TITUS
Biblia Iberica: Psalterium et Odae
Part No. 2
Previous part

Chapter: 2 
Verse: 1  Link to mcat Link to sept Link to armat   რად აღიძრნეს წარმართნი და ერმან იზრახა ცუდი?

Verse: 2  Link to mcat Link to sept Link to armat   
შეითქუნეს მეფენი ქუეყანისანი მთავარნი შეკრბეს ერთად უფლისათჳს ცხებულისა მისისათჳს.

Verse: 3  Link to mcat Link to sept Link to armat   
განვხეთქნეთ აპაურნი მათნი და განვაგდოთ ჩუენგან უღელი მათი.

Verse: 4  Link to mcat Link to sept Link to armat   
იგი, რომელ დამკჳდრებულ არს ცათა შინა, ეცინოდის მათ და უფალმან შეურაცხ-ყვნეს იგინი.

Verse: 5  Link to mcat Link to sept Link to armat   
მაშინ ეტყოდის მათ რისხვითა მისითა და ღულის წყრომითა მისითა შეაძრწუნნეს იგინი.

Verse: 6  Link to mcat Link to sept Link to armat   
მე დავდეგ მეუფედ მის მიერ ზედა სიონსა, მთასა წმიდასა მისსა,

Verse: 7  Link to mcat Link to sept Link to armat   
თხრობად ბრძანებათა უფლისათა. უფალმან მრქუა მე: ძე ჩემი ხარი შენ და მე დღეს მიშობიე შენ;

Verse: 8  Link to mcat Link to sept Link to armat   
ითხოვენ ჩემგან და მიგცნე შენ ყოველნი წარმართნი სამკჳდრებელად შენდა, დაპყრობად შენდა ყოველნი კიდენი ქუეყანისანი.

Verse: 9  Link to mcat Link to sept Link to armat   
ჰმწყსნე იგინი კუერთხითა რკინისაჲთა და ვითარცა ჭურნი მეკეცეთანი შეჰმუსრნე იგინი.

Verse: 10  Link to mcat Link to sept Link to armat   
აწ, მეფენო, ესე გულისხმა-ყავთ და განისწავლენით ყოველნი მსაჯულნი ქუეყანისანი.

Verse: 11  Link to mcat Link to sept Link to armat   
ჰმონეთ უფალსა შიშით და უგალობდით მას ძრწოლით.

Verse: 12  Link to mcat Link to sept Link to armat   
მიიღეთ სწავლაჲ, ნუუკუე განრისხდეს უფალი და წარსწყმდებოდით თქუენ გზისა მისგან მართლისა, რაჟამს აღატყდეს მყის გულის წყრომაჲ მისი. ნეტარ არიან ყოველნი, რომელნი ესვენ მას.


Next part



This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.