TITUS
Antiochos Strategos, Expugnatio Hierosolymae
Part No. 4
Previous part

Chapter: III  
Paragraph: 1  
Line of ed.: 23       და მოიწინეს იგინი ძალითა დიდითა და ერითა
Line of ed.: 24    მრავლითა, და დაიპყრეს ყოველი ქუეყანაჲ ასურასტანისაჲ,
Line of ed.: 25    და გუნდი და სპაჲ ბერძენთაჲ აოტეს, და რომელნი-მე მათგანნი
Line of ed.: 26    შეიპყრნეს. 2. და მერმე იწყეს სპითა და ერითა
Line of ed.: 27    მრავლითა შესლვად და დაპყრობად თჳთოეულსა ქალაქსა და
Page of ed.: 8   Line of ed.: 1    დაბნებსა, ვიდრემდის მოიწინეს პალესტინად და სანახებსა
Line of ed.: 2    მისსა, და მოვიდეს კესარიად, რომელ იგი არს დედაჲ
Line of ed.: 3    ქალაქთაჲ; ხოლო მათ ითხოვეს მშჳდობაჲ და დაუმდაბლნეს
Line of ed.: 4    ქედნი მათნი მორჩილებად. 3. და მერმე მივიდეს სარაფეონდ.
Line of ed.: 5    და დაიპყრეს იგი და ყოველი ქალაქები ზღჳს-კიდისაჲ
Line of ed.: 6    სოფლებითურთ მათით. Paragraph: 4   რამეთუ ღმრთისა მიერ იყო
Line of ed.: 7    აღძრვაჲ მათი და მიშუებითა მისითა ეშმაკმან მოუწოდა
Line of ed.: 8    ნათესავსა მას ბოროტსა; და ვითარცა ცეცხლნი ეგრე ეტყინებოდეს,
Line of ed.: 9    და მიმოვიდოდეს ქალაქებსა და დაიპყრობდეს
Line of ed.: 10    მტერნი იგი. Paragraph: 5   და ამისა შემდგომად მოიწინეს ჰურიასტანად,
Line of ed.: 11    ქალაქსა მას დიდსა და სახელოვანსა, ქალაქსა
Line of ed.: 12    ქრისტეანეთასა რომელ არს იერუსალჱმი, ქალაქსა ძისა
Line of ed.: 13    ღმრთისასა; და მოვიდეს რისხვითა და გულის-წყრომითა
Line of ed.: 14    დიდითა; და მისცა იგი უფალმან ჴელთა მათთა; და აღასრულეს
Line of ed.: 15    ყოველი-ვე ნებისა ებრ მათისა. Paragraph: 6   და ვინმე შემძლებელ არს
Line of ed.: 16    მითხრობად რაჲ იგი იქმნა შორის იერუსალჱმსა და გზათა
Line of ed.: 17    მისთა? ვინმე აღრაცხოს რიცხჳ იგი მოკლულთაჲ რომელი
Line of ed.: 18    იდვა შორის იერუსალჱმსა, რომელნი მოისრნეს ბოროტთა
Line of ed.: 19    მათგან აღძრვითა ეშმაკისაჲთა? Paragraph: 7   რამეთუ თესლი მისი
Line of ed.: 20    დათესულ იყო მათ შორის, რომელი იგი მარადის ეშურების
Line of ed.: 21    ჴსნასა ჩუენსა; და ვითარცა პირველ რაჟამს იხილა მან
Line of ed.: 22    უფალი იესუ ქრისტე ამაღლებული ჯუარსა ზედა, და მორწმუნეთა
Line of ed.: 23    სიმრავლე მდგომარე გარემოჲს მისა, შეწუხნა
Line of ed.: 24    და მზაკუვარებაჲ თჳსი ვითარცა ღუარძლი დასთესა შორის
Line of ed.: 25    ჰურიათა და ენება მათ მიერ დაბრკოლებაჲ მორწმუნეთაჲ
Line of ed.: 26    მათ, და ესრეთ-ვე აწ ისწრაფდა და წინა-უძღოდა ბოროტი იგი
Line of ed.: 27    წყეული უკეთურთა მათ მჴეცთა, ვიდრემდის მოიწია ჩუენ
Line of ed.: 28    ზედა ყოველი ვნებაჲ და წარწყმედაჲ და ტყუეობაჲ მიშუებითა
Page of ed.: 9   Line of ed.: 1    ღმრთისაჲთა; რამეთუ ყოველსა ადგილსა დათხევაჲ სისხლისაჲ
Line of ed.: 2    იქმნებოდა აღძრვითა მისითა მათ დღეთა შინა. Paragraph: 8   და ვინმე
Line of ed.: 3    არა წუხდეს, ძმანო ჩემნო, საქმისა მისთჳს რომელი იქმნა
Line of ed.: 4    კოსტანტინეპოლეს ისტჳნიანეს მიერ მეფისა, რაჟამს იგი
Line of ed.: 5    ჴმობდეს: "სძლე, სძლე", ვითარ იგი მდინარე სისხლისაჲ
Line of ed.: 6    დიოდა შორის ქალაქსა მოსრვითა ურიცხუთა მათ ერთაჲთა?

Paragraph: 9  
Line of ed.: 7    და ვის-მე არა ესმა რაჲ იგი იქმნა ანტიოქიას შინა ქალაქსა მას
Line of ed.: 8    დიდსა, და რომელნი ჭირნი და განსაცდელნი შეემთხჳნეს
Line of ed.: 9    მკჳდრთა მისთა? Paragraph: 10   ვინმე არა იგლოვდეს და ტიროდის
Line of ed.: 10    საქმისა მისთჳს რომელი შეემთხჳა ლავდიკია ქალაქსა და
Line of ed.: 11    მკჳდრთა მისთა, ვითარ იგი ურიცხუნი სულნი მოისრნეს
Line of ed.: 12    შურითა და აღძრვითა ღმრთის-მოძულისა მტერისაჲთა? ვინმე
Line of ed.: 13    შეუძლოს დუმილი და ცრემლთა თჳსთა დაყენებად ყოვლისა
Line of ed.: 14    მისთჳს ბოროტისა და ვნებისა? Paragraph: 11   ვინმე აღრაცხოს ჭირთა
Line of ed.: 15    და ღუაწლთა სიმრავლე, და რაოდენნი ბევრნი მოისრნეს
Line of ed.: 16    საქმისა მისთჳს რომელი ყო ბონოსი უკეთურმან?

Paragraph: 12  
Line of ed.: 17    ვინმე არა ტიროდის იერუსალჱმისათჳს, და რაჲ იგი;
Line of ed.: 18    შეემთხჳა მკჳდრთა მისთა? ვინმე არა გოდებდეს მღდელთა
Line of ed.: 19    და მოწესეთა \ტყუეობისათჳს და ქალწულთა და უბიწოთა
Line of ed.: 20    წარწყმედასა? ვინმე არა წუხდეს ეკლესიათა და საკურთხეველთა
Line of ed.: 21    დარღუევასა? ვინმე არა იგლოვდეს და ცრემლოოდის
Line of ed.: 22    მიუწუდომელსა მას და აურაცხელსა მორწმუნეთა ტანჯვასა?

Next part


This text is part of the TITUS edition of Antiochos Strategos, Expugnatio Hierosolymae.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.