TITUS
Treatise on Zodiacal Signs and Planets
Part No. 4
Previous part

Chapter: 4  
4. კირჩხიბი, რომელსა არაბულად
ჰრქვან სარატან



Line: 1        კირჩხიბისა ბურჯი მთოარისა სახლი არს და
Line: 2     მუშთარისა შარაფი და მარიხისა ჰუბუტი და ზუჰალისა
Line: 3     ვაბალი. წყლისაჲ არს და ღამისაჲ არს. და დედალი
Line: 4     არს და ბუნებად გრილი და ნედლი არს. და კაცისა
Line: 5     ნივთთაგან ბალღამი მისია. Page of ms.: 357  ჩრდილოჲსაჲ არს.
Line: 6     და რაჲ მზე პირველსა დაყიყასა ზედა მოვიდეს, მაშინ
Line: 7     დღე ყოველთა დღეთა უგრძე არს და ღამე ყოველთა
Line: 8     ღამეთა უმოკლე არს. და ზაფხულისა პირველი არს.
Line: 9     და ესე ბურჯი ჰაერთა * წურილთაჲ არს და ამას ბურჯსა
Line: 10     შიგან რაჲ იყოს მზე, გჳანად ამოჰჴდების და ადრე
Line: 11     ჩაჰჴდების. და შუა-ჴმაჲ არს და შვილ-მრავალი. და
Line: 12     ესე ბურჯი სოფლისა ეტლი არს. კაცისა ასოთაგან
Line: 13     მკერდი და ძუძუნი და ფირტჳ და წელნი მისნი არიან.
Line: 14     ქალაქთაგან ირაყისა ქალაქი და მცირე სომხითი და
Line: 15     ტფილისი და გარეთი საბერძნეთი და ადგილთაგან
Page of ed.: 21   Line: 16     ზღჳს პირნი და მდინარეთა პირნი, წყალთაგან წყაროჲს
Line: 17     თუალნი და წყალნი იგი, რომელ მიწასა შიგან
Line: 18     გათხრით დიან. და ხეთაგან -- რაჲცა მოკლენი არიან.
Line: 19     წჳმისა ბურჯი არს. წყლისაგან და მას შინა მყოფთა
Line: 20     სულიერთაგან კირჩხიბი, კუჲ, წურბელი, მყაური და
Line: 21     მიწისა ჭიაჲ -- ყოველი მისი არს. დღეთაგან ორშაბათი
Line: 22     მისი არს.

Line: 23        ვინცა ამას ეტლსა ზედა იშვას, კაცი არცა გრძელი,
Line: 24     არცა მოკლე; და ზოგი მოკლე, ცხჳრ-მრუდი და
Line: 25     კბილ-მრუდი და თმა-წურილი და წჳვ-გრძელი.და
Line: 26     კაცი ესთენ სუბუქი, რომელ ერთსა სიტყუასა და ერთსა
Line: 27     საქმესა ზედა არ დადგებოდის. მაგრა კაცი მხიარული
Line: 28     დ[ა მ]ლაღობელი და სიტყუა-წყლიანი და უხჳ.
Line: 29     მისსა სიცოცხლესა შიგან ოთხი ფათერაკი შეემთხჳოს:
Line: 30     პირველი, ჰავისა კაცისაგან სავნებელი მიხუდეს;
Line: 31     მეორე, რომელ მკბენარმან რამამე უკბინოს; მესამე,
Line: 32     წყლისაგან; და მეოთხე, თავქედისაგან.

Line: 33        ესე ბურჯი სამ-ნაწილი არს: პირველი ნაწილი ათ
Line: 34     დარაჯამდის მთიებისაჲ არს, მეორე -- ოტერიდისაჲ,
Line: 35     მესამე -- მთოარისაჲ. ვინცა მთიებისა ნაწილსა ზედა
Line: 36     იშვას, კაცი კეკლუცი და კაცთ მოყუარე იყოს, ტანისა და
Line: 37     ტანისა სამოსისა წმიდისა და სულნელისა და
Line: 38     მგოსნისა მოყუარე იყოს. და თუ ოტერიდისა ნაწილსა
Line: 39     ზედა იშვას, არცა მოკლე იყოს, არცა გრძელი, თით-წურილი
Line: 40     და მწერალი. ანგარიშნი კარგად [ი]ცოდ[ი]ს.
Line: 41     და მთოარისა ნაწილსა ზედა თუ იშვას, კაცი იყოს
Line: 42     კეკლუც[ი] დ[ა] წარბ-შეყრი[ლი], Page of ms.: 358  მკერდი ფართოჲ
Line: 43     და მრავალთ მოყუარე, პირ-მრგუალი, ტან-მრგუალი
Line: 44     და ქების მოყუარე და ჰამაპაჰასა მართალსა
Line: 45     იტყოდის ჰამაპაჰასა ტყუოდის და სიტყუასა მრავალ-ფერად
Line: 46     აქცევდეს. ვინცა ა^ და მე-ი^დ და მე-ი^გ
Line: 47     დარაჯასა იშვას, ბედიანი იყოს. და ოთხშაბათი დღე
Line: 48     არ აშუნდეს. ესე ეტლი სარკინოზთაჲ არს.


Line: n.11     ჰერთა. ^



Next part


This text is part of the TITUS edition of Treatise on Zodiacal Signs and Planets.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.