TITUS
Biblia Iberica: Psalterium et Odae e codice Gracensi
Part No. 3
Previous part

Chapter: 3  


Verse: 2   Link to psa   უფალო, რად განმრავლდეს მაჭირებელნი ჩემნი? და მრავალნი აღდგეს ჩემ ზედა.

Verse: 3   Link to psa   მრავალთა ჰრქჳან სულსა ჩემსა, რამეთუ: არა არს ცხორებაჲ მისა ღმრთისა მიერ მისისა.

Verse: 4   Link to psa Manuscript page: 3r     ხოლო შენ, უფალო, მწე ჩემდა ხარ დიდებად ჩემდა და ასამაღლებელად თავისა ჩემისა.

Verse: 5   Link to psa   ჴმითა ჩემითა უფლისა მიმართ ვღაღატ-ვყავ და შეესმა ჩემი მთით წმიდით მისით.

Verse: 6   Link to psa   მე დავწევ, დავიძინე, განვიღჳძე, რამეთუ უფალი მწე მეყო მე.

Verse: 7   Link to psa   არა შემეშინა მე ბევრეულისაგან ერისა ყოველთა, რომელთა გარემომიცვეს მე.

Verse: 8   Link to psa   აღდეგ, უფალო, მაცხოვნე მე, ღმერთო ჩემო, რამეთუ შენ დასცენ ყოველნი, რომელნი მემტერნეს მე ამაოდ, კბილნი ცოდვილთანი შენ შეჰმუსრენ.

Verse: 9   Link to psa   უფლისაჲ არს ცხორებაჲ და ერსა შენსა ზედა არს კურთხევაჲ შენი.



Next part


This text is part of the TITUS edition of Biblia Iberica: Psalterium et Odae e codice Gracensi.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.