TITUS
Girk tltoc
Part No. 4
Previous part

Letter: 8 
Page: 52 
Line: 1  Պատասխանի Տեառն սահակայ,
Line: 2  Թղթոյն Ակակայ


Line: 3       Առ ճշմարիտ եւ աստուածասէր տէր մեր
Line: 4    եւ հայր սուրբ եպըսկոպոս Ակակ, ի Սահակայ
Line: 5    ի տէր ողջոյն.

Line: 6       Ճառագայթք մշտնջենաւոր յաւիտենական
Line: 7    լուսոյդ որ առ մեր տկարութիւնս երեւեցան
Line: 8    ի վեր լուսաբեր արբութենէդ, յոյժ ի ծագելն
Line: 9    իւրեանց զաւրացուցին զմեր զմեր տկարութիւնս,
Line: 10    եւ զնուազ խորհուրդս մեր աճեցուցին, զիոր
Line: 11    աւրինակ տապ ինչ ջերմագին յանխառն աւդոց
Line: 12    հասեալ ի բոյսս արտոց, եւ զկնի նորա ցաւղ
Line: 13    քաղցրութեան, հասեալ' փութով յառողջութիւն
Line: 14    դարձուցանէ, այնպէս գեղեցիկ եւ ուխտիւք
Line: 15    խնդրելի էր մեզ լսել զերանելի պատգամս
Line: 16    ի ձէնջ առ մեզ հասեալ. Մեր աղաւթք հանապազորդ
Line: 17    էին արժանի լինել յամենայնի ընդունել
Line: 18    եւ վայելել յաւրհնութիւնսդ հոգեւորս ձերոյ
Line: 19    մեծասքանչ սրբութեանդ զի քաղցրացեալ էր
Line: 20    մեզ կալ մնալ ասէն ի սմին ընդանացեալ
Line: 21    տ գիտութեան՝ իբրեւ ի բերդ ինչ ամուր
Line: 22    փախստեայ անկեալ յանգիտութեանս. Արդ պահպանութիւն
Line: 23    զմեւք առեալ զաւգնականութիւն
Page: 53  Line: 1    աղաւթից ձերոց, պահել զհաւատսն ճշմարտութեան որ
Line: 2    ի ձեր ի սուրբ վարդապետութենէդ ունէաք
Line: 3    եւ անպղտոր լեալ տգիտութիւն եւ պարզամտութիւնս
Line: 4    մեր, մանաւանդ ի նորաբան հրեութեանն զոր
Line: 5    այլանդակք տակաւին զբոյսս դարնութեան
Line: 6    եւ աղտեղութեան սերմանեացն ցուցին եւ
Line: 7    ցանեցին ի վերայ սուրբ սերման զորոմնախառնպ
Line: 8    ուսմոնսն, որ ի հանճարավնաս սատանայէ
Line: 9    խառնման ուսեալ սովորեալ են. Արդ որովհետեւ
Line: 10    մոլարն առաջին գլխաւորաւքն չափ զիւր ժանգ
Line: 11    աղետութիւնն սերմանել ջպրհեցաւ, զայդ
Line: 12    մերոց մեղացն գործ համարեցաք, եւ յոյժ
Line: 13    ձերում թղթոյդ տրտմակից եղեալ ողբացաք,
Line: 14    եւ ընդ բնաւ տեղիս մերոյ նահանգիս մեծաւ
Line: 15    պատուհասալից պատուիրանաւ արձակեցաք՝
Line: 16    մի́ լինել ամենեւին այնպիսի բարբարոսացն,
Line: 17    մի́ ընդունել զչար հերեսիւթիեանն բարբաջանս.

Line: 18       Բայց ես զարմացեալ եմ ընդ այնոսիկ որ
Line: 19    աւելի քան զաւրինացն չափ ջանան եւ նկրտին
Line: 20    ըմբռնել զանըմբռնելին՝ այլ կարծեմք զայնպիսեացն
Line: 21    չգիտել ամենեւին զգիրս եւ զզաւրութիւն
Line: 22    նորին, բայց եթէ հրէարէն միայն զմուրն
Line: 23    նկատիցեն. Եւ իբրեւ գողացեալ իմն համարիմք
Line: 24    զմիտս նոցա ի թշնամոյն եւ ախտացեալ ի
Line: 25    չար հիւանդութիւն, արբեալ ի թանձր արբեցութենէ,
Line: 26    եւ զգայութիւնս ճաշակացն թարշամեցուցեալ
Line: 27    չկարէ առնուլ զմահ գինոյն, ի սաստիկ կիզմանէ
Line: 28    ընկղմին միտքն ի թմբիրն խելագարութենէ՝
Line: 29    թէ զոր տարապարտ գիտութիւն բազում ուսմանն
Line: 30    ի սատանայութիւն զառածէ, որ հասանել անհաս չափոցն ժպրհին.
Page: 54  Line: 1    Քանզի ոչ գոյ այլ գիտութիւն
Line: 2    խաւարահեղց՝ քան երկուս որդիս կամ երկուս
Line: 3    սեարս անուանեալ ի Քրիստոս՝ աներկիւղաբար
Line: 4    անանամաւթաբար գլրբութիւնն իւրեանց յայտնապէս
Line: 5    պատմեն. Այլ զի խցցին անամաւթ բերանքն,
Line: 6    եւ անաւրենութեամբ սրեալ լեզուքն՝ ճշմարիտ
Line: 7    մարմնացաւ բանն առ ի նորոգել միւսանգամ
Line: 8    մարմնով շնչով եւ ոգւով, զմարդ հնացեալ
Line: 9    զապականեալն ի մեղաց, եւ զի ի փայտէ գայթակղութիւն
Line: 10    եղեւ եւ մահ՝ փայտ կենաց առ փայտն կանգնեաց,
Line: 11    եւ ծառ առ ծառն բարձէացոյց պտուղ կենդանարար
Line: 12    փոխանակ այնր մահածին պտղոյն պարգեւէր,
Line: 13    ինքն զինքն եդ, եւ ինքն զինքն անդրէն
Line: 14    յանձն իւր ընկալաւ, զսուրբ մարմինն եւ
Line: 15    զպատուական արիւնն պաշար կենաց մեզ հաւատացելոցս
Line: 16    յաշտիճանաւոր ճանապարհն պատրաստեաց.

Line: 17       Եւ արդ որ միանգամ յայն ի ճանապարհէ
Line: 18    եւ յուղիղ հաւատոյն վրիպեցան, հուր գեհենին
Line: 19    պատրաստեալ պահի նոցա՝ եւ մեք աստ եթէ
Line: 20    յանկարծ յայնպիսեաց գտցուք, ոչ միայն
Line: 21    չընդունիմք կամ հալածականս առնեմք, այլ
Line: 22    մեծ պատժովք արկանել ոչ դանդաղիմք. Ո՞րչափ
Line: 23    եւս պարտ է ձեզ որ ի մեծամեծ իշխանութեանդ
Line: 24    վայելէք նախանձել զնախանձն Աստուծոյ՝
Line: 25    եւ մարմնով եւ հոգով ջանալ բառնալ ի միջոյ
Line: 26    չխոչդ եկեղեցոյ Քրիստոսի, մանաւանդ զի
Line: 27    թագաւորս ունիք, որ զհոգ Աստուծոյ յանձինս
Line: 28    իւրեանց բարձեալ բերիցեն՝ կարող են զխոչդ
Line: 29    ի միջոյ խլել, եւ զբոյս սուրբ սերմանայ հաւատոցն
Line: 30    պարարտացեալ արմտեացն քաղցրութեամբ զանկեալ հասկն
Page: 55  Line: 1    սերմանաւղաց, նմա մատուսցէ
Line: 2    ատոքացեալ, բազմապատիկ զբերրի պտուղսն
Line: 3    հատուսցէ, եւ ուրախ արասցէ զտէրն արդիւնարարաց,
Line: 4    եւ զմշակն առատապէս պարգեւաց արժանի արասցէ.
Line: 5    Զի թէ որ երկրաւոր թագաւորաց սպասաւորք
Line: 6    իցեն, եւ դոբւզնաքեայ ինչ բանք մանաւանդ
Line: 7    որ վասն ծիրանեաց լինին, ոչ յանձն առնուն
Line: 8    դատարկ անցուցանել՝ եթէ ոչ մեծապէս պատուհասիւ
Line: 9    զվրէժն խնդրիցեն, որչափ եւս պարտ է որ
Line: 10    զանեղծ եւ զանարատ հաւատսն յապականութիւն
Line: 11    դարձուցանեն եւ յանհասն հասանել ժպրհին
Line: 12    եւ մշտնջենաւոր լուսոյն գեր ի վերոյ լինել
Line: 13    յաւժարեն, կանեն. Պարտ եւ պատշաճ է առաւել
Line: 14    եւս նոցա ընդունել պատիժս պատուհասի.
Line: 15    Քանզի սրբութիւն Երրորդութեանն ամատոյց
Line: 16    հրեշտակաց եւ աներեւոյթ քրովբէից եւ սրովբէից,
Line: 17    լոկով միայն փառաւորութեամբ եւ աւրհնութեամբ
Line: 18    միայն պաշտի. Արդ տէր մեր եւ հայր, յընդունելի
Line: 19    եւ ի սուրբ աղաւթս քո յիշել անգարշ լինիջիր՝
Line: 20    եւ եթէ ինչ ըստ չափոյ թղթոյդ առտգիտութեանս
Line: 21    վրիպեալ իցէ ուղղել կամեսջիր, եւ զտկարութիւնս
Line: 22    զաւրացուցանել մի դանդաղեսցիս. Այլ յաղանդոյն
Line: 23    որ գրեցեր գարշել, առ ժամանակս ի շնորհս
Line: 24    աստուծոյ այսպիսի ինչ չեւ է հասեալ՝ ապա
Line: 25    եթէ իցէ ինչ ծածկեալ ի ժանգոյ անտի, ի
Line: 26    հարկէ ջան լիցի խլել զխոչն ի միջոյ զի
Line: 27    միաբանութեամբ փառաւորեսցուք զՔրիստոս.



Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.