TITUS
Metaphrastical Hagiographical Texts ed. by K. Kekelidze
Part No. 4
Previous part

Text: Ioann.Serg.  
Vita Ioannis e monasterio Sergii


On the basis of the edition in
Ḳ. Ḳeḳeliʒe,
Eṭiudebi ʒveli kartuli liṭeraṭuris isṭoriidan III,
Tbilisi 1955,
260-270
electronically prepared by Mari Simonishvili,
Tbilisi, 15.4.2015;
TITUS version by Jost Gippert,
Frankfurt a/M, 16.5.2015


Ms. Kut. (Gel.) 2, 347b-356b


Page of ed.: 260  
Line of ed.: 1  თთუესა მარტსა კბ

Line of ed.: 2  იოსებ მონაზონისა ჭურჭელთმცველისაჲ -- ცხორებისა მიმართ და
Line of ed.: 3  საკჳრველებათა ღირსისა მამისა ჩუენისა იოანნი, წმიდისა სერგის
Line of ed.: 4  მონასტრისა წინამძღუარ-ქმნილისათა


Section: 1  
Line of ed.: 5       1. ყოვლად-სანატრელისა იოანნის მაღლისა და სათნოებია\ნისა
Line of ed.: 6    ცხორებისა სასმენელთა თქუენთა, ვითარცა კეთილისა ტრფი\ალთა,
Line of ed.: 7    შეძინებად გულსმოდგინე ვიქმენ, რათა თქუენდა ვიდრემე
Line of ed.: 8    სარგებელ იყოს მოთხრობაჲ, ხოლო ჩემდა არამცირედი შესაძინე\ლი
Line of ed.: 9    იქმნეს, განწმდეს რაჲ ენაჲ, ცხორებასა წმიდისსა მიითხრო\ბელი.
Line of ed.: 10    ხოლო იგინი ვთქუნე ყოვლითა ჭეშმარიტებითა, რომელნი
Line of ed.: 11    მის სანატრელისა მომთხრობელისაგან მესმნეს და რომელნი თჳსთა
Line of ed.: 12    სახედველთა მიერ მრავალთა წელთა შინა მის თანა აღზრდილმან
Line of ed.: 13    ვიხილენ.

Page of ed.: 261  
Section: 2  
Line of ed.: 1       2. ესე უკუე ყოვლად ქებული, რათა ზემოჲთგანვე მისთჳსნი
Line of ed.: 2    წარმოგითხრნეთ, მშობელთაგან აღმოემორჩა სათნოებიანთა, თეო
Line of ed.: 3    ფილაკტედ და ვასილოდ წოდებულთა, რომელთაგან მან მამამან
Line of ed.: 4    უკუე, ყოველთა კეთილთ-მოქმედებათა მიერ განბრწყინვებულმან,
Line of ed.: 5    იჴუმია აღსასრული ცხორებისაჲ, ხოლო დედაჲ, შემდგომად თანა\მეუღლისა
Line of ed.: 6    აღსასრულისა, დაბისა, რომელსა შინა ეგო, დამტევე\ბელი,-
Line of ed.: 7    ხოლო იყო იგი სააბანოე, ვუკელარიონთა თემისა მეხარ\კე,-
Line of ed.: 8    მთავარანგელოზისა მიქაელის ტაძრად მიიწია, არამრავალთა
Line of ed.: 9    სიშორითა განყოფილსა, და მუნ, მრავალთა წელიწადთა აღმასრუ\ლებელმან
Line of ed.: 10    და მოღუაწებითისა სახისა გარემომომსხელმან, დიდთა
Line of ed.: 11    საზომთა სათნოებათასა მიწევნულმან, ღმრთისა დაიძინა, რომლისა
Line of ed.: 12    წმიდაჲ ნაწილი ესოდენისა მადლისა ღირს იქმნა, ვიდრე ეშმაკთა
Line of ed.: 13    განჴდადმდე და სხჳსა ყოვლისა სენისა სარწმუნოებით მომავალთასა
Line of ed.: 14    განკურნებად. ამათ უკუე ორთა მნათობთაგან აღმობრწყინვებული,
Line of ed.: 15    ვითარცა რაჲ დიდი მზე, საღმრთოჲ იოანნი ელვამოსილთა სათნოე\ბათა
Line of ed.: 16    მისთა მიერ მრავალთა განაბრწყინვებდა, რომლისა თჳთ მას შო\ბასაცა
Line of ed.: 17    საიდუმლოობით რაჲმე თხრობაჲ მოუგიეს. რამეთუ განვიდა
Line of ed.: 18    რაჲ ოდესმე სამღდელოჲ დედაჲ მისი მთად თანამეუღლისა თჳსისა
Line of ed.: 19    ხილვად, მუნ საჴმარებისა რაჲსათჳსმე მყოფისა, და მოიწია ჟამი
Line of ed.: 20    იგი შობისა მისისაჲ, სამ დღე ჴშირთა ლმობათა მიერ შეიცვებოდა.
Line of ed.: 21    ხოლო ყოველთავე რაჲ განწირეს იგი, ვითარცა მოსიკუდიდ გულ\ვებამდი,
Line of ed.: 22    ერთმან ვინმე შემოკრებილთა დედათაგანმან ესევითარი
Line of ed.: 23    რაჲმე მოიღონა: რამეთუ გარეგან სახლისა დადგომილი ჴმითა
Line of ed.: 24    მაღლითა სახელით უწოდდა ვასილოსს, მეტყუელი: "მსწრაფლ
Line of ed.: 25    გამოვედ, ღმრთისმშობელი აქა არს და გიხმობს შენ!" ხოლო მან
Line of ed.: 26    იგრძნა ღმრთისა მის ჴმისაჲ და, მსწრაფლ განძლიერებულმან,
Line of ed.: 27    მწოდებელისა მიმართ მიირბინა, და ვითარ ოდენ მად ადგიდ
Line of ed.: 28    მიიწია, მყის გამოშვა ყრმაჲ.

Section: 3  
Line of ed.: 29       3. ხოლო ყრმაჲ ესე ოთხ წლის იქმნა რაჲ, წმიდათა დღეთა
Line of ed.: 30    შინა ორმეოცთასა არა უპირატეს იგემებდა სზრდელსა პირველ
Line of ed.: 31    ვიდრე მზრდელისაგან საღმრთოდ ტაძრად წარყვანებად და საღმრ\თოთა
Line of ed.: 32    და ცხოველსმყოფელთა საიდუმლოთა მოღებამდე, ეგევი\თარსა,
Line of ed.: 33    ყრმებრივსა ჰასაკსა შინა დღისა მეცხრის ჟამისა დამცველი.
Line of ed.: 34    და აღორძნდა რაჲ და მეოცედ წლად მიიწია, თჳსთა მროწეულ\თა
Line of ed.: 35    მთად მძოვარობასა მათსა მიიწია და კეთილ-შუენიერთა მოწ\ყალებათა
Line of ed.: 36    ჰყოფდა სძისა და ყუელისაგან. ხოლო მთასა შინა,
Line of ed.: 37    სამწყსოსა თანა მყოფი, ეგოდენთა წყაროთა ცრემლთასა განუტე\ვებდა,
Line of ed.: 38    ვიდრე კნინღა მის თანა მტირალობამდე ხეთაცა და კლდეთა,
Page of ed.: 262   Line of ed.: 1    რამეთუ მოეგო ლმობიერებისა მადლი, გულისა სიმდაბლითა
Line of ed.: 2    გან/შუენებული.

Section: 4  
Line of ed.: 3       4. და ვინაჲთგან ვიეთნიმე მკჳდრნი მის დაბისანი ხედვიდეს
Line of ed.: 4    მისთა კეთილთა საქმეთა, განიზრახეს ქორწინებად მიცემად ისა
Line of ed.: 5    ასულთაგან თჳსთა. და ესე რაჲ განიზრახეს, განიხილეს ჟამი, რო\მელსა
Line of ed.: 6    მოიყვანნა მან სამწყსონი და განსუენებად მიიძინა, და,
Line of ed.: 7    ბნელისა ღრმისა ყოფასა, ქალი წარავლინეს მისა მიმართ, რო\მელი-იგი
Line of ed.: 8    შევიდა რაჲ, აღიძარცუნა ყოველნი შესამოსელნი თჳსნი
Line of ed.: 9    და მსწრაფლ სარეცლად ჭაბუკისა მის შევიდა. ხოლო იგი, არარას
Line of ed.: 10    მზრუნველი, მსწრაფლ არდგა და დაწყნარებით მისა მიმართ იტ\ყოდა:
Line of ed.: 11    "რაჲმე არს შენდა, ჵ დედაკაცო, და რად ესევითარსა ჯამსა
Line of ed.: 12    შინა ესრეთ უკდემელად ჩემდა მომართ მოსრულხარ?" ხოლო მან მიმ\გებელმან
Line of ed.: 13    ჰრქუა: "ვისწავე რაჲ მარტოდ ყოფაჲ შენი, მოვედ შენ თანა
Line of ed.: 14    დაწოლად და ჩემთაცა მშობელთაგან მოვლინებული." ხოლო მან
Line of ed.: 15    თქუა მისსა მიმართ: "აწ უკუე დაიძინე მანდამებრ, თუ გნებავს,
Line of ed.: 16    რამეთუ მე არცა შენ თანა, არცა სხუასა დედკაცსა თანა მივი\რეცო
Line of ed.: 17    ოდესცა." და ესე რაჲ თქუა, სულმყრალობამან დიდმან
Line of ed.: 18    მოიცვა იგი, ვიდრე ნებებამდე შინაგანთაცა აღმოგდებად, და
Line of ed.: 19    მკუდარ იქმნა ყოველი სხეული მისი, ვიდრეღა ჰგობნებდა ყოვლი\თურთ
Line of ed.: 20    გარეგან თავისა თჳსისაგან ქმნასა. ხოლო ქალი იგი განთიად
Line of ed.: 21    აღდგა და,თჳსთა მშობელთა თანა მიწევნული, დიდსა ამას საკჳ\რველებასა
Line of ed.: 22    მიუთხრობდა. და წმიდაჲ მიერითგან ეგოდენად უვნე\ბელობად
Line of ed.: 23    მიიწია, ვითარ მრავალგზის გუეტყოდა ჩუენ, ვიდრე
Line of ed.: 24    სწორებით მამათა და დედათა მხედველობამდე და არცა ყოვლი\თურთ
Line of ed.: 25    მიღებად გემოჲსა მგრძნობელობისა.

Section: 5  
Line of ed.: 26       5. ამიერ უკუე ტრფიალებითა დაყუდებისაჲთა მთად განშო\რებულმან
Line of ed.: 27    მრავალნი მამანი შეისწავნა და, თითოეულსა სათნოე\ბასა
Line of ed.: 28    მსწავლელი, სულსა შინა თჳსსა იუნჯებდა მას და, მცირე\დისა
Line of ed.: 29    პურისა და მხოლოჲსა წყლისა კმამყოფელი, დიდთა ძჳრხი\ლულობათა
Line of ed.: 30    მიერ აჭირვებდა წმიდასა ჴორცსა თჳსსა. ხოლო
Line of ed.: 31    მისაძინელად მხოლოდ მცირედსა მაშკსა იჴუმევნ, და იყვის ოდეს\მე-
Line of ed.: 32    რომელ შიშუელი იატაკად მიჰრეცნ თავსა თჳსსა, წინაჲსწარ\მეტყუელებრ
Line of ed.: 33       ითქჳნ: "ცრემლთა მიერ მბანელი ცხედრისა თჳსისაჲ."
Line of ed.: 34    და იყო უფროჲსღა სახილველ წყაროჲსგან წყლისა დაკლებულო\ბაჲ,
Line of ed.: 35    ვიდრე თუალთაგან ისთა დაკლებულობაჲ ცრემლთაჲ. ხოლო
Line of ed.: 36    თუ რაოდენნი განსაცდელნი ღამე და დღე ეშმაკთაგან დაითმინნა,
Line of ed.: 37    ვერ უძლებ აღწერად. რამეთუ არა ხოლო უხილავად, არამედ ხი\ლულადცა
Line of ed.: 38    ეკუეთებოდეს მას ბილწნი იგი, კეთილისა წადიერების
Line of ed.: 39    მისისა გარდაკუეთასა მნებებელნი. ხოლო იგი უმეტე და უმეტე შეუ\რაცხმყოფელი
Page of ed.: 263   Line of ed.: 1    უძლურებათა მათთაჲ, წარმართთა მიმართ უკუე
Line of ed.: 2    მიმდემად მორთხმულ იქმნებოდა. ხოლო "უკუანათა," სამოციქუ\ლოდ
Line of ed.: 3    ითქჳნ. "დაივიწყებდა," რამეთუ ფარიტა სიმდაბლისაჲთა
Line of ed.: 4    დაფარული, მათგან ჴელთუგდებელად იჩუენებოდა. გარნა იგინი
Line of ed.: 5    ეჩუენებოდეს მას ვითარ ღრიანკალნი, და ვითარ გუელნი, და ვი\თარცა
Line of ed.: 6    თაგუნი, და კუთაებრ მძრომალეობდეს და ოცნებასა ათი\თოფერებდეს.
Line of ed.: 7    ამას თანა კაცისა სახისაცა შემმოსელნი, შეცთუნე\ბასა
Line of ed.: 8    ღირსისა მეცადინეობდეს.

Section: 6  
Line of ed.: 9       6. ვინაჲ ერთსა შინა ღამესა, სრულ მთოვარედ მყოფსა,
Line of ed.: 10    წარმოუდგა ვინმე წინაშე კარსა, სასტიკითა ჴმითა "გუაკურთხენისა"
Line of ed.: 11    მჴმობელი, და წმიდამან წარმოიჭჳრა რაჲ, იხილა ვინმე სახედ\ველითა
Line of ed.: 12    ვიდრემე შავი, ხოლო გრძელითა კუკულითა ყოვლითურთ
Line of ed.: 13    გარემოს-დაფარული, დაგულისჴმა-ყო ეშმაკისა მოქმედებად ყოფაჲ
Line of ed.: 14    მისი. და ნიშითა ჯუარისაჲთა ყოვლითურთ შეიბეჭდა თავი თჳსი
Line of ed.: 15    და თქუა მაცთურისა მის მიმართ: "სახელითა იესუ ქრისტეს,
Line of ed.: 16    ღმმრთისა ჩუენისაჲთა, შორად ივლტოდე უცხოქმნულო." ხოლო
Line of ed.: 17    მას ესე რაჲ ესმა, მყის თანად უჩინო იქმნა.

Section: 7  
Line of ed.: 18       7. სხუასა ოდესმე ჟამსა, ცხენითა რაჲ ვიდოდა სანატრელი
Line of ed.: 19    ესე, ვეშაპი ყოვლად დიდი შეემთჴვა, რომელმან იხილა რაჲ ყოვ\ლად-ღირსი
Line of ed.: 20    ესე, მყის დადგა და მისსა მიმართ სილაღით მხედვე\ლობდა.
Line of ed.: 21    ხოლო მან არაშეშინებულმან მისსა მიმართ თქუა: "რასა
Line of ed.: 22    დასდეგ სლვისაგან და ჩემდამო ესრეთ მჰხედველობ?" ხოლო მან
Line of ed.: 23    სიტყჳთა, ვითარ საწერტელითა, გუმერულმან, იწყო წარმართთა
Line of ed.: 24    მიმართ მავალობად, და მცირედ წარვლელი, შთასავალისა მქონე\ბელსა
Line of ed.: 25    კლდესა შინა შთაიმალა. და ღირსი იგი ვიდოდა გზასა
Line of ed.: 26    თჳსსა, ლმობიერებით მადიდებელი უფლისაჲ.

Section: 8  
Line of ed.: 27       8. კუალად ჯდა რაჲ ღირსი ესე და იწურთიდა დავითი\ანთა
Line of ed.: 28    ფსალმუნთა, ბოროტნი ეშმაკნი გუელებად გარდანაკუთულნი,
Line of ed.: 29    რიცხჳთ ცხრანი, პირისპირ მისსა განერთხნეს, შემსჭუალვით მხედ\ველნი
Line of ed.: 30    მისნი. ხოლო მან ნიშითა ჯუარისაჲტა მყის თანად იოტნა
Line of ed.: 31    იგინი. ხოლო ღამე რაჲ იქმნა, ცხენებრ მჴჳვანობაჲ ისმოდა მთასა
Line of ed.: 32    შინა, რომლისა მიმართ წმიდამან თქუა: "მოვედ, გნებავს თუ,
Line of ed.: 33    რამეთუ აქა მრავალნი ჰპოვნე საჭმელად შენდა ქრთილნი." ხოლო
Line of ed.: 34    იქმნა რაჲ დღე, ეგოდენითა სულმყრალობითა აღსავსეობდა ადგი\ლი
Line of ed.: 35    იგი, ვიდრე სამ დღე ფრიად შეურვებადმდე ყოვლად-სანატრე-ლისა
Line of ed.: 36    მის.

Section: 9  
Line of ed.: 37       9. კუალად სხუად ოდესმე მწოლარეობდა რაჲ ღირსი ესე,
Line of ed.: 38    გამოუჩნდა ეთიოპი ვინმე ყოვლად-მყრალი, ყოვლით კერძოჲ
Line of ed.: 39    სხეულისაჲთ წუთხისა მადინებელი და მძიმისა სულყრალობისა
Page of ed.: 264   Line of ed.: 1    განმტევებელი, რომლისა მაჭენებელი სანატრელი იგი შორად გან\ჰჴდიდა.
Line of ed.: 2    ხოლო მან მიუგო მას: "მე გულთა შინა ყოველთასა ვჩან
Line of ed.: 3    ტკბილად და შუენიერად და მხოლოდ სულსა შინა შენსა ვე
Line of ed.: 4    უძლე შესავალისა პოვნაჲ, არამედ ყოვლადვე ესრეთ მდევნი მე
Line of ed.: 5    მოძულებულსა." და ესე რაჲ თქუა, უჩინო იქმნა.

Section: 10  
Line of ed.: 6       10. სხუად ოდესმე შავი ვინმე შიშუელი გამოუჩნდა მას,
Line of ed.: 7    ყოველსავე სხეულსა შორის თჳსსა დამოკიდებულად მქონებელი
Line of ed.: 8    გუელთა და მყუართაჲ, და ღირსისა მიერ კითხულ იქმნა რაჲ თუ
Line of ed.: 9    "ვინმე არს იგი," მიუგო: "მე ვარ ყრმათ მხრწნელობისა და ყოვლისა
Line of ed.: 10    სხჳსა არაწიდებისა მიმართ მასწრაფებელი კაცთაჲ." ხოლო მან,
Line of ed.: 11    ნიშსა ჯუარისასა ზედდამბეჭდველმან მისან, უჩინო ყო იგი.

Section: 11  
Line of ed.: 12       11. კუალად დგა რაჲ ღირსი ესე მეექუსესა ჟამსა დღისასა
Line of ed.: 13    და დიდების მეტყუელებასა ღმრთისა აღავლენდა, გამოჩნდა წინაშე
Line of ed.: 14    მისსა, ვითარცა კუჲ რაჲმე დიდი, მქონებელი ოთხისა გინა ხუთისა
Line of ed.: 15    მტკავლისაჲ სივრცით, და ჰგონა უკუე, ვითარმედ ნუსადა ჭეშმა\რიტებით
Line of ed.: 16    კუჲ არს. ვინაჲ იტყოდა ეგევითარისა არაოდეს ხილვასა,
Line of ed.: 17    და მცირედ გულისმსიტყუელმან თქუა თავსა შორის თჳსსა: "წუთღა
Line of ed.: 18    წარვიდე და მსახურებაჲ ჩემი უშფოთველად ვყო." და ვითარცა
Line of ed.: 19    წარვლო მიერ მშჳლდის ნატყორც ოდენ და მხოლოდ იწყო ფსალ\მუნებად,
Line of ed.: 20    კუალად კუჲ იგი იხილა წინაშე მისსა, ვინაჲ იწყო ბო\როტისა
Line of ed.: 21    ეშმაკისა მიმართ მეტყუელებად: "აჰა საარებელო, ესრეთ
Line of ed.: 22    შესატყჳს არს შენდა, რათა დაუტევენ ქცევანი ცისა შინანი და
Line of ed.: 23    კუთა და გუელთა მიმსგავსებაჲ ინებე უპატიოდ თრეულმან ქუე\ყანასა
Line of ed.: 24    ზედა." და დამბეჭდველმან უკუე მისმანცა, სრულიად უჩი\ნოებად
Line of ed.: 25    წარავლინა იგი.

Section: 12  
Line of ed.: 26       12. არამედ რად საჴმარ არს ღირსისადა მტერისა მიერ
Line of ed.: 27    შემთხუეულთა განსაცდელთა ყოველთავე შთამოთქუმაჲ, ურიცხუად
Line of ed.: 28    მყოფთაჲ, და მათ-ძლით ჟამისა აღლევაჲ და მოთხრობისა სიმაძღ\რესა
Line of ed.: 29    შექმნაჲ? მოვედ უკუე ღმრთისაგან მისდა მოცემულთა ნიჭ\თაგანთა
Line of ed.: 30    მცირედთა სიტყჳთ განმაშიშულებელთა ნეშტნი დაუტევ\ნეთ
Line of ed.: 31    გრძელმეტყუელებისა-ძლით. ზამთარი იყო, ფრიად უმძიმესი
Line of ed.: 32    ზამტართაჲ, რამეთუ იგი ღირსისა დედის მისისა თანა, ჯერეთ
Line of ed.: 33    ცხორებასავე შინა მყოფისა. მთავარანგელოზისა ტაძარსა შინა
Line of ed.: 34    მჯდომარეობდა მთასა ზედა. ხოლო წარმოდგა რაჲ დღესასწაული
Line of ed.: 35    წმიდათა ღმრთის-გამოჩინებათაჲ,არა იყო მღდელი, რომელმანცა
Line of ed.: 36    უსისხლოჲ მსხუერპლი და განწმედაჲ წყლისაჲ ყო მათთჳს, რამეთუ
Line of ed.: 37    სიდიდესა თოვლისასა ყოვლისა აღსლვად მნებებელისად უვალ იყო
Line of ed.: 38    გზაჲ. ხოლო იგინი მწუხარეობდეს რაჲ ამისთჳს, თქუა სანატრე\ლისა
Line of ed.: 39    მიმართ ღირსმან დედამან მისმან: "შვილო ჩემო, მჴედრო\ბათ-მთავრისა
Page of ed.: 265   Line of ed.: 1    ჯუარისა აღმღებელმა, სამგზის დაბეჭდე წყალი,
Line of ed.: 2    სახელმდებელმან წმიდისა სამებისამან, და უეჭუელად იყოს ჩუენ\დაცა
Line of ed.: 3    სიწმიდე, არა უდარეს ჟამსა ამას მწუხრისასა ყოველსა
Line of ed.: 4    სოფელსა ზედა ქმნად გულვებადისაჲ." ხოლო იგი, ჯერეთ ერის\კაცად
Line of ed.: 5    მყოფი, განერჩეოდა ამისსა ქმნასა, გარნა, ეგრეთცა დედისა
Line of ed.: 6    მიერ იძულებულმან, აღასრულა ბრძანებული, ვნაჲ უკუე ყოველ\ნივე
Line of ed.: 7    იგი წყალნი, ქვებრ ნეფხვისაგან შეჰყინდეს რაჲ ღამესა მას,
Line of ed.: 8    მხოლოდ განწმედილი იგი წყალი ტფილად პოვნილ იქმნა განთიად,
Line of ed.: 9    და ამით გულსავსე ყვნა იგინი სულისა მადლმან, ვითარმედ არა
Line of ed.: 10    უნაწილოდ დაშთეს კურთხევისაგან.

Section: 13  
Line of ed.: 11       13. ხოლო ვინაჲთგან მრავალგზის მთად განშორებული
Line of ed.: 12    დაყუდებასა შინა ტრფიალებით ემზრახვალებოდა ღმერთსა, შე\ემთხჳა
Line of ed.: 13    მას, მცირედისა ქუაბისა მპოვნელსა, კმასაყოფელსა. და
Line of ed.: 14    სახიერმან უკუე უფლმან მიუვლინა მას ნუგეშინისა საცემელად
Line of ed.: 15    სირი, რომელი-იგი მჭამელისა თანა მჭამელობდ, და მიიძინის რაჲ,
Line of ed.: 16    თავით კერძო მჯდომარე, ზედმომავალთა მწერთა იოტებდ. და
Line of ed.: 17    ოდესმე მცირედი გუელი გამოძრომილი ღირსისა მის მძინარის
Line of ed.: 18    მიმართ ვიდოდა. ხოლო სირი იგი, მხილველი მისი, სრბით მიე\გება
Line of ed.: 19    მას და ზესთა გუელის თავისა მფრინვალე, ემბრძოლებოდა
Line of ed.: 20    მას და ჴმითა განუტევებდა, ვითარ ჰგავს ღირსისა განღჳძებასა
Line of ed.: 21    მნებებლი, რომელთაჲ ესმა რაჲ ნეტარსა მას, აღდგა და ორთა\ვე
Line of ed.: 22    მიერ აღსრულებულნი ისწავნა და ცრემლითა აღვსებული
Line of ed.: 23    ღმერთსა ადიდებდა, და გუელი ვიდრემე მოაკუდინა, ხოლო კეთი\ლისა
Line of ed.: 24    მას მცველისა თავსა შორის თჳსსა მქონებელი, სულითა
Line of ed.: 25    მხიარულებდა.

Section: 14  
Line of ed.: 26       14. ხოლო ჟამის დაყოვნებასა მისსა ქუაბსა მას შინა წარ\მოდგა
Line of ed.: 27    ჟამი სთუელისაჲ, და შემდგომად არამრავლისა იწყო თქუ\მად
Line of ed.: 28    თავისა თჳსისა შორის: "ნუ შესრულებულ-მეა სთუელი, ანუ
Line of ed.: 29    ჯერეთ ტევანნი ვენაჴთა შინა დამოკიდებულობენ, მათგანისა მისა\ღებელობისა
Line of ed.: 30    ღირშთადა მიმმადლებელნი?" ამათ რაჲ იგი გულის\მსიტყუელობდა,
Line of ed.: 31    მცირედისა შემდგომად იხილა კაცი იქი-აქ მი\მომცთომელი
Line of ed.: 32    და ვითარ გზისა არაყოფასა მძჳნვარედ შეჭირვებული
Line of ed.: 33    და შემწყალებელმან მისმან ჴმა-უყო მისლვად მისა მომართ. ხოლო
Line of ed.: 34    იგი მოსრული ფერჴთა წმიდისათა შეუვრდებოდა. და ჰკითხა მან
Line of ed.: 35    თუ რაჲსა-ძით ეგევითარსა უვალსა ადგილსა მიიწია. ხოლო მან
Line of ed.: 36    მიუგო მეტყუელმან: "ვიდოდი მე გზასა შინა ამის კალათისა ყურძ-ნითა
Line of ed.: 37    ვიპოვე საშუალ სერტყთასა შეცთომილი, ვითარცა მიხილე. გარნა,
Page of ed.: 266   Line of ed.: 1    ვითარ ჰგავს, ღმერთმან მომავლინა მე შენთჳს, მონისა მისისა,
Line of ed.: 2    ვითარმცა მარტოდ მჯდომარისა და ყოვლისა ნუგეშინისცემისა
Line of ed.: 3    გარეგან მყოფისა, წინაგიყვენ შენ ყურძენნი." ხოლო კაცმან მან
Line of ed.: 4    ღმრთისამან მიუთხრობელსა ნიჭსა ზედა ღმრთისასა იცრემლოა და
Line of ed.: 5    მრავლად ულოცა კაცსა მას და განუტევა.

Section: 15  
Line of ed.: 6       15. ხოლო მიერ სხუად მთად მიიწია დღეთა წმიდათა ორ\მეოცთასა
Line of ed.: 7    და ქმნილთა მისდა საღმრთოჲთა გამოცხადებითა ნა\წილნი
Line of ed.: 8    წმიდისა მოციქულისა ფურტუნატესნი, მრავალწელ დაფა\რულნი,
Line of ed.: 9    გამოაჩინნა, რომელნი მუნ მისრულთა ყოველთავე კურნე\ბათა
Line of ed.: 10    უწყაროოდეს. მერმეცა უკუე ჯუარიცა ყოვლად შუენიერი,
Line of ed.: 11    მიწისა შინაგანთაჲთ აღმოცენებული, მასვე დღესასწაულსა პასე\ქისასა
Line of ed.: 12    პოვა, მრავლისა სურნელებისა გამომცემელი და ვითარ
Line of ed.: 13    ახლად საჴუმილით საჩინოჲსაებრ გამოსრული. და სხუათაცა მრა\ვალთა
Line of ed.: 14    ნაწილთა წმიდათასა ამიერ-ამიერ მიმომავალი გამოაჩი\ნებდა,
Line of ed.: 15    ვინაჲთგან წმიდანი სიყუარულით მისდა, ვითარცა ჭეშმა\რიტებით
Line of ed.: 16    წმიდისადა, შედგომილობდეს. არამედ კოსტანტინუპო\ლისცა
Line of ed.: 17    შინა, ტაძარსა შინა წმიდისა სერგისსა, მრავალთა წელთა
Line of ed.: 18    დაფარულნი ნაწილნი ამანვე გამოაჩინნა, რომელნი-იგი დრკუთა
Line of ed.: 19    ვიეთმე კაცთა ეგრეთ უპატიოდ მიწისა ქუეშე დაეფარნეს.

Section: 16  
Line of ed.: 20       16. ესრეთ უკუე ოდესმე მიმომრორინეობდა რაჲ მთასა
Line of ed.: 21    შინა, სულნელებაჲ რაჲმე საღმრთოჲ შეიწყნარა, რომელსაცა შე\უდგა
Line of ed.: 22    და ღმრთისა წინამოურნეობითა ქუაბი მცირედი პოვა, რო\მელსა
Line of ed.: 23    შინნა იხილა წარმომჭჳრობელად მონაზონი ვინმე, ანგელო\ზებრივისა
Line of ed.: 24    სახისა მქონი, რომელსა მრავალნი წელნი დაეყვნეს მას
Line of ed.: 25    შინა, და უცნაურ იყო ყოველთაგან, და პირსა ზედა უკუე დაცემული,
Line of ed.: 26    ლოცვისა მიცემად ევედრებოდა, ვინაჲ აკურთხა რაჲ იგი, აღადგინა
Line of ed.: 27    და რაჲთგან წინაჲსწარმხილველობისა მადლითა შემკობილობდა,
Line of ed.: 28    მრავალსა რას ეზრახა მას საკჳრველი იგი, და საკჳრველებად დიდად
Line of ed.: 29    აღძრა გული ღირსისა ამის. ჰკითხა უკუე მას, თუ "რაოდენნი წელნი
Line of ed.: 30    ჰქონან მუნ მჯდომარესა?" და მან ჰრქუა, ვითარმედ: "მრავალნი
Line of ed.: 31    ვიდრემე წელნი მქონან აქა, ხოლო ერთსა ვისმე მხოლოდ აქუს
Line of ed.: 32    ჩუეულებაჲ, რომელი მცირედსა პურსა, ერთ ან ორგზის წელი\წადსა
Line of ed.: 33    შინა მოსრული, მომართუამს მე; და ღმრთისა მიერ დაფა\რული,
Line of ed.: 34    არავის მთასა ამას შინა შემოსრულთაგანსა მიე ხილულ
Line of ed.: 35    ვარ მე, თჳნიერ ხოლო მნებებელმან გიხილე შენ წინაისწარმხედ\ველმან
Line of ed.: 36    სულისა შენისა კეთილნათესაობისამან". მიერითგან უკუე
Line of ed.: 37    ჩუეულქმნილი ისა სანატრელი იოანნი წარვიდოდა და მისგან
Line of ed.: 38    აღმომდინარით სარგებელით მდიდრად განაღებოდა. ამან უკუე
Line of ed.: 39    ნეტარმან საბა, რამეთუ ესე იყო სახელი მისი, კონსტანტინუპოლიდ
Page of ed.: 267   Line of ed.: 1    შესლვაჲცა წინაჲსწარმოუმცნო ღირსსა და წმიდისა სქემისა შემო\სასა
Line of ed.: 2    მუნ ღირსყოფაჲ, რომელი ჩუენ მდაბალთა მომართ რაჲ იქმნა,
Line of ed.: 3    ყოველნივე ესე მოგჳთხრნა, და მარტოობითისა ცხორებისა სახე
Line of ed.: 4    წმიდაჲ შუენიერებით შეიმოსა.

Section: 17  
Line of ed.: 5       17. მიერითგან უკუე ჩუენდაცა ჩუეულქმნილი, ერთ გზის
Line of ed.: 6    წელიწადსა შინა მოვიდოდა, რომლისა მიერ ქალაქის შინათა მრა\ვალთადცა
Line of ed.: 7    საცნაურ იქმნა, სულიერისა სარგებელისა გარდამცემელი
Line of ed.: 8    მათი. და ოდესმე უკუე ძმამან ვინმე, ჩემდა მომართ მოსრულმან,
Line of ed.: 9    თჳსნი გულის სიტყუანი ზოგად მიყვნა, მომცემელმან ჩემდა დრაჰ\კანთაცა
Line of ed.: 10    ათთამან, რათა განუყენე იგი გლახაკთა. ხოლო მე, სანატ\რელისა
Line of ed.: 11    იოანნის მომწოდებელმან, იგი ვიდრემე საქმე საჩინოდ
Line of ed.: 12    არა მიუთხარ მას, არამედ ვევედრე ლოცვისა ყოფად ძმისა მისთჳს,
Line of ed.: 13    ათთა მათ დრაჰკანთა მიმცემელმან მისან, რათა მისცნეს იგინი
Line of ed.: 14    მოქენეთა, რაჟამს განვიდეს იგი გარე. და გარდა-რაჲ-ჴდა ღამე
Line of ed.: 15    იგი, მოვიდა ჩემდა მომართ განთიად ღირსი ესე, მეტყუელი: "ჵ,
Line of ed.: 16    მამაო, ნუ უკუე ძმაჲ იგი, რომლისათჳს მევედრე მე, მონაზონებისა
Line of ed.: 17    სახითა შემოსილი იყოა; რამეთუ ესევითარი ვიხილე ფრიად ღრმად
Line of ed.: 18    მთხრებლად მყოფი, რომელსა მიეც ჴელი და აღმოიყვანე და
Line of ed.: 19    კლდესა მტკიცესა ზედა დავადგინე, და უწყოდე, ვითარმედ მის\ძლით
Line of ed.: 20    მთხოელნი შესმენილ ვიქმნენით." ხოლო მე ესე რაჲ მესმა
Line of ed.: 21    და ვცან ჭეშმარიტებით ესრეთ ყოფაჲ ამისი, ვადიდე ღმერთი,
Line of ed.: 22    მოშიშთა მისთა ნების მყოფელი.

Section: 18  
Line of ed.: 23       18. მოვიდოდა რაჲ ოდესმე ღირსი ესე, დედაკაცი ვინმე
Line of ed.: 24    გზასა ზედა შეემთხჳა, სულისა ბოროტისა ასოთა შორის თჳსთა
Line of ed.: 25    დაფარულად მქონებელი, და იწყო ვედრებად ისა მეტყუელმან:
Line of ed.: 26    " შემიწყალე მე, მამაო, უბადრული ესე, და მომცველისა ღელვისაგან
Line of ed.: 27    განმარინე," რომლისა მიმართ წმიდამან თქუა:"რაჲ გიყო, შენ,
Line of ed.: 28    დედაკაცო, ჩემდა გზასა ამას შემთხუეულსა? უკუეთუმცა იყავ
Line of ed.: 29    მპოვნელ ჩემდა სენაკსა შინა, დაცამესხნეს შენ ზედა წმიდანი
Line of ed.: 30    ნაწილნი, რომელნი მქონან, და ნუუკუე ღმერთიმცა მოწყალე
Line of ed.: 31    ქმნილ იყო შენ ზედა." ხოლო იგი ევედრებოდა მეტყუელი: "აქაცა
Line of ed.: 32    მყოფსა, პატიოსანო მამაო, გაქუს, უკუეთუ გნებავს." ხოლო მან
Line of ed.: 33    ჰრქუა მას: "რაჲ არს, რომელი მაქუს აქა?" და მან ჰრქუა: "გაქუს
Line of ed.: 34    სიტყუაჲ, ესე გულსმოდგინებით მასესხე მე, და კურნებასა მივემ\თხჳო,"
Line of ed.: 35    ხოლო მან მისსა მიმართ, ვითარ მისმან წარმდევნელმან,
Line of ed.: 36    თქუა: "აჰა წარვედ, და ყვენ ღმრთისა სმასნი მუჴლთ-მოდრეკანი!"
Line of ed.: 37    და ესენი რაჲ ჰრქუნა, თანა-წარჴდა. და შემდგომად თითოეულისა
Line of ed.: 38    დთეთაჲსა შეემთხჳა მას დედაკაცი იგი და ჴმათა სამადლობელთა
Line of ed.: 39    შესწირვიდა ღმრთისა, რომელსა მიუგო მან ვითარმედ: "რომელი
Page of ed.: 268   Line of ed.: 1    სარგებელი მიიღე ჩემგან, რომელ ესევითართა სიტყუათა იტყჳ
Line of ed.: 2    ჩემდა მომართ?" ხოლო მან ცრემლით მიუგო: "ჟამსა მას, რომელსა
Line of ed.: 3    შენ მიერ განსაზღვრებულნი მუხლთ-მოდრეკანი ვყვენ, მამაო,
Line of ed.: 4    ოფლი რაჲ მრავალი შემექმნა მე, ვცნობდ ბოროტისა მის სულისა
Line of ed.: 5    ჩემგან განჴდილობასა და ყოვლისა ჴორცისა ჩემისაგან სახედ ქა\რისა
Line of ed.: 6    განდევნილობასა." ხოლო თქუა მისსა მიმართ სანატრელმან:
Line of ed.: 7    "წარვედ და ღმერთსა ჰმადლობდ, რამეთუ იოანნი არარაჲ გარგო
Line of ed.: 8    შენ, ცოდვილად და ფრიად საარებლად მყოფმან." და ამან უკუე
Line of ed.: 9    დედაკაცმან ესევითარი ქველისმოქმედებაჲ მიიღო მართლის ამის
Line of ed.: 10    მიერ.

Section: 19  
Line of ed.: 11       19. ხოლო სხუაჲ დედაკაცი მოყვანებულ იქმნა მისა ტაძარსა
Line of ed.: 12    შინა მჴედრობათ-მთავრისასა, სულითა ბოროტითა შეპყრობილი,
Line of ed.: 13    რამეთუ ყოველი სხეული ერთობით, ვითარ სათქუმელ არს, კნინღა
Line of ed.: 14    მოწყლულად აქუნდა, რომელსა ფრცხილებითა თჳსითა დამფხუ\რელი,
Line of ed.: 15    ჴორცთაცა წუთხის თანა ქუეყნად დაჰყრიდა, რომელი ესე
Line of ed.: 16    მიითუალა ღირსმან ამან და, შიშუელად დამადგინებელმან, წყლითა
Line of ed.: 17    გრილითა თჳსთა ჴელთა მიერ განბანა რაჲ იგი, იქმნა საკჳრვე\ლებაჲ,
Line of ed.: 18    ყოველთა საცნობელთა განმაცჳბრებელი, რამეთუ, ვითარ
Line of ed.: 19    სახედ ნაქურცენნი, განეყარნეს წყლულებანი იგი სხეულისანი და
Line of ed.: 20    მრთლად დაუტევეს დედაკაცი იგი, და მათთანა მსწრაფლ ლოც\ვითა
Line of ed.: 21    წმიდისაჲთა განეშორა ეშმაკიცა.

Section: 20  
Line of ed.: 22       20. და სხუაჲცა დედაკაცი, ძუძუსა ზედა კარკინოისა მქო\ნებელი,
Line of ed.: 23    მესამედ ცხებითა ზეთისაჲთა მრთელ-ყო, და ენაბრგუაჲ
Line of ed.: 24    ყრმაჲ, ვითარ ათორმეტთა წელთაჲ, ამბორის-ყოფითა თჳსითა
Line of ed.: 25    მართლმეტყუელად განჰმზადა. და თჳთ მეცა მრავალთა წელთა
Line of ed.: 26    ნაწლევთა შორის ტკივილი შექმნილი შეხებითა ჴელისაჲთა მყის
Line of ed.: 27    განმიკურნა.

Section: 21  
Line of ed.: 28       21. მეთევზურთა ვიეთმე, სანღარისა მდინარისა მონადი\რეთა
Line of ed.: 29    და სანადიროჲსა ყოვლად ყოვლითურთ მიუმთხუეველთა,
Line of ed.: 30    მეცნიერ იყო წიდაჲ მამაჲ ჩუენი იოანნი, რომელთა მთაჲ იგი
Line of ed.: 31    მიმოიკულიეს რაჲ, ძნად შეუძლეს პოვნაჲ მისი და ევედრნეს და
Line of ed.: 32    მდინარედ მიმართ შთაიყვანეს იგი ღამე და, ბადის საბლისა
Line of ed.: 33    მარწმუნებელნი მისნი, ესვიდეს ლოცვასა მისსა მიმთხუევად მდი\დარსა
Line of ed.: 34    სანადიროსა, რომელი ესე იქმნაცა, რამეთუ ვიდრე განთი\ადადმდე
Line of ed.: 35    ათნი დიდნი თევზნი შეაწყუდინეს, რომელთა ჩუეულებაჲ
Line of ed.: 36    არს ჩუენ შორის ზუთხად წოდებაჲ, სამასეულთა გინა ოთხასეულთა
Line of ed.: 37    ლიტრათა საწონსა მქონებელნი; და ამათცა ესევითარი მადლი
Line of ed.: 38    მიიღეს ღირსისა ამის მიერ. ხოლო სხუამან მეთევზემანვე, ზღუასა
Line of ed.: 39    შინა მეთევზურმან და მრავალჟამ თევზობისა მიუმთხუეველმან,
Page of ed.: 269   Line of ed.: 1    ლოცვაჲ ითხოვა ღირსისა ამისგან და, მი-რაჲ-ვიდა და სამჭედური
Line of ed.: 2    ზღუად შთაუტევა, აღმოიღო დიდი თევზი, რომელი თავით თჳსით
Line of ed.: 3    შევიდა ნავად, და ყოველთავე მისცა გულისჴმის-ყოფაჲ, ვითარმედ
Line of ed.: 4    არა ჴელოვნებისა, არამედ წმიდისა ლოცვათა მიერ მოინადირა.

Section: 22  
Line of ed.: 5       22. შეემთხჳა ოდესმე, დადგომასა ზამთრისასა, მწუხრ
Line of ed.: 6    მთასა შინა მყოფსა ღირსსა ამას, ხესა რაჲსმე ქუეშე ცეცხლისა
Line of ed.: 7    აღმმაგზებელსა, მტფობელობაჲ, რომელსაცა ავაზაკნი, რიცხჳთ
Line of ed.: 8    სამნი, ზედამოადგეს. და საუკუნოჲსა ამის არარაჲს მქონებელად
Line of ed.: 9    რაჲ იხილეს, თანადასხდომილნი ტფებოდეს და საჴმართაგან, რომელ
Line of ed.: 10    მოაქუნდეს, გამომღებელნი, სერობად აწუევდეს; გარნა მან იჯმნა
Line of ed.: 11    ამისგან სერობის-ზედაჲსა გალობისა აღსრულებისა ძლით. შემდ\გომად
Line of ed.: 12    ჭამისა მათისა დაცხრომისა აღდგა რაჲ და ჩუეელებითსა
Line of ed.: 13    წესსა თჳსსა იწყო, აღდგეს უკუე იგინიცა და იწყეს მუჴლისა
Line of ed.: 14    დრეკად და ცემად მკერდსა და ევედრებოდეს ღმერთსა შენდობად
Line of ed.: 15    მათდა, რაჲ-იგი განთიად ბროტად იქმოდეს. ამისა შემდგომად
Line of ed.: 16    იწყეს წმიდისსა სიტყუად: "ჵ, მამაო, რაჲ ვყოთ უბადრუკთა ამათ,
Line of ed.: 17    რომელთა მრავალნი კლვანი და ყოვლითურთნი ბოროტნი ვიოქ\მედენით?"
Line of ed.: 18    ხოლო მან ამცნო რაჲ მათ პირველით ბოროტით განყე\ნებაჲ
Line of ed.: 19    და ნეშტად სინანულით შევრდომაჲ ღმრთისაჲ, მრავლისა
Line of ed.: 20    სარგებელისა მომატყუებელ ექმნა მათ, რამეთუ მიერითგან დაე\ცადნეს
Line of ed.: 21    იგინი მძჳნვარეთა მათ სიმარჯუეთაგან, რომელ მოეგნეს,
Line of ed.: 22    ვიდრეღა ერთი მათგანი მოუჴდა მონაზონთა და წმიდითა სქემითა
Line of ed.: 23    შემკობილ იქმნა მათ მიერ.

Section: 23  
Line of ed.: 24       23. ამიერ უკუე ყოვლადმშჳდმან მან მეფემან ბასილი
Line of ed.: 25    ისწავნა რაჲ მის-ძლითნი საქმენი მრავლად მაიძულებელმან მისმან,
Line of ed.: 26    წინამძღურად მონასტრისა წმიდათა სერგის და ვაკხოჲსსა დაად\გინა
Line of ed.: 27    იგი, რომელსა შინა მრავალნი რაჲ წელნი დაყვნა, მის მიერ
Line of ed.: 28    შემტკიცებულად წმიდისა დიომიდეს მონასტრად გარდაცვალა იგი,
Line of ed.: 29    რომელსა შინა მცირედ მცხორებელმან და სენითა რაჲთმე სხეუ\ლისაჲთა
Line of ed.: 30    შეპყრობილმან დასასრული ცხორებისაჲ მიითუალა,
Line of ed.: 31    მეათხუთმეტესა მარტისა თთჳსასა მიძინებულმან სიბერესა შინა
Line of ed.: 32    კეთილსა და სულიერსა და სრულსა შინა ჰასაკსა ქრისტეს
Line of ed.: 33    სავ/სებისასა.

Section: 24  
Line of ed.: 34       24. ესე მრავალთაგან მცირედნი კადნიერების მჴუმეველთა
Line of ed.: 35    აღჳწერენით, არა უკუე უმეცართა, ვითარმედ არა გუაქოს სიტ\ყუაჲ,
Line of ed.: 36    შესწორებული წმიდისა ამის ცხორებისაჲ, არამედ ძალისა\ებრი
Line of ed.: 37    გულსმოდგინებაჲ შემოვართუთ ამისისა ტანამდებობისა მქო\ნებელთა
Line of ed.: 38    თანაწარუვალად და მეცნიერთა, ვითარმედ მრავალსა
Line of ed.: 39    სარგებელსა მოატყუებენ თქუმულნი არა სივრცითა სიტყუათაჲთა
Page of ed.: 270   Line of ed.: 1    და კარგგამომთქუმელობითა, არამედ გუართა სიკეთითა სიტყჳს
Line of ed.: 2    პირისა მიზეზ-ქმნილისაჲთა. ხოლო შენ, ჵ ნეტარო და ღირსო
Line of ed.: 3    ანგელოზებრივისა მწყობრმდგომობისა, რომელმან კეთილად იმსრ\ბოლე
Line of ed.: 4    მოღუაწებითისა მოქალაქობისა სარბიელი და შენდა რწმუ\ნებული
Line of ed.: 5    ტალანტი მრავალ წილ ჰყავ; რომელი დაჰმდაბლდი ქრის\ტესთჳს
Line of ed.: 6    და სიმაღლედ სისრულისა აღიყვანე; რომელი დაჰგლახაკდი
Line of ed.: 7    და საღმრთოთა მიერ განჰმსდიდრდი; რომელმან კეთილად იგლოე
Line of ed.: 8    და ჰპოე საღმრთო ნუგეშინისცემაჲ; რომელი სიმშჳდითა განჰშუენდი
Line of ed.: 9    და დაიმკჳდრე მშჳდთა ქუეყანაჲ; რომელმან სიმართლისათჳს
Line of ed.: 10    იმშიე და საღმრთოჲსა ტაბლისაგან განსძეღ; რომელმან მოწყალე
Line of ed.: 11    გული მოიგე და ღმრთისა წყალობაჲ მდიდრად ზედამოიზიდე;
Line of ed.: 12    რომელი განსწმდი გულითა და გამოცხადებანი სულისა წმიდისანი
Line of ed.: 13    შეიწყნარენ; რომელმან დაამშჳდენ ვნებანი და მადლით მამშჳდებე\ლისა
Line of ed.: 14    ძე იქმენ; რომელი, ვითარ სიტყჳს სათქუმელ არს, ყოველთა
Line of ed.: 15    სათნოებათა მიერ შემკობილ იქმენ,-მოგჳჴსენებდ ჩუენ, ფრიად
Line of ed.: 16    მოქადულთა შენ ზედა, და ზეცით მოიხილევდ ჩუენზედა, მოქენეთა
Line of ed.: 17    მეოხებისა შენისა შეწევნისათა, რათა ლოცვათა შენთა მიერ მრა\ვალშფოთიანისა
Line of ed.: 18    სოფლის მღელვარებსა მივიწინეთ, მადიდებელნი
Line of ed.: 19    მამისა და ძისა და წმიდისა სულისანი, რომელსა ჰშუენის დიდებაჲ,
Line of ed.: 20    პატივი და თაყუანისცემაჲ, აწ და მარადის და საუკუნეთა მიმართ
Line of ed.: 21    საუკუნეთასა, ამინ!




Next part


This text is part of the TITUS edition of Metaphrastical Hagiographical Texts ed. by K. Kekelidze.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.