TITUS
Koriwn, Vark Mastoci
Part No. 6
Previous part

Chapter: 6 
Page: 42 
Line: 1  [Զ]


Line: 2       Եւ իբրեւ աւուրս բազումս անդէն ի նմին դեգերէր, յարուցեալ
Line: 3    այնուհետեւ հասանէր առ սուրբ կաթուղիկոսն Հայոց Մեծաց, որոյ
Line: 4    անունն ճանաչէր Սահակ, զոր պատրաստական գտանէր նմին փու\թոյ
Line: 5    հաւանեալ։ Եւ միանգամայն յաւժարութեամբ գումարեալ հանդերձ
Line: 6    աղաւթիւք մեծաւք առ Աստուած կանխէին, վասն ամենայն ոգւոց քրիս\տոսաբեր
Line: 7    փրկութեանն հասանելոյ։ Եւ զայն առնէին աւուրս բազումս։

Line: 8       Ապա ելանէր նոցա պարգեւական յամենաբարին Աստուծոյ ժո\ղովել
Line: 9    զաշխարհահոգ խորհուրդն երանելի միաբանելոցն, եւ ի գիւտ
Line: 10    նշանագրաց Հայաստան ազգին հասանել։

Line: 11       Բազում հարցափորձի եւ քննութեան զանձինս պարապեցուցեալ
Line: 12    եւ բազում աշխատութեանց համբերեալ, ազդ առնէին ապա եւ զկանխա\գոյն
Line: 13    խնդրելին իւրեանց թագաւորին Հայոց, որոյ անուն կոչէր
Line: 14    Վռամ/շապուհ։

Line: 15       Յայնժամ պատմէր նոցա արքայն վասն առն ուրումն ասորւոյ
Line: 16    եպիսկոպոսի ազնուականի՝ Դանիէլ անուն կոչեցելոյ, որոյ յանկարծ
Line: 17    ուրեմն գտեալ նշանագիրս աղփաբետաց հայերէն լեզուի։ Եւ իբրեւ պատ\մեցաւ
Page: 44  Line: 1    նոցա յարքայէ վասն գտելոյն ի Դանիէլէ, յաւժարեցին զար\քայ՝
Line: 2    փոյթ առնել վասն պիտոյիցն այնոցիկ։ Եւ նա առաքէր զոմն Վահ\րիճ
Line: 3    անուն հրովարտակաւք առ այր մի երէց, որոյ անուն Հաբէլ կո\չէին,
Line: 4    որ էր մերձաւոր Դանիէլի ասորւոյ եպիսկոպոսի։

Line: 5       Իսկ Հաբէլին զայն լուեալ, փութանակի հասանէր առ Դանիէլն,
Line: 6    եւ նախ ինքն տեղեկանայր ի Դանիէլէ նշանագրացն, եւ ապա առեալ ի
Line: 7    նմանէ առաքէր առ արքայն յերկիրն Հայոց։ Ի հինգերորդի ամի թա\գաւորութեան
Line: 8    նորա ի նա հասուցանէր։ Իսկ արքային հանդերձ միա\բան
Line: 9    սրբովքն Սահակաւ եւ Մաշթոցիւ՝ ընկալեալ զնշանագիրսն ի Հա\բէլէն,
Line: 10    ուրախ լինէին։

Line: 11       Ապա առեալ երանելի հոգաբարձուացն զյանկարծագիւտ խնդրե\լին,
Line: 12    հայցէին եւս յարքայէ մանկունս մատաղս, որով զնշանագիրսն
Line: 13    արծարծել մարթասցեն։ Եւ յորժամ բազումք ի նոցանէ տեղեկանային,
Line: 14    ապա հրաման տայր ամենայն ուրեք նովին կրթել. որով եւ յաստիճան
Line: 15    իսկ վարդապետութեան գեղեցիկ՝ երանելին հասանէր, եւ իբրեւ ամս
Line: 16    երկու կարգեալ զվարդապետութիւն իւր, եւ նովին նշանագրովք տանէր։

Page: 46 
Line: 1       Իսկ իբրեւ ի վերայ հասեալ, թէ չեն բաւական նշանագիրքն՝
Line: 2    ողջ ածել զսիւղոբայս զկապս հայերէն լեզւոյն, մանաւանդ զի եւ նշա\նագիրքն
Line: 3    իսկ յայլոց դպրութեանց թաղեալք եւ յարուցեալք դիպեցան,
Line: 4    յետ այնորիկ դարձեալ կրկին անգամ ի նոյն հոգս դառնային, եւ
Line: 5    նմին ելս խնդրէին ժամանակս ինչ։


Next part


This text is part of the TITUS edition of Koriwn, Vark Mastoci.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.