TITUS
Johannes Chrysostomus, Commentary on St. John
Part No. 2
Previous part

Chapter: 1  
Page: I-5  
Line: 1  წმიდისა და ნეტარისა მამისა ჩუენისა
Line: 2  იოანე ოქროპირისა კონსტანტინეპო\ლელ
Line: 3  მთავარეპისკოპოსისაჲ თარგმა\ნებაჲ
Line: 4  იოანეს სახარებისაჲ*




Line: 5  თავი ა

Line: 6  წმიდისა იოვანესთჳს მახარებელისა და
Line: 7  ღმრთისმეტყუელისა


Line: 8       მჴედართა ამის სოფლისათა რაჟამს იხილიან ახლად მოს\რული
Line: 9    ვინმე უცხოჲსა ქუეყანისა მჴედარი, ახოვანი და სა\ხელგანთქმული,
Line: 10    მეყსეულად ყოველნი შეკრბიან ხილვად
Line: 11    ჴელოვნებისა მისისა და ბრძოლისა და წარმოადგინიან შორის
Line: 12    მათსა, და ბევრეულნი სიმრავლენი ჰხედვიდიან მისთა საქ\მეთა
Line: 13    და ყოველი გონებაჲ მათი მუნ არნ.

Line: 14       და კუალად უკუეთუ მსახიობელი ვინმე საკჳრველი მივი\დის,
Line: 15    ეგრეთვე მსგავსად ერნი შემოკრბიან და დაუტევიან
Line: 16    ყოველი საქმჱ მათი და აღვიდიან ადგილსა მაღალსა ხილვად
Line: 17    მისთა ჴელოვნებათა და სახიობათა.

Line: 18       ეგრეთვე კუალად ფილოსოფოსთა შორის უკუეთუ ვინმე
Line: 19    უცხოჲ ფილოსოფოსი სახელოვანი მოვიდის, ეგრეთვე იქმო\დიან;
Line: 20    რამეთუ შემოკრბიან ყოველნი, და ხედვიდიან მას და
Line: 21    ისმენდიან სიტყუათა სიბრძნისა მისისათა და გამოსცდიდიან
Line: 22    მას მრავალითა სიტყჳთა, ხოლო უკუეთუ კაცთა ფილოსოფოს\თა
Line: 23    სოფლისათა და მსახიობელთა და მებრძოლთა ზედა ესე\ვითარი
Line: 24    საქმე იქმნების, და ესრეთ ისწრაფიან მრავალნი
Line: 25    ხილვად და სმენად მათთა სიტყუათა ფრიადითა სურვილითა
Line: 26    და გულსმოდგინებითა, რაოდენ უფროჲსად თქუენ თანა-გაც
Line: 27    სმენად მრავლითა მოსწრაფებითა და სურვილითა სიტყუათა
Line: 28    არა მსახიობელისა და ჴორციელისა ფილოსოფოსისათა,
Page: I-6   Line: 1    არამედ კაცისა ზეცით მეტყუელისა, რომელი ღაღადებს და
Line: 2    აღმოიტყჳს ჴმასა მზისა უბრწყინვალესსა; რამეთუ მისმან
Line: 3    ჴმამან ყოველი სოფელი დაიპყრა და აღავსო და კიდეთა მის\თა
Line: 4    მიიწია, არა თუ სიმაღლისაგან მისისა, არამედ რამეთუ
Line: 5    საღმრთოჲთა მადლითა აღსძრავს ენასა თჳსსა; და საკჳრველი
Line: 6    ესე არს, რომელ ესევითარსა მას სიმაღლესა ზედა მის ჴმისასა
Line: 7    არა არს იგი საწყინო და უშუერ, არამედ უსაწადელეს არს
Line: 8    და უტკბილეს უფროჲს ყოვლისა სიტკბოებისა და უმეტესად
Line: 9    დაატკბობს სულსა და გონებასა, ვიდრეღა საეშმაკონი იგი
Line: 10    ჴმანი მგოსანთა მათ ამის სოფლისათანი, რომელნი-იგი
Line: 11    ეშმაკმან დასთესნა კაცთა შორის. ხოლო ესე ჴმაი ტკბილ
Line: 12    არს და შუენიერ, და მის ზედა საშინელ არს და ყოვლადწმი\და,
Line: 13    და ესოდენითა საიდუმლოჲთა სავსე არს და კეთილთა
Line: 14    მომნიჭებელ, ვიდრეღა რომელნიცა მიიღებდენ მას სურვი\ლით
Line: 15    და დაჰმარხვიდენ გულთა შინა მათთა, არღარა არიან
Line: 16    იგინი კაც ქუეყნის, არამედ უზეშთაეს ყოველთა საქმეთა
Line: 17    ამის სოფლისათა აღმაღლდებიან და შეიცვალებიან ანგელოზ\თა
Line: 18    წესად; და ვითარცა ცათა შინა მკჳდრ იყვნეს, ესრეთ
Line: 19    იყოფებიან ქუეყანასა ზედა.

Line: 20       რამეთუ ძჱ იგი ქუხილისაჲ, საყუარელი ქრისტესი, სუე\ტი
Line: 21    ყოვლისა სოფლისა ეკლესიათაჲ, რომელსა ჰქონან კლი\ტენი
Line: 22    ცათანი, რომელმან სასუმელი ქრისტესი შესუა და
Line: 23    ნათლის-ღებაჲ მისი ნათელ-იღო, რომელი მიეყრდნა მკერდსა
Line: 24    მას მეუფისასა დიდითა კადნიერებითა, იგი მოვალს აწ ჩუენ
Line: 25    შორის სიტყუად არა ესრეთ, ვითარცა მსახიობელნი სოფ\ლისანი
Line: 26    შემკობილნი პირითა და დაბურვილნი თავითა, აღს\რულნი
Line: 27    სამღერელსა მას ადგილსა, რომელნი იმღერდიან
Line: 28    ფერჴითა, შემკულნი სამოსლითა ოქროჲსაჲთა; არამედ ესე
Line: 29    ნეტარი შემოვალს ჩუენ შორის შემოსილი სამოსლითა, რომ\ლისა
Line: 30    შუენიერებაჲ თუალთშეუდგამ არს, რამეთუ ქრისტე
Line: 31    ჰმოსიეს და ფერჴნი შემოსილნი განმზადებულებითა სახა\რებისა
Line: 32    მის მშჳდობისაჲთა და სარტყელი ჰმოსიეს არა ტყა\ვისა
Line: 33    მეწამულისაჲ, ცურვებული ოქროჲთა, არამედ მოქსოვი\ლი
Page: I-7   Line: 1    ჭეშმარიტებითა და მორტყმული წელთა მისთა
Line: 2    სიწმინ/დითა.

Line: 3       ესრეთ შემოვალს იგი ჩუენებად ჩუენდა თავსა თჳსსა არა
Line: 4    ორგულებით, ანუ ზაკუვით, _ რამეთუ არარაჲ არს ამათგანი
Line: 5    მის თანა, _ არამედ განცხადებულითა სახითა განცხადებულ\სა
Line: 6    ჭეშმარიტებასა მოგჳთხრობს არა ესრეთ, რაჲთამცა სხუაჲ
Line: 7    იყო და სხუად გუეჩუენებოდა სიტყჳთა და სახითა და ჴმითა,
Line: 8    არცა ორღანოჲ უჴმს საგალობელად გალობისა მისისა, ათძა\ლი
Line: 9    ანუ ორძალი, არამედ ყოველსავე ენითა იქმს, რომლისა
Line: 10    ჴმაჲ უტკბილეს არს ყოველსა ათძალსა და ორძალსა.

Line: 11       ხოლო არს ადგილი გალობისა მისისაჲ ცაჲ ყოველივე, და
Line: 12    სახილველ _ სოფელი, და მხილველ და მსმენელ მისა _ ყო\ველნივე
Line: 13    ანგელოზნი და კაცნი, რომელნიცა ანგელოზ არიან,
Line: 14    ანუ ანგელოზ-ყოფად სურის. რამეთუ ესევითართა ოდენ
Line: 15    ძალ-უც კეთილად სმენად მისა და საქმით ქმნაჲ; რამეთუ
Line: 16    ესევითარი ჯერ-არს, რაჲთა იყოს მსმენელ მისა, რომელი
Line: 17    იქმოდის სიტყუათა მათ საქმით, ხოლო რომელი საქმით არა
Line: 18    იქმოდის, მან არა უწყის, რაჲ-ესე ესმის, არამედ ვითარცა
Line: 19    ყრმათა ჩჩჳლთა ესმის და არა უწყიან, რაჲ-იგი ესმის;
Line: 20    არამედ შუებასა და განცხრომასა სოფლისასა შექცეულ
Line: 21    არიან, ვითარცა ყრმანი _ მღერასა, და ამათცა ესმიედ სიტ\ყუანი
Line: 22    ესე, ხოლო ვერარას შემძლებელ არიან გულისხმის\ყოფად,
Line: 23    ვინაჲთგან თიჴისა და ალიზისა ქმნასა დაუმონებიან
Line: 24    თავნი, რომელ არს ცოდვაჲ. არამედ ამის მოციქულისა წინა\შე
Line: 25    ზეცისა ძალნი დგანან განკჳრვებულნი შუენიერებისა
Line: 26    მისთჳს სულისა მისისა და სიბრძნისა მის გონებისა მისისა და
Line: 27    სათნოებათა მისთა სიკეთისა, რომლისა მიერ შეაყუარა მან
Line: 28    თავი თჳსი ქრისტესა და მოიღო მადლი იგი სულისა წმიდისაჲ.

Line: 29       რამეთუ ვითარცა ორძალი კეთილად მოზავებული, ოქრო\ვანი
Line: 30    და ქვითა პატიოსნითა შემკული, ოქროვანთა ჴმათა აღ\მომტეობელი,
Line: 31    ესრეთ მოჰმზადა სული თჳსი და მისცა იგი
Line: 32    სულსა წმიდასა, რაჲთა იტყოდის იგი მის მიერ. და ამისთჳს
Line: 33    არღარა მეთევზური იგი, არცა ძჱ ზებედესი სცემს ორძალსა
Line: 34    ამას, არამედ სული წმიდაჲ, რომელმან იცნის ყოველნი სიღ\რმენი
Line: 35    ღმრთისა საქმეთანი და ამისთჳს არღარაჲ კაცობრივი
Line: 36    გუესმის. ამის მიერ, არამედ ყოველი, რომელსაცა იტყჳს,
Page: I-8   Line: 1    საიდუმლოთაგან არს სულისა წმიდისათა და სიღმეთა მათ\გან
Line: 2    საღმრთოთა საიდუმლოთა, რომელი ანგელოზთაცა არა
Line: 3    იცოდეს ამისა პირველ, რამეთუ მათცა ჩუენ თანავე ცნეს
Line: 4    სიტყუათა მიერ იოვანესთა ესე საიდუმლონი.

Line: 5       და ამას მოასწავებს მოციქული პავლე, რომელი იტყჳს:
Line: 6    "რაჲთა საცნაურ იქმნას აწ მთავრობათა და ჴელმწიფებათა
Line: 7    ეკლესიისა მიერ მრავალსახჱ იგი ღმრთისა სიბრძნე". უკუე\თუ
Line: 8    მთავრობათა და ჴელმწიფებათა და ქერობინთა და სერა\ბინთა
Line: 9    ეკლესიისა მიერ ცნეს ესე ყოველი, საცნაურ არს, ვი\თარმედ
Line: 10    იგინიცა სამე ფრიადითა მოსწრაფებითა ისმნენ
Line: 11    ჴმასა იოვანესსა. რამეთუ ესეცა არამცირედი პატივი მოგუე\ცა,
Line: 12    რომელ ჩუენ თანა ცნეს ანგელოზთა, რაჲ-იგი არა იცო\დეს,
Line: 13    ხოლო რომელ არა ჩუენ თანა ოდენ, არამედ ჩუენ მიერ\ცა,
Line: 14    ამისთჳს რაჲღა ვთქუა, რომელნი ესევითარნი ვიყვენით,
Line: 15    რომელ არა ჯერ-არს აწ თქუმად, თუ ვინ ვიყვენით, ანუ ვი\თარნი
Line: 16    და ესევითარსა პატივსა მივიწიენით. ამისთჳს უკუე მივ\ყოთ
Line: 17    ყოველთა სასმენელი ჩუენი დუმილით ნუ დღეს ოდენ,
Line: 18    არამედ ყოვლადვე, რამეთუ ყოვლადვე კეთილ არს ამათ სიტ\ყუათა
Line: 19    სმენად. რამეთუ უკუეთუ მეფისა სიტყუათა მარადის
Line: 20    სურვიელ ვართ სმენად, თუ რაჲ თქუა, ანუ რაჲ ქმნა, ანუ რასა
Line: 21    განიზრახავს, რომელთაგან არარაჲ სარგებელ არიან ჩუენდა,
Line: 22    არა უფროჲსად ვისწრაფოთა სმენად სიტყუათა მათ, რო\მელთა
Line: 23    ღმერთი იტყჳს საწადელთა მათ და სასურველთა და
Line: 24    ჩუენდა დიდად სარგებელთა? რამეთუ ყოველივე, რასაცა
Line: 25    ღმერთი იტყჳს, ამან კეთილად გჳთხრა ჩუენ, რომელი-ესე
Line: 26    მეგობარ არს მისი საყუარელი; და უფროჲსად თავადი იგი
Line: 27    ღმერთი და მეუფჱ ყოველთაჲ აქუს თავსა შორის თჳსსა მეტ\ყუელად;
Line: 28    და რაჲ-იგი მან მოიღო მამისაგან, ამას მოსცა საი\დუმლოჲ,
Line: 29    რამეთუ თავადი იტყჳს, ვითარმედ: "თქუენ ხართ
Line: 30    მეგობარნი ჩემნი, რამეთუ ყოველივე, რაჲ-იგი მესმა მამი\საგან,
Line: 31    გითხარ თქუენ". ხოლო აწ, ვითარცა-იგი უკუეთუმცა
Line: 32    ვიხილეთ ვინმე ზეცით გამოჩინებული ჰაერთა შინა ცათასა
Line: 33    და გჳთხრობდამცა ყოველსა თჳთოეულად, რაჲ-იგი იქმნების
Line: 34    ცათა შინა, ყოველნივემცა მივისწრაფდით სმენად მისა, ეს\რეთვე
Line: 35    აწ ვყოთ, რამეთუ ესე მაღალი და დიდი კაცი ზეცით
Line: 36    გუეტყჳს, რაოდენსაცა გუეტყოდის, რამეთუ არა ამის სოფ\ლისაგანი
Line: 37    არს, ვითარცა უფალი იტყჳს, ვითარმედ: "თქუენ
Page: I-9   Line: 1    არა ამის სოფლისაგანნი ხართ", არამედ აქუს ამას ნუგეში\ნისმცემელად
Line: 2    იგი სული თავსა შორის თჳსსა მეტყუელად,
Line: 3    რომელი-იგი ყოველსა ადგილსა მიიწევის, რომელმან ესრეთ
Line: 4    იცნის საქმენი ღმრთისანი, ვითარცა სულმან კაცისამან საქ\მენი
Line: 5    თჳსნი. სული იგი სიწმიდისაჲ, სული ჭეშმარიტებისაჲ,
Line: 6    სული წრფელი, მთავარი აღმყვანებელი ზეცად, მიმცემელი
Line: 7    სხუათა თუალთა სულიერთა და კეთილადმხედველთა, რომე\ლი
Line: 8    უჩუენებს მომავალთა საქმეთა, ვითარცა ქმნულთა, რო\მელი
Line: 9    ჴორცთა შინა მყოფთა კაცთა ზეცისა საქმეთა ხილვად
Line: 10    ღირს-ჰყოფს.

Line: 11       ამისთჳს უკუე ვქმნათ ფრიად მყუდროებაჲ; ნუმცა ვინ
Line: 12    არს უდებ, ნუმცა ვინ არს მოძილ, ნუმცა ვინ არს შეგინებულ
Line: 13    აქა შემომავალთაგანი, არამედ აღვამაღლნეთ თავნი ჩუენნი
Line: 14    ზეცად, რამეთუ სიტყუათა ამათ ცათა შინა იტყჳს ესე მათდა
Line: 15    მიმართ, რომელთა მოქალაქობაჲ ცათა შინა არს. უკუეთუ
Line: 16    კულა ქუეყანასა ზედა დავადგრეთ გონებითა, არარაჲ სარგე\ბელ-გუეყოს
Line: 17    ამათ სიტყუათაგან, რამეთუ სიტყუანი იოვანეს\ნი
Line: 18    არა მათა მიმართ არიან ყოველთა, რომელთა-იგი არა
Line: 19    ჰნებავს ბილწისა ცხორებისაგან გამოსლვად. რამეთუ ქუხილი
Line: 20    შეაშინებს გულთა, ხოლო ამისი ჴმაჲ არცა ერთსა მორწმუ\ნეთაგანსა
Line: 21    შეაშფოთებს, არამედ უფროჲსად დააცხრობს ყო\ველსავე
Line: 22    ამბოხებასა და შფოთსა, ვინაჲცა მიიწიოს, არამედ
Line: 23    ოდენ ეშმაკთა შეაძრწუნებს და რომელნიცა მათ ჰმონებდენ.

Line: 24       ამისთჳს უკუე დაწყნარებით ვისმენდეთ, რაჲთა ესრეთ
Line: 25    ვიხილოთ, თუ ვითარ შეაშინებს ეშმაკთა, დავაწყნაროთ ყო\ველივე
Line: 26    სახე გარეგანი და უფროჲსად გონებისაჲ. რამეთუ
Line: 27    რაჲ არს სარგებელი დუმილისაგან პირისა, რაჟამს სული
Line: 28    ამბოხებასა და შფოთსა შინა იყოს? მე მას ვეძიებ, დაწყნა\რებასა
Line: 29    გონებისა და სულისასა და მათ სასმენელთა ვითხოვ,
Line: 30    რამეთუ ჩუენი ესე მგალობელი ესევითარი არს.

Line: 31       ამისთჳს უკუე ერთიმცა იპოების სურვილი საფასეთაჲ,
Line: 32    ანუ დიდებისა ცუდისაჲ, ანუ მძლავრებაჲ გულისწყრომი\საჲ,
Line: 33    ანუ გულისთქუმათა ბოროტთაჲ, გინა სხუათა მათ ვნე\ბათა
Line: 34    შფოთი, რამეთუ უკუეთუ არა განწმდენ სასმენელნი
Line: 35    ამათ ყოველთა ბოროტთა ნივთთაგან, ვერ შეუძლონ სმენად
Line: 36    სიტყუათა ამათ, ვითარცა ჯერ-არს, ანუ გულისხმის-ყოფად,
Page: I-10   Line: 1    ვითარცა შეჰგავს საიდუმლოთა ამათ მიუწდომელთა. რამეთუ
Line: 2    უკუეთუ წინწილასა და ფანდურსა ვერვინ დაისწავლის, უკუ\ეთუ
Line: 3    არა ყოველი გონებაჲ თჳსი მუნ შემშჭუალოს, ვითარ
Line: 4    შეუძლოთ საღმრთოთა ამათ საიდუმლოთა დაჴსნილობით
Line: 5    სმენად? ამისთჳს ქრისტე უფალი იტყოდა: "ნუ მისცემთ
Line: 6    სიწმიდესა ძაღლთა და ნუცა დაასხამთ მარგალიტსა წინაშე
Line: 7    ღორთა". ხოლო მარგალიტად ამათ სიტყუათა
Line: 8    სახელ-სდვა, რამეთუ ესენი ფრიად უპატიოსნეს არიან მარ\გალიტისა;
Line: 9    არამედ ამისთჳს შეამსგავსნა ესენი მარგალიტსა,
Line: 10    რამეთუ არარაჲ არს ჩუენ შორის მის ნივთისა უპატიოსნეს.
Line: 11    ამისთჳსცა წერილი სიტკბოებასა სიტყუათა ღმრთისათა მრა\ვალგზის
Line: 12    თაფლსა მიამსგავსებს. არა თუ სიტკბოებისა მათისა
Line: 13    საზომი არს თაფლისა მსგვასებაჲ, არამედ თაფლისა უტკბი\ლესი
Line: 14    არარაჲ არს ჩუენ შორის. უკუეთუ არა, ისმინე, რასა
Line: 15    იტყჳს წინაჲსწარმეტყუელი და გამოაჩინებს გარდამატებუ\ლებასა
Line: 16    სიკეთისა მათისასა, ვითარმედ: "გულისსათქუმელ
Line: 17    არიან იგინი უფროჲს ოქროჲსა და ანთრაკისა პატიოსნისა
Line: 18    მრავლისა, და უტკბილეს არიან უფროჲს თაფლისა გოლეუ\ლისა",
Line: 19    არამედ მათთჳს არს ესე ესრეთ, რომელთა გონებაჲ
Line: 20    წმიდად მხედველ არს. ამისთჳსცა შესძინა, ვითარმედ: "მონა\მან
Line: 21    შენმან იცვნეს იგინი", და სხუასა ადგილსა თქუა, ვი\თარმედ:
Line: 22    "ტკბილ არიან სასასა ჩემსა უფროჲს თაფლისა სიტ\ყუანი
Line: 23    შენნი". და კუალად იტყჳს: "უფროჲს თაფლისა პირსა
Line: 24    ჩემსა", რამეთუ მრთელ იყო გონებაჲ მისი. ამისთჳს უკუე
Line: 25    ჩუენცა ნუმცა უძლურნი სულითა მოუჴდებით სიტყუათა
Line: 26    ამათ, არამედ განვიკურნნეთ სულნი ჩუენნი და ესრეთ ვის\მენდეთ,
Line: 27    რამეთუ ამისთჳს ვთქუენ მრავალნი ესე სიტყუანი
Line: 28    და არღარა მითქუამს მისთანა სიტყუათაგანი, რაჲთა თითოეულ\მან
Line: 29    ჩუენმან ყოველი სახე უძლურებისაჲ განსდევნოთ, და,
Line: 30    ვითარცა ცად შემავალნი, ესრეთ შემოხჳდეთ წმიდად ყოვლი\საგან
Line: 31    ვნებისა და ზრუნვისა.

Line: 32       რამეთუ უკუეთუ არა ესრეთ კეთილად განიწმინდნეთ
Line: 33    სულნი თქუენნი, ვერაჲ ირგოთ ამიერ. და ნუ ვინ იტყჳნ, თუ:
Page: I-11   Line: 1    "ვითარ შეუძლო ქმნად ამის საქმისა მეყსა შინა?" რაჲ არს
Line: 2    უბოროტეს ავაზაკობისა? არამედ იხილეთ, ავაზაკი იგი ვითარ
Line: 3    სათნოებასა მიიწია მეყსა შინა და სამოთხისა მკჳდრად გა\მოჩნდა,
Line: 4    რომელმან არა დღენი იჴმარნა, არცა თუ ნახევარი
Line: 5    დღისაჲ, არამედ წამსა შინა თუალისასა, რამეთუ შესაძლებელ
Line: 6    არს მყისსა შინა შეცვალებაჲ და თიჴისა წილ ოქროჲსად
Line: 7    ქმნაჲ თავთა თჳსთაჲ, ვინაჲთგან საქმე ესე ნებასა ჩუენსა ზე\და
Line: 8    არს: გინა თუ შეცვალებაჲ, გინა თუ დადგომაჲ ბოროტსა
Line: 9    ზედა. წერილ არს, ვითარმედ: "უკუეთუ გინდეს და ისმინოთ
Line: 10    ჩემი, კეთილი ქუეყანისაჲ შჭამოთ". ჰხედავა, ვითარ ნებაჲ
Line: 11    ოდენ საჴმარ არს და მოსწრაფებაჲ სულისაჲ ნებასა თანა, და
Line: 12    ნებაჲ ოდენ არა სარგებელ არს, უკუეთუ არა მოსწრაფებაჲცა
Line: 13    იყოს.

Line: 14       რამეთუ ყოველთა ჰნებავს აღსლვაჲ ზეცად, არამედ საქ\მეთა
Line: 15    მიერ ჯერ-არს ნებისა გამოჩინებაჲ, ვითარცა-იგი ვა\ჭართა
Line: 16    ჰნებავს განმდიდრებაჲ, გარნა არა ნებასა ზედა ოდენ
Line: 17    დაადგრებიან, არამედ საქმეთაცა იქმან, და ნავსა მოიმზადე\ბენ,
Line: 18    და ზღუათა განჰვლიან, და ოქროსა ივასხებენ, და უცხოსა
Line: 19    ქუეყანასა მივლენ და მრავალთა ღელვათა თავს-იდებენ.
Line: 20    ეგრეთ უკუე გჳჴმს ჩუენცა გამოჩინებად ნებისა ჩუენისა,
Line: 21    რამეთუ ჩუენცა ვალთ ზღუასა შინა, არა ქუეყანით ქუეყანად
Line: 22    მიმყვანებელსა, არამედ ქუეყანით ზეცად აღმყვანებელსა.
Line: 23    ამისთჳს უკუე ვყოთ გონებაჲ ჩუენი კეთილად მენავეთმოძ\ღურად,
Line: 24    და მივსცნეთ მას მენავენი მორჩილნი და მოვმზადოთ
Line: 25    ნავი მტკიცე, რაჲთა არცა ზრუნვათაგან სოფლისათა დაითქ\მოდის,
Line: 26    არცა ზუაობისა ქარითა მიმოიტაცებოდის, არამედ
Line: 27    იყოს იგი წარუტაცებელად და სუბუქცა. და უკუეთუ ესევი\თარი
Line: 28    იყოს ნავი ჩუენი და ესრეთ იყოს მენავეთმოძღუარი და
Line: 29    მენავენი, კეთილად ვლოთ და ძჱ ღმრთისაჲ, ჭეშმარიტი იგი
Line: 30    მენავეთმოძღუარი, მოვიყვანოთ ჩუენდა, რომელმან არა
Line: 31    უტეოს ნავსა ჩუენსა დათქმად, არამედ დაღაცათუ ბევრე\ულნი
Line: 32    ქარნი ქროდიან, შეჰრისხენ ქართაცა და ზღუასაცა,
Line: 33    და ქმნას დაყუდება დიდ.

Line: 34       ესრეთ უკუე მოჰმზადენით თავნი თქუენნი და ხვალისა
Line: 35    დღე მოვედით ეკლესიად, და ესრეთ მიგითხრნეთ სიტყუანი
Line: 36    დიდისა იოვანესნი, დავსთესნეთ იგინი თქუენ შორის, არამედ
Page: I-12   Line: 1    ნუმცა გზა ხართ, ნუცა კლდე, ნუცა ეკლოვან, არამედ იყ\ვენით
Line: 2    ქუეყანა კეთილ და ნაყოფიერ, რაჲთა ჩუენცა გულს\მოდგინებით
Line: 3    ვსთესვიდეთ თესლთა, უკუეთუ ვიხილოთ ქუე\ყანაჲ
Line: 4    იგი წმიდად. უკუეთუ კულა ქვიანი იყოს და ეკლოვან
Line: 5    და ფიცხელ, შენდობა-ყავ, რამეთუ ვერ ძალ-მიც ამაოდ შრო\მაჲ,
Line: 6    რამეთუ უგუნურება არს ქუეყანასა უქმსა თესვად
Line: 7    თეს/ლისა.

Line: 8       რომელიცა ამას ტაბლასა მოვიდეს, არა უჴმს მას საეშმა\კოთა
Line: 9    ტაბლათა დაჯდომაჲ, რამეთუ რაჲ ზიარებაჲ არს სი\მართლისა
Line: 10    და უშჯულოებისა? ანუ რომელი-ეგე ისმენ სიტ\ყუათა
Line: 11    იოვანესთა და მის მიერ სულისა წმიდისათა, და კუა\ლად
Line: 12    მისა შემდგომად წარხუალ სმენად სიტყუათა მეძავთა
Line: 13    დედათასა და ზრახვად მათდა? ვითარ შეუძლო სიწმიდით
Line: 14    სმენად ამათ სიტყუათა, რომელი-ეგე ინგორები ესევითარსა
Line: 15    მწჳრესა შინა?

Line: 16       აჰა, ესერა, წინაჲსწარ გეტყჳ ყოველთა: ნუ ვინ ამის ტაბ\ლისა
Line: 17    მეპურისტეთაგანი განიხრწნის სულსა თჳსსა ბოროტთა
Line: 18    ცოდვათა მიერ, რამეთუ იცით თქუენ, ნათელ-ღებულთა მა\გათ,
Line: 19    რავდენნი აღთქუმანი აღგჳთქუენით ჩუენ, და არა ჩუენ,
Line: 20    არამედ უფროჲსად ქრისტესა, რაჟამს-იგი ნათელ-გცემდა.
Line: 21    არა იჯმენითა ეშმაკისაგან და ყოველთაგან საქმეთა მისთა?
Line: 22    ამისთჳს შიშ არს, ნუუკუე დათრგუნოს ვინ აღთქუმაჲ იგი,
Line: 23    და ესრეთ ღირს იქმნეს სატანჯველთა მრავალთა და განვარ\დეს
Line: 24    მათ საიდუმლოთაგან.

Line: 25       არა ხედავა ქუეყანისა მეფეთა, რამეთუ არა შეცოდებულ\თა,
Line: 26    არამედ მეგობართა იზიარებენ საიდუმლოთა. აწ მოცი\ქული
Line: 27    მოსრულ არს ზეცით, ღმრთის მიერ ჩუენდა მომართ, და
Line: 28    თქუენ მის წილ საეშმაკოთა სიტყუათა ისმენთა? რავდენთა
Line: 29    სატანჯველთა ღირს არს საქმე ესე? რამეთუ ვითარცა არა
Line: 30    ჯერ-არს დაჯდომად ტაბლასა ეშმაკთასა, ეგრეთვე არცა სმენაჲ
Line: 31    სიტყუათა საეშმაკოთაჲ ჯერ-არს, არცა შემოსლვად სამოსლი\თა
Line: 32    ხენეშითა ბრწყინვალესა ამას ტაბლასა და ბევრეულითა
Line: 33    კეთილითა სავსესა, რომელი თავადსა ღმერთსა დაუგიეს. რა\მეთუ
Line: 34    ესეოდენ არს ძალი მისი, რომელ მყისსა შინა ზეცად
Line: 35    აღგჳყვანებს, უკუეთუ ოდენ წმიდითა გონებითა ვისმენდეთ
Page: I-13   Line: 1    მას, რამეთუ შეუძლებელ არს, რომელი ესრეთ ისმენდეს სიტ\ყუათა
Line: 2    ღმრთისათა, რაჲთამცა სოფლისა ამის სიმდაბლესა ში\ნა
Line: 3    ეგო, არამედ ფრთოვან იქმნების და ზეცისა სავანედ მიი\წევის
Line: 4    და საუნჯეთა მათ კეთილთასა მიემთხუევის, რომელ\თაცა
Line: 5    ღირსმცა ვართ ყოველნი მიმთხუევად მადლითა და
Line: 6    კაცთმოყუარებითა უფლისა ჩუენისა იესუ ქრისტესითა, რომ\ლისა
Line: 7    მიერ და რომლის თანა მამასა ჰშუენის დიდებაჲ სუ\ლით
Line: 8    წმიდითურთ აწ და მარადის და უკუნითი უკუნისამდე,
Line: 9    ამენ.



Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.