TITUS
Gregorius Nazianzenus, Vita Basili Magni
Part No. 3
Previous part

Paragraph: 3  
Line of edition: 7       3. ხოლო აწ უკუეთუმცა ვხედევდით მას ჴორციელისა დიდე\ბულებისა
Line of edition: 8    
და მშობელთა სიდიდისა მოყუარედ, ანუ თუ სხუათა რა\თმე
Line of edition: 9    
ჴორციელთა საქმეთა პატიოსანთა, რომელთა ქუეყანისანი პა\ტივ-სცემენ,
Line of edition: 10    
უზეშთაესადმცა გამოვაჩინე იგი უფროჲს ყოველთა
Line of edition: 11    
დიდებულთა ქუეყანისათა და, რაჲ-იგი მისთჳსმცა აღვწერე, უზეშ\თაესმცა
Line of edition: 12    
იყო მათ ყოველთა. და ერთად ამითმცა დიდებულ იყვნეს
Line of edition: 13    
ჩემმიერნი ესე თქუმულნი, რომელ არამცა ტყუილ და ზღაპარ იყვ\ნეს,
Line of edition: 14    
არამედ ჭეშმარიტთა მიერმცა საქმეთა შევამკვე იგი და რომელ\თა
Line of edition: 15    
ზედა მრავალნი არიან მოწამე, რამეთუ მრავალთა კეთილთა მის\თა
Line of edition: 16    
მოგჳთხრობს ქუეყანაჲ პონტოჲსაჲ, საკჳირველებათა და დიდე\ბულებათა
Line of edition: 17    
მისთა მშობელთასა, რომლითა სავსე არიან წიგნნი და
Line of edition: 18    
კუალად მრავალთა დიდებულებათა ღაღადებენ ჩემისა ამის ქუეყა\ნისა
Line of edition: 19    
კაბადუკიისა მკჳდრნი მათთჳს, რამეთუ არა ვისსა უდარეს იყვ\ნეს
Line of edition: 20    
ახოვნებითა და სიმდიდრითა, ერისთვობითა და პატიოსნებითა
Line of edition: 21    
წინაშე მეფეთასა და სიმაღლითა საყდართაჲთა და პატივითა ერთა
Line of edition: 22    
მიერ და ბრწყინვალებითა სიტყუათაჲთა, რომელთა უკუეთუმცა
Line of edition: 23    
გუენება აღწერაჲ, არარადმცა გამოჩნდეს ჭეშმარიტად, ვითარცა
Line of edition: 24    
არარაცა არიან ყოველნი იგი საწარმართონი სიტყუანი და ტყუილნი
Line of edition: 25    
მათნი, რომელნი აჩემებენ თავთა თჳსთა სიცრუვით დიდებულებასა,
Line of edition: 26    
ვითარცა მათთა მათ წიგნთა შინა იპოების, რომელთა ჭეშმარიტები\სა
Line of edition: 27    
თქუმად ვერ ძალ-ედვა, რამეთუ არა იყო მათ თანა ჭეშმარიტი პა\ტიოსნებაჲ,
Line of edition: 28    
ამისთჳსცა ტყუილისა მიმართ მიივლტიან და ეშმაკთა და
Line of edition: 29    
ღმერთთა ვიეთმე ამაოთა და მტყუვართა სახელსდებენ მშობელთად
Line of edition: 30    
მათდა, რომელთა უკეთესნი იგი საქმენი და სიქადულნი ურწმუნოე\ბა
Line of edition: 31    
არიან და, უკუეთუ ჭეშმარიტად გამოჩნდენ, მაშინღა უმეტეს
Line of edition: 32    
იქმნას საძაგელებაჲ მათი.

Next part



This text is part of the TITUS edition of Gregorius Nazianzenus, Vita Basili Magni.

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.