TITUS
Old Georgian Hagiographical Texts, vol. I
Part No. 2
Previous part

Chapter: II  
Line of ed.: 8        2. და იჯმნა მეფისაგან სპარსთაჲსა პიტიახშმან. და ვითარცა
Line of ed.: 9     მოიწია იგი საზღვართა ქართლისათა, ქუეყანასა მას ჰერეთისასა, ზრახვა-ყო,
Line of ed.: 10     რაჲთა აუწყოს და წინა მიეგებნენ მას აზნაურნი და მისნი ძენი და
Line of ed.: 11     მსახურნი მისნი, რაჲთა მათ გამო, ვითარცა ერთ-გული, სოფლად შევიდეს.
Line of ed.: 12     და წარმოჰმართა სადიასპანოჲთა ცხენითა მონაჲ თჳსი, ვითარ[მ]ცა
Line of ed.: 13     მოვიდა დაბასა, რომელსა სახელი ჰრქჳან ცურტავ.

Line of ed.: 14        და ვითარცა მოიწია და შევიდა წინაშე შუშანიკისა, დედოფლისა
Line of ed.: 15     ჩუენისა, და კითხვაჲ ჰრქუა. ხოლო სანატრელმან შუშანიკ ვითარცა წინაწარმეტყუელმან
Line of ed.: 16     ჰრქუა: "უკუეთუ სულითა ცხოველ არს იგი, ცოცხალ-მცა
Line of ed.: 17     ხართ იგი-ცა და შენ-ცა. უკუეთუ სულითა მომკუდარ ხართ, მოკითხვაჲ ეგე
Line of ed.: 18     შენი შენდა-ვე მოიქეცინ"*. ხოლო კაცმან მან ვერ იკადრა სიტყუად მისა,
Line of ed.: 19     ხოლო წმიდაჲ შუშანიკ აფუცებდა და ჰკითხვიდა დამტკიცებულად. ხოლო
Line of ed.: 20     კაცმან უთხრა მართალი და ჰრქუა, ვითარმედ: "ვარსქენ უვარ ყო
Line of ed.: 21     ჭეშმარიტი ღმერთი".

Line of ed.: 22        ვითარცა ესმა ნეტარსა შუშანიკს, დავარდა იგი ქუეყანასა ზედა და
Line of ed.: 23     თავსა დამართ სცემდა და ცრემლითა მწარითა იტყოდა: "საწყალობელ
Line of ed.: 24     იქმნა უბადრუკი ვარსქენ, რამეთუ უვარ-ყო ჭეშმარიტი ღმერთი და აღიარა
Line of ed.: 25     ატროშანი და შეერთო იგი უღმრთოთა, Ms. page: A_354r  და აღდგა და დაუტევა
Page of ed.: 13   Line of ed.: 1     ტაძარი თჳსი და ღმრთის მოშიშებით ეკლესიად შევიდა, და თანა მიიყვანნა
Line of ed.: 2     სამნი იგი ძენი მისნი და ერთი ასული და წარადგინნა იგინი წინაშე საკურთხეველსა.
Line of ed.: 3     და ესრეთ ილოცვიდა და იტყოდა: "უფალო ღმერთო, შენნი
Line of ed.: 4     მოცემულნი არიან და შენ დაიცვენ ესენი, განათლებულნი წმიდისაგან ემბაზისა
Line of ed.: 5     მადლითა სულისა წმიდისაჲთა, ყოფად ერთ სამწყსო ერთისა მწყემსისა*,
Line of ed.: 6     უფლისა ჩუენისა იესუ ქრისტჱსა".

Line of ed.: 7        და ვითარცა მწუხრისა ჟამი აღასრულეს, სახლაკი ერთი მცირე პოვა
Line of ed.: 8     მახლობელად ეკლესიასა და შევიდა მუნ შინა სიმწარითა სავსჱ და
Line of ed.: 9     მიეყრდნა ყურესა ერთსა და მწარითა ცრემლითა ტიროდა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.