TITUS
Epiphanius Cyprensis, De mensuribus et ponderibus
Part No. 3
Previous part

Chapter: 11   Link to satberd
Line of ed.: 9       მეორე წიგნი იიძულა მიწერად სახე ესე: "მეფისაგან
Line of ed.: 10    პტოლემეოსისა კეთილად-მსახურთა მოძღუართა იერუსალჱმისათა
Line of ed.: 11    დიდი სიხარული! ფასისაგან დაფარულისა და
Line of ed.: 12    წყაროჲსაგან დაჴშულისა რაჲ სარგებელ არს ორთაგან-ვე?
Line of ed.: 13    ეგრე-ცა რომელი ესე ჩუენ თქუენ მიერ მოგუჱძღუანა წიგნები
Line of ed.: 14    ჩუენდა ვერ შეძლებითა წარკითხვისა წიგნებისა ამის არა სარგებელ <არს>.
Line of ed.: 15    არამედ ღირს მყვენით თარგმანნი მოვლინებად
Line of ed.: 16    ჩუენდა, რომელნი სიჭაბუკისა ჰასაკსა იყვნენ, და ჭეშმარიტსა
Line of ed.: 17    ებრაელებრისა და ბერძენთა ენასა სწავლულ იყვნენ და წურთილ
Line of ed.: 18    სწავლითა".

Line of ed.: 19       და მას ჟამსა თქუმულნი იგი სამეოცდაათორმეტნი კაცნი
Line of ed.: 20    თარგმანნი გამოარჩჳნნეს მოძღუართა ჰურიათა. მოუვლინნეს
Line of ed.: 21    სახედ მისსა რომელ იგი ყო მოსე რაჟამს აღვიდა მთასა მას
Line of ed.: 22    ბრძანებითა უფლისაჲთა, ვითარცა იგი თქუა ვითარმედ: "წარიყვანენ
Line of ed.: 23    კაცნი სამეოცდაათნი და აღვედ მთად"; და მაშინ გულსა
Line of ed.: 24    მოუჴდა ნუ უკუჱ ერისა მის შორის ჴდომაჲ რაჲმე იყოს, და
Line of ed.: 25    წარიყვანნა ექუს ექუსი კაცი ნათესავად ნათესავადისაჲ, და
Line of ed.: 26    დასძინეს რიცხუსა მას ორი რომელ არიან კაცნი კაცნი
Line of ed.: 27    სამეოცდაათორმეტ. ეგრე-ვე სახედ ესენი-ცა მიავლინნეს რომელთა
Line of ed.: 28    გამოთარგმანნეს ძუჱლნი წიგნნი ფარას ჭალაკსა პირის-პირ
Line of ed.: 29    ალექსანდრიასა ქალაქსა სადა იგი უშენა ოცდაათექუსმეტი
Line of ed.: 30    სენაკი. ოცდაათექუსმეტთა სენაკთა ორ ორი შეაყენა დილულითგან
Page of ed.: 15   Line of ed.: 1    მიმწუხრამდის, და მიმწუხრი ოცდაათექუსმეტთა ნავთა
Line of ed.: 2    შესხნის და წიაღ მოიყვანნის ტაძართა პტოლემეოს მეფისათა
Line of ed.: 3    და მის თანა ისერნიან. და ეგრე-ვე ორ ორი თითო სარეცელსა
Line of ed.: 4    დააწვინეს რაჲთა-მცა ვერ შეუძლეს განზრახვად რაჲსა-მე
Line of ed.: 5    ძლიერ[ის]ა, არამედ თჳნიერად ურთიერთას მეცნიერებისა
Line of ed.: 6    თა[რ]გმანონ. და ესრეთ თარგმანნეს შეყენებულთა ორ ორმან
Line of ed.: 7    სენაკსა და ორ ორი ყრმაჲ მათ თანა შეყენა მსახურებისათჳს
Line of ed.: 8    მათისა და მზა-ყოფად საზრდელი მათთჳს მსწარაფლიად (!) წერისათჳს.
Line of ed.: 9    და სენაკნი იგი მრჩობლ აღაშენნა და სარკუმელნი გუჱრდით
Line of ed.: 10    არა დაუტევნნა. არამედ ზედა საფანელით სანათურნი
Line of ed.: 11    განახუნნა. და ესრეთ შეყენებულ იყვნეს კლიტულსა დილეულითგან
Line of ed.: 12    ვიდრე მწუხრამდე, ვიდრე თარგმანნეს ყოველნი იგი
Line of ed.: 13    წიგნნი ორ ორმან ერთ-სახედ თითოეული წიგნნი. იწყეს დაბადებასა
Line of ed.: 14    და ვითარცა აღასრულიან პირველთა მათ წინაჲსწარმეტყუელთა
Line of ed.: 15    წიგნი იგი, და მისციან მეორეთა წყვილთა,
Line of ed.: 16    და მათგან მესამეთა, და ესრეთ გარემო-მოსლვით (?). და ესრეთ
Line of ed.: 17    თითო წიგნი ლ^ვ ჯერ ითარგმანნეს ყოველნი წიგნნი ვითარცა
Line of ed.: 18    იგი ზემორე ითქუა კ^ბ-ნი რომელნი ცხადად თქუმულ არიან, და
Line of ed.: 19    სამეოცდაათორმეტნი რომელნი დაფარულ არიან.

Next part


This text is part of the TITUS edition of Epiphanius Cyprensis, De mensuribus et ponderibus.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.