TITUS
Frik, Diwan
Part No. 3
Previous part

Poem: 3   Գ.
Line: 1  Verse: 1  
ՖՐԿԱՆՆ
Line: 2  Verse: 2  
ասացեալ
Line: 3  Verse: 3  
ԱՂԱՉԱՆՔ ԱՌ ՏԷՐ ՅԻՍՈՒՍ ՔՐԻՍՏՈՍ
Line: 4 
4-4\\4-4 3-4\\4-4


Line: 5  Verse: 4     Յիսուս անուն յիս գթացար, զինչ ըստեղծեր զնախնին Ադամ,
Line: 6  Verse: 5     
Երբ ծընայ ու զգաւնացայ յիշեմ ըզՔո գութն ու դողամ
Line: 7  Verse: 6     
"Մի́ ուտեր" պատուիրեցեր Քո հրամանիդ ես ոչ անսամ,
Line: 8  Verse: 7     
Մերկացայ յանճառ լուսոյն, վասն այն զարեան գետըն կու լամ։
Line: 9  Verse: 8     
Զայս արի ինձ ապաւէն, թէ անումէկ ես չը մընամ,
Line: 10  Verse: 9     
Յիմ հաւրէն զայս լըսեցի, թէ Քրիստոսի ըզքեզ կու տամ։
Line: 11  Verse: 10     
Առաւել հաստատեցաւ սէրդ ի հոգիս ու կը խընդամ,

Page: 258  
Line: 1  Verse: 11     
Քե́զ, Յիսուս, երկըրպագեմ, դաւանութեամբ յառաջ կու գամ։
Line: 2  Verse: 12     
Բաց ի Քէն զոք չը գիտեմ, յաւազանէն Քեզ հաւատամ,
Line: 3  Verse: 13     
Առաւաւտ խաղաղութեան, դէմ Քո լուսոյդ ես կու մընամ։
Line: 4  Verse: 14     
Զինչ ըզձուկն յաղի ծովէս քաղցըր ջըրիդ ի դէմ կու գամ,
Line: 5  Verse: 15     
Ի վիմէդ Իսրայէլեան երաշտացեալս ջուր կը ժըտամ։
Line: 6  Verse: 16     
Կենդանի աղբիւրն Դու ես, տուր ծարաւիս, որ զովանամ,
Line: 7  Verse: 17     
Ո՛չ ոսկոյ, ո́չ արծաթոյ, ո́չ աշխարհիս կու ցանկանամ։
Line: 8  Verse: 18     
Քու տեսուդ եմ փափագած յայս կարաւտոյս զաւրն երերամ,
Line: 9  Verse: 19     
Ժողովէ զիս, Տէ՛ր, ի Քեզ, որ Քո տեսուդ արժանանամ։
Line: 10  Verse: 20     
Որ լալով գանգատ ասեմ իմ Արարչիդ թ̆ ի՞նչ լինենամ,
Line: 11  Verse: 21     
Զիս խոցել են մահուան, ուսկայ անկեալ եմ կու հեծամ։
Line: 12  Verse: 22     
Իմ խոցիս դեղ Դո́ւ գիտես, որ բըժըշկէ դեղ քընքըշամ,

Page: 259  
Line: 1  Verse: 23     
Երբ ի Քեզ եմ յուսացեալ, անմըխիթար ո՞ւր կու դառնամ։
Line: 2  Verse: 24     
Դու բըժիշկ ես անարծաթ, փող մի չունիմ, որ ես Քեզ տամ,
Line: 3  Verse: 25     
Ողորմեա́ ինձ, ճար արա́, Քեզ յաւիտեան ծառայ կենամ։
Line: 4  Verse: 26     
Մի́ պըշկար յիմ խոցերոյս, որ Քո ձեռաւքդ առողջանամ,
Line: 5  Verse: 27     
Թէ ասեն ո՞վ բըժըշկեաց, ես ի Քենէ լուկ գոհանամ։
Line: 6  Verse: 28     
Հանց տըկար ̆ի զայրացեալ, որ չասէի թէ լաւանամ,
Line: 7  Verse: 29     
Զիմ ապրիլս ինձ կամեցար, Քո աղէկըդ ո՞ւր մոռանամ։
Line: 8  Verse: 30     
Անցանի շատ ժամանակ, յետ ի մահուն երբ հողանամ,
Line: 9  Verse: 31     
Ո՛չ Ֆըրիկս յուսահատիմ, ո́չ ի սիրոյ ես թերանամ։
Line: 10  Verse: 32     
Զարթ ըզՔեզ ծանաւթ չունիմ, յայս դըրանէս ո՞ւր հեռանամ,

Page: 260  
Line: 1  Verse: 33     
Երբ զաղե́կըդ Քո տեսայ, ես անխնայ հոգիս կու տամ։
Line: 2  Verse: 34     
Ինձ Աստուած ըզՔեզ գիտեմ, յուր հրամայես ի հաւն կենամ,
Line: 3  Verse: 35     
Թէ ի լո́յսըն կուղարկես, թէ ի խաւարն յաւժար գընամ։
Line: 4  Verse: 36     
Այլ չելնեմ ի հրամանացդ, գլխիս ւ̆արեանս գիրըն Քեզ տամ,
Line: 5  Verse: 37     
Քո անառակ որդին եմ ես, ինձ ողորմեա́՝ ի Քեզ կու գամ։
Line: 6  Verse: 38     
Թէ նայիս քաղցրիկ ի յիս, ես ոսոխէն է՞ր վախենամ,
Line: 7  Verse: 39     
Քո ուժովդ յաղթեմ նոցա, որ զիս խաբէ՛ին յարաժամ։
Line: 8  Verse: 40     
Թէ դընես ցանկ այս այգոյս, ի կոխողէն անհոգ մընամ,

Page: 261  
Line: 1  Verse: 41     
Այգեգործ ըզՔեզ գիտեմ, թէ պէտ չանես՝ նա́ չորանամ։
Line: 2  Verse: 42     
Զիս տընկեա́ յերկիր բարի, որ ես հաստատ արմատանամ,
Line: 3  Verse: 43     
Ըզհարաւ գարնանային հընչէ ի յիս, որ բորբոքիմ։
Line: 4  Verse: 44     
Զիս յաւտէ ւ̆ի խոր բըրէ, որ զարթընչիմ ու զուարթանամ,
Line: 5  Verse: 45     
Խաղաղացո́ ջուր կենդանի յոստըս սըրտիս, որ կակղանամ։
Line: 6  Verse: 46     
Ոռոգէ՛ յորդ վըտակով, որ կանաչիմ եւ մանկանամ,
Line: 7  Verse: 47     
Մի́ թողուր զիս անտերեւ եւ անծաղիկ, որ գոսանամ։
Line: 8  Verse: 48     
Զիս սընո́ եւ դարմանէ՛, որ ի ժամու պըտուղ Քեզ տամ,
Line: 9  Verse: 49     
Յանջըրդիս եմ ցամաքեալ, ամպ չի ցաւղեր զուարթանամ։
Line: 10  Verse: 50     
Ցաւղեա, Տէ՛ր, ողորմութեամբ, լինի պտուղս իմ քաղցրահամ,

Page: 262  
Line: 1  Verse: 51     
Աղերսեմ թագաւորիդ, առնում պարգեւս եւ պարծենամ։
Line: 2  Verse: 52     
Դու բաշխող ես բարութեանց ողորմութեա́նըդ կու մընամ,
Line: 3  Verse: 53     
Տո́ւր ինձ գանձ անապական, որ յաւիտեան չաղքատանամ։
Line: 4  Verse: 54     
Զի գըթած ես ւ̆ողորմած, երկայնամիտ եւ բարեկամ,
Line: 5  Verse: 55     
Թէ չէ ո՞ր պարզ երեսաւք զայս մեծութիւնս ինձ կամենամ։
Line: 6  Verse: 56     
Է՞ Ֆըրի́կ, մեծ կու խաւսիս, յերախտանաց ասես կու գամ,
Line: 7  Verse: 57     
Զայս յիմա́րըն կու ասէ, թէ անաշխատ հարըստանամ։
Line: 8  Verse: 58     
Կամ խելաւքն ո՞նց հաւատայ, թէ յայն մեղաց արդարանամ,
Line: 9  Verse: 59     
Այսոր ջանք պիտէր դընել, որ այս բարոյս ես տիրանամ։
Line: 10  Verse: 60     
Մէկ պահաւք, մէկ աղաւթիւք, մէկ արտասուաւք զիս լուանամ,
Line: 11  Verse: 61     
Քան զամէ՛նըն մեծ է այն, որ աղքատաց բաշխեմ եւ տամ։
Line: 12  Verse: 62     
Այս յայնումն ինձ կատարի, որ զամենայն մարդ սիրենամ,

Page: 263  
Line: 1  Verse: 63     
Էանց սէրն յանցաւորիս՝ ես առաջի Քո մերկանամ։
Line: 2  Verse: 64     
Պաղատիմ վըստահ ի Քեզ, յետին մըշակս հուսկայ կու գամ,
Line: 3  Verse: 65     
Ինձ ասես. "Ծառայ բարի, եկ հաւասար քեզ վարձ կու տամ
Line: 4  Verse: 66     
Ես առնում ուրախութեամբ, ընդ իմ եղբա́րսըն միանամ,
Line: 5  Verse: 67     
Տամ ըզփառս Երկնաւորիդ եւ բիւր հազար հետ գոհանամ։
Line: 6  Verse: 68     
Եւ ինձ տաս դարձ ի բարին, որ խաւարեա́լըս լուսանամ,
Line: 7  Verse: 69     
Եւ կարեմ սուրբ բերանով ըզքեզ գովել միշտ յարաժամ։


Line: 8  ***


Page: 264  
Next part



This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.