TITUS
Hagiographica metaphrastica (Septembris)
Part No. 3
Previous part

Day: 3  
Saint: Ant.Nic.  
Page of edition: 69  


Ms. page: B_33v 
Line of edition: 1   თუესა სეკდენბერსა გ̂


Line of edition: 2   ღუაწლი წმიდისა მამისა ჩუენისა და მღდელმოწამისა
Line of edition: 3   ანთიმოს ნიკომიდ[ი]ელ ეპისკოპოსისაჲ


Line of edition: 4   მამაო, გუაკურთხენ!


Paragraph: 1  
Line of edition: 5        1. ვინ არა უწყის ნიკომიდიაჲ, რაბამი სიდიდითა და შენებულებითა, რა\ბამი
Line of edition: 6     ბრწყინვალებითა და ზღვრებითა და ვითარ ყოვლისა ბითჳნიელთა ქალა\ქებისა
Line of edition: 7     მწუერვალ ქალაქ არს იგი. არამედ ესრეთობის მქონებელი და ამად
Line of edition: 8     სიკეთედ განმავალი თჳსთა მორჩთაგან ვიდრე ამათ ყოველთაგან უფროჲს
Line of edition: 9     შეიმკვების, რამეთუ ამიერ საკჳრველი ანთიმოს აზნაურთა რტოებრ აღმოჰჴდა
Line of edition: 10     და აღყუავნა და კეთილნი ნაყოფნი გამოიხუნა. რამეთუ აწვე ზეშთა აღჴდა
Line of edition: 11     ჩჩჳლთა ჰასაკსა და ყოველი მადლი კეთილთა ჩუეულებათაჲ მის შორის ყუა\ოდა.
Line of edition: 12     ხოლო ყრმობად რაჲ მიიწია, ფრიადითა გულისჴმიერებითა შეიზავა; და
Line of edition: 13     მამაკაც რაჲ იქმნა, მამაკაცებრთა კეთილთა მოიღუაწებდა ფლობითა მუცლი\სა
Line of edition: 14     და გულისწყრომისა და ჴორცთა აღკრძალვისაჲთა, რომლითა განჰნერწყუ\ვიდა
Line of edition: 15     ყოველსა სოფლიოსა საოცრებასა და ყოველი ჟამი მისსა ლოცვად და
Line of edition: 16     საღმრთოთა წურთად წარეგებვოდა. ამას თანა სათნოებათა დედასა სიყუა\რულსა
Line of edition: 17     ტკივილთმოყუარებით მოიღებდა, ხოლო განუბნეველობასა და ყოვ\ლითურთ
Line of edition: 18     სულიერსა მზრუნველობასა ზეშთა გარდამატებით წარიმართებდა.
Line of edition: 19     და ესოდენნი ესე კეთილნი ყოვლით კერძო სიმდაბლითა შეემკვნეს. ვინაჲ
Line of edition: 20     მხოლოდ ხილვით ოდენ კმა-იყო მრავალთა სათნოებისმოყუარეთა სულთა
Line of edition: 21     ლმობიერ-ყოფად და სათნოებისა აღორძინებად მომართ მოყვანებად.

Paragraph: 2  
Line of edition: 22        2. ვინაჲთგან უკუე ესრეთ ცხონდებოდა და თჳსი სათნოებაჲ აქუნდა, ქა\დაგად
Line of edition: 23     მრავალჴმოანად ვერდასაფარველი მაღლად მღდელობისა კიბედ აღყვა\ნებულ
Line of edition: 24     იქმნა და საყდარსა ზედა მოხუცებულთასა აქებდა უფალსა. არა მყის
Line of edition: 25     აღსრული მას ზედა, არცა დასაბამ ცხორებისა მყოფელი მღდელობისაჲ, არა\მედ
Line of edition: 26     პირველ მრავალთა კიბეთა ზედა დგომითა და პატივთა ნაც\\ვალად Ms. page: B_34r  მიწყვი\თა
Line of edition: 27     სათნოებისაჲთა და მათ ყოველთაგან წამებულებითა, ვითარმედ ზეშთა მათ
Line of edition: 28     ყოველთასა ღირს არს, ეგრეთღა აღჴდა დიდსა პატივსა მღდელობისასა. არა
Line of edition: 29     სდევდა პატივსა, არცა იტაცა, არამედ უფროჲსღა მისგან წევნულ იქმნა, და\ღათუ
Line of edition: 30     ფრიად შორს მისგან უჩნდა თავი თჳსი სიდიდითა სიმდაბლისაჲთა.

Line of edition: 31        ამისსა შემდგომად განვიდა კაცთაგან მაშინდელი ეპისკოპოსი ნიკომი\დიისაჲ
Line of edition: 32     და ეკლესიაჲ დაქურივდა მწყემსისაგან და საწყალობელად ეგლოვდა
Line of edition: 33     ოჴრებასა და ჰგოდებდა განსაცდელსა. ვინაჲ წარჩინებულთა ნიკომიდიელთა\სა
Line of edition: 34     და უფროჲსღა რაოდენნი ზრდილ იყვნეს ეკლესიისა, ვერთავს-დებითა
Line of edition: 35     მჭმუნვარისა მის და მწარისა ოჴრებისა ვნებისაჲთა ანთიმოს ჴელთ-დებად
Line of edition: 36     ეპისკოპოსობისა ზოგად თავთა შორის თჳსთა განაჩინეს და ეკლესიად მისრულ\ნი
Line of edition: 37     მოწმედ თჳსისა განჩინებისა ღმერთსა ხადოდეს და მჴურვალედ ევედრე\ბოდეს
Line of edition: 38     გამოცხადებად მათდა, უკუეთუ მისათუალველ ღმრთისა არსა ცნობაჲ
Line of edition: 39     მათი და უკუეთუ აქუს ზეგარდამოჲ ბჭობაჲ მოწმედ და თანა-მეტყუელად
Line of edition: 40     საქმისა მის.

Page of edition: 70  
Line of edition: 1        და აჰა, ნათელი დიდი და საკჳრველი გამობრწყინდა და ჴმაჲ რაჲმე სა\ღმრთოჲ
Line of edition: 2     ანთიმოსს წამებდა და განჩინებასა დაამტკიცებდა ბრძანებითა
Line of edition: 3     სრულ/ყოფისაჲთა.

Line of edition: 4        ესრეთ უკუე იგი საჭეთა ზედა ეკლესიისათა დაჯდა და ღირსი თჳსი საყდარ\მან
Line of edition: 5     მიითუალა და სამკაული მისი ეკლესიამან შეიმოსა და მჭმუნვარებაჲ გა\ნაგდო
Line of edition: 6     ესევითარისა, პავლეს თქუმულისაებრ, უბრალოჲსა და ესოდენ ბრძნი\სა
Line of edition: 7     და დიდისა ზედამდგომელისა მიმთხუევითა.

Paragraph: 3  
Line of edition: 8        3. ხოლო იგი კეთილთა მმართებელთაებრ მხოლოდ ამის მიმართ ხედვად
Line of edition: 9     მოჰმზადებდა თუალსა, თუ ვითარ დააცხრვოს მძჳნვარე იგი ღელვაჲ უღმრთო\ებისაჲ
Line of edition: 10     და თუ ვითარ მიასაზრნეს სულნი მის თანა მენავეთანი ნავთსაყუდე\ლად
Line of edition: 11     ღმრთისა. უწყნიან ესენი ინდი და დომნა. Ms. page: B_34v  ინდი სადმე მან კაცმან
Line of edition: 12     საკჳრველმან და ღირს ქებისამან თჳთ მის მეფისა და სამეუფოთა ყოველთა
Line of edition: 13     დამტევებელმან და დომნაჲს თანა ღმრთისმსახურებისადა მიმატებულმან, რო\მელთა
Line of edition: 14     განამდიდრეს ზოგადი მეუფე; არცა ღლჳკერი და თეოფილე უგემოვნო
Line of edition: 15     კაცისა ამის ღმრთისმსახურებისა მოსწრაფებასა, რომლისა კმად შესაბამად
Line of edition: 16     ქრისტესთჳს სიკუდილი მიემადლა, არცა სხუაჲ სიმრავლე ორ ბევრი ესეცა
Line of edition: 17     მისდა ცეცხლითა აღსრულებულნი, რაოდენთა მარდონის და მიღდონის, პეტ\რეს
Line of edition: 18     და მოთმინისა ზინონის თანა სწორებით აჩუენეს სურვილი ქრისტეს მი\მართ,
Line of edition: 19     რამეთუ არცაღა წამებისა ღუაწლთაგან მისთა განჴუებაჲ თავს-იდვეს.

Line of edition: 20        ესევითარი ესე მაშინ აღორძინებაჲ ღმრთისმსახურებისაჲ საკჳრველისა
Line of edition: 21     ანთიმოჲს მიერ იქმნა რაჲ, მყის მძჳნვარე რაჲმე ზამთარი აღდგა და უმძაფრე\სი
Line of edition: 22     გრიგალი ეკუეთა ყოველთა ქრისტეანეთა მაკუეთებელად; რამეთუ მაქსი\მიანე
Line of edition: 23     იყო მპყრობელ, რომლისა მიერ დევნულებაჲ მძიმე დიდად აღეტყინა
Line of edition: 24     და ყოველსა ქუეყანასა განეფინა და რომელნიმე იძიებოდეს ქრისტეანეთაგან\ნი,
Line of edition: 25     ხოლო რომელნიმე ივლტოდეს, სხუანი მოიკლვოდეს.

Line of edition: 26        ვინაჲ ყუავილი ესე ღმრთისმსახურებითა ანთიმოს აქაცა ცხად-ყო სათ\ნოებამან
Line of edition: 27     და ესეცა შეისმინა ქრისტეანეთა მეძიებელთა მიმართ აწ სადმე
Line of edition: 28     მღდელთა შორის დიდი მცირედ შემდგომად და მოწამეთაცა.

Paragraph: 4  
Line of edition: 29        4. რამეთუ იქცეოდა იგი დაბასა რასმე შინა თესვითა ღმრთისმსახურები\სა
Line of edition: 30     თესლსა და მრავალწილად განმრავლებითა ტალანტსა სარწმუნოებისასა.

Line of edition: 31        წარავლინნა მაქსიმიანე ცხენოსანნი ოცნი, რაჲთა შეიპყრან იგი და მოიყვა\ნონ
Line of edition: 32     მისსა. ხოლო იგინი მიიწინეს რაჲ სიმანედ, რამეთუ ესე იყო სახელ და\ბისა,
Line of edition: 33     მიემთხჳნეს ანთიმოსს და ვერ შეტყუებითა, ვითარმედ ესე იგი არს სა\ძიებელი,
Line of edition: 34     თჳთ მასვე ანთიმოსს ჰკითხვიდეს ანთიმოჲსთჳს, თუ ვინ არს ანუ
Line of edition: 35     რომელსა დაბასა იქცევის.

Line of edition: 36        ხოლო მან ჯერეთ სტუმრად მიიყვანნა იგინი და სერი დაუგო პურისა
Line of edition: 37     მიერ და ჴნდურისა და, რაოდენი აქუნდა ჴელი და ძალი, განუსუენა Ms. page: B_35r  მათ და
Line of edition: 38     მერმეღა მიუთხრა თჳთ ანთიმოს ყოფაჲ, რომლისა სმენითა კნინღა განყინდეს
Line of edition: 39     იგინი და ვერცაღა ყოვლად მიხედვაჲ ეძლო მჴცეთა მისთა, რამეთუ მოიგო\ნებდეს
Line of edition: 40     ტაბლასა და სერსა და სტუმრობასა, გულად იღებდეს ამასცა, თუ რად
Line of edition: 41     ანუ რაჲსათჳს მიჰყავს იგი მაქსიმიანესსა: ცხად არს, ვითარმედ ძჳრთა დასა\სრულისათჳს
Line of edition: 42     და აღსარებულისა ტანჯვისა, რომელი უფროჲს შეაწუხებდა
Line of edition: 43     სულთა მათთა და ანთიმოჲს მიმართ სირცხჳლითა აღავსებდა. ამას თანა და
Line of edition: 44     რომელ მაუწყებელად კაცისა მის თჳთ მისივე აქუნდა პირი და ვითარმედ
Line of edition: 45     თჳთ იგი არს ანთიმოს, ენით მისით ესწავა, გარნა ნეფსით დაუტევეს იგი და
Line of edition: 46     მიწოდებად აწუევდეს, რამეთუ უწყოდეს, ვითარმედ არაჲ კეთილი შეემ\თხუეოდა
Line of edition: 47     მაქსიმიანესსა მიყვანებითა. ხოლო ჩუენდა კმა-არს, _ ჰრქუეს, _
Page of edition: 71   Line of edition: 1     სიტყჳს-გებად, ვითარმედ ფრიად ვიძიეთ ანთიმოს ყოველთა შორის ნიკომი\დიელთა,
Line of edition: 2     გარნა ვერ უძლეთ პოვნად.

Line of edition: 3        არამედ ღმრთისა მცნებათა წურთითა დიდებული ანთიმოს ჭეშმარიტსა
Line of edition: 4     სიტყუად აწუევდა გულთა შინა ყოველთა და ასწავებდა მათ, ვითარმედ არცა\ღა
Line of edition: 5     მხოლოდ ბაგითა ტყუვილსა თავს-იდებს მის ძლით მათგან, ამას თანა წყუ\რიელობითაცა
Line of edition: 6     ქრისტესთჳს სიკუდილისაჲთა თანა წარჰყვა მათ მიერ და გზაჲ
Line of edition: 7     იპყრა.

Line of edition: 8        ხოლო ფრიად ასწავებდა ღმრთისმსახურებისათჳს და ყოფადთათჳს წარ\მოუთხრობდა.
Line of edition: 9     და ყოველი, რაჲთა რაჲ ძნელ, გინა წინააღმდგომ იყო მათ შო\რის
Line of edition: 10     უღმრთოებისა მიერი, წრფელ და ვაკე ყო და წმიდად მოუმზადა მათ
Line of edition: 11     ურნატი სულთაჲ მარჯუე-ყოფად ღმრთისმსახურებისა თესლისათჳს წინა გან\ფენითა
Line of edition: 12     მათ ზედა ლოცვითა საღმრთოთაჲთა და ეგრეთ ნათელ-სცა მათ მდი\ნარესა
Line of edition: 13     შინა მგზავრ დამთხუეულსა. და კუალადცა წინამდებარე იპყრა გზაჲ,
Line of edition: 14     ვიდრემდის მიიწია ქალაქად და შევიდა მძლავრებრივად დალიჭად უკუღმართ
Line of edition: 15     შეკრული ჴელითა, რამეთუ ესრეთ უჴმდა ღმრთისმსახურებისათჳს, ვითარცა
Line of edition: 16     ძჳრისმოქმედსა ჩუენებად მეფისა, Ms. page: B_35v  ხოლო გონებაჲ ზეცად აღეპყრა, ვინაჲ
Line of edition: 17     შეწევნისა მოსლვასა ესვიდა მისსა.

Paragraph: 5  
Line of edition: 18        5. მაშინ მეფემან წულილადისა ხედვისა მიერ ინება ჩუენებად ანთი\მოჲსსა
Line of edition: 19     სიმწარე განსაცდელისაჲ, რაჲთა დასაბამითგან დაჴსნილ-ყოს იგი.
Line of edition: 20     ამისთჳს პირველად საეროდ წინა დასხმად ბრძანნა ორღანონი სატანჯველთანი
Line of edition: 21     და ეგრეთღა მიუწოდა მას. შენ ხარა, _ ეტყოდა, _ უკ{უ}ანა ქრისტედ სა\ხელდებულისა
Line of edition: 22     მისსა შეცთომილი ანთიმოს, რომელი მრავალთა უგუნურთა და
Line of edition: 23     სუბუქთა კაცთა სწორად შენსა მიიზიდავ საცთურად და ბევრეულთა გინება\თა
Line of edition: 24     დასთხევ ღმერთთა ჩუენთა ზედა?

Line of edition: 25        ხოლო მან სწორებით განიცინნა წინადაგებულთა ორღანოთა და მძლავ\რისა
Line of edition: 26     სიტყუათა ზედა. არცაღამცა მოგიგე შენ, _ ჰრქუა, _ ამათდა მიმართ,
Line of edition: 27     უწყოდე, ჵ მეფე, არა თუმცა საღმრთოჲ და სამღდელოჲ მოძღუარი პავლე
Line of edition: 28     მარწმუნებდა მე მზა-ყოფად ჩუენდა მსწავლელი სიტყჳს მიცემისათჳს ყოვ\ლისა
Line of edition: 29     მთხოველისა, რამეთუ აღუთქუამს ჩუენდა ღმერთსა პირი და სიბრძნე,
Line of edition: 30     რომელსა ვერ უძლონ წინააღდგომად ყოველთა წინააღმდგომთა ჩუენთა, ვი\ნაჲ
Line of edition: 31     მე წინაუწყებითა ფრიადისა სიზრქისა შენისაჲთა გაბრალებ კერპთა საც\თურსა,
Line of edition: 32     ვითარ-ეგე სთქუ, ღმერთთა შენთასა. ხოლო აწ უფროჲს განცხადე\ბულად
Line of edition: 33     ვხედავ უსწავლელობასა შენსა, რომელ ყოვლად წარპარვად ჩემდა
Line of edition: 34     ესევდ და განყენებად ყოველთა დამბადებელისაგან, რომელმან შენცა უმად\ლოსა
Line of edition: 35     თჳსითა პატივ-გცა ხატებითა; რამეთუ რაჲსა შეკრული წარმომადგინე
Line of edition: 36     მე საყდართა წინაშე და სატანჯველთა ორღანონი წინა დამისხენ? ანუ ცხად
Line of edition: 37     არს, ვითარმედ შეშინებად მათ მიერ, რაჲთა ანუ მარწმუნო, ანუ მაიძულო.
Line of edition: 38     გარნა სხუასა ვისმე უმჴნოთაგანსა წინა დაუსხენ ესენი, რომელთა ცხორებაჲ
Line of edition: 39     საწუთოჲ ესე არს გემოვნებაჲ და დიდ ტანჯვა შეურაცხიეს დაკლებაჲ ამათ\გან.
Line of edition: 40     ვითარ-ესე მე თიჴისაჲცა ესე გუამი Ms. page: B_36r  ყოვლისა საპყრობილისასა უმძჳნვა\რესად
Line of edition: 41     შემიცავს, რამეთუ არა უტევებს სულსა ჩემსა წიაღ-სლვად სასურვე\ლისა
Line of edition: 42     მიმართ. ხოლო ქადებანი და გუემანი და ტანჯვანი ვისისა მავლობისასა
Line of edition: 43     არა უსასურველეს ჩემდა კუალისკუალ ქონებითა სიკუდილისა შედგომილე\ბისაჲთა,
Line of edition: 44     რომელი ჴორცთა საკრველთაგან განჴსნითა წარმგზავნის სასურველ\თა
Line of edition: 45     მიმართ.

Page of edition: 72  
Paragraph: 6  
Line of edition: 1        6. ესე რაჲ წარმოთქუნა დიდმან მღდელთმთავრობითა და უმეტესმან
Line of edition: 2     მოწამებითა ანთიმოს, მეფე: გრძელ არიან, _ ეტყოდა, _ მოზრახვანი ეგე,
Line of edition: 3     გარნა იხილნე ამისსა შემდგომნიცა! და თავისა მიმართ თჳსისა იჩურჩნიდა. და
Line of edition: 4     ბრძანა ქვითა ცემაჲ ქედსა მისსა. ხოლო მას შეერაცხა იგი დასაბამად ქრის\ტესთჳს
Line of edition: 5     ღუაწლთა და მიზეზ გჳრგჳნთა მოღებისა, ვინაჲ სიმშჳდით მიითუალ\ვიდა
Line of edition: 6     შემთხუეულთა მისდა წყლულებათა და უსატკივარესთა ეძიებდა, რამე\თუ
Line of edition: 7     უბრწყინვალესთაცა მოელოდდა ღუაწლის შემდგომთა. თანად სადმე ბას\რობით
Line of edition: 8     რეცა ეკიცხევდა მძლავრსა, თანად ვიდრემე სიბორგილისა ალითა უმე\ტეს
Line of edition: 9     აღატყინებდა სულსა მისსა და ვითარცა უსატკივარესთა ტანჯვათათჳს
Line of edition: 10     უფროჲს და უმეტეს აღმაზრზენელი: "ღმერთნი, - იტყოდა, _ რომელთა ცაჲ
Line of edition: 11     და ქუეყანაჲ არა შექმნნეს, წარწყმდენ".

Line of edition: 12        რომელი-ესე საშუალ მაქსიმიანეს გულისა განეწონებოდა, რომელმან
Line of edition: 13     სამშჭუალებითა რკინისაჲთა განჴურვებულითა განუჴურიტნა კოჭნი მოწამი\სანი.
Line of edition: 14     ხოლო მას ფრიად სიტკბოებად შეერაცხა ტანჯვაჲ იგი, ვითარცა მიმ\თხუეულსა
Line of edition: 15     მათდა, რომელთათჳს-იგი სუროდა ქრისტესთჳს, კნინღადა მადლო\ბასა
Line of edition: 16     აღუვარებდა მაქსიმიანეს ტანჯვათათჳს, რამეთუ ესრეთ წყურიელ იყო
Line of edition: 17     ანთიმოს მომადლებად ქრისტესსა.

Line of edition: 18        ხოლო მაქსიმიანე ფრიადითა ფლობითა ჴელმწიფებდა ტანჯვათა ზედა და
Line of edition: 19     მოწამისა სიმჴნესა საგუემელთა სიმძაფრითა ძლევად ძლევისმოყუარებით კე\ცის
Line of edition: 20     ნატეხთა ბრძანა დაფენაჲ Ms. page: B_36v  მიწასა ზედა და ეგრეთ მათ ზედა შიშულივ
Line of edition: 21     განრთხმაჲ მოწამისაჲ და მძაფრიად ცემაჲ კუერთხებითა, რაჲთა მრჩობლ გა\ნეწონოს
Line of edition: 22     სალმობაჲ სულსა მისსა ზედა კერძო წყლულებითა არგანთაჲთა და
Line of edition: 23     ქუეშე კერძო განწონითა მახჳლთაჲთა.

Line of edition: 24        ხოლო იგი არცა აქა განიწირვოდა ძლევისაგან, არამედ ამათ სიტყუათა
Line of edition: 25     ჴმობდა: გმადლობ შენ, მეუფეო მფლობელო საუკუნეთაო, რამეთუ გარე შე\მარტყ
Line of edition: 26     მე ძალი მაღლით და მტერნი ჩემნი დასცენ ზურგით და მოძულენი
Line of edition: 27     ჩემნი მოსრენ და "შეაბრკოლენ ყოველნი აღდგომილნი ჩემ ზედა ჩემ ქუეშე".

Paragraph: 7  
Line of edition: 28        7. გარნა მაქსიმიანე კუალად სხუად მიიცვალა და რვალისა ჴამლნი გან\ჴურვებულნი
Line of edition: 29     ბრძანნა შესხმად მოწამისა, რომელი-ესე იქმნა რაჲ ბრძანებუ\ლისაებრ
Line of edition: 30     და ნეტართა მათ ფერჴთა ფრიად სატკივარნი და სალმობით მოუთ\მენელნი
Line of edition: 31     ცანდალნი შეასხნეს, საღმრთოჲ რაჲმე მადლი ზეგარდამო მოიწია
Line of edition: 32     ახოვანსა მას ზედა და ჴმაჲ მიერ გარდამო უფროჲსად განმაძლიერებელი მისი
Line of edition: 33     ესმა მაუწყებელად ძლევისა და აღმთქუმელად ღუაწლის შემდგომთა. და ვი\თარ
Line of edition: 34     თუმცა ყოვლად არავის ჴელი შეეხო გჳრგჳნშემოსილისადა, რამეთუ ჴმა\მან
Line of edition: 35     მან უმხიარულესად შეცვალა სული მისი და უჰაეროვნესად შეუცვალა სახე
Line of edition: 36     პირისაჲ, ვინაჲ სახარულევანი რაჲმე ღიმილი ბაგეთა მისთა ზედა იქცეოდა
Line of edition: 37     შინაგან გულისა მყუდროებასა მომასწავებელად.

Line of edition: 38        ამისითა ხედვითა მაქსიმიანე განცჳბრდებოდა, ვითარ შეჰგვანდაცა და
Line of edition: 39     რაჲმცა არა, გარნა ეგრეცა ჰბასრობდავე საქმესა მას და გრძნებად უწოდდა და
Line of edition: 40     მიზეზსა იკითხვიდა. ხოლო მართალმან: ტკბილ ჩემდა, _ ჰრქუა, _ წინა შე\სავალ
Line of edition: 41     არიან აქანი, ჵ მეფე, და უტყუველ აღთქუმა ყოფადთა, რამეთუ არა
Line of edition: 42     გრძელად ვამხილო შენთა ცუდმბერველობათა და რომელთა-იგი ღმრთად სა\ხელ-სდებ,
Line of edition: 43     {უ}უძლუ\\რეს Ms. page: B_37r  უფროჲს ყოვლისა კაცობრივისა ძალისასა ვაჩუენნე
Line of edition: 44     იგინიცა, ვიდრემდის შეინანო შენ ჩემდა მომართი განმცდელობაჲ და რომელ
Line of edition: 45     არა ყოვლად მსწრაფლ მცვალებ ჩუენ აქაჲსა ამის ცხორებისაგან არა დამთხუე\ვითად
Line of edition: 46     ზღვევად საჯო.

Page of edition: 73  
Paragraph: 8  
Line of edition: 1        8. ამით მკუეთრ აღძრულმან მაქსიმიანე ბრძანა ურმის თუალსა ზედა
Line of edition: 2     დაკრვაჲ მოწამისაჲ და მის მიერ ზედაჲსზედა ქცევაჲ და ლამპრებითა ცეცხ\ლისაჲთა
Line of edition: 3     განლევაჲ და განდნობაჲ ჴორცთა მისთაჲ.

Line of edition: 4        ვინაჲცა ბრძანებული მაქსიმიანესი საქმე იქმნა და მტარვალნი ჴელთ ქო\ნებითა
Line of edition: 5     ლამპართაჲთა მოადგეს მოწამესა განრთხმულსა ურმის თვალსა ზედა,
Line of edition: 6     ცეცხლმბერველობდეს, ცეცხლმხედველობდეს, ცეცხლი მოაქუნდა ფრიად
Line of edition: 7     უფროჲს ჴელთა ქონებულისა მის ცეცხლისასა, უმჴურვალესად მოტყინარეთა
Line of edition: 8     სულითა მის ზედა, მხოლოდ ალ-ყოფდა მოწამისა არა მგონებელნი. და ვი\თარცა
Line of edition: 9     მახლობელად ურმისა მიიწინეს, ეჰა საკჳრველსაღა შენსა, ქრისტე, კა\ცისა
Line of edition: 10     მის ზედა ძლიერებასა, რამეთუ იგი დადგა ძრვისაგან, ხოლო იგინი ქუე\ყანად
Line of edition: 11     დაეცნეს და ჴელთ ქონებულნი ლამპარნი დასცჳვეს. ხოლო ჴელნი მათ\ნი
Line of edition: 12     უქმ იქმნნეს და უდებებდეს ოჴრებით, ვითარცა ძალისა რაჲსგანმე
Line of edition: 13     დასუ/ლებულნი.

Line of edition: 14        ამათ ზედა რისხვაჲ ეწია მეფესა და ბოროტ უწოდა მტარვალთა და აბრა\ლებდა
Line of edition: 15     უგულებელსყოფასა მისისა ბრძანებისასა და უდებებასა ჴელთა-ში\ნაჲსა
Line of edition: 16     ზრუნვისასა და: ვითარ თქუენ, _ ეტყოდა, _ ესოდენად კადრებად მო\ხუედით,
Line of edition: 17     რომელ უდებებამან წარგტყუენნა თქუენ და ესე უპატიოსნეს დაიდე\ვით
Line of edition: 18     ჩუენისა ბრძანებისასა ვიდრე კერძო სრულიად დატევებადმდე ბრძანე\ბულისა
Line of edition: 19     და მიწოლად ქუეყანასა ზედა, რაჲთა თავნი თჳსნი რაჲთმე მოიმადლ\ნეთ
Line of edition: 20     და მაშურალობასა მისისა ტკივილთა განუსუენოთ.

Line of edition: 21        ჰხედავ, ჵ მძლავრო, რომელ ვერღაცა თავთა ზე აღებაჲ უძლავს, ვერცა Ms. page: B_37v 
Line of edition: 22     ჴელთა ჴუმევაჲ? გარნა უმეცრებდა სადმე ამაოჲ იგი, ვითარმედ საღმრთომან
Line of edition: 23     ძალმან დაშრიტა ძალობაჲ მათი და არა უდებებამან. ვინაჲცა არცა ესრეთ
Line of edition: 24     მიუგეს: ჵ მეფე, არცა ჩუენ მცონარ ვართ ბრძანებათა მიმართ, არა ესრეთ
Line of edition: 25     აღვბორგენით, არცა უდებად მოვედით, არცა ფრიადისა შრომისაგან დაშუ\რეს
Line of edition: 26     ჴელნი ჩუენნი, არამედ საშინელმან რამანმე ხილვამან ესრეთ დამსხნა
Line of edition: 27     ჩუენ ქუეყანად დაკუეთებითა. და აჰა, დაიჴსნნეს მარჯუენენი ჩუენნი და ყოვ\ლად
Line of edition: 28     უძლურ მოკლებულ ვართ. სამნი კაცნი სპეტაკნი ხილვითა, სპეტაკნი სა\მოსლითა,
Line of edition: 29     საშინელნი სახითა გამომიჩნდეს ჩუენ, მწარედ და მძჳნვარედ გუ\ხედვიდეს
Line of edition: 30     და მყის ცეცხლსა ჩუენ მიერ ჴელთ ქონებულისა ლამპრებისათა
Line of edition: 31     ჩუენ ზედა ჰბერვიდეს. ამისსა შემდგომად უბრძანეს მირიდებაჲ ანთიმოჲსგან
Line of edition: 32     და უწოდდეს მას მონად ღმრთისაჲ და ესრეთ დაკუეთებით დამსხნეს ჩუენ,
Line of edition: 33     ვითარ-ესე გუხედავ.

Line of edition: 34        ხოლო ესენი რაჲ ესრეთ მეტყუელებდეს ურთიერთას.

Paragraph: 9  
Line of edition: 35        9. ურემი იგი დადგა ძრვისაგან და ყოვლად მყუდროებდა, ვიდრემდის
Line of edition: 36     მოწამე უმჴურვალესთა მადლობათა შესწირვიდა ღმრთისა და მიერ უმრავ\ლესსა
Line of edition: 37     სიტკბოებასა მოიღებდა.

Line of edition: 38        გარნა მაქსიმიანეს უნდა, რაჲთა მტარვალთა უგუნურებისა და არათუ
Line of edition: 39     მოწამისა ღმრთისა მიმართ კადნიერებისად აჩუენოს საქმე იგი. ამისთჳს შთა\მოიყვანა
Line of edition: 40     იგი ურმის თუალითა, და უკუეთუ არა უგოს, მახჳლითა სიკუდილსა
Line of edition: 41     აქადებდა მას. ხოლო მან უმეტესისა მადლობისა მიზეზ-იდგა შინებაჲ იგი და
Line of edition: 42     მწყობრისა ორ ბევრთა მოწამეთაჲსა მიწევნად ყოვლითა გულითა ღმერთსა
Line of edition: 43     ევედრებოდა, რაჲთა ეყოს მას შემკულებით თქუმად: აჰა, მე და ყრმანი, რო\მელ
Line of edition: 44     მომცნა მე ღმერთმან!

Line of edition: 45        ხოლო მეფე ვინაჲთგან ხედვიდა უფროჲსღა აღსასრულისათჳს ლოცვასა
Line of edition: 46     მისსა: უწყო, _ ჰრქუა, _ ქრისტეანეთაჲ ფრიად დიდებისმბორგელობაჲ და
Line of edition: 47     პატივისმოყუარებაჲ, რაჲთა რასაცა რასმე სახელსა მიემთ\\ხჳნეთ Ms. page: B_38r  წინა ყოფილი\სა
Page of edition: 74   Line of edition: 1     მიერ თქუენგან კადნიერებისა, გსურის უკუანაჲსკნელიცა ყოველთა ძჳრთაჲ
Line of edition: 2     მძლავრ სიკუდილი, გარნა ვერ განიხარო, გეტყჳ, ამის ძლით, არამედ მე შენ
Line of edition: 3     პირველად მრავალთა ტანჯვათა შეგთხიო და ეგრეთღა აწინდელისაგან და\გაკლო
Line of edition: 4     ნათლისა არაღირსი ეგე ესოდენსა გემოვნებასა ესოდენისა საჴმრისა\სა.
Line of edition: 5     და მოწამემან: რამეთუ ვერცა სხუებრ, _ ეტყოდა, _ მომიმზადნე მე მრა\ვალნი
Line of edition: 6     და უბრწყინვალესნი ღუაწლისა შემდგომნი.

Paragraph: 10  
Line of edition: 7        10. რაჲღა ამის შემდგომ! გარნა რკინებითა და ჯაჭუებითა შეკრეს იგი და
Line of edition: 8     ძჳრისმოქმედთა საპყრობილედ მიიყვანეს, სადა-იგი მუნცა ჩუეულებითთა მის\თა
Line of edition: 9     ჰყოფდა ვედრებათა ღმრთისა მიმართ. და მყის განიჴსნა თანად ჯაჭუთა და
Line of edition: 10     საკრველთაგანცა, არცაღა თჳთ იგი მყვანებელნი მისნი შემკრველნი უზიაროდ
Line of edition: 11     მიუშუნა საკჳრველებამან, არამედ იგინიცა პირაღმართ ქუეყანასა აქუნდეს
Line of edition: 12     განცჳბრებულნი საკჳრველითა მით ხილვითა, რამეთუ ზენაჲთ საღმრთოჲ მად\ლი
Line of edition: 13     გარდამოვლო მოწამესა ზედა განმტევებელი მისგან ნათელთა ბრწყინვალე\თაჲ,
Line of edition: 14     რომელმან მიმყვანებელნი-იგი მისნი მტარვალნი რკინისა საკრველები\თურთ
Line of edition: 15     ქუეყანად დაყარნა, რამეთუ ვერცაღა წამ ერთ იტყოდეს თავს-დებასა
Line of edition: 16     მისსა.

Line of edition: 17        ხოლო მოწამემან აღადგინნა. დაიპყართ გზაჲ, _ ჰრქუა, ვიდრემდის მიიწი\ნეს
Line of edition: 18     საპყრობილედ, სადა-იგი ვითარცა სერობად შევიდა მხიარულებით და მო\ნათა
Line of edition: 19     წინა დაუგო პური სარწმუნოებისაჲ. და ესენი რაჲ ისტუმრნა დიდად და
Line of edition: 20     მიუთხრა მათ ღმრთისმსახურებაჲ, ყოვლად საკუთარ და შვილ ქრისტესსა ყვნა
Line of edition: 21     ნათლის-ღებითა.

Line of edition: 22        ესე რაჲ ისწავა მაქსიმიანე თჳსთა ჴელისქუეშეთაგან შეშინებულმან, ნუ\სადა
Line of edition: 23     სხუანიცა მრავალნი დააჭირვნეს, მან კუალადცა წარმოიდგინა მოღუაწე
Line of edition: 24     წინაშე თჳსსა და კუალადცა ჰლოცვიდა ზორვად ღმერთთა თჳსთა, ვინაჲ სა\ღუაწად
Line of edition: 25     საქმისა მღდელობასა უქადებდა მას. Ms. page: B_38v 

Paragraph: 11  
Line of edition: 26        11. ხოლო მან კადნიერებით: არამედ მე მღდელ ვარ, _ პრქუა, _ პირ\ველ
Line of edition: 27     სიტყუათაცა შენთა და მღდელ პირველისა და კეთილისა მწყემსისა და
Line of edition: 28     მწყემსმთავრისა ქრისტესსა, რომელმან არა ხოლო ჩემნი ჴორცნი მიიხუნა და
Line of edition: 29     ჩემდამდე გარდამოჴდა ჩემთჳს, და ესე ღმერთი იყო უნივთოჲ და მიუწუდო\მელი,
Line of edition: 30     არამედ თავიცა თჳსი დაკლა ცხოვართათჳს, იგემა რაჲ ჯუარი და სიკუ\დილი,
Line of edition: 31     და სამ დღე აღდგა და კუალად ზეცად აღვიდა, თანა აღტანებითა ჩემ
Line of edition: 32     ურჩებისა ძლით მიერ გარდამოვრდომილისაჲთა. ამისსა მღდელ ვარ მე და
Line of edition: 33     ამისსა მსხუერპლად მიგურაჲ თავისაჲ წინა აღმირჩევიეს. ხოლო თქუენნი და
Line of edition: 34     თქუენთა, ვითარ-ეგე იტყჳთ, ღმერთნი ღამისა არიან ღირს და ყურეთა გდე\ბულ
Line of edition: 35     წარწყმედისა და განსაცდელისათჳს უფროჲს, ვიდრეღა გინებულ.

Paragraph: 12  
Line of edition: 36        12. ამით ზეშთა აღდუღნა გულისწყრომითა მაქსიმიანე და ბრძანა სი\კუდიდ
Line of edition: 37     განყვანებაჲ მჴნისა ანთიმოჲსი. ვინაჲ მოიყვანებოდა რაჲ მოწამე სი\კუდიდ,
Line of edition: 38     აღმატებულად აქუნდა სიხარული თჳსი ყოფადთა სასოებითა. და
Line of edition: 39     მიიწია ადგიდ, სადა-იგი სიკუდილით ცხორებად წიაღსლვაჲ ეგულებოდა, იძია
Line of edition: 40     ჟამი ლოცვად და მიიღო და დასასრულისა რაჲ ლოცვითა ეზრახა ღმერთსა,
Line of edition: 41     ნეტარ იგი თავი წარეკუეთა სამსა სეკდენბერისა თჳსა. ხოლო მიმწუხრი მოიწი\ნეს
Line of edition: 42     ვინმე მორწმუნეთაგანნი და პატიოსანი გუამი მისი აღიღეს და ღირსებით
Line of edition: 43     ბრწყინვალედ წარგრაგნილი მასვე აღსასრულისა ადგილსა ყოვლად შუენიერე\ბით
Line of edition: 44     დადვეს და ადიდებდეს მამასა და ძესა და თანა სულსა, ერთსა ღმერთეება\სა
Line of edition: 45     და მეუფებასა, რომელსა შუენის ყოველი დიდებაჲ, პატივი და თაყუანის\ცემაჲ
Line of edition: 46     საუკუნეთა უკუნისამდე, ამინ!



Next part


This text is part of the TITUS edition of Hagiographica metaphrastica (Septembris).

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.