TITUS
Author: Frik 
Frik
Work: Div. 
The Diwan

ՖՐԻԿ, ԴԻՒԱՆ


On the basis of the edition by
Tirayr Arkՙepiskopos,
Frik, Diwan.
Frik, Ašxatowtՙiwn psakowac r̄owsakan gitowtՙeancՙ kačar̄i kołmicՙ,
Niw Eorkՙ 1952,

entered by Hasmik Sargsian and Silvie Strauß,
Frankfurt a/M, 2017;
TITUS version by Jost Gippert,
Frankfurt a/M, 5.12.2017




Page: 243 
Poem: 1  
Ա.
Line: 1  Verse: 1  
ՈՏԱՆԱՒՈՐՔ
Line: 2  Verse: 2  
ասացեալ
Line: 3  Verse: 3  
ՖՐԿԱՆՆ
Line: 4  Verse: 4  
ՅԱՂԱԳՍ ԿԵՆԴԱՆԻ ՍԻՐՈՅ ԱՌ ԱՍՏՈՒԱԾ
Line: 5 
3-3-2-3


Line: 6  Verse: 5     Թէ չի կայր սէր յաշխարհս կամ սէր չէր եղեալ,
Line: 7  Verse: 6     
Արարիչն առ մարդիկ սէր ե՞րբ ցուցանէր։
Line: 8  Verse: 7     
Գեմ Աբէլ էր արդար, զաւակն Ադամայ,
Line: 9  Verse: 8     
որ սիրովն Աստուծոյ զընծայս նուիրէր։
Line: 10  Verse: 9     
Նոյ սիրովն ապրեցաւ ի ջը՛րհեղեղէն,
Line: 11  Verse: 10     
տապանին զօրինակն Աստուած ցուցանէր։

Page: 244  
Line: 1  Verse: 11     
Աբրահամ հիւրընկալ եւ ա́ստուածասէր,
Line: 2  Verse: 12     
վասն սիրոյ զԻսահակ մատաղ կու զենէր։
Line: 3  Verse: 13     
Գեմ խոնարհ էր Մովսէս, այն մեծ սիրելին,
Line: 4  Verse: 14     
սէր ունէր հաստատուն, առ Տէր միշտ խօսէր։
Line: 5  Verse: 15     
Ահարոն Աստուծոյ ընտիր կատարեալ,
Line: 6  Verse: 16     
զաւազա́նըն ծաղկեալ ըզծով պատառէր։
Line: 7  Verse: 17     
Դաւիթ մարգարէ էր եւ ա́ստուածահայր,
Line: 8  Verse: 18     
վասն սիրոյն Աստուծոյ քընա́րաւ երգէր։
Line: 9  Verse: 19     
Սողոմոն իմաստուն եւ մեծ թագաւոր,
Line: 10  Verse: 20     
գալըստեանն Յիսուսի տաճար նա́ շինէր։
Line: 11  Verse: 21     
Վասն սիրոյ ետ զՅունան կէտին կըլանել,
Line: 12  Verse: 22     
որ երթար ի Նինուէ քաղաք քարոզել։
Line: 13  Verse: 23     
Գեմ երկինք եւ երկիր, դեռ չէր գոյացել,
Line: 14  Verse: 24     
որ պիտէր Մարիա́մըն մայր կատարէր։
Line: 15  Verse: 25     
Գաբրիէլ զաւետիսն ի սուրբ կոյսն եբեր,
Line: 16  Verse: 26     
որ սիրոյ վասն Աստուա́ծըն մարդ ծընանէր։
Line: 17  Verse: 27     
Կարապետն Յովհաննէս, մեծն ի մարգարէս,

Page: 245  
Line: 1  Verse: 28     
վասն լուսոյն, որ երեկ զսէր քարոզէր։
Line: 2  Verse: 29     
Կորուսեալ պատկերին թէ չէր գըթացել
Line: 3  Verse: 30     
զայն ամէն չարչարանքն Յիսուս չէր քաշէր։
Line: 4  Verse: 31     
Վեցթեւեան սերովբէքն զԱստուած չեն տեսել,
Line: 5  Verse: 32     
ի սիրոյն Ադամայ ի խաչ ելանէր։
Line: 6  Verse: 33     
Ի մահու գերեզման եդեալ կամեցաւ,
Line: 7  Verse: 34     
որ նըստէր ի քրովբէս յանդունդք նայ հայէր։
Line: 8  Verse: 35     
Բարութեամբ եւ սիրով ըզմահ խափանեաց,
Line: 9  Verse: 36     
ի ժանեաց գազանին ըզմարդն ազատէր։
Line: 10  Verse: 37     
Քան զյառաջն այլ սիրեաց զԱդամն առաջին,
Line: 11  Verse: 38     
ի պատիւ մարմընոյ ւ̆արեանն մեծարէր։
Line: 12  Verse: 39     
Վերըստին նորոգեաց զԱդամ վերագոյն,
Line: 13  Verse: 40     
գեմ խաչիւ զարդարեաց, որ լոյս կու փայլէր։
Line: 14  Verse: 41     
Համբարձաւ եւ տարաւ զԱդամ փառաւոր,
Line: 15  Verse: 42     
վասն այնոր զայն արար, որ խիստ կու սիրէր։
Line: 16  Verse: 43     
Զայն տեղին խոստացաւ թոռանցն Ադամայ,

Page: 246  
Line: 1  Verse: 44     
որ բընաւ ի խորհուրդ ւ̆ի միտք չանկանէր։
Line: 2  Verse: 45     
Բոլորիցս Աստուածն, որ առ մեզ [եկն] իջաւ,
Line: 3  Verse: 46     
զոր եկաց Տէրն յաշխարհս ըզսէր քարոզէր։
Line: 4  Verse: 47     
Քան զամէն ինչ յառաջ սէրն է գոյացել,
Line: 5  Verse: 48     
զինչ որ հա̆ւր խոստացեալ սիրով կատարէր։
Line: 6  Verse: 49     
Քան զլինելն էր յառաջ ընտրած սիրելի,
Line: 7  Verse: 50     
որ ըզսէրն առաւել նա́ սերտ կու պահէր։
Line: 8  Verse: 51     
Թէ չունէր հա́ստատուն սէր սուրբ Եղիայ,
Line: 9  Verse: 52     
նա կառա̆ւք հըրեղէն յաւդն ո՞նց ելանէր։
Line: 10  Verse: 53     
Գեմ հընոցն էր վառած երեք սիրելոյն,
Line: 11  Verse: 54     
աղաւթիւք եւ սիրով հուրըն շիջանէր։
Line: 12  Verse: 55     
Թէ չը կայր սէրն հոգւոյն ի սուրբ Ստեփաննոս,
Line: 13  Verse: 56     
այն ահեղ քարկոծին նա ո՞նց համբերէր։
Line: 14  Verse: 57     
Դանիէլ էր ձըգած իր գուբն առիւծուցն,
Line: 15  Verse: 58     
բայց սիրով եւ բանիւ զառիւծսըն կապէր։

Page: 247  
Line: 1  Verse: 59     
Բարսեղ էր հայրապետ եւ մեծ թագաւոր,
Line: 2  Verse: 60     
բայց մեծի եւ փոքու սիրով խընամէր։
Line: 3  Verse: 61     
Սուրբն Յակոբ Մըծբընայ, այն քաջ սիրելին,
Line: 4  Verse: 62     
աղաւթիւք նա զերկնից կամարն պատառէր։
Line: 5  Verse: 63     
Սուրբն Եփրեմ զայն այնչափ ճառերն, որ ասաց,
Line: 6  Verse: 64     
վանց սիրոյն Աստուծոյ ըզմեզ խըրատէր։
Line: 7  Verse: 65     
Պարըսամ էր մանուկ մինչեւ ծերացաւ,
Line: 8  Verse: 66     
զոր եկաց անսուաղ սիրով համբերէր։
Line: 9  Verse: 67     
Սուրբ Անտոնն էր սիրով հոգւոյն զաւրացեալ,
Line: 10  Verse: 68     
բարեխաւս արտասուաւք ըզՏէր աղաչէր։
Line: 11  Verse: 69     
Այր ընտիր էր աբբայ Մարկոս զաւրաւոր,
Line: 12  Verse: 70     
որ սիրով սուրբ հոգւոյն զդեւսըն հալածէր։
Line: 13  Verse: 71     
Սուրբ Մակար ի փապարս լերանց բընակէր,
Line: 14  Verse: 72     
եւ սիրով ընդ Աստուած նա́ միշտ զըրուցէր։
Line: 15  Verse: 73     
Բարաղամ էր հրեշտա́կատիպ կենդանի,
Line: 16  Verse: 74     
զՅովասա́փըն սիրով ի լոյս մեծարէր։

Page: 248  
Line: 1  Verse: 75     
Կամաւոր աղքատիկն Ալէ՛քսիանոս,
Line: 2  Verse: 76     
վասն սիրոյ զհայր եւ մայր թողոյր ւ̆ելանէր։
Line: 3  Verse: 77     
Սըրապիոնն էր սիրով ի Տէր փափագել,
Line: 4  Verse: 78     
աղաւթիւք գետնախիշտ ի Տէր վըճարէր։
Line: 5  Verse: 79     
Սուրբ Գրիգոր վիրապին մարդ էր հողեղէն,
Line: 6  Verse: 80     
անիհուն տանջանաց սիրով համբերէր։
Line: 7  Verse: 81     
Կոյս կանայքն, որ թողին ըզտուն հայրենի,
Line: 8  Verse: 82     
գեմ սիրով արտասուաց ջահրն վառէին։
Line: 9  Verse: 83     
Սուրբ Սարգիս զաւրավարն՝ այն քաջ նահատակն,
Line: 10  Verse: 84     
վանց սիրոյ իւր որդոյն ի Պարս վըկայէր։
Line: 11  Verse: 85     
Զոր յառաջ կամ յետեւ սուրբքըն հաւասար,
Line: 12  Verse: 86     
որք թողին զմեծութիւն ու զա́շխարհի սէր։
Line: 13  Verse: 87     
Կըշռեցին ու տեսին, ւ̆արին շահ ու զէն,
Line: 14  Verse: 88     
նա́ չըկայր այլ աղէկ եւ մեծ քան ըզսէր։
Line: 15  Verse: 89     
Սէրըն մեծ է ու փառք, պատիւ թէ գիտես,
Line: 16  Verse: 90     
ով չարին համբերէր նա շատ սէր ունէր։

Page: 249  
Line: 1  Verse: 91     
Զ՞ինչ եղեն սուրբ վկայքն՝ ի Տէր կատարեալ,
Line: 2  Verse: 92     
աշխարհի ատեցողք եւ Ա՛ստուածասէրք։
Line: 3  Verse: 93     
Չէր կարիք Աստուծոյ, որ առ մեզ երեկ,
Line: 4  Verse: 94     
բայց քարոզ փըրկութեան եւ սէր ցուցանէր։
Line: 5  Verse: 95     
Երբ Աստուած խոնարհի, եւ ա́ղքատանայ,
Line: 6  Verse: 96     
դու խնդրեա մեծութիւն եւ ա́շխարհի սէր։
Line: 7  Verse: 97     
Հընազանդ է՞ր չլինինք գրոց ւ̆աւրինաց
Line: 8  Verse: 98     
քաշենք զ̆բեռն մէկ մէկի, որ է ստոյգ սէր։
Line: 9  Verse: 99     
Շատ տեսնու մարդ յերազն զինքըն թագաւոր,
Line: 10  Verse: 100     
երբ զարթնու ի քընոյն նա́ փող մի չունէր։
Line: 11  Verse: 101     
Երազն է աւրինակ այս կեանքս անցաւոր,
Line: 12  Verse: 102     
երբ ելաւ յաշխարհէս, նա լոկ թափուր էր։
Line: 13  Verse: 103     
Շուտ թափէ ըզգինիդ ու քեզ ճար արա,
Line: 14  Verse: 104     
եւ հասիր կենդանեացն զոր Գի́րքն ճառէ։
Line: 15  Verse: 105     
Է՜ Ֆըրիկ, թող ի բաց զայս սուտս ի ձեռաց
Line: 16  Verse: 106     
թէ դու չես մարդախաբ եւ կամ ցաւի տէր։
Line: 17  Verse: 107     
Չըւանի զերկու ծայրն ամուր մի պարեր,

Page: 250  
Line: 1  Verse: 108     
անցաւոր սէրն յանանցն ի՞նչպէս նըմանէր։
Line: 2  Verse: 109     
Հանց կըրակ մի́ վառեր, որ յինքն դու այրիս,
Line: 3  Verse: 110     
չէ՛ մեղաց կերպարա́նըն կե́նդանի սէր։
Line: 4  Verse: 111     
Յայն հըրոյն բորբոքեա́ ի յա́նձըն հոգոյդ,
Line: 5  Verse: 112     
որ այրէ փուշ մեղաց, ու տ՛ընկի քեզ սէր։
Line: 6  Verse: 113     
Մի́ լինէր կեղծաւոր ու ա́նձնահաճոյ,
Line: 7  Verse: 114     
թէ դու ես քրիստոնեայ եւ ա́ստուածասէր։
Line: 8  Verse: 115     
Ով աստէնս ջանք դընէ՝ զԱստուած գըտանէ,
Line: 9  Verse: 116     
զայն առնէր ու գործէր, զոր Տէ՛րըն կամէր։
Line: 10  Verse: 117     
Գոհանամք զԱստուծոյ միշտ եւ հանապազ,
Line: 11  Verse: 118     
որ զսիրոյն շառաւիղն ի մեզ կու ծագէր։
Line: 12  Verse: 119     
Թէ չըկայր սէր հոգոյն ի սը՛րտէ բըղխեալ,
Line: 13  Verse: 120     
զայս ամէն գեղեցիկ բաներս ո՞վ ասէր։
Line: 14  Verse: 121     
Ով յիշէ զանարժանս ի սէր հոգեւոր,
Line: 15  Verse: 122     
սուրբ Հոգին Աստըւած զիւր մե́ղքըն քաւէ։


Line: 16  ***


Page: 251  
Next part



This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.