TITUS
Frik, Diwan
Part No. 4
Previous part

Poem: 4   Դ.
Line: 1  Verse: 1  
ԱՅԼ ԲԱՆՔ ՖՐԿԱՆՆ ԱՍԱՑԵԱԼ
Line: 2  Verse: 2  
ԱՆՑԱՒ Ի ՏԱՃԻԿ ՀՈՂՎԱՐՔՆ ԵՒ ՏԵՍԱՒ ԶՈՍԿԵՐՍ ՄԵՌԵԼՈՑՆ
Line: 3  Verse: 3  
ՑՐՈՒԱԾ ՅԱՐԵՒՆ ԵՒ ԱՍԱՑ ՈՂԲ Ի ՎԵՐԱՅ ՄԱՀՈՒ՝ ՅԱՂԱԳՍ
Line: 4  Verse: 4  
ԶԳՈՒՇԱՆԱԼՈՅ ՄԱՐԴԿԱՆ։
Line: 5 
7--3--5


Line: 6  Verse: 5     Գեղեցիկ պատկերք ու հեր, որ պառը՛կածէն կու նայիս,
Line: 7  Verse: 6     
Իմաստուն մարդիկ էին, խիստ կատա́րեալ ոսկըր ու միս։
Line: 8  Verse: 7     
Կերակուր որդանց եղեն եւ փըտեցան ներքեւ հողիս,
Line: 9  Verse: 8     
Յէգուց ես այլ հանց լինենամ, այս մեղաւորս ւ̆ ողորմելիս։
Line: 10  Verse: 9     
Չի գիտեմ թ̆ո՞ւր մեռանիմ, ոչ զոք ունիմ, որ թաղէ զիս,
Line: 11  Verse: 10     
Ոչ ունիմ տեղ հանգըստեան, ոչ խընդացել եմ յիմ որդիս։
Line: 12  Verse: 11     
Ոչ եղբայր ւ̆ոչ զոք ունիմ, որ աւաղէ, ափսոսայ զիս,
Line: 13  Verse: 12     
Ո՛չ ծըլիմ, ո́չ բուսանիմ, զերդ զաղընձած սերմ եմ գերիս։
Line: 14  Verse: 13     
Թէ ուն̆ի ճորտ ու ծառայ կամ կարեւոր յաստըւորիս
Line: 15  Verse: 14     
Սոքա այլ զիս ուրացան եւ ատեցին զաղքատ հոգիս։
Line: 16  Verse: 15     
Զայս ի յիմ բաղդէս ունիմ, որ չի նայիլ քաղցր աչաւք յիս,

Page: 265  
Line: 1  Verse: 16     
Իմ բաղդովս այլ չէ ծընել, ինչ կու նայիմ ̆ի վերայ բանիս։
Line: 2  Verse: 17     
Երբ տեսայ, որ կու ձախէր, զայլոց իրք այլ առի գերիս,
Line: 3  Verse: 18     
Փորեցի ես խոր այլոց եւ թաղեցայ մինչ ի շըլնիս։
Line: 4  Verse: 19     
Խիստ յիմար ւ̆անգէտ էի, այլ չէր եկեր ոտքս այս քարիս,
Line: 5  Verse: 20     
Է՜ Ֆըրիկ, հանց գիտացե՞ր թ̆ի ծերութեան չի գոլորի՜ս։
Line: 6  Verse: 21     
Այլ չունիս փող մի պահած, որ զքեզ թաղեն երբ մեռանիս,
Line: 7  Verse: 22     
Երկնաւո́րքըն չը հաւնեն, ոչ ի յերկրի ադամորդիս։
Line: 8  Verse: 23     
Յայդ խելացդ ու յայդ գործոցդ եւ յայդ կացքէդ ու դու ունիս,
Line: 9  Verse: 24     
Զայս յառաջ է՞ր չիմացար, է՞ր խաբեցար յանցաւորիս։
Line: 10  Verse: 25     
Երբ հոգոց ես կու հանեմ, գայ գուլ առնու հոգիս բերնիս,
Line: 11  Verse: 26     
Զինչ գործած մեղք կայր յաշխարհս, զամէն գըտաւ Ստեղծողն առ իս։
Line: 12  Verse: 27     
Չեմ կացել ի պատուիրան, քըսել, զըրկել եմ զայլք ու զիս,
Line: 13  Verse: 28     
Ի մեղաւորս եմ շիւարել, լալոյ չի կայ մէկ մի քան զիս։
Line: 14  Verse: 29     
Բարի գործք իսկի չունիմ, որ գըթացել էր Տէրն ի յիս,

Page: 266  
Line: 1  Verse: 30     
Ամաւթով ̆ի յԱստուծոյ եւ պարտական մինչ ի հոգիս։
Line: 2  Verse: 31     
Շատ պատճառ եղէ չարեաց, եղուկ ու վա՜յ ինձ՝ այս ծերիս,
Line: 3  Verse: 32     
Երկու կե́նաւքս չաջողեաց, այս խոց մընաց ի մէջ սըրտիս։
Line: 4  Verse: 33     
Աղաչեմ զՔեզ, Տէր Աստուած, որ Դու լըսես մեղաւորիս,
Line: 5  Verse: 34     
Որ երբ մահն ինձ հանդիպի, նա՝ աւրհնեալ հո́ղըն ծածկէ գիս։
Line: 6  Verse: 35     
Թէ ա́յս այլ ինձ չաջողեաց. անանց գեհե́նըն վառէ զիս
Line: 7  Verse: 36     
Զինչ լեզուք մարմնաւորաց, մէկ բերանով թող վայեն զիս։
Line: 8  Verse: 37     
Է՞ր ծընայ որդի մեղաց խիստ անճարակ ես այս գերիս,
Line: 9  Verse: 38     
Զայս գանգատս ողորմ ասեմ այն Գրողին՝ երբ զայ մաւտ յիս։
Line: 10  Verse: 39     
Չեմ տեսել աստէս բարի, անդէն դատել զիս Դու կամիս,
Line: 11  Verse: 40     
Երբ հանց ցեղ էր լինելոց, է՞ր հանդիպայ ես այս չարիս։

Page: 267  
Line: 1  Verse: 41     
Մակար չէ՞ր մայրն զիս բերել, որ չ̆ի դիպել այս տառոսիս,
Line: 2  Verse: 42     
Է՞ Ֆըրիկ, ըզմի́տքըդ ժողվէ, լաւ իմացիր զինչ կու խաւսիս։


Line: 3  ***


Next part



This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.