TITUS
Johannes Chrysostomus, Commentary on St. John
Part No. 3
Previous part

Chapter: 2  
Line: 10  თავი ბ

Part: T  
Line: 11  სიტყუაჲ ესე: პირველითგან იყო სიტყუაჲ


Line: 12       უკუეთუმცა იოვანეს ეგულებოდა ჩუენდა მომართ სიტ\ყუად
Line: 13    და თჳსთა თქუმულთა თხრობად, ჩუენდა კეთილ იყო,
Line: 14    რაჲთამცა ნათესავიცა მისი და აღზრდილობაჲ და მამული
Line: 15    ვთქუთ. ვინაჲთგან უკუე არა იგი, არამედ ღმერთი მისითა პი\რითა
Line: 16    იტყჳს ბუნებასა კაცთასა, აწ არა საჴმარ არს თქუმად
Line: 17    ამისათჳს, და უფროჲსად ესრეთცა არავე უჴმარ არს, არამედ
Line: 18    ფრიადცა საჴმარ. რამეთუ რაჟამს სცნა, თუ ვინ იყო, და
Line: 19    ვინაჲ, ანუ ვითარი, და მერმე გესმეს ჴმაჲ მისი, და იხილო
Line: 20    ესევითარი იგი სიბრძნე, მაშინ სცნა კეთილად, ვითარმედ
Line: 21    არა მისნი არიან სიტყუანი ესე, არამედ საღმრთოჲსა მის ძა\ლისა,
Line: 22    რომელმან აღძრა სული მისი.

Line: 23       ვიხილოთ უკუე, ვინაჲ არს, რამეთუ არს იგი დაბისა
Line: 24    ფრიად მცირისაჲ და ქუეყანისა უნდოჲსაჲ, რომელი არარას
Line: 25    კეთილსა გამოიღებდა, რამეთუ გალილეას შეასმენდეს
Line: 26    მწიგნობარნი და იტყოდეს: "იხილეთ, რამეთუ გალილიაჲთ წინა\ჲსწარმეტყუელი
Line: 27    არა აღდგომილ არს". და იტყოდა ჭეშმა\რიტი
Line: 28    იგიცა ისრაიტელი, ვითარმედ: "ნაზარეთით შესაძლე\ბელ
Line: 29    არსა კეთილისა რაჲსამე ყოფად?" და ამის ესევითა\რისა
Line: 30    ქუეყანისაჲ იყო ნეტარი ესე, ხოლო მამისა გლახაკისა
Line: 31    მეთევზურისაჲ ტბასა შინა მცირესა იქცეოდეს და კერვი\დეს
Line: 32    ბადეთა, რომელ ესეცა სიგლახაკისა სასწაული არს; და
Page: I-14   Line: 1    ესრეთ მიუწოდა მას ქრისტემან ძმასა მისსა თანა. ხოლო
Line: 2    სწავლისათჳს რადღა საჴმარ თქუმად? რამეთუ თჳთ ამას
Line: 3    ჴელოვნებასა მეთევზურობისასა ფრიადი უსწავლელობაჲ
Line: 4    შეუდგს, რამეთუ რომელი-იგი მარადის მეთევზურობასა შინა
Line: 5    იყო, ოდესმცა ესწავა წერილისაჲ რაჲმე? და ესრეთ ამან მე\თევზურმან,
Line: 6    რომელი ტბათა შინა იქცეოდა და თევზთა თანა
Line: 7    ბედსაიდაჲთ გალილეაჲსა მოსრულ იყო მამისა გლახაკისა ძჱ.
Line: 8    და გლახაკი ფრიად და უსწავლელი სრულიად, რომელსა არცა
Line: 9    პირველ ესწავა წერილისაჲ, არცა უკუანაჲსკნელ ისწავა, ვი\ნაჲთგან
Line: 10    შეუდგა ქრისტესა.

Line: 11       ვიხილოთ, თუ რასა იტყჳს, ანუ რომელთა საქმეთათჳს,
Line: 12    ნუუკუე უნდოსა რასმე იტყჳსა და მეთევზურობისათჳს და
Line: 13    საქმეთა სოფლისათა, რამეთუ ესე არიან სიტყუანი მეთევზურ\თანი,
Line: 14    გარნა ამან არცა ერთი თქუა ამათგანი, არცა გუესმა
Line: 15    ესევითარი რაჲმე მისგან, არამედ გუესმნეს მის მიერ სიტ\ყუანი
Line: 16    ზეცისანი, რომელნი არავინ სადა ცნნა უწინარჱს მისა,
Line: 17    რამეთუ ესევითართა სწავლათა მაღალთა მოსრულ არს აწ
Line: 18    თქუმად ჩუენდა, ვითარცა ჭეშმარიტად საუნჯეთაგან სულისა
Line: 19    წმიდისათა, ვითარმცა აწ ოდენ მოსრულ იყო ზეცით და
Line: 20    უფროჲსად ცათა შინა მყოფთაცა ყოველთავე არა უწყოდეს
Line: 21    ესე, ვითარცა ზემო ვთქუთ.

Line: 22       აწ უკუე ესე არიან სიტყუანი მეთევზისანი? ანუ მრავ\ლისმეტყუელთა
Line: 23    მათ რიტორთა თქუეს სადა ესევითარი
Line: 24    რაჲმე, ანუ ფილოსოფოსთა და სიბრძნისგამომეტყუელთა?
Line: 25    ნუ იყოფინ! რამეთუ ესე საქმე არა კაცობრივისა ბუნებისაჲ
Line: 26    არს უხრწნელისა მისთჳს და ნეტარისა ბუნებისა ესრეთ სიბ\რძნისმეტყუელებაჲ
Line: 27    და ძალთა მათთჳს და გარემო მისა
Line: 28    მდგომარეთა უკუდავებისათჳს და ცხორებისა საუკუნოჲსა,
Line: 29    ბუნებისათჳს ჴორცთაჲსა მოკუდავთა და უკუანაჲსკნელ
Line: 30    უკუდავ-ყოფადთა, სატანჯველისათჳს და საუკუნოჲსა სამშ\ჯავროჲსა
Line: 31    და საშჯელთა მათთჳს ყოფადთა, სიტყუათათჳს და
Line: 32    საქმეთა და გულისზრახვათა, და თუ რაჲ არს კაცი, ანუ რაჲ
Line: 33    არს სოფელი, ანუ თუ რაჲ არს ჭეშმარიტად კაცი და, რაჲ
Line: 34    არს, რომელსა ეგონოს, ვითარმედ კაცი არს და იგი არა იყოს,
Line: 35    ანუ თუ რაჲ არს უკეთურება და რაჲ არს სათნოებაჲ.

Line: 36       რამეთუ ამათგანი რომელიმე გამოიძიეს პლატონ და პი\თაღორა
Page: I-15   Line: 1    ფილოსოფოსთა, რამეთუ სხუათა მათ არცა ვაჴ\სენებ
Line: 2    ფილოსოფოსთა, არამედ, ვინაჲთგან თავნი ესე მათნი ეს\რეთ
Line: 3    გამოჩნდეს, სხუათათჳს რაჲ სთქუა? რამეთუ იქმნნეს
Line: 4    ესენი საცინელ და საკიცხელ, ვითარცა ყრმანი მცირენი, რო\მელთა
Line: 5    ინებეს აღწერად სიტყუათა სწავლისათა და ყოველი
Line: 6    საძაგელებაჲ მათ წინა დააწესეს, ხოლო სულისათჳს თქუეს, _
Line: 7    გარნა ვითარ მიგითხრა მათი იგი ამაოებაჲ, რაოდენნი გმო\ბანი
Line: 8    წარმოთქუნეს? _ რამეთუ მუმლად და ბუზუად და
Line: 9    ძეძუად უწოდდეს სულსა კაცისასა ყოფად და ღმერთსა
Line: 10    ჰგმობდეს. და არა ესე ოდენ არს მათი საცინელ, არამედ
Line: 11    ესეცა, რომელ, ვითარცა ზღუასა შინა მღელვარენი, ვეროდეს
Line: 12    დგანან ერთსა სიტყუასა ზედა, არამედ სხუად და სხუად იქ\ცევიან
Line: 13    ცთომილთა გონებათაგან. გარნა მეთევზური ესე არა
Line: 14    ესრეთ არს, არამედ ყოველსავე მტკიცედ იტყჳს, და, ვითარ\ცა
Line: 15    კლდესა ზედა დამყარებული, არასადაჲთ შეირყევის, რა\მეთუ
Line: 16    უხილავთა მხილველ იქმნა და ყოველთა მეუფჱ აქუნ\და
Line: 17    თავსა შორის თჳსსა მეტყუელად. და ამისთჳს არა კაცობ\რივი
Line: 18    იყო მის თანა, არამედ ყოველივე საღმრთოჲ.

Line: 19       ხოლო იგინი, ვითარცა კაცი, რომელი არაოდეს წინაშე
Line: 20    მეფისა მისრულ არნ, არამედ გარე სოფლებსა შინა იქცევინ
Line: 21    და ინების თქუმად საქმეთათჳს პალატისათა, ესრეთვე იგინი
Line: 22    შესცთეს, ვინაჲთგან უხილავთათჳს ინებეს თქუმად და ცთო\მასა
Line: 23    მაშ შინა ურთიერთას წინააღუდგებიან, და არა ურთი\ერთას
Line: 24    ოდენ, არამედ თავთა თჳსთაცა.

Line: 25       ხოლო ამან უსწავლელმან მადლითა მაღლისაჲთა თქუა
Line: 26    ყოველი ჭეშმარიტებაჲ, რამეთუ დაღაცათუ ბევრეულგზის
Line: 27    გუეცინოდიან წარმართნი უსწავლელობისათჳს, არავე
Line: 28    მრცხუენის თქუმად, ვითარმედ უსწავლელი იყო, და რაო\დენცა
Line: 29    მისი უსწავლელობაჲ გამოჩნდეს, ეგოდენად ჩუენნი
Line: 30    საქმენი განბრწყინდებიან. რაჟამს ბარბაროზი იგი და უსწავ\ლელი
Line: 31    ესევითართა სიტყუათა იტყოდის, რომელნი ვერვინ
Line: 32    სადა კაცთაგანმან გულისხმა-ყვნა, და არა ოდენ იტყჳს, არა\მედ
Line: 33    ყოველთავე დაარწმუნებს, რომელთა ესმოდიან სიტყუა\ნი
Line: 34    მისნი, რომელ-ესე სასწაული არს საღმრთოჲსა მადლისაჲ.
Line: 35    ვის არა უკჳრდეს ძალი იგი მის თანა დამკჳდრებული, რამეთუ
Line: 36    ამან ნეტარმან სახარებისა მიერ ყოველი სოფელი დაიპყრა,
Page: I-16   Line: 1    ხოლო ჴორცითა იყოფოდა ასიას შინა, რომელსა შინა პირ\ველ
Line: 2    იყო საწარმართოჲ იგი საფილოსოფოსოჲ, და მუნ მყოფ\მან
Line: 3    ამან ნეტარმან შეაძრწუნნა ეშმაკნი, და ბნელი მათი გა\ნაქარვა,
Line: 4    და თავნი მათთა ქალაქთანი დააქცინა და სულით
Line: 5    მივიდა სოფელსა მას, სადა ჯერ-არს და მისი და მსგავსთა მისთა
Line: 6    დამკჳდრებაჲ, რამეთუ წარმართთაჲ ყოველივე დაიჴსნა და
Line: 7    წარჴდა, ხოლო ამისი ყოველივე ბრწყინავს; რამეთუ ვინაჲთ\გან
Line: 8    ესე და სხუანი იგი მეთევზურნი და მოციქულნი გამოჩ\ნდეს,
Line: 9    მიერითგან პლატონისი და პითაღორაჲსი ყოველივე
Line: 10    წარჴდა და არცა სახელი მათი იციან მრავალთა, რომელნი
Line: 11    მძლავრნიცა იყვნეს და მდიდარნი იგი და გრძნებით მოქმედნი
Line: 12    ყოვლისანივე, რომელთა არარაჲ კეთილი ასწავეს კაცთა, არა\მედ
Line: 13    ყოველივე ბოროტი. ამისთჳს დაშრტა მათი საჴსენებელი
Line: 14    და წარჴდა სრულიად სამართლად და ჯეროვნად, ხოლო ამის\ნი
Line: 15    ბრწყინვენ და საცნაურ არიან მეგჳპტელთა შორის და
Line: 16    ჰინდოთა და სპარსთა და ეთიოპელთა და ბარბაროზთა, და
Line: 17    სხუათა მრავალთა ენათა უთარგმნნიან სიტყუანი მისნი
Line: 18    თჳსსა ენასა და უსწავლელისა მის მიერ ისწავეს კაცთა ბარ\ბაროზთა
Line: 19    უგუნურთა სიბრძნე ფრიადი.

Line: 20       ამისთჳსცა კეთილად სამე ვიტყოდე, ვითარმედ სახილ\ველ
Line: 21    მისა იქმნა ყოველი სოფელი, რამეთუ არა სიტყუათა შემ\კობისათჳს
Line: 22    იყო სწრაფაჲ მისი, არამედ ამისთჳს, რაჲთამცა
Line: 23    ოდენ ასწავა კაცთა სათნოებაჲ და სარწმუნოებაჲ მართალი და
Line: 24    აღამაღლნამცა ქუეყანით ზეცად. ამისთჳსცა არა ბნელსა შინა
Line: 25    დაფარა ძალი სიტყუათა თჳსთაჲ, ვითარცა მათ ქმნეს, რამეთუ
Line: 26    ბოროტ იყვნეს სიტყუანი მათნი, ამისთჳს ენება დამალვაჲ მათი
Line: 27    სიძნელითა მით სიტყუათაჲთა, არამედ ამისნი სწავლანი
Line: 28    უფროჲს მზისა ბრწყინვენ. ამისთჳსცა ყოველსა ქუეყანასა
Line: 29    განჴდა ჴმაჲ მისი და კიდეთა სოფლისათა სიტყუანი მისნი,
Line: 30    რამეთუ არა ქმნა ამან საეშმაკონი საქმენი მათნი, არამედ
Line: 31    ესრეთ ადვილ-ყო სიტყუაჲ თჳსი, ვიდრეღა ყრმათაცა მცირე\თა
Line: 32    მიერ საცნაურ არიან, რამეთუ ჭეშმარიტ არიან და საჴმარ
Line: 33    ყოველთათჳს, და საქმენი მოწამე არიან, და ყოველი სოფელი
Line: 34    მოიზიდა მისა მიმართ, და განგუათავისუფლნა ყოველთა ბო\როტთაგან
Line: 35    სიტყჳთა თჳსითა. ამისთჳსცა უადვილჱსად გუაქუს
Line: 36    სიკუდილი, ვიდრეღა სწავლათა მისთაგან განშორებაჲ. და
Page: I-17   Line: 1    ამის ყოვლისა მიერ საცნაურ არს, ვითარმედ არარაჲ არს მის
Line: 2    თანა კაცობრივი, არამედ ყოველივე ღმრთისამიერი, მისისა
Line: 3    მის წმიდისა სულისა მიერ ჩუენდა მოსრული, არამედ არა არს
Line: 4    აქა ამაოჲ სიტყუათა სიმრავლჱ და შეწყობილებაჲ უსარგებ\ლოჲ,
Line: 5    არამედ ძალი უძლეველი სარწმუნოებისა მართლისაჲ
Line: 6    და საუნჯჱ ურიცხუთა კეთილთაჲ.

Line: 7       ხოლო ამაოთა მათ ფილოსოფოსთა თქუმულნი, ვითარცა
Line: 8    სამარენი, არიან გარეთ შემკულნი და შინაგან სიმყრალითა
Line: 9    სავსენი. უკუეთუ სიტყუათა შეწყობილებაჲ აღიღო, იხილო
Line: 10    მუნ ფრიადი სიმყრალჱ საქმეთაჲ და საძაგელებაჲ ურიცხჳ
Line: 11    და უფროჲსად, რაჟამს სულისათჳს იტყოდიან და უზომოდ
Line: 12    პატივ-სცემენ მას და მერმე მოიქცევიან და ჰგმობენ მას, რა\მეთუ
Line: 13    ესრეთ არს ეშმაკისა საბრჴჱ, რომელ არასაღა უტეობს
Line: 14    საზომსა ზედა დადგომად, არამედ ანუ უზეშთაეს ზომისა
Line: 15    აღამაღლებს, ანუ უზეშთაეს ზომისა დაამდაბლებს მორჩილთა
Line: 16    მისთა. არამედ ჩუენ დაუტევნეთ მათთა საქმეთა ბილწებანი,
Line: 17    რამეთუ ესეცა, რომელ ვთქუთ, მათთჳს უჴმარვე იყო, გარნა
Line: 18    რაჲთა სცნათ მათი იგი ბილწებაჲ, არამედ აწ ჩუენთა ამათ
Line: 19    სიტყუათა ვიწყოთ თქუმად, რომელნი ზეცით მოივლინნეს
Line: 20    ჩუენდა და არარაჲ არს მათ შორის კაცობრივი, ხოლო აწ მო\ვედით
Line: 21    და სიტყუანი იგი შორის შემოვიხუნეთ, რომლისათჳს
Line: 22    პირველცა გევედრე და აწცა გევედრები, რაჲთა კეთილად
Line: 23    ისმინოთ, რაჲ არს უკუე დაწყებაჲ სიტყუათა ამათ
Line: 24    მახარებე/ლისათაჲ.

Part: s  
Line: 25       სახარებაჲ: "პირველითგან იყო სიტყუაჲ, და სიტყუაჲ
Line: 26    იგი იყო ღმრთისა თანა, და ღმერთი იყო სიტყუაჲ იგი" (1,1) Link to adisnt Link to cinant Link to giornt .
Part: t  
Line: 27    თარგმანი: იხილეა კადნიერებაჲ ესე და ჴელმწიფებაჲ დი\დი?
Line: 28    ვითარ არცა იჭუეულად, არცა ორგულებით, არამედ გან\ჩინებით
Line: 29    ქადაგა ჭეშმარიტებაჲ? რამეთუ ესე არს საქმე მოძ\ღუარისა
Line: 30    კეთილისაჲ, რაჲთა არა უძლურებით იყოს სიტყუასა
Line: 31    ზედა თჳსსა და იჭუეულად.

Line: 32       უკუეთუ კულა, რომელი-იგი სხუათა ასწავებდეს და მას
Line: 33    სხჳსა მიერ უჴმდეს განმტკიცებაჲ, იგი არა მოძღუარი არს,
Line: 34    არამედ მოწაფჱ. უკუეთუ კულა იტყოდის ვინმე: "რაჲსათჳს
Line: 35    პირველი იგი მიზეზი დაუტევაო და მეყსეულად მეორისა მი\ზეზისათჳს
Page: I-18   Line: 1    იწყო სიტყუად"? ხოლო ჩუენ პირველისა და
Line: 2    მეორისა თქუმაჲ დაუტეოთ, რამეთუ არა ჩუენი არს ესე
Line: 3    საქმჱ, რამეთუ ღმერთი რიცხჳსა უზეშთაეს არს და ჟამთა ბუ\ნებისა.
Line: 4    ამისთჳს ესეცა დაუტეოთ, და ჩუენ აღვიარებთ მამასა
Line: 5    უშობელსა და ძესა მამისაგან შობილსა.

Line: 6       ხოლო უკუეთუ გუეტყოდის მეტყუელი იგი, ვითარმედ:
Line: 7    "ჰე, ესრეთ არს, გარნა რაჲსათჳს მამაჲ დაუტევა და ძისათჳს
Line: 8    იტყჳს?" ვიტყჳთ, ვითარმედ ამისთჳს, რამეთუ მამაჲ ყოველთა
Line: 9    მიერ საცნაურ იყო, დაღაცათუ არა ვითარცა მამაჲ, არამედ
Line: 10    ვითარცა ღმერთი, ხოლო მხოლოდშობილი ძჱ ჯერეთ უმე\ცარ
Line: 11    იყო სოფელსა შინა და ამისთჳს სამართლად იწყო და\საბამსავე
Line: 12    სიტყჳსასა, რაჲთამცა მეცნიერებაჲ ძისაჲ ასწავა
Line: 13    უსწავლელთა მათ.

Line: 14       და კუალად ესეცა გულისხმა-ყავ, რამეთუ მამაჲცა არავე
Line: 15    დაიდუმა სიტყუათა ამათ შინა და იხილე შეწყობილებაჲ ესე
Line: 16    სულიერი, რამეთუ იხილნა კაცნი, ვითარმედ უწინარეს ყოვ\ლისა
Line: 17    ღმერთსა პატივ-სცემდეს და უპირატჱს ყოველთა აქუნ\და
Line: 18    იგი. ამისთჳს ესრეთ ყო დასაბამი სიტყჳსა თჳსისაჲ და
Line: 19    წინარე ღმერთად იტყჳს მას, ამისთჳს სიტყუად უწესს მას,
Line: 20    რამეთუ ვინაჲთგან ეგულებოდა სწავლად ჩუენდა, ვითარმედ
Line: 21    ესე სიტყუაჲ მხოლოდშობილი არს ძჱ ღმრთისაჲ, რაჲთა
Line: 22    არავინ ვნებული შობაჲ გულისხმა-ყოს, ამისთჳს წინაჲთვე
Line: 23    სახელითა ამით სიტყჳსაჲთა დაჰჴსნა ბოროტი იგი იჭჳ, რამე\თუ
Line: 24    მოასწავა მამისაგან შობაჲ ძისაჲ და უვნებელობაჲცა.

Line: 25       ჰხედავა, რამეთუ ვითარცა ვთქუ, არცა მამაჲ დაიდუმა
Line: 26    ძისათჳს თქუმულთა ამათ სიტყუათა შინა? უკუეთუ კულა
Line: 27    არცა კმა არიან ესე სახენი ყოვლისავე გამოცხადებულად
Line: 28    თქუმად, ნუვე გიკჳრს, რამეთუ ღმრთისათჳს არს სიტყუაჲ
Line: 29    ჩუენი, რომლისათჳს არცა თქუმად, ვერცა გულისხმის-ყოფად
Line: 30    ვინ შემძლებელ არს ჯერისაებრ. ამისთჳს ესეცა ესრეთ არ\სებისა
Line: 31    სახელსა არასადა აჴსენებს, რამეთუ არცა შესაძლებელ
Line: 32    არს თქუმად, თუ რაჲ არს არსებაჲ ღმრთისაჲ, არამედ ყო\ველსა
Line: 33    ადგილსა საქმეთა მიერ მისთა გჳჩუენებს მას, რამეთუ
Line: 34    რომელი-ესე აქ სიტყუად თქუა, შემდგომად მცირედისა
Line: 35    იხილო, ვითარ იტყოდის ნათლად, და ნათელსა მას
Line: 36    კუალად უწოდს ცხორება. ხოლო არა ესრეთ ამის მი\ზეზისათჳს
Page: I-19   Line: 1    ოდენ სახელ-სდვა ესრეთ, არამედ ამისთჳსცა, რა\მეთუ
Line: 2    ვინაჲთგან ეგულებოდა მამისათჳს სიტყუად ჩუენდა
Line: 3    მომართ, ვითარცა იტყჳს ვითარმედ: "ყოველი, რაოდენი მეს\მა
Line: 4    მამისგან, გითხარ თქუენ".

Line: 5       ხოლო უწესს მას ნათლად და ცხოვრებად,
Line: 6    რომელმან-იგი გულისხმის-ყოფისა ნათელი მოგუანიჭა
Line: 7    ჩუენ და მისმიერი ცხორებაჲ. და ყოვლით არა კმა არს ერთი
Line: 8    სახელი, რაჲთამცა გუასწავა ღმრთისათჳს, არცა ორი და სამი,
Line: 9    არამედ კეთილ არს, უკუეთუ მრავალთა მიერ სახელთა ვის\წაოთ
Line: 10    მცირედი რაჲმე მისთჳს.

Line: 11       სიტყუად უკუე უწოდა მას, რაჲთა უვნებელი იგი
Line: 12    შობაჲ მოასწაოს. ჰხედავა, რამეთუ არა ამაოდ ვიტყოდე,
Line: 13    ვითარმედ ზეცით გუეტყჳს ჩუენ ესე მახარებელი. ჰხედავა,
Line: 14    დაწყებასავე სადა აღიყვანა სული და გონებაჲ მსმენელთაჲ?
Line: 15    რამეთუ უზეშთაეს ყოველთა ხილულთასა აღიყვანა იგი
Line: 16    და უპირატჱს მოაქცია ქუეყანისა და ზღჳსა და ცისა, უზეშთაჱს
Line: 17    აღიყვანა ანგელოზთასა, უზეშთაჱს ქერობინთა და სერაბინ\თასა,
Line: 18    უზეშთაჱს საყდართა და მთავრობათა და ჴელმწიფება\თასა,
Line: 19    და უზეშთაჱს ყო ყოვლისა დაბადებულისა?

Line: 20       ხოლო რაჟამს ესევითარსა სიმაღლესა აღიყვანა, ნუუკუე
Line: 21    შემძლებელ იქმნა მუნ დასრულებად ამაღლებასა მას? ნუ
Line: 22    იყოფინ! არამედ ვითარცა ვინმე აღიღის კაცი მდგომარჱ კი\დესა
Line: 23    ზღჳსასა, რომელი ჰხედავნ ქალაქთა და ჭალაკთა და
Line: 24    ნავთსაყუდელთა, და შეიყვანის გულსა ზღჳსასა ჩუენებად
Line: 25    უზეშთაესთა საქმეთა, და სიმყრალისა მისგან განიყვანის და
Line: 26    აღამაღლის ფრიად, ხოლო დასასრული ზღჳსა მის ხილვათაჲ
Line: 27    ვერ პოვის, არამედ შთავარდის გონებაჲ კაცისაჲ მის დაუს\რულებელთა
Line: 28    ხილვათა შინა. ეგრეთვე ყო მახარებელმან ამან,
Line: 29    რამეთუ უზეშთაჱს ყოველთა დაბადებულთასა აღგუამაღლნა,
Line: 30    და საუკუნეთა მათ მიმართ უზეშთაჱსთასა მიგჳყვანნა, და
Line: 31    დაუტევა სახედველი ჩვენი აღპყრობილად, და არარაჲ მო\გუცა
Line: 32    დასასრული სიმაღლისა მის, რამეთუ არცა არს დასას\რული.
Line: 33    რამეთუ აღვალს გონებაჲ პირველითგანისა მის მი\მართ,
Line: 34    და მერმე ეძიებს, თუ რომელი პირველი არს, და მერმე
Page: I-20   Line: 1    ჰპოებს სიტყუასა მას, ვითარმედ "იყო", და ესე სადაცა წარ\ვიდეს,
Line: 2    გონებაჲ წინაუსწრობს მას და ვერსადა დადგების გუ\ლისსიტყუაჲ,
Line: 3    არამედ ჰხედავს აღპყრობილად და ვერასადა
Line: 4    ჰპოებს დადგომასა, მერმე დაშურების და აქავე მოიქცევის,
Line: 5    რამეთუ სიტყუაჲ ესე, ვითარმედ: "პირველითგან იყო", სხუაჲ
Line: 6    არარაჲ არს, არამედ სამარადისოჲსა მის ყოფისა მომასწავე\ბელი
Line: 7    არს.

Line: 8       იხილეა სიბრძნისმეტყუელებაჲ ჭეშმარიტი და სიტყუანი
Line: 9    საღმრთონი? რამეთუ გჳჩუენებს ჩუენ ჭეშმარიტსა მას ღმერ\თსა,
Line: 10    რომლისა უპირატჱს არავინ არს, რამეთუ იგი არს
Line: 11    მეუფჱ, შემოქმედი ყოველთაჲ, და ყოველნი შემდგომად მისა
Line: 12    არიან, და იგი მხოლოჲ არს პირველ ყოველთა საუკუნეთა.




Part: S1  
Line: 13  სწავლაჲ ა

Line: 14  კრძალულებისათჳს ეკლესიასა შინა


Line: 15       მენება სხუათა მრავალთა სიტყუათა თქუმად, გარნა ნუუკუე
Line: 16    დამაშურალ იყოს გონებაჲ თქუენი, ამისთჳს უკუე მნებავს,
Line: 17    რაჲთა მცირედ რაჲმე გასწაო სარგებელი თქუენი და ესრეთ
Line: 18    დავიდუმო, რამეთუ ვიცნი მრავალნი ესრეთ სულმოკლექმ\ნილნი
Line: 19    სიმრავლისათჳს სიტყუათა ამათ საღმრთოთაჲსა, არა\მედ
Line: 20    ესე იქმნების, რაჟამს სული დამძიმებულ იყოს მრავალ\თა
Line: 21    ტჳრთთაგან სოფლისათა. ვითარცა თუალი, რაჟამს წმიდა
Line: 22    იყოს, კეთილად ჰხედავს და არა მოუძლურდების ადრე განც\დად
Line: 23    წულილთა ნივთთა, უკუეთუ კულა სენი რაჲმე თავისაგან
Line: 24    მოიწიოს მათ ზედა და სისხლისსახე სიბნელე მოეფინოს გუ\გასა
Line: 25    ზედა, ზრქელთაცა გუამთა ვერ ძალ-უც ადვილად ხედვად.
Line: 26    ეგრეთვე არს სული, რაჟამს წმიდა იყოს და უვნებელ, კეთი\ლად
Line: 27    ჰხედავს, ვინაჲცა ენებოს, ხოლო, რაჟამს მრავალთა ვნე\ბათაგან
Line: 28    შეიმრღჳოს და წარწყმიდოს სათნოებაჲ თჳსი, მერმე
Line: 29    ვერცა ერთისა მაღლისა საქმისა მიმართ ძალ-უც ხედვად,
Line: 30    არამედ ადრე დაშურების და დაეცემის, და დაუტეობს სათ\ნოებასა
Page: I-21   Line: 1    და არღარა ჴელ-ჰყოფს მისდა სურვილით.

Line: 2       ხოლო თქუენ ნუმცა ესრეთ ხართ, არამედ განიფრთხვე\ნით
Line: 3    გონებანი თქუენნი, რაჲთა არა ესრეთ გესმეს, ვითარცა
Line: 4    ურწმუნოთა ჰურიათა პავლეს მიერ, რამეთუ მათდა მიმართ
Line: 5    თქუა, ვითარმედ: "მრავალ არს სიტყუა და ძნიად სათარგმა\ნებელ".
Line: 6    არა თუ იგი სიტყუაჲ ესრეთ იყო, არამედ იგინი
Line: 7    დაჴსნილ იყვნეს სმენად, რამეთუ უდებსა და დაჴსნილსა ადრე
Line: 8    მოეწყინების და მცირედი დიდად უჩნს და ადვილი _ ძნე\ლად.
Line: 9    გარნა ნუმცა ვინ არს აქა ესევითარი, არამედ ყოველივე
Line: 10    ზრუნვაჲ განაგდეთ სოფლისაჲ და ესრეთ განკრძალულად ის\მენდით
Line: 11    ამათ სიტყუათა.

Line: 12       რამეთუ რაჟამს გულისთქუმაჲ ვნებათაჲ იყოს კაცისა
Line: 13    თანა, ვერღარა ძალ-უც გულისთქუმისა საღმრთოჲსა სიტყუა\თაჲსა
Line: 14    პოვნად, რამეთუ არცა კმა არს ერთი სული მრავალთა
Line: 15    გულისთქუმათა მოგებად, არამედ ერთი მეორესა ავნებს და
Line: 16    განჰლევს მას. რამეთუ რაჟამს ძჱ ერთი უვინ კაცსა, ყოველი
Line: 17    სიყუარული მისი მისა მიმართ არნ, უკუეთუ კულად სხუაჲცა
Line: 18    ესჳს, მოუძლურდის ერთისა მის მიმართ სიყუარული და გა\ნიყვის
Line: 19    მეორისა მის მიმართ. ხოლო უკუეთუ სადაღა ესე
Line: 20    ბუნებითი მძლავრებაჲ არს და საყუარელნი იგი თჳსნი არიან
Line: 21    ორნივე, და ესრეთ არს აქა, რაჲღა ვთქუათ გულისთქუმა\თათჳს
Line: 22    ნებსითთა და უფროჲსად, რაჟამს გულისთქუმანი იგი
Line: 23    ურთიერთას წინააღმდგომ იყვნენ, ვითარ-ესე სულიერი გუ\ლისთქუმაჲ
Line: 24    და ვნებაჲ ურთიერთას წინააღმდგომ არიან?

Line: 25       არა უწყითა, ძმანო, რაჟამს აქა შემოვიდოდით, ცად შე\ვალთ?
Line: 26    არა ადგილთა ვიტყჳ, არამედ ძალითა და გონებითა,
Line: 27    რამეთუ შესაძლებელ არს ქუეყანასა ყოფითა ცათა შინა ყო\ფაჲ
Line: 28    და მათ სიკეთეთა განცდაჲ. აწ უკუე ცათა შინა ქუეყა\ნისასა
Line: 29    ნუ ვინ შემოიღებს, ნუმცა ვინ აქა მდგომარეთაგანი
Line: 30    სოფლისასა ზრუნავს და სახლსა თჳსსა, რამეთუ მუნ რაჟამს
Line: 31    მიხჳდეთ, თანა-გაც, რაჲთა აქაჲთ მიღებულსა სარგებელსა იტ\ყოდით
Line: 32    და არა, რაჲთა მუნ ქმნილთა საქმეთა აქა იჴსენებდეთ.
Line: 33    რამეთუ ამისთჳს შემოვალთ წმიდასა ამას ადგილსა, რაჲთა
Line: 34    განვიბანნეთ ბიწნი ცოდვათანი, უკუეთუ კულა აქა შინა მასვე
Page: I-22   Line: 1    ბილწებასა შინა ვართ, უმჯობეს არს ყოლადვე არა შემოსლ\ვაჲ
Line: 2    აქა. ნუმცა ვინ უკუე ეკლესიასა შინა სოფლისასა ზრუ\ნავს,
Line: 3    არამედ უფროჲსად სოფელსა შინა ეკლესიისასა იჴსე\ნებდით.
Line: 4    უფროჲს ყოვლისა ესე იყავნ პატიოსან, რამეთუ ესე
Line: 5    სულისაჲ არს, ხოლო იგი ჴორცთაჲ, და უფროჲსად აქა
Line: 6    თქუმულნი სიტყუანი საღმრთონი სულსაცა და ჴორცთაცა სარ\გებელ
Line: 7    არიან.

Line: 8       ამისთჳს ჯერ-არს, რაჲთა ესე იყოს საქმედ ჩუენდა შინა\განადცა,
Line: 9    ხოლო სხუაჲ იგი ყოველი გარეწარად. რამეთუ ესე
Line: 10    ამასცა ცხორებასა სარგებელ არს და მერმესაცა, ხოლო ვნე\ბანი
Line: 11    აქაცა მავნებელ არიან და მუნცა, რამეთუ სახლი ესე
Line: 12    სამკურნალოჲ არს, რომელი არა თუ საუკუნესა ოდენ გუას\წავებს,
Line: 13    არამედ საწუთროჲსასაცა, თუ ვითარ ვიყოფოდით, და,
Line: 14    რაჲცა გარე წყლულებაჲ მოგუეახლოს, აქა განვიკურნებდეთ.
Line: 15    უკუეთუ კულა სულის წმიდისა სიტყუათა არა ვისმენდეთ, არა
Line: 16    თუ ოდენ ვერ განვიკურნნეთ წყლულებათა ჩუენთაგან, და
Line: 17    სხუაჲცა მოვიღოთ. არამედ ვისმენდეთ სიტყუასა წიგნთასა
Line: 18    მოსწრაფებით, რომელი მადლითა ღმრთისაჲთა ყოველსავე
Line: 19    გამოგჳცხადებს, და ძალ-გჳც, უკუეთუ გუენებოს, მცირედი\თა
Line: 20    შრომითა ცნობად ძალსა მათსა, რაჲთა სხუათაცა ვასწავ\ლიდეთ,
Line: 21    რამეთუ დიდ არს მოციქული ესე, რომლისა სიტყუა\თა
Line: 22    აღმოვიკითხავთ, და მაღალთა და დიდთა საქმეთა მეტყუე\ლი
Line: 23    უფროჲს სხუათასა.

Line: 24       ნუმცა უკუე გარეწარად ვისმენთ, რამეთუ ამისთჳს მცი\რედ-მცირედ
Line: 25    გითხრობ თქუენ, რაჲთა შეუძლოთ ადვილად
Line: 26    სწავლად ყოველსავე და არა დაგავიწყდებოდის. გუეშინოდენ
Line: 27    უკუე, ნუმცა ვიქმნებით თანამდებ ჴმისაჲ მის, რომელი იტყჳს:
Line: 28    "უკუეთუმცა არა მოვედ და ვეტყოდე მათ, ცოდვამცა არა
Line: 29    აქუნდა". რამეთუ რაჲ არს სარგებელი სმენისაჲ, უკუეთუ
Line: 30    წარხჳდეთ, და ვითარმცა არა გასმიოდა, ესრეთ არარაჲ
Line: 31    იცოდით?

Line: 32       მოგუეცით უკუე ქუეყანაჲ კეთილი სათესავად, რაჲთა
Line: 33    ჩუენ გულსმოდგინე ვიქმნნეთ თესვად, და რომელსა ეკალნი
Line: 34    ჰქონან, აღატყინენ მათ შორის ცეცხლი იგი სულისაჲ, რომ\ლისა
Page: I-23   Line: 1    გული ფიცხელ და წინააღმდგომ იყოს, განასუქენ იგი
Line: 2    და ლბილ-ყავ მითვე ცეცხლითა. რომელი გზასა ზედა არს,
Line: 3    და ყოველთა მიერ ვნებათა დაითრგუნვის, უშინაგანესსა ად\გილსა
Line: 4    შევედინ და ნუ არს ყოველთა მიერ წარსატაცებელ,
Line: 5    რაჲთა ყანანი თქუენნი შუებულ იყვნენ. და უკუეთუ ესრეთ
Line: 6    ვისწრაფდეთ, დაღაცათუ მეყსა შინა არა, არამედ მცირედ\მცირედ
Line: 7    ყოველთა ვნებათაგან განვთავისუფლდეთ.

Line: 8       ვეკრძალნეთ უკუე, რაჲთა არა ჩუენთჳსცა ითქუას, ვი\თარმედ:
Line: 9    "ასპიტისა ყრუჲსანი არიან ყურნი მათნი", და ვი\თარმედ
Line: 10    არა უარჱს არს მჴეცთა და პირუტყუათასა, რომელი
Line: 11    სიტყუათა ღმრთისათა არა ისმენდეს? და უკუეთუ კაცი იგი
Line: 12    არს, რომელი სათნო-ეყოფოდის ღმერთსა, რომელი ყოლადვე
Line: 13    სათნო-ყოფისა მისისა სიტყუათა არა ისმენდეს, იგი რაჲთა
Line: 14    განყოფილ არს მჴეცთაგან?

Line: 15       იხილე უკუე, ვითარ ბოროტ არს, რომელ ქრისტეს ჰნე\ბავს,
Line: 16    რაჲთამცა კაცთაგან ანგელოზად შეგუცვალნა და ჩუენ
Line: 17    კაცთაგან მჴეცად შევიცვალენით, რამეთუ მუცლისა მონებაჲ
Line: 18    და ვეცხლისმოყუარებისა მიერ უფლებაჲ და მრისხანებაჲ
Line: 19    და სიძულილი _ ესე ყოველი არა კაცისაჲ არს, არამედ მჴე\ცისაჲ,
Line: 20    და უარესიცა არს მჴეცთაჲ, რამეთუ მათ აქუს თითო\ეულსა
Line: 21    სხუაჲ და სხუაჲ ვნებაჲ, და იგიცა ბუნებით.

Line: 22       ხოლო რაჟამს გონებაჲ თჳსი წარწყმიდოს და მოქალაქო\ბისაგან
Line: 23    საღმრთოჲსა განვარდეს, არღარა ერთსა, არამედ
Line: 24    ყოველთა ვნებათა ერევის, და არა ერთსა მჴეცსა მიემსგავსე\ბის,
Line: 25    არამედ ყოველთა უბოროტჱს იქმნების და არღარა აქუს
Line: 26    წყალობაჲ, რამეთუ ნებსით შევიდა ბოროტსა, გარნა ამასმცა
Line: 27    ერთსა ზედა ნუ რაჲ სმენილ არს ესევითარი, რამეთუ გურწამს
Line: 28    თქუენთჳს უმჯობჱსი და ამისთჳს უმეტჱსად განგაკრძალებთ,
Line: 29    რაჲთა ყოველნი მივიწინეთ თავსა სათნოებათასა და მივემთხჳ\ნეთ
Line: 30    კეთილთა მათ საუკუნეთა, რომელთა ღირსმცა ვართ ყო\ველნი
Line: 31    მიმთხუევად მადლითა და კაცთმოყუარებითა უფლისა
Line: 32    ჩუენისა იესუ ქრისტჱსითა, რომლისა მიერ და რომლისა თანა
Line: 33    მამასა შუენის დიდებაჲ სულით წმიდითურთ აწ და მარადის
Line: 34    და უკუნითი უკუნისამდე, ამენ.


Page: I-24  
Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.