TITUS
Movses Xorenaci, Patmowtiwn Hayoc
Part No. 166
Previous part

Chapter: 40  
Խ՜
Line: 17 
Sentence: 1   Յաղագս թագաւորելոյն Վարազդատայ, եւ կապանաց նորին։


Line: 18    Sentence: 2   Բայց Աւգոստոս բարեացապարտն Թէոդոս, որ եւ մեծ, ի քսաներորդ
Line: 19    
ամին իւրում թագաւորեցոյց Հայոց փոխանակ Պապայ զՎարազդատ ոմն
Line: 20    
ի նմին տոհմէ Արշակունեաց։ Sentence: 3      Այս Վարազդատ էր տիովք մանուկ,
Page: 308   Line: 1    
սրտեայ, անձնեայ, ուժեղ, լի ամենայն գործովք արութեան, եւ յոյժ
Line: 2    
կորովի նետաձգութեամբ։ Sentence: 4   Որ ի ժամանակի ի փախստենէն Շապհոյ
Line: 3    
գնացեալ ի դուռն կայսեր նահատակեցաւ, նախ ի Պիսաս զբռնամարտիկսն
Line: 4    
յաղթելով. Sentence: 5      դարձեալ յԱրեգ քաղաքի Ելլադացւոց յօր հասարակի
Line: 5    
կոտորեաց առիւծս, որում փառս Ողոմպիայ խաղուն հանդիսի յըմբշամարտկացն
Line: 6    
երեւի եւ յարգի։ Sentence: 6   Այլ որ առ ազգին Ղանկուարտացն նորա
Line: 7    
արութիւնք քաջութեան՝ համաձակիմ ասել հաւասար սրբոյն Տրդատայ.

Line: 8    
Sentence: 7   քանզի հինգ նահատակս ի թշնամեացն ընդդէմ իւր յարձակեալ ի վերայ
Line: 9    
իրերաց սպան սուսերաւ. Sentence: 8   եւ ի բերդ ինչ դիմեալ, ի վերայ պատուարին
Line: 10    
եօթնեւտասն այր նետիւք հարեալ՝ ի վերուստ ի վայր հոսեաց միմեանց
Line: 11    
զկնի, իբր ի սաստիկ իմն մրրկէ վաղահասուկ թզենեաց։

Line: 12    
Sentence: 9   Որ եկեալ թագաւորութեամբ յաշխարհս մեր ի յիսուն եւ հինգ
Line: 13    
ամին Շապհոյ, առաջին մարտին պատահեաց աւազակաց ոմանց Ասորւոց
Line: 14    
ի դժուարս Դարանաղւոյ, եւ փախստեայս արարեալ՝ հետամուտ լինէր։

Line: 15    
Sentence: 10   Իսկ նոցա անցեալ ընդ նեղուցս կամրջին Եփրատայ՝ ընկեցին զփայտն
Line: 16    
զկնի իւրեանց. Sentence: 11   այլ նորա հասեալ՝ վազեաց զԵփրատաւ առաւել քան
Line: 17    
զղակոնացին Քիոնեայ վազսն քսան եւ երկուց կանգնոց չափ։ Sentence: 12   Եւ անդ
Line: 18    
էր տեսանել նոր զոմն Աքիլլեւս ընդ Սկամանդրոս գետ վաղելով։ Sentence: 13   Յորմէ
Line: 19    
զարհուրեալ աւազակացն՝ զռնընկէց լինելով ի ձեռն եկին։

Line: 20    
Sentence: 14   Յաղագս որոյ արբեալ ի մանկութեանն արութիւնս, առ այսօքիւք
Line: 21    
եւ ի թագաւորութեանն ոչ հնազանդէր խրատու վերակացութեան զօրացն
Line: 22    
Յունաց։ Sentence: 15   Վասն որոյ առաքէ հրեշտակս առ Շապուհ, զի տացէ ի դստերաց
Page: 309   Line: 1    
իւրոց նմա կնութեան, եւ սա դարձուցանէ առ նա զաշխարհս Հայոց։

Line: 2    
Sentence: 16   Զոր զգացեալ զօրավարացն Յունաց, ազդ առնեն կայսեր. Sentence: 17   Իսկ կայսրն
Line: 3    
Թէոդոս հրամայեաց զնա ունել, եթէ ոչ իւրովք կամօք երթիցէ ի կոչ
Line: 4    
ինքնակալին։ Sentence: 18   Վասն որոյ հարկեալ երթայ կամօք իւրովք, յուսացեալ ի
Line: 5    
սուտ հանել զԱւգոստոսն։ Sentence: 19   Իսկ կայսրն եւ ոչ տեսութեան արժանի արար,
Line: 6    
այլ երկաթի կապանօք ետ առնել զնա ի Թուղիս կղզի Ովկիանու. Sentence: 20   որ
Line: 7    
թագաւորեաց ամս չորս։

Line: 8    
Sentence: 21   Բայց յերկրորդ ամի Վարազդատայ եկաց եպիսկոպոսապետ Հայոց
Line: 9    
Զաւէն, ի նոյն ազգականութենէ Աղբիանու, ամս չորս։



Next part



This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.