TITUS Texts: Hymnographical Material from Menologies, ed. Kekelidze

GNC
Author: Hymn.Mat.Men.
Hymnographical Materials from Menologies

edited by Ḳ. Ḳeḳeliʒe

Date: 12_02
December 2
Saint: Petr.Iber.
Peter the Iberian

On the basis of the edition in
Ḳ. Ḳeḳeliʒe,
Eṭiudebi ʒveli kartuli liṭeraṭuris isṭoriidan VI,
Tbilisi 1960,
99-102
electronically prepared by Tinatin Jikurashvili,
Tbilisi, 7.4.2015;
TITUS version by Jost Gippert,
Frankfurt a/M, 16.5.2015

Manuscripts:
Ms. Kut-33, 253-255;
Ms. H-1672, 456-460

Page of ed.: 244
Line of ed.: 31 თთუესა დეკემბერსა ბ

Line of ed.: 32 წმიდისა და ნეტარისა მამისა ჩუენისა პეტრე
Line of ed.: 33 ქართველისა, რომელი იყო ძე მეფისაჲ

Line of ed.: 34       მწუხრი: უფალო ღაღადვყავსა ბ გუერდი: ყოველი სასოებაჲ:

Strophe: 1
Line of ed.: 35       1. მოიწია ჴსენებაჲ შენი, ბრძენო მამაო, და მოგვიწოდს გალობად
Line of ed.: 36    საკჳრველებათა შენთა, რომელთა იგი იქმოდა უფალი შენ მიერ, წმიდაო, და
Line of ed.: 37    განგწმიდა დედის მუცლითგან და გამოგირჩია სიჩჩოჲთგან, ღირსო, ჭურად
Line of ed.: 38    რჩეულად და ორღანოდ, დამტევნელად მადლითა მათ თჳსთა, და დაემკჳდრა
Line of ed.: 39    იგი ყოვლითურთ შენ შორის და განფინა ყოველსა სოფელსა ჴსენებაჲ შენი
Line of ed.: 40    და შემოკრებს ერთა დიდებად და ქებად შენდა:.

Page of ed.: 245
Strophe: 2
Line of ed.: 1       2. პირველ მუცლად ღებისა შენისა, სანატრელო, უწყებულ იქმნეს შენთჳს
Line of ed.: 2    ჩუენებისა მიერ მშობელნი შენნი, ვითარმედ ყოფად ხარ კაცად საკჳრველად
Line of ed.: 3    და დამტევნელ მადლთა საღმრთოთა. ხოლო შენ არავე უგულებელ ჰყავ მცნე\ბანი
Line of ed.: 4    მისნი სამეუფონი, არამედ სიყრმითგანვე იწყე აღსლვად ხარისხთა სათ\ნოებისათა
Line of ed.: 5    და ძალით-ძალათ მიეახლე ღმერთსა და მოიღე მადლი ზეცით
Line of ed.: 6    სასწაული და ნიშთა დიდთაჲ:.

Strophe: 3
Line of ed.: 7       3. მონაო სარწმუნოო, კაცო, ღმრთისაო ბრძენო, ვაჟარო გონიერო,
Line of ed.: 8    რომელმანცა განისწავლე სიმდიდრე ესე ქუენაჲსა სოფლისაჲ და მეუფისა
Line of ed.: 9    მიმართ წარმავალისაჲ ზენა-სოფლად, და განშორებითა და სილტოლვითა
Line of ed.: 10    უცხოთაჲთა უარჰყავ თავი თჳსი, ჴორცნი განჰლიენ მოღუაწებითა და უჴორ\ცოთა
Line of ed.: 11    თანა მდგომარე ხარ შენ წინაშე ღმრთისა, წმიდაო მოძღუარო,
Line of ed.: 12    მღდელთმთავარო პეტრე, მეოხ გვეყავ წინაშე ღმრთისა:.

Strophe: 4
Line of ed.: 13       4. ოი სასწაული საკჳრველთაჲ, რამეთუ ვინ იხილა წინაჲსწარმეტყუელი
Line of ed.: 14    მსგავსად ზეთისა აღნებული მრავალჟამ და მით მღჳძარედ განმთევებელი
Line of ed.: 15    მრავალთა ღამეთაჲ და ლოცვით მვედრებელი ღმრთისაჲ, რათა წარუმართოს
Line of ed.: 16    სლვასა მას მისსა მიმართ, რომლითაცა მიიღო განსვენებაჲ სასურველი [თავი]\სა
Line of ed.: 17    თჳსისაჲ:

Line of ed.: 18 დიდება: მდინარე:

Strophe: 5
Line of ed.: 19       5. მოიწია დღესასწაული სიხარულისაჲ და მოუწოდს ერთა შესხმად [და]
Line of ed.: 20    ქებად ღმრთივბრწყინვალეთა მათ ცხოვრებასა და სასწაულთა, რომელნი აღა\სრულნა
Line of ed.: 21    ღმერთმან მის მიერ მარადის, ერნო, მეფენო და მთავარნო, მღდელთ\მოძღუართა
Line of ed.: 22    თანა და მამათა კრებულნო, მდიდარნო და გლახაკნო და ყოველნო
Line of ed.: 23    ჰასაკნო, რომელთა ზედა უხვებით მიფენილ არს მადლი საკჳრველებათანი
Line of ed.: 24    ზოგად. იქებოდენ, მეფენო, შარავანდედსა თქუენსა და მთავარნო დიდებასა
Line of ed.: 25    თქუენსა, სამღდელონო კრებულნო მღდელობისა წესსა და მონაზონთა მწყობ\რნო
Line of ed.: 26    მოღუაწებისა ძეგლსა. და [ვევედროთ] გლახაკთა სიმდიდრესა, ბრმათა
Line of ed.: 27    ნატელსა მდიდრად მიმნიჭებელსა და ცოდვილთა მომაქცეველსა, უძლურთა
Line of ed.: 28    მკურნალსა და ჩუენ, ქართველთა, სიქადულსა, დიდსა მოღუაწესა პეტრეს,
Line of ed.: 29    რჩეულსა მას ღმრთისისა, რათა მოსცეს სოფელსა მშჳდობაჲ და სულთ ჩუენ\თა
Line of ed.: 30    დიდი წყალობაჲ;.

Line of ed.: 31       აწდა, ღმრთისშობლისა. ფსალმუნი დღისაჲ. საკითხავნი
Line of ed.: 32       იანვარს კე ჰპოვო: გრიგორის ღმრთისმეტყუელისანი: სტიქარონნი:

Strophe: 6
Line of ed.: 33       6. ნათელმან ნათლისამან, ღმრთისა სიტყუამან, ნათლისა სუეტით ნათ\ლად
Line of ed.: 34    გეზრახა, ბრძენო, მნათობსა მაგას ნათელსა და ბრწყინვალებასა ქართ\ველთა
Line of ed.: 35    ერისასა, და ღირს გყო შენ პირის-პირ ხილვასა თჳსსა, ვითარცა მოსე,
Line of ed.: 36    და გასწავა შენ სჯული და მცნებაჲ თჳსი, რათა ნათობდე ბნელსა მყოფთა,
Line of ed.: 37    პეტრე მამათმთავარო.

Strophe: 7
Line of ed.: 38       7. იქმენ ორღანო, ბრძენო, ღმრთივ-შეწყნარებულ მადლითა მათ სულისა
Line of ed.: 39    წმიდისათა ღმრთივ-ბრწყინვალეთა, და სარკე უბიწო, შეუმწიკულებელ, სავანე
Line of ed.: 40    წმიდა, დამტევნელ მამისა ძითურთ, რომლისა კამკამებაჲ მიჰფინე კიდეთა
Page of ed.: 246   Line of ed.: 1    სოფლისათა, და უფროჲსად ქალაქსა შენსა მიამოსსა, და ჩუენ, ქართველთა
Line of ed.: 2    გვფარევ ზეცით-გარდამო.

Strophe: 8
Line of ed.: 3       8. რაბამ მდიდარ არს ჴსენებაჲ შენი, წმიდაო, მღდელთ-მოძღუარო,
Line of ed.: 4    ნეტარო და ბრწყინვალე პეტრე, მნათობო და სიქადულო ქართველთა ერისა
Line of ed.: 5    მორწმუნისაო; მოგვხედენ მოღუაწებით, რომელნი ჴსენებასა შენსა ვადიდებთ,
Line of ed.: 6    და გიჴსენ ხილულთა და უხილავთა მტერთაგან, და მეფესა ჩუენსა ძლევაჲ
Line of ed.: 7    მომადლე წინააღმდგომთა ზედა.

Line of ed.: 8 დიდება: მჯდომარე:

Strophe: 9
Line of ed.: 9       9. ვითარმე შესხმითა ვაქებდეთ ღირსად, ანუ რომლითა გა\ლობით
Line of ed.: 10    უგალობდეთ ჩუენ მღდელთმოძღუარსა წმიდასა პეტრეს, მნათობსა
Line of ed.: 11    სოფლისასა და სიქადულსა ქართველთა ერისასა და უმეტეს მიამოჲსსა და
Line of ed.: 12    მგურლივ პალესტინესა და ალექსანდრიაჲსა და ეგჳპტესა, სკიტეს და თებაჲდას,
Line of ed.: 13    რომელსა შინა იღუაწე ღუაწლი სათნოჲ ღმრთისაჲ და მიჰფინენ მდიდრად
Line of ed.: 14    სასწაულნი და კურნებანი, და აწ მეოხ ხარ ჩუენთჳს უფლისა მიმართ.

Line of ed.: 15       აწდა; ღმრთისმშობლისა: ოხითა დ:

Strophe: 10
Line of ed.: 16       10. ქუეყანისა მეფობისა ძეობაჲ უარჰყავ სრულიად სოფლისა დატევები\თა,
Line of ed.: 17    ამისთჳსცა საკუთარ შვილ ღმრთისა იწოდე, პეტრე, მოღუაწებისა კლდეო
Line of ed.: 18    მტკიცეო და განუკუეთელო ზღუდეო მორწმუნეთა ქართველთაო, ევედრე
Line of ed.: 19    ქრისტესა ღმერთსა შეწყალებად სულთა ჩუენთათჳს. წარდგომა: დ:

Strophe: 11
Line of ed.: 20       11. დღესასწაული სიხარულისაჲ აღმოუბრწყინდა ყოველთა ჴსენებაჲ
Line of ed.: 21    შენი, სამგზის სანატრელო მამაო, და შეკრბეს ერთად გალობად საკჳრველე\ბათა
Line of ed.: 22    შენთა მღდელთმთავართა თანა მეფენი და მტავარნი. მდიდარნი და
Line of ed.: 23    გლახაკნი და ყოველი ჰასაკი მორწმუნეთაჲ ერთობით ადიდებენ განმაძლიერე\ბელსა
Line of ed.: 24    შენსა უფალსა, რომელი მიერ გაქუს კადნიერებაჲ, ევედრე მას შეწყა\ლებად
Line of ed.: 25    სულთა ჩუენთათჳს. სხუაჲ: ჴმაჲ გ:

Strophe: 12
Line of ed.: 26       12. ძირთაგან სამეუფოთა აღმოსცენდი შენ, წმიდაო, და გამოიხუენ
Line of ed.: 27    ყვავილნი მრავალფერნი სათნოებათაგან, და მადლი საკჳრველებათა შენთაჲ
Line of ed.: 28    განისმა ყოველსა სოფელსა. ამისთჳსცა მადლმან ღმრთისამან გცხო შენ მირო\ნითა
Line of ed.: 29    ღდელთმოძღურებისაჲთა. და ვითარცა მწყემსმან კეთილმან, დასდევ
Line of ed.: 30    სული შენი ცხოვართათჳს და აწ დამკჳდრებულ ხარ ყოველთა წმიდათა
Line of ed.: 31    თანა წინაშე ღმრთისა. მათ თანა ევედრე, რათა შეიწყალნეს სულნი ჩუენნი.
Line of ed.: 32    გალობანი.

Line of ed.: 33 უგალობსა: რომელმან განაჴმო:

Strophe: 13
Line of ed.: 34       13. მირონსა სურნელსა ქებათასა შეჰმზადებს ერი მორწმუნე მირონისა
Line of ed.: 35    მაგის სურნელისა, მამაო სანატრელო, რომელმან სულად სურნელად მიუძღუ\ანენ
Line of ed.: 36    შრომანი შენნი და აღავსე სოფელი სიხარულითა.

Strophe: 14
Line of ed.: 37       14. ქებაჲ ქებათაჲ შუენის შენდა, მამაო, და ვერ ძალ-მიძს ჯეროვნად
Line of ed.: 38    შესხმად შენდა უძლურითა სიტყჳთა, არამედ ძალისაებრ შეიწირენ მცირენი
Line of ed.: 39    ესე გალობანი და მეოხ მეყავ წინაშე ღმრთისა.

Strophe: 15
Line of ed.: 40       15. კაცო ღმრთისაო, მონაო სარწმუნოო და კაცო გულის-სათქუმელო
Line of ed.: 41    სულისაო, ღირსო, ანგელოზმან აუწყა შობაჲ შენი, ანგელოზისა მაგის წმიდი\საგან
Line of ed.: 42    მამასა შენსა [ეუწყა], და მადლობდა იგი ღმერთსა.

Page of ed.: 247
Line of ed.: 1 განძლიერდეს: კლდესა ზედა:

Strophe: 16
Line of ed.: 2       16. შეიყუარე სიწმიდე სიჩჩოჲთაგან, ნეტარო პეტრე, და შიშითა ღმრთი\საჲთა
Line of ed.: 3    მოცულ იყავ მარადის, ამისთჳსცა დაიმკჳდრა შენ თანა მადლმან
Line of ed.: 4    ღმრთისამან და გყო ჭურ რჩეულ და მხილველ უხილავთა საქმეთა ნეტარო.

Strophe: 17
Line of ed.: 5       17. მოიძულენ სუფევანი სოფლისანი, მამაო, და პორფირთა წილ საუფ\ლოთა
Line of ed.: 6    შეგემოსა შინაგან ფიცხელი ძაძაჲ ბალნისაჲ და ღამო ყოველ მღჳძარე\ბითა
Line of ed.: 7    დააჭვნენ ჴორცთა აღძრვანი, სათნო ეყავ ღმერთსა მარადის.

Strophe: 18
Line of ed.: 8       18. იყავ შენ რა სიყრმესა მეფისა თანამორწმუნისა, გაყენებდეს მონანი
Line of ed.: 9    შენნი მსახურებად უფლისა და არა მოგართუეს ზეთი კანდლისა აღსანთებე\ლად;
Line of ed.: 10    ხოლო შენ ილოცე რაჲ, თჳნიერ ზეთისა შჳდ დღე აღენთო წყალი ცეცხ\ლისაჲ.

Strophe: 19
Line of ed.: 11       19. შენ მხოლოჲ გამოსჩნდი უზეშთაეს ანგელოსთა და უდიდებულეს
Line of ed.: 12    ქერაბინ-სერაბინთა, რამეთუ შემოქმედი მათი იტჳრთე მკლავთა ზედა, უბიწო\ვო.
Line of ed.: 13    მისა მიმართ მეოხ გვეყავ, რათა ვპოვოთ ლხინებაჲ ცოვათა ჩუენთაჲ.

Line of ed.: 14 მესმასა: მთისაგან უხ###:

Strophe: 20
Line of ed.: 15       20. სურვილი საღმრთოჲ შენი შორის ეტყინებოდა მდიდრად, მამაო, და
Line of ed.: 16    სურვიელად მისდევდი კუალსა მწყემსთმთავრისასა. ამისთჳს ნათლისა სუეტად
Line of ed.: 17    გეზრახოდა და გასწავებდა და ნუგეშინის გცემდა.

Strophe: 21
Line of ed.: 18       21. გექმნა თანაგამზრახ კეთილ სრბისა შენისა, ღირსო, საჭუ\რისთმთავარი
Line of ed.: 19    ბრძენი, და მიისწრაფე ნავთსადგურად, სადა მიგიძღუა ღმერ\თი
Line of ed.: 20    ორთავე, და იღუაწეთ თქუენ ღუაწლი უკუდავებისაჲ, სათნო ღმრთისაჲ.

Strophe: 22
Line of ed.: 21       22. ვერ წარიტაცეს მფრინველთა, ვერცაღა მზემან განაჴმო, ვერცა
Line of ed.: 22    ეკალთა შეაშთვეს, [ვერცა] ჭირთა და განსაცდელთა ძნელმან და ზრუნვამან
Line of ed.: 23    სოფლისამან თესლი ღმრთისმსახურებისაჲ, არამედ ასწავა აღორძინებად.

Strophe: 23
Line of ed.: 24       23. რომელსა ქებაჲ ქებათაჲ შეგამკობდა, ქალწულო, და პირად-პირადნი
Line of ed.: 25    იგი მოსწავებანი წინაჲსწარმეტყუელთაგან გქადაგებდეს, უსძლოო ღმრთისმშო\ბელო,
Line of ed.: 26    მორწმუნენი გიგალობთ: დაგვიფარე განსაცდელთაგან.

Line of ed.: 27 ღამითგან: შენ. მნათობ{თა}:

Strophe: 24
Line of ed.: 28       24. მიამოს რა იქცეოდე შენ, ნეტარო, ადგილითი-ადგილად უცხოთა
Line of ed.: 29    თანა, აღაშენენ მონასტერნი, შეკრიბენ ძმანი და მსახურებდი უცხოთა და
Line of ed.: 30    უძლურთა განკურნებდი. და განისმა ყოველთა შორის სათნოებათა შენთა
Line of ed.: 31    სიმრავლე, ბრძენო.

Strophe: 25
Line of ed.: 32       25. მირახვედ წმიდად ქალაქად, მამაო, შეგიწყნარეს შენ მსგავსადვე
Line of ed.: 33    შენსა უცხოებად წარსულთა მეუღლეთა, ღმრთისა მიმართ მოყუარეთა, რო\მით
Line of ed.: 34    მოსრულთა, და აღაშენენ შენცა სახლნი, უცხოთა შემწყნარებელმან,
Line of ed.: 35    ნეტარო პეტრე წმინდაო, მსგავსად აბრაამისა.

Strophe: 26
Line of ed.: 36       26. მსგავსად მოსესა გიჩუენა უფალმან ზეცათა შინა ჴეითუქმნელი
Line of ed.: 37    ტაძარი, სავსე ნათლითა, ერგასისნი კაცნი, ბრწყინვალენი მას შინა, და მოგ\ცა
Line of ed.: 38    იგი სასყიდელად შრომათა შენთა, წმიდაო, რომელთა ჰყოფდ ,პეტრე,
Line of ed.: 39    მნათონო სოფლისაო.

Strophe: 27
Line of ed.: 40       27. შენ, სიტყჳსა ღმრთისა ცხადად დამტევნელო ქალწულო, განწირულ\თა
Line of ed.: 41    სასოო, ნავთსადგურო, შენდა მოვილტვით და შენ მიგავლენთ ძისა შენი\სა,
Page of ed.: 248   Line of ed.: 1    რათა მივიღოთ მისგან მოტევებითა შენითა ბრალთა შენდობაჲ და ცხოვ\რებაჲ
Line of ed.: 2    სულთა ჩუენთაჲ, ღირსო.

Line of ed.: 3 ღაღადვყავსა: სიღრმეთაგან აღმ{ომიყვანე}:

Strophe: 28
Line of ed.: 4       28. იქმოდა რა ღმერთი შენ მიერ ნიჭთა და ძალთა აურაცხელთა, გან\ჴდა
Line of ed.: 5    ყოველთა შორის ჴმაჲ შენი; ამისთჳს შეკრბნეს ერნი შენდა და გითხოვ\დეს
Line of ed.: 6    შენ განმგებელად.

Strophe: 29
Line of ed.: 7       29. პატრიარქი გაიძულებდა მწყემსად ქალაქისა მიმოჲსა, ხოლო შენ
Line of ed.: 8    მოსწრაფედ ევლტოდე დიდებასა, ვიდრემდის გეჩუენა შენ ქრისტე და გიბრ\ძანა
Line of ed.: 9    შენ განგებაჲ მისი.

Strophe: 30
Line of ed.: 10       30. პეტრე, მნათობო სოფლისაო, მოციქულისა პეტრესებრი დამწყსე
Line of ed.: 11    ეკლესიაჲ და ნათელსსცემდი, წარმართთა და მოაქცევდი ცოდვილთა სინა\ნულად
Line of ed.: 12    და აცხოვნებდი.

Strophe: 31
Line of ed.: 13       31. სიტყუაჲ ღმრთისაჲ დაუსაბამოჲ შენ მიერ, დედაო უსძლოო, განჴორ\ციელდა
Line of ed.: 14    და საცთურისაგან განათავისუფლა სოფელი; მისა მიმართ მეოხ
Line of ed.: 15    გვეყავ. იბაკოჲ: ბ:

Strophe: 32
Line of ed.: 16       32. ცეცხლი რა საღმრთოჲ გულად იღე, წმიდაო, რომლისა მიფენად
Line of ed.: 17    მოვიდა მეუფე. მის მიერ დასწუენ ყოველნი ნივთნი ვნებათანი და ექმენ
Line of ed.: 18    ლამპარ ბრწყინვალე ბნელისა მყოფთა, ვითარცა სუეტი ნათლისაჲ ახალსა
Line of ed.: 19    ისრაელსა, და აღიყვანენ ზეცისა იერუსალიმსა, პეტრე, სიქადულო ქართველ\თაო,
Line of ed.: 20    მეოხ გვეყავ სულთა ჩუენთათჳს.

Line of ed.: 21 იკოსი:

Strophe: 33
Line of ed.: 22       33. რომელი შესხმაჲ შევსწიროთ შენდა, მამაო, ანუ რომლითა გალო\ბითა
Line of ed.: 23    გიგალობდეთ შენ, ყოვლადბრძენო მღდელთმთავარო პეტრე; სიტყუაჲ
Line of ed.: 24    მოუძლურდების და გონებაჲ განციფრდების შრომათა, ჭირთა და ღუაწლთა
Line of ed.: 25    შენთათჳს, რომელი ვთქუა, ანუ რომელი დაუტევო, უღონო ვარ, და ყოველი\ვე
Line of ed.: 26    საკჳრველებაჲ შენი: შობაჲ, აღზრდაჲ, სიყრმე და მყის დატევებაჲ სოფ\ლისაჲ,
Line of ed.: 27    უცხოებაჲ, სიგლახაკე, მარხუაჲ, მღჳძარებაჲ, სასწაულნი და ნიშნი
Line of ed.: 28    ურიცხუნი და ხილულნი საკჳრველნი და მარადის ქრისტეს თანა ცხოვრებაჲ,
Line of ed.: 29    მწყემსობაჲ ჭეშმარიტი, მოქცევაჲ წარმართთაჲ და ცოდვილთა შეწყნარებაჲ,
Line of ed.: 30    სრბისა კეთილისა საგრობაჲ, ესრეთ გჳრგჳნოსნებაჲ, და აწ კადნიერად დგო\მაჲ
Line of ed.: 31    უხილავს მას შინა ნათელსა წინაშე ღმრთისა და მეოხებაჲ ჩუენ ყოველ\თათჳს.

Line of ed.: 32 კურთხეულარსი: ხატისა მისთჳს

Strophe: 34
Line of ed.: 33       34. გაქუნდა უფალი მსმენელად თხოვათა შენთა, წმიდაო პეტრე
Line of ed.: 34    მღდელთმთავარო, ამისთჳს მარადის გამოგიჩნდის და გიჩუენებდის დიდებასა
Line of ed.: 35    თჳსსა და განგაძლიერებდის, ხოლო შენ სიხარულით და მადლობით ესრეთ
Line of ed.: 36    ღაღადებდი და იტყოდი: კ[ურთხეულ ხარ შენ].

Strophe: 35
Line of ed.: 37       35. ვერ ძალ-უძს ენასა ჩემსა გამოთქუმად საკჳრველებათა შენთა, მამაო
Line of ed.: 38    ყოვლად ბრძენო, რამეთუ უფროჲს ძალისა ჩუენისა აღემატა დიდებაჲ შენი,
Line of ed.: 39    არამედ შეიწირე ჩუენ უღირსთა ძალისაებრ გალობაჲ და გვითხოვე აწ ღმრთისაგან
Line of ed.: 40    მოტევებაჲ ცოდვათა ჩუენთაჲ.

Page of ed.: 249
Strophe: 36
Line of ed.: 1       36. უსურნელეს სურნელთა ფშვის სათნოებანი შენნი და უმეტეს მზისა
Line of ed.: 2    ბრწყინვენ საკჳრველებანი შენნი და მოძღურებანი მაღალნი და უფროჲს
Line of ed.: 3    ჭირნი და შრომანი, რომელნი თავს იდევ ქრისტესთჳს ღმრთისა, წმიდაო.
Line of ed.: 4    ამისთჳს გადიდა შენ, მადიდებელი თჳსი.

Strophe: 37
Line of ed.: 5       37. ეუფლა პირველ სიკუდილი და განვარდა დიდებისაგან ადამ, ხოლო
Line of ed.: 6    იჴსნა დღეს შობითა შენითა, ყოვლად წმიდაო ქალწულო სძალო. მიჴსენ
Line of ed.: 7    ჩუენცა განსაცდელთაგან მტერისათა და ღირს მყვენ გალობად შენდა. კურთ\ხეულ
Line of ed.: 8    ხარ შენ.

Line of ed.: 9 აკურთხევდითსა: სახუმილად:

Strophe: 38
Line of ed.: 10       38. გაუწყა ღმერთმან წინაჲსწარ ყოფად აღსასრულისა შენისა, მამაო,
Line of ed.: 11    და მხიარულ გყო მოლოდებითა კეთილთა მოუგონებელთა, რომელსა შინა
Line of ed.: 12    სუფევ მარადის და აღამაღლებ ღმერთსა უკუნისამდე.

Strophe: 39
Line of ed.: 13       39. ეჩინა ძმასა ათანასის მამაჲ ზენონ, მნათობი იგი სკიტისაჲ, და ეტყო\და
Line of ed.: 14    განსლვისა შენისათჳს. ვითარ იგი ისწრაფდეს წმიდანი მისლვასა შენსა,
Line of ed.: 15    დამათ თანა დამკჳდრებად უკუნისამდე.

Strophe: 40
Line of ed.: 16       40. ჴელთა ღმრთისათა შეჰვედრე სული შენი უბიწოჲ, წმიდაო პეტრე,
Line of ed.: 17    მაშინ მოვიდეს ანგელოსთა გუნდნი და კრებული ყოველთა წმიდათაჲ გიძღო\დეს
Line of ed.: 18    და აღგიყვანეს წინაშე ღმრთისა.

Strophe: 41
Line of ed.: 19       41. ვერ შემძლებელ არს გონებაჲ მიწდომად საიმულოთა შენთა, უსძ\ლოო
Line of ed.: 20    სძალო მარიამ, რამეთუ დაიტიე ღმერთი დიდებისაჲ და გვიშევ ჴორცთ\შესხმული.
Line of ed.: 21    მისა მიმართ მეოხ გვეყავ შემსხმელთა შენთა.

Line of ed.: 22 ადიდებსაჲ: სიტყუასა ზედა:

Strophe: 42
Line of ed.: 23       42. კრებულსა მას წმიდათასა წინამავალად შენდა და პატივად წინაუპ\ყრობდა
Line of ed.: 24    წმიდაჲ პეტრე, მღდელთმოწამე დიდი, მამათმთავარი იგი ალექსან\დრიისაჲ,
Line of ed.: 25    ვითარცა სეხნასა მისსა და თანაზიარსა; ამისთჳსცა მისთანა გადიდა,
Line of ed.: 26    ღმერთშემოსილო.

Strophe: 43
Line of ed.: 27       43. აწ არასადა იგავით, არცა აჩრდილის სახედ ხედავ პირსა მას საღმრ\თოსა
Line of ed.: 28    მეუფისა ქრისტესსა, მამაო წმიდაო პეტრე, არამედ განიცდი შენ
Line of ed.: 29    პირის-პირ პირსა სასურველისა შენისა ქრისტესსა, ნეტარო, რომლისა მიმართ
Line of ed.: 30    მეოხ გვეყავ ჩუენ.

Strophe: 44
Line of ed.: 31       44. ზეცით მოგვხედნა, მამაო, შემამკობელთა ამათ და სურვილით მე\დღესასწაულეთა
Line of ed.: 32    წმიდასა ამას საჴსენებელსა შენსა და გვითხოვე ლხინებაჲ
Line of ed.: 33    ცოვათა ჩუენთა და ყოველთავე განსაცდელთაგან გვიჴსენ, და მეფესა ჩუენ\სა
Line of ed.: 34    ზეცით მომადლე ძლევაჲ.

Strophe: 45
Line of ed.: 35       45. სძალო და დედაო ქრისტესო, სიმრავლე ანგელოსთაჲ ევედრებიან
Line of ed.: 36    ქრისტესა, ძესა შენსა, და შენცა მიგავლენთ მორწმუნენი ვედრებად: მოსავთა
Line of ed.: 37    შენთათჳს ნუ დასცხრები, რათა განმარინეს ჩუენ საფრჴეთაგან ეშმაკისათა,
Line of ed.: 38    მადიდებელნი შენნი.

Line of ed.: 39 გამოავლინე: დ გუერდი:

Strophe: 46
Line of ed.: 40       46. მოიწია დღესასწაული შენი, ბრძენო მამაო, ვითარცა ცისკარი
Line of ed.: 41    ბრწყინვალე, და განამხიარულებს გულსა მორწმუნეთასა, და განხდის სიბნელესა
Line of ed.: 42    ეშმაკთასა, რომელნიც სურვილით გადიდებენ და პოებენ ბრალთა შენდობასა.

Page of ed.: 250
Strophe: 47
Line of ed.: 1       47. ქებაჲ ქებათაჲ შევსწიროთ, ოი ღმრთისმოყუარენო, მღდელთმთავ\რისა
Line of ed.: 2    წმიდისა და გალობათა ნესტუსა დავბეროთ ჩუენ შესხმად ღუაწლთა,
Line of ed.: 3    ჭირთა და მოთმინებათა მისთა, რომელნი დაითმინა ქრისტეს სიყუარულითა,
Line of ed.: 4    და გჳრგჳნოსან იქმნა იგი.

Strophe: 48
Line of ed.: 5       48. კლდემან მან ცხოვრებისამან, ქრისტემან მეუფემან, ჩუენებით გამო\გიცხადა
Line of ed.: 6    შენ საკუთარსა მწყსად ცხოვართა თჳსთა, რომელსაცა არა ურჩ
Line of ed.: 7    ექმენ, წმიდაო, და დასდევ სული შენი მსგავსად მისა სამწყსოჲსათჳს, პეტრე
Line of ed.: 8    რჩეულო. დიდებაჲ: გ გუერდი: მჯდომარე:

Strophe: 49
Line of ed.: 9       49. რაჲმე გიწოდოთ შენ, სანატრელო მამაო: სამოთხედ სიტყჳერად,
Line of ed.: 10    აღმომაცენებელად ყუავილთა მრავალფერთა, სურნელთა სათნოებათა, და
Line of ed.: 11    ეტლად, მზისა საცნაურის მტჳრთველად, და მდინარედ, აღსავსედ სულიერიტა,
Line of ed.: 12    მომრწყველად დამაშურალთა და წყაროდ სასწაულთა, პეტრე მტკიცეო, და
Line of ed.: 13    გოდოლო უძრაო, შესავედრებელო ჩუენ, მორწმუნეთაო; ევედრე უფალსა
Line of ed.: 14    ჴსნად ჩუენდა ბოროტისაგან, რომელნი გადიდებთ შენ.

Line of ed.: 15 დასრულებაჲ:

Line of ed.: 16 სამხრად განგებაჲ მსგავსად სხუათა მღდელთმოძღუართა.

Next part

This text is part of the TITUS edition of Hymnographical Material from Menologies, ed. Kekelidze.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.