ-ვე დაკრძალულად დაუტევა. უზესთაეს
Line of ed.: 17     
ბუნებათა და უაღ\რეს Page of ms.: V_375  ყოველთა საკჳრველებათა იშვა ქალწულისაგან,
Line of ed.: 18     
ვითარცა კაცი, და არა განეჴუა ღმრთეებისა განკაცებითა, და იქმნა
Line of ed.: 19     
ყოვლითურთ კაც და ყოვლითურთ ჰგიეს ღმრთეებასა შინა, დაისაყდრა
Line of ed.: 20     
წიაღთა ქალწულისათა, რომელი ჰგიეს ზეცას მამისა თანა განუშორებელად.
Line of ed.: 21     
ტჳრთულ იქმნა წიაღთა დედისათა მტჳრთველი იგი ყოველთა არსთაჲ;
Page of ed.: 8   Line of ed.: 1     
მოქენე იქმნა სძისა, ვითარცა ჩჩჳლი, რომელი ზრდის ყოველთა,
Line of ed.: 2     
ვითარცა ღმერთი; შეიხჳა სახუევლითა ჩჩჳლთაჲთა, ვითარცა ყრმა, და
Line of ed.: 3     
ვითარცა ღმერთმან განჴსნნა საკრველნი ცოდვათა ჩუენთანი, ჩჩჳლებრ
Line of ed.: 4     
მიიწვინა ბაგასა დამბადებელი ყოველთაჲ; ჰეროდესგან იდევნებოდა, ვითარცა
Line of ed.: 5     
კაცი; სჳმეონისგან ღმრთად აღსარებულ იქმნებოდა; ეგჳპტედ
Line of ed.: 6     
ივლტოდა, ვითარცა კაცი, რომელმან შემუსრნა ჴელით-ქმნულნი ეგჳპტისანი.
Line of ed.: 7     
წარემატებოდა ჰასაკითა ჴორცთაჲთა, რომელი-იგი ყოველგან არს
Line of ed.: 8     
და მარადის ჰგიეს ღმრთეებითა; მოვიდა იორდანედ და ნათელ-იღო წინა-მორბედისა
Line of ed.: 9     
და ნათლის-მცემელისაგან, რომელი ნათლითა აღავსებს ყოველთა
Line of ed.: 10     
დაბადებულთა.

Next part



This text is part of the TITUS edition of Old Georgian Hagiographical Texts, vol. III.

Copyright TITUS Project, Frankfurt a/M, 27.4.2014. No parts of this document may be republished in any form without prior permission by the copyright holder.