TITUS
Movses Xorenaci, Patmowtiwn Hayoc
Part No. 183
Previous part

Chapter: 57  
Ծ՜Է
Line: 5 
Sentence: 1   Առաքումն Մեսրոպայ ի Բիւզանդիոն, եւ պատճէն թղթոցն հնգից։


Line: 6    Sentence: 2   Իսկ իբրեւ ետես մեծն Սահակ զայս ամենայն չարիս ի մասինն
Line: 7    Պարսից՝ գնաց նա կողմամբք արեւմտից մերոյ աշխարհիս, ի բաժին
Line: 8    մասինն Յունաց, եւ ոչ ըստ արժանեաց իւրոց եղեւ ընկալեալ. Sentence: 3   վասն
Line: 9    որոյ յղէ զՄեսրոպ եւ զՎարդան թոռն իւր ի Բիւզանդիոն առ կայսրն
Line: 10    Թէոդոս հանդերձ թղթով, որ ունէր զայս. Sentence: 4   -
Line: 11    Թուղթ Սահակայ առ Թէոդոս։

Line: 12    Sentence: 5   "Խաղաղասիրի կայսեր, տեառն իմում Աւգոստոս Թէոդոսի. Sentence: 6   Սահակ
Line: 13    Հայոց եպիսկոպոս, ի Տէր խնդալ։

Line: 14    Sentence: 7   "Գիտեմ, զի համբաւ նեղութեանս մերոյ հասեալ է ի լսելիս ինքնակալիդ.

Line: 15    Sentence: 8   սակս որոյ յուսալով ի գթածութիւն բարերարութեանդ քոյ՝
Line: 16    դիմեալ ապաւինեցայ յոտս ձեր. Sentence: 9   եւ ոչ հանդիպեցայ ընդունելութեան
Line: 17    յիմում վիճակիս ի հրամանէ վերակացուացս սոցա։ Sentence: 10   Այնչափ ատեցեալ
Line: 18    զմեզ, մինչեւ զնշանագիրսն անգամ ոչ ընկալան, զորս եբեր նոյն այր՝
Line: 19    զոր առաքեցի առ ձեր բարերարութեանդ, բազում անգամ ճգնեալ դորա
Line: 20    յԱսորւոց աշխարին։ Sentence: 11      Արդ հաճոյ թուեսցի տէրութեանդ ձերում՝ ոչ
Line: 21    անիշխան առնել զմեզ ի մերում վիճակիս, եւ հրամայել ընդունել զմեզ
Line: 22    եւ զվարդապետութիւնս մեր։ Sentence: 12   Ողջ լեր։"
Line: 23    Գրէ եւ առ եպիսկոպոս թագաւորեալ քաղաքին զայս ինչ. Sentence: 13   -

Page: 334   Line: 1    Թուղթ Սահակայ առ Ատտիկոս։

Line: 2    Sentence: 14   "Սահակ Եպիսկոպոս Հայոց. Sentence: 15   Վարդապետ մեր Ատտիկոս եպիսկոպոսին
Line: 3    աշխարհամուտ դրանդ, օրհնութեամբ ողջոյն։

Line: 4    Sentence: 16   "Յուսացեալ ի ձեր սրբութիւնդ առաքեցար զուսուցող մերոյ աշխարհիս
Line: 5    զմեսրոպ, եւ զթոռն իմ զՎարդան, որպէս զի լուալ քո ի դոցանէ
Line: 6    զաղէտս նեղութեան մերոյ, բարեխօսեալ առ մեծի թագաւորիդ՝ օգնեսցես
Line: 7    մեզ, որպէս արդարեւ եղբայր սիրելի։ Sentence: 17      Ողջ լեր։

Line: 8    Sentence: 18   Գրէ եւ առ Անատոլիոս զօրավար զայս ինչ. Sentence: 19   -
Line: 9    Թուղթ Սահակայ առ Անատոլիոս։

Line: 10    Sentence: 20   "Սահակ եպիսկոպոս Հայոց. Sentence: 21   քաջի զօրավարի Անատոլեայ խնդալ։

Line: 11    Sentence: 22   "Շնորհ ունիմ Աստուծոյ յաղագս զքեզ պատրաստելոյ մեզ յապաւինութիւն.

Line: 12    Sentence: 23   վասն որոյ զգացուցանեմ՝ զի ի հայթայթանս մերոյ
Line: 13    նեղութեանս առաքեցի զուսուցողդ մեր զՄեսրոպ եւ զթոռն իմ զՎարդան
Line: 14    ի դուռն արքունի. Sentence: 24   եւ աշաչեմ զքո քաջութիւնդ ձեռնատու լինել ճանապարհիդ։
Line: 15    Sentence: 25   Ողջ լեր։

Line: 16    Sentence: 26   Զայս տեսեալ Անատոլեայ, միանգամայն եւ զլուր առաքինութեանն
Line: 17    Մեսրոպայ յիշեալ, որ յառաջագոյն հնչցեալ էր զնմանէ՝ ոչ փոքր ինչ
Line: 18    արար նոցա ընդունելութիւն, մինչեւ ի ձեռն փոփոխ ընթացից գրով
Line: 19    զգացուցեալ կայսերն՝ առնու հրաման՝ արժանապէս առաքել փութով։

Line: 20    Sentence: 27   Վասն որոյ արգելեալ ի քաղաքին Մելիտինէ զբազմութիւն աշակերտացն,
Line: 21    զորս ընդ ինքեան ածեալ՝ հանդերձ գլխաւորաւն նոցա Ղեւոնդիւ առ
Page: 335   Line: 1    եպիսկոպոսին Ակակայ թողու։ Sentence: 28      Եւ իւր առեալ զՄեսրոպ եւ զՎարդան՝
Line: 2    տայ ցեպիկոպոսն Դերջանու ցԳինդ, եւ բարեփառութեամբ զնոսա
Line: 3    յուղարկէ։ Sentence: 29      Որով մտին ի Բիւզանդիոն, եւ յանդիման եղեալ մեծի թագաւորին՝
Line: 4    առին զոր յուսայինն եւ զոր ոչն յուսային։ Sentence: 30   Եւ դարձան հանդերձ
Line: 5    թղթով այսպիսեաւ. Sentence: 31   -

Line: 6    Թուղթ Թէոդոսի առ Սահակ։

Line: 7    Sentence: 32   "Ինքնակալ Թէոդոս Աւգոստոս եւ կայսր Հռոմայեցւոց. Sentence: 33   մեծի Սահակայ
Line: 8    Եպիկոպոսին Հայոց հնդալ։

Line: 9    Sentence: 34   "Հրամայեալ մեր տեսանել զթուղթս՝ վերահասու եղաք գրելոցս առ
Line: 10    ի քէն. Sentence: 35   եւ մեղադրեցաք յոյժ, զի ամենայն սրտիւ միտեցար զհետ հեթանոս
Line: 11    թագաւորաց, եւ մեզ եւ ոչ թղթով բաւականացար ծանօթանալ։ Sentence: 36   Եւ
Line: 12    առաւել յայսմ մեղադիր եմք, զի արհամարհեալ զճարտարօքս, որ ի
Line: 13    մերում քաղաքիս՝ յԱսորեաց ոմանց խնդրեցեր զիմաստից գիւտս։ Sentence: 37   Վասն
Line: 14    որոյ հաճեալ էաք ընդ մերոց ծառայից արհամարհել զայդպիսի
Line: 15    ուսումն. Sentence: 38   բայց զի յետոյ պատմեաց մեզ Մեսրոպ, եթէ կատարումն
Line: 16    արուեստիդ ի շնորհաց վերնոյն եղեւ՝ դրեցաք զի ամենայն փութով
Line: 17    ուսցին. Sentence: 39   եւ զքեզ պատուեալ ընկալցին որպէս զարդարեւ վարդապետ
Line: 18    իւրեանց, հանգոյն արքեպիսկոպոսին Կեսարու, եւ դարմանք եւ ծախք
Line: 19    յարքունուստ եղիցին։ Sentence: 40   Եւ հրամայեցաք քաղաք շինել յաշխարհիդ Հայոց՝
Line: 20    յապաւինութիւն ձեզ եւ մերոց զօրացդ։ Sentence: 41   Եւ վասն քո արարաք ստրատելատ
Line: 21    զՎարդան զորդի որդիացելոյ քոյ, եւ յառաջին վարդապետսն գրեցաք
Line: 22    զՄեսրոպ։ Sentence: 42   Ողջ լեր։

Line: 23    Sentence: 43   Գրեաց եւ մեծ եպիսկոպոսն Ադդիկոս զայս ինչ. Sentence: 44   -

Page: 336   Line: 1    Թուղթ Ատտիկեայ առ Սահակ։

Line: 2    Sentence: 45   "Ատտիկոս ինքնագլուխ եպիսկոպոս Կոստանդնապօլսի. Sentence: 46   եղբօր
Line: 3    սիրելւոյ եւ աթոռակցի ՝ Սահակայ եպիսկոպոսին Հայոց, ի Տէր խնդալ։

Line: 4    Sentence: 47   "Բազում գոհութիւն Աստուծոյ մատուցանեմք յաղագս քո
Line: 5    բարեհամբաւութեանդ ի մէջ այդպիսի բարբարոս ազգի. Sentence: 48   այլ ազատ ի մեղադրանաց
Line: 6    ոչ թողումք, որ ոչ կանխաւ յիշատակեցեր զսիրելութիւն Գրիգորի
Line: 7    եւ Ներսիսի երանելեաց քոց հարց։ Sentence: 49   Եւ առաւել ընդ այս զարմանամք,
Line: 8    եթէ զիարդ թողեր զաղբիւրն եկեղեցւոյ, զհայրն մեր սուրբ Յովհաննէս,
Line: 9    որ ոչ միայն տիեզերական մայրաքաղաքիս, այլ եւ սովաւ ամենայն
Line: 10    քրիստոնեայք ընդհանուր աշխարհիս ի նմանէ լուսաւորեցան
Line: 11    վարդապետութեամբ. Sentence: 50   ուստի եւ Ոսկեբերան կոչեցին զնա։ Sentence: 51   Եւ ձեր զանց
Line: 12    զնովաւ արարեալ՝ կամեցայք ի սահանական ջրոց զփափագ ծարաւոյն
Line: 13    յագեցուցանել. Sentence: 52   մինչեւ ամենակալին տեսեալ զսնոտի աշխատութիւնն՝
Line: 14    բղխեաց ի ձեզ զշնորհս Հոգւոյն, ընդ որ այժմ ուրախ եմք։ Sentence: 53   Իսկ արդ՝
Line: 15    հրամանաւ ինքնակալին Աւգոստոսի տուեալ լիցի քեզ իշխանութիւն
Line: 16    վարդապետել զկողմնդ մեր. Sentence: 54   եւ աշանդոյդ բորբորիտոնաց՝ կամ հաւաքեցուցանել
Line: 17    կամ հալածել ի քումմէ վիճակէդ։ Sentence: 55   Եւ զառաքեալս ի քէն
Line: 18    զՄեսրոպ ձեռնադրեցաց լինել եկղեսիաստիկոս"։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.