TITUS
White Yajur-Veda: Brhad-Aranyaka-Upanisad
Part No. 25
Previous part

Paragraph: 4    {= ŚBM 14.7.2}    {= ŚBK 16.6.4}
Verse: MK1 
Sentence: a    स य॒त्राय॒म्शारिरंK om.] आत्मा॒बल्यंनी॒त्यK न्येत्यसंमोह॒मिव न्ये॒त्य्,
   स य॒त्र अय॒म् शारिर॒म् K om.] आत्मा अ॒बल्यम् नी॒त्य K न्येत्य संमोह॒म् इव न्ये॒ति

Sentence: b          अ॒थैनमेते॒ प्राणा॒ अभिसमा॒यन्ति;
         अ॒थ एनम् एते प्राणा॒स् अभिसमा॒यन्ति

Sentence: c       स॒ एता॒स्तेजोमात्राः॒ समभ्याद॒दानो हृ॒दयमे॒वान्व॒वक्रामति.
      स॒स् एता॒स् तेजोमात्रा॒स् समभ्याद॒दानस् हृ॒दयम् एव अन्व॒वक्रामति

Verse: M2/K1 
Sentence: a    स य॒त्रैष चा॒क्षुषः पु॒रुषः प॒राङ्पर्याव॒र्तते,
   स य॒त्र एष चा॒क्षुषस् पु॒रुषस् प॒राङ् पर्याव॒र्तते

Sentence: b          ऽथा॒रूपज्ञो भवत्य्.
         अ॒थ अ॒रूपज्ञस् भवति

Verse: M2/K2 
Sentence: a    एकी॒भवति न॒ पश्यती॒त्याहुर्,
   एकी॒भवति न पश्यति इ॒ति आहुर्

Sentence: b          एकी॒भवति न॒ जिघ्रती॒त्याहुर्,
         एकी॒भवति न जिघ्रति इ॒ति आहुर्

Sentence: c          एकी॒भवति न॒ रसयती॒त्याहुर्,
         एकी॒भवति न रसयति इ॒ति आहुर्

Sentence: d          एकी॒भवति न॒ वदती॒त्याहुर्,
         एकी॒भवति न वदति इ॒ति आहुर्

Sentence: e          एकी॒भवति न॒ शृणोती॒त्याहुर्,
         एकी॒भवति न शृणोति इ॒ति आहुर्

Sentence: f          एकी॒भवति न॒ मनुत इ॒त्याहुर्,
         एकी॒भवति न मनुते इ॒ति आहुर्

Sentence: g          एकी॒भवति न॒ स्पृशती॒त्याहुर्,
         एकी॒भवति न स्पृशति इ॒ति आहुर्

Sentence: h          एकी॒भवति न वि॒जानाती॒त्याहुः.
         एकी॒भवति न वि॒जानाति इ॒ति आहुर्

Verse: M3/K2 
Sentence: a    त॒स्य हैत॒स्य हृ॒दयस्या॒ग्रं प्र॒द्योतते;
   त॒स्य ह एत॒स्य हृ॒दयस्य अ॒ग्रम् प्र॒द्योतते

Sentence: b       ते॒न प्रद्योते॒नैष॒ आत्मा नि॒ष्क्रामति,
      ते॒न प्रद्योते॒न एष॒स् आत्मा नि॒ष्क्रामति

Sentence: c          चक्षुष्टो॒ वा मूर्ध्नो॒ वान्ये॒भ्यो वा शरीरदे॒शेभ्यस्.
         चक्षुष्ट॒स् वा मूर्ध्न॒स् वा अन्ये॒भ्यस् वा शरीरदे॒शेभ्यस्

Sentence: d    त॒मुत्क्रा॒मन्तं प्रा॒णो ऽनू॒त्क्रामति,
   त॒म् उत्क्रा॒मन्तम् प्राण॒स् अनू॒त्क्रामति

Sentence: e          प्राण॒मनूत्क्रा॒मन्तँ स॒र्वे प्राणा॒ अनू॒त्क्रामन्ति.
         प्राण॒म् अनूत्क्रा॒मन्तम् स॒र्वे प्राणा॒स् अनू॒त्क्रामन्ति

Sentence: f    संजा॒नं ए॒वान्व॒वक्रामति,
   संजा॒नम् एव अन्व॒वक्रामति
   सविज्ञनो भवति,
   सविज्ञनस् भवति,

Sentence: g                      स॒ एष ज्ञः स॒विज्ञानो भवति
                     स॒स् एष ज्ञ॒स् स॒विज्ञानस् भवति
         सविज्ञानम् एवान्ववक्रामति.
         सविज्ञानम् एव अन्ववक्रामति

Sentence: h    तं॒ विद्याकर्म॒णी समन्वा॒रभेते पूर्वप्रज्ञा॒ च.
   त॒म् विद्याकर्म॒णी समन्वा॒रभेते पूर्वप्रज्ञा च

Verse: M4/K3 
Sentence: a    तद्य॒थातृणजलायुका तृ॒णस्या॒न्तं ग॒त्वात्म॒नंK गत्वान्यमाक्रममाक्रम्यात्मानम्उपसँह॒रत्य्,
   त॒द् य॒था तृणजलायुका तृ॒णस्य अ॒न्तम् गत्वा K add. अन्यम् आक्रमम् आक्रम्य आत्मानम् आत्म॒नम् उपसँह॒रति

Sentence: b          एव॒मे॒वाय॒म्पु॒रुष इदंK आत्मेदंश॒रीरं निहत्या॒विद्यां गमयि॒त्वात्म॒नं[K गमयित्वान्यमाक्रममाक्रम्यात्मानम्उपसँ॒हरति.
         एव॒म् एव अय॒म् पु॒रुषस् K आत्मा इद॒म् श॒रीरम् निह॒त्य अ॒विद्याम् गमयित्वा आत्म॒नम् [K गमयित्वा अन्यम् आक्रमम् आक्रम्य आत्मानम् उपसँ॒हरति

Verse: M5/K4 
Sentence: a    तद्य॒था पेशस्कारी पे॒शसो मा॒त्राम्अपादा॒यान्य॒न्K उपादायान्यन्न॒वतरं कल्याण॒तरँ रूपं॒ तनुत,
   त॒द् य॒था पेशस्कारी पे॒शसस् मा॒त्राम् अपादा॒य K उपादाय अन्य॒द् न॒वतरम् कल्याण॒तरम् रूप॒म् तनुते

Sentence: b          एव॒मे॒वाय॒म्पु॒रुषK आत्माइदं श॒रीरं निहत्या॒विद्यां गमयि॒त्वान्यन्न॒वतरं कल्याण॒तरँ रूपंतनुतेK कुरुतेपि॒त्र्यं वागान्धर्वं॒ वा ब्राह्मं॒ वा प्राजापत्यं॒ वा दै॒वं वान्ये॒भ्यो वा भूते॒भ्यःK गान्धर्वं वा दैवं वा प्राजापत्यं वा ब्राह्मं वान्येषां वा भूतानां.
         एव॒म् एव अय॒म् पु॒रुष K आत्मा इदम् श॒रीरम् निह॒त्य अ॒विद्याम् गमयित्वा अन्य॒द् न॒वतरम् कल्याण॒तरम् रूप॒म् तनुते K कुरुते पि॒त्र्यम् वा गान्धर्व॒म् वा ब्राह्म॒म् वा प्राजापत्य॒म् वा दै॒वम् वा अन्ये॒भ्यस् वा भूते॒भ्यस् K गान्धर्वम् वा दैवम् वा प्राजापत्यम् वा ब्राह्मम् वान्येषाम् वा भूतानाम्

Verse: M6/K5 
Sentence: a    स वा॒ अय॒मात्मा ब्र॒ह्म विज्ञानम॒यो मनोम॒योवाङ्म॒यःK om.] प्राणम॒यश्चक्षुर्म॒यःश्रोत्रम॒य आकाशम॒यो वायुम॒यस्तेजोम॒य आपोम॒यः पृथिवीम॒यः क्रोधम॒यो ऽक्रोधम॒यो हर्षम॒यो ऽहर्षम॒यःK श्रोत्रमयः पृथिवीमय आपोमयो वायुमय आकाशमयस्तेजोमयो ऽतेजोमयः काममयो ऽकाममयः क्रोधमयो ऽक्रोधमयोधर्मम॒यो ऽधर्मम॒यः सर्वम॒यस्.
   स वै अय॒म् आत्मा ब्र॒ह्म विज्ञानम॒यस् मनोम॒यस् वाङ्म॒यस् K om.] प्राणम॒यस् चक्षुर्म॒यस् श्रोत्रम॒यस् आकाशम॒यस् वायुम॒यस् तेजोम॒यस् आपोम॒यस् पृथिवीम॒यस् क्रोधम॒यस् अक्रोधम॒यस् हर्षम॒यस् अहर्षम॒यस् K श्रोत्रमयस् पृथिवीमयस् आपोमयस् वायुमयस् आकाशमयस् तेजोमयस् अतेजोमयस् काममयस् अकाममयस् क्रोधमयस् अक्रोधमयस् धर्मम॒यस् अधर्मम॒यस् सर्वम॒यस्

Sentence: b    त॒द्य॒देदंम॒योK तद्यदेतदिदंमयोऽदोम॒य इ॒ति यथाकारी॒ यथाचारी त॒था भवति.
   त॒द् यदा इदंम॒यस् K तद् यद् एतद् इदंमयस् अदोम॒यस् इ॒ति यथाकारी यथाचारी त॒था भवति

Sentence: c    साधुकारी॒ साधु॒र्भवति,
   साधुकारी साधु॒स् भवति

Sentence: d          पापकारी॒ पापो॒ भवति,
         पापकारी पाप॒स् भवति

Sentence: e          पु॒ण्यः पु॒ण्येन क॒र्मणा भवति पापः॒ पापे॒न.
         पु॒ण्यस् पु॒ण्येन क॒र्मणा भवति पाप॒स् पापे॒न

Verse: M7/K5 
Sentence: a    अ॒थो ख॒ल्वाहुः:
   अ॒थ उ ख॒लु आहुर्

Sentence: b       कामम॒य ए॒वायं पु॒रुष इ॒ति;
      कामम॒यस् एव अय॒म् पु॒रुषस् इ॒ति

Sentence: c       स य॒थाकामो भवति,
      स य॒थाकामस् भवति

Sentence: d          त॒थाक्रतुर्K तत्क्रतुर्भवति;
         त॒थाक्रतुस् K तत्क्रतुस् भवति

Sentence: e       य॒थाक्रतुर्K यत्क्रतुर्भवति,
      य॒थाक्रतुस् K यत्क्रतुस् भवति

Sentence: f    तत्क॒र्म कुरुते;
   त॒द् क॒र्म कुरुते

Sentence: g       यत्क॒र्म कुरुते
      य॒द् क॒र्म कुरुते

Sentence: h    त॒दभिसं॒पद्यते.
   त॒द् अभिसं॒पद्यते


Verse: M8/K6 
Sentence: a    त॒देष श्लो॒को भवति:
   त॒द् एष श्लो॒कस् भवति

Sentence: b    त॒देवसत्त॒त्K सक्तःसह क॒र्मणैति
   त॒द् एव स॒त् त॒द् K सक्तस् सह क॒र्मणा एति

Sentence: c    लिङ्गं म॒नो य॒त्र नि॒षक्तमस्य
   लिङ्ग॒म् म॒नस् य॒त्र नि॒षक्तम् अस्य

Sentence: d    प्राप्या॒न्तं क॒र्मणस्त॒स्य
   प्रा॒प्य अ॒न्तम् क॒र्मणस् त॒स्य

Sentence: e    यत्कि॒ञ्चेह॒ करो॒त्ययं
   य॒द् कि॒ञ्च इह करो॒ति अय॒म्

Sentence: f    त॒स्माल्लोकात्पु॒नऐ॒ति
   त॒स्माद् लोका॒द् पु॒नर् ऐ॒ति

Sentence: g    अस्मै॒ लोका॒य क॒र्मण,
   अस्मै लोका॒य क॒र्मणे

Sentence: h    इ॒ति नु॒ काम॒यमानो;
   इ॒ति नु काम॒यमानस्

Sentence: i       ऽथाकाम॒यमानो॒ यो ऽकामो नि॒ष्कामआत्म॒काम आप्त॒कामो भ॒वतिK आप्तकाम आत्मकामोनत॒स्माद्K तस्यप्राणा उ॒त्क्रामन्त्य्;
      अ॒थ अकाम॒यमानस् य॒स् अकाम॒स् नि॒ष्कामस् आत्म॒कामस् आप्त॒कामस् भ॒वति K आप्तकामस् आत्मकामस् न त॒स्माद् K तस्य प्राणा॒स् उ॒त्क्रामन्ति

Sentence: j       अ॒त्रैव॒ सम॒वनीयन्तेK om. अत्र...ब्र॒ह्मैव सन्ब्रह्मा॒प्येति.
      अ॒त्र एव सम॒वनीयन्ते K om. अत्र ... ब्र॒ह्म एव स॒न् ब्र॒ह्म अ॒प्येति

Verse: M9/K7 
Sentence: a    त॒देष श्लो॒को भवति:
   त॒द् एष श्लो॒कस् भवति

Sentence: b    यदा स॒र्वे प्रमुच्य॒न्ते
   यदा स॒र्वे प्रमुच्य॒न्ते

Sentence: c    का॒मा॒ ये ऽस्य हृदि॒ श्रिता
   का॒मास् ये अस्य हृदि श्रिता॒स्

Sentence: d    अ॒थ म॒र्त्यो ऽमृ॒तो भवत्य्
   अ॒थ म॒र्त्यस् अमृ॒तस् भवति

Sentence: e    अ॒त्र ब्र॒ह्म स॒मश्नुत इ॒ति.
   अ॒त्र ब्र॒ह्म स॒मश्नुते इ॒ति

Verse: M10/K7 
Sentence: a    तद्य॒थाहिनिर्व्लयनी॒ वल्मी॒के मृता प्र॒त्यस्ता श॒यीतैव॒मे॒वेदं श॒रीरं शेते.
   त॒द् य॒था अहिनिर्व्लयनी वल्मी॒के मृता प्र॒त्यस्ता श॒यीत एव॒म् एव इद॒म् शरीरम् शेते

Sentence: b    ऽथाय॒मन॒स्थिको ऽशरी॒रः प्राज्ञ॒ आत्माK अयमशरीरो ऽमृतः प्राणोब्र॒ह्मैवलोकK तेजएव,
   अ॒थ अय॒म् अन॒स्थिकस् अशरी॒रस् प्राज्ञ॒स् आत्मा K अयम् अशरीरस् अमृतस् प्राणस् ब्र॒ह्म एव लोक॒स् K तेजस् एव

Sentence: c          सम्राड्,
         सम्राट्

Sentence: d          इ॒ति होवाच या॒ज्ञवल्क्यःK om. इति....
         इ॒ति ह उवाच या॒ज्ञवल्क्यस् K om. इति ...

Sentence: e    सो ऽहं भ॒गवते सह॒स्रानि ददामी॒ति होवाच जनको वै॒देहः.
   स॒स् अह॒म् भ॒गवते सह॒स्रानि ददामि इ॒ति ह उवाच जनक॒स् वै॒देहस्

Verse: M11/K8 
Sentence: a    तद॒प्येते श्लो॒काK तदेते श्लोका भवन्त्य्:
   त॒द् अ॒पि एते श्लो॒कास् K तद् एते श्लोकास् भवन्ति

Sentence: b    अ॒णुः प॒न्थावि॒तरःK विततःपुराणो;
   अ॒णुस् प॒न्था वि॒तरस् K विततस् पुराण॒स्

Sentence: c    माँ॒ स्पृष्टो॒ ऽनुवित्तो म॒यैव
   मा॒म् स्पृष्ट॒स् अ॒नुवित्तस् म॒या एव

Sentence: d    ते॒न धी॒रा अ॒पियन्ति ब्रह्मवि॒द
   ते॒न धी॒रास् अ॒पियन्ति ब्रह्मवि॒दस्

Sentence: e    उत्क्र॒म्य स्वर्गं॒ लोक॒मितो वि॒मुक्ताःK स्वर्गं लोकमित ऊर्ध्वं विमुक्ताः.
   उत्क्र॒म्य स्वर्ग॒म् लोक॒म् इत॒स् वि॒मुक्तास् K स्वर्गम् लोकम् इतस् ऊर्ध्वम् विमुक्तास्

Verse: M12/K9 
Sentence: a    त॒स्मिञ्छुक्ल॒मुत नी॒लमाहुः
   त॒स्मिन् शुक्ल॒म् उत नी॒लम् आहुर्

Sentence: b    पि॒ङ्गलँ ह॒रितं लो॒हितं चै
   पि॒ङ्गलम् ह॒रितम् लो॒हितम् च

Sentence: c    ष प॒न्था ब्र॒ह्मणा हा॒नुवित्तस्
   एष प॒न्था ब्र॒ह्मणा ह अ॒नुवित्तस्

Sentence: d    ते॒नैति ब्रह्मवि॒त्तैजसः॒ पुण्यकृ॒च्चK पुण्यकृत्तैजसश्च.
   ते॒न एति ब्रह्मवि॒द् तैजस॒स् पुण्यकृ॒त् च K पुण्यकृत् तैजसस् च

Verse: M13/K10 
Sentence: a    अन्धं त॒मः प्र॒विशन्ति
   अन्ध॒म् त॒मस् प्र॒विशन्ति

Sentence: b    येऽसम्भूति॒म्K ऽविद्याम्उपा॒सते;
   ये असम्भूति॒म् K अविद्याम् उपा॒सते

Sentence: c    त॒तो भू॒य इव ते त॒मो
   त॒तस् भू॒यस् इव ते त॒मस्

Sentence: d    य॒ उसम्भूत्याँK विद्यायाँरताः.
   ये उ सम्भूत्या॒म् K विद्यायाम् रता॒स्

Verse: M14/K11 
Sentence: a    असु॒र्याK अनन्दाना॒म ते॒ लोका
   असु॒र्यास् K अनन्दास् ना॒म ते लोका॒स्

Sentence: b    अन्धे॒न त॒मसा॒वृतास्
   अन्धे॒न त॒मसा आ॒वृतास् ता॒न्

Sentence: c    ताँस्ते प्रेत्या॒पिगच्छत्य्भिगच्छन्त्य्
   ते प्रे॒त्य अ॒पिगच्छति अभिगच्छन्ति

Sentence: d    अ॒विद्वाँसो ऽबुधा ज॒नाः.
   अ॒विद्वाँसस् अबुधा॒स् ज॒नास्

Verse: M15/K14 
Sentence: a    त॒देव स॒न्तस्त॒दु भवामोK इहैव सन्तो ऽथ विद्मस्तद्वयं
   त॒द् एव स॒न्तस् त॒द् उ भवामस् K इह एव सन्तस् अथ विद्मस् तद् वयम्

Sentence: b    न चे॒द्अवेदीK अवेदिर्म॒हती वि॒नष्टिर्
   न चे॒द् अ॒वेदी K अवेदिस् म॒हती वि॒नष्टिस्

Sentence: c    ये त॒द्विदु॒रमृ॒तास्ते॒ भवन्त्य्
   ये त॒द् विदु॒र् अमृ॒तास् ते भवन्ति

Sentence: d    अथे॒तरे दुःख॒म्एवो॒पयन्तिK अपियन्ति.
   अ॒थ इ॒तरे दुःख॒म् एव उ॒पयन्ति K अपियन्ति

Verse: M16/K12 
Sentence: a    आत्मा॒नं चे॒द्विजानीया॒द्
   आत्मा॒नम् चे॒द् विजानीया॒त्

Sentence: b    अय॒मस्मी॒ति पु॒रुषः
   अय॒म् अस्मि इ॒ति पु॒रुषस्

Sentence: c    कि॒मिच्छन्क॒स्य का॒माय
   कि॒म् इच्छ॒न् क॒स्य का॒माय

Sentence: d    श॒रीरम॒नुसं॒चरेत्K संज्वरेत्.
   श॒रीरम् अ॒नु सं॒चरेत् K संज्वरेत्

Verse: M17/K13 
Sentence: a    यस्या॒नुवित्तः प्र॒तिबुद्ध आ॒त्मा
   य॒स्य अ॒नुवित्तस् प्र॒तिबुद्धस् आत्मा

Sentence: b    स्मि॒न्त्संदेह्ये ग॒हने प्र॒विष्टः
   अस्मि॒न् संदेह्ये ग॒हने प्र॒विष्टस्

Sentence: c    स॒ विश्वकृ॒त्,
   स विश्वकृ॒त्

Sentence: d          स हि स॒र्वस्य कर्ता
         स हि स॒र्वस्य कर्ता

Sentence: e    त॒स्य लोकः,
   त॒स्य लोक॒स्

Sentence: f          स॒ उ लोक॒ एव.
         स॒स् उ लोक॒स् एव

Verse: M18/K15 
Sentence: a    य॒दैत॒मनुप॒श्यति
   यदा एत॒म् अनुप॒श्यति

Sentence: b    अत्मा॒नं देवम॒ङ्जसे
   अत्मा॒नम् देव॒म् अ॒ङ्जसा

Sentence: c    शानं भूतभव्य॒स्य
   ई॒शानम् भूतभव्य॒स्य

Sentence: d    नत॒दा वि॒चिकित्सतिK ततो वि॒जुगुप्सते.
   न त॒दा वि॒चिकित्सति K ततस् वि॒जुगुप्सते

Verse: M19/K17 
Sentence: a    य॒स्मिन्प॒ञ्च पञ्चजना
   य॒स्मिन् प॒ञ्च पञ्चजना॒स्

Sentence: b    आकाश॒श्च प्र॒तिष्ठितस्
   आकाश॒स् च प्र॒तिष्ठितस्

Sentence: c    त॒मेव॒ मन्य आत्मा॒नं
   त॒म् एव मन्ये आत्मा॒नम्

Sentence: d    विद्वान्ब्र॒ह्मामृ॒तो ऽमृ॒तं.
   विद्वा॒न् ब्र॒ह्म अमृ॒तस् अमृ॒तम्

Verse: M20/K16 
Sentence: a    य॒स्माद॒र्वाक्संवत्सरो
   य॒स्माद् अ॒र्वाक् संवत्सर॒स्

Sentence: b    ऽहोभिः परिव॒र्तते
   अ॒होभिस् परिव॒र्तते

Sentence: c    त॒द्देवा ज्यो॒तिषां ज्यो॒तिर्
   त॒द् देवा॒स् ज्यो॒तिषाम् ज्यो॒तिस्

Sentence: d    आ॒युर्ह्य्उपा॒सतेK होपासतेऽमृ॒तं.
   आ॒युस् हि K ह उपा॒सते अमृ॒तं

Verse: M21/K18 
Sentence: a    प्राण॒स्य प्राण॒मुत च॒क्षुषश्च॒क्षुर्
   प्राण॒स्य प्राण॒म् उत च॒क्षुषस् च॒क्षुस्

Sentence: b    उत श्रो॒त्रस्य श्रो॒त्रम॒न्नस्या॒न्नं
   उत श्रो॒त्रस्य श्रो॒त्रम् अ॒न्नस्य अ॒न्नम्

Sentence: c    म॒नसो ये म॒नो विदु॒स्,
   म॒नसस् ये म॒नस् विदु॒र्

Sentence: d    ते नि॒चिक्युर्ब्र॒ह्म पुराणम॒ग्र्यं
   ते नि॒चिक्युर् ब्र॒ह्म पुराण॒म् अ॒ग्र्यम्

Sentence: e    K 19]
   K 19]

Sentence: f    म॒नसै॒वाप्त॒व्यंK अनुद्रष्टव्यं
   म॒नसा एव आप्त॒व्यम् K अनुद्रष्टव्यम्

Sentence: g    नेह ना॒नास्ति किं॒ चन.
   न इह ना॒ना अस्ति कि॒म् चन

Verse: M22/K19 
Sentence: a    मृत्योः स॒ मृत्यु॒माप्नोति
   मृत्यो॒स् स मृत्यु॒म् आप्नोति

Sentence: b    य॒ इह ना॒नेव प॒श्यति
   य॒स् इह ना॒ना इव प॒श्यति

Sentence: c    K 20]
   K 20]

Sentence: d    म॒नसै॒वानुद्रष्ट॒व्यंK एकधैवानुद्रष्टव्यम्
   म॒नसा एव अनुद्रष्ट॒व्यम् K एकधा एव अनुद्रष्टव्यम्

Sentence: e    एत॒दप्र॒मयं ध्रुव॒म्.
   एत॒द् अप्र॒मयम् ध्रुव॒म्

Verse: M23/K20 
Sentence: a    वि॒रजः प॒र आकाशा॒द्
   वि॒रजस् प॒रस् आकाशा॒द्

Sentence: b    अज॒ आत्मा॒ महा॒न्ध्रुव॒स्
   अज॒स् आत्मा महा॒न् ध्रुव॒स्

Sentence: c    K 21]
   K 21]

Sentence: d    त॒मेव धी॒रो विज्ञा॒य
   त॒म् एव धी॒रस् विज्ञा॒य

Sentence: e    प्रज्ञां॒ कुर्वीत ब्राह्मणो
   प्रज्ञा॒म् कुर्वीत ब्राह्मण॒स्

Sentence: f    ना॒नुध्यायाद्बहूञ्छ॒ब्दान्
   न अ॒नुध्यायात् बहू॒न् श॒ब्दान्

Sentence: g    वाचो॒ विग्ला॒पनँ हि त॒द्,
   वाच॒स् विग्ला॒पनम् हि त॒द्

Sentence: h          इ॒ति.
         इ॒ति

Verse: M24/K22 
Sentence: a    स वा॒ अय॒मात्माK स वा एष महानज आत्मा यो ऽयं विज्ञानमयः प्राणेषु;
   स वै अय॒म् आत्मा K स वै एष महान् अजस् आत्मा यस् अयम् विज्ञानमयस् प्राणेषु

Sentence: b       य एषो ऽन्तर्हृदय आकाशस्,
      यस् एषस् अन्तर् हृदय आकाशस्

Sentence: c          तस्मिञ्छेतेस॒र्वस्य व॒शी स॒र्वस्ये॒शानः स॒र्वस्या॒धिपतिःस॒र्वमिदं प्र॒शास्ति य॒दिदं कि॒ञ्चK om. सर्वम्...;
         तस्मिन् शेते स॒र्वस्य व॒शी स॒र्वस्य ई॒शानस् स॒र्वस्य अ॒धिपतिस् स॒र्वम् इद॒म् प्र॒शास्ति य॒द् इद॒म् कि॒ञ्च K om. सर्वम् ...

Sentence: d       स न॒ साधु॒ना क॒र्मणा भू॒या॒न्नो ए॒वासाधु॒ना क॒नीयान्K add. एष सर्वेश्वर;
      स न साधु॒ना क॒र्मणा भू॒यान् न उ एव असाधु॒ना क॒नीयान् K add. एष सर्वेश्वरस्

Sentence: e       एष॒ भूताधिपति॒र्K add. एष भूतपालएष॒ लोकेश्वरएश॒ लोकपालK om. ambo];
      एष भूताधिपति॒स् K add. एष भूतपालस् एष लोकेश्वर॒स् एश लोकपाल॒स् K om. ambo]

Sentence: f       स से॒तुर्वि॒धरण एषां॒ लोका॒नाम॒संभेदाय.
      स से॒तुस् वि॒धरणस् एषा॒म् लोका॒नाम् अ॒संभेदाय

Verse: M25/K22 
Sentence: a    त॒मेतं॒ वेदानुवचने॒नK add. ब्राह्मणाविविदिष॒न्ति,
   त॒म् एत॒म् वेदानुवचने॒न K add. ब्राह्मणास् विविदिष॒न्ति

Sentence: b          ब्रह्मचर्ये॒न त॒पसा श्रद्ध॒या यज्ञेना॒नाशकेन चैत॒म्K ब्रह्मचर्येन यज्ञेन दानेन तपसानाशकेनैतम्एव॒ विदित्वा॒ मुनि॒र्भवत्य्;
         ब्रह्मचर्ये॒न त॒पसा श्रद्ध॒या यज्ञे॒न अ॒नाशकेन च K ब्रह्मचर्येन यज्ञेन दानेन तपसा अनाशकेन एत॒म् एव विदित्वा मुनि॒स् भवति

Sentence: c       एत॒मेव॒ प्रव्रा॒जिनो लोक॒म्ईप्स॒न्तःK इच्छन्तःप्र॒व्रजन्त्य्.
      एत॒म् एव प्रव्रा॒जिनस् लोक॒म् ईप्स॒न्तस् K इच्छन्तस् प्र॒व्रजन्ति

Verse: M26/K22 
Sentence: a    एत॒द्ध स्म वै तत्पू॒र्वेब्रह्मणा॒ अनुचानाK om. ambo] विद्वाँ॒सः प्रजां न॒ कामयन्ते:
   एत॒द् ह स्म वै त॒द् पू॒र्वे ब्रह्मणा॒स् अनुचाना॒स् K om. ambo] विद्वाँ॒सस् प्रजा॒म् न कामयन्ते

Sentence: b       किं॒ प्रज॒या करिष्यामो ये॒षां नो ऽय॒मा॒त्माय॒म्लोक इ॒ति.
      कि॒म् प्रज॒या करिष्यामस् ये॒षाम् नस् अय॒म् आत्मा अय॒म् लोक॒स् इ॒ति

Sentence: c    ते॒ ह स्म पुत्रैषणा॒याश्च वित्तैषणा॒याश्च लोकैषणा॒याश्च व्युत्थाया॒थ भिक्षाच॒र्यं चरन्ति;
   ते ह स्म पुत्रैषणा॒यास् च वित्तैषणा॒यास् च लोकैषणा॒यास् च व्युत्था॒य अ॒थ भिक्षाच॒र्यम् चरन्ति

Sentence: d       या॒ ह्येव॒ पुत्रैषणा सा॒ वित्तैषणा,
      या हि एव पुत्रैषणा सा वित्तैषणा

Sentence: e          या॒ वित्तैषणा सा॒ लोकैष॒णोभे॒ ह्येते ए॒षणे एव भ॒वतः.
         या वित्तैषणा सा लोकैषणा उभे हि एते ए॒षणे एव भ॒वतस्

Verse: M27/K22 
Sentence: a    स॒ एष ने॒ति ने॒त्यात्मा॒गृह्यो न हि॒ गृह्यते,
   स॒स् एष न इ॒ति न इ॒ति आत्मा अ॒गृह्यस् न हि गृह्य॒ते

Sentence: b          ऽशीर्यो न हि॒ शीर्यते,
         अ॒शीर्यस् न हि शीर्य॒ते

Sentence: c          ऽसङ्गो॒ ऽसितो न॒ सज्य॒ते न व्य॒थतेK ऽसङ्गो न हि सज्यते,
         अ॒सङ्गस् अ॒सितस् न सज्य॒ते न व्य॒थते K असङ्गस् न हि सज्यते

Sentence: d          ऽसितो न व्यथते न रिष्यत्य्.
         असितस् न व्यथते न रिष्यति

Sentence: e    ऽतः+पाप॒मकरवमित्य॒तः कल्या॒णमकरवमि॒त्य्उभे॒उभे॒ ह्येषK उभे उ हैवैषएते त॒रत्य्,
   अ॒तस् +पाप॒म् अकरवम् इ॒ति अ॒तस् कल्या॒णम् अकरवम् इ॒ति उभे॒उभे हि एष॒स् K उभे उ ह एव एषस् एते त॒रति

Sentence: f          अमृ॒तः साध्वसाधु॒नीK om. अमृतः...नैनं कृता॒कृते तपतः.
         अमृ॒तस् साध्वसाधु॒नी K om. अमृतस् ... न एनम् कृता॒कृते तपतस्

Verse: M28/K23 
Sentence: a    त॒देत॒दृ॒चा॒भ्युक्तम्:
   त॒द् एत॒द् ऋचा अ॒भ्युक्तम्

Sentence: b    एष नि॒त्यो महिमा॒ ब्राह्मण॒स्य
   एष नि॒त्यस् महिमा ब्राह्मण॒स्य

Sentence: c    न क॒र्मणा वर्धते॒ नो क॒नीयान्.
   न क॒र्मणा वर्धते न उ क॒नीयान्

Sentence: d    त॒स्यैव॒ स्यात्पदवित्तं॒ विदित्वा
   त॒स्य एव स्यात् पदवित्त॒म् विदित्वा

Sentence: e    नक॒र्मणा लिप्यतेK लिप्यते कर्मणापाप॒केने॒ति.
   न क॒र्मणा लिप्यते K लिप्यते कर्मणा पाप॒केन इ॒ति

Sentence: f    त॒स्मादेवंवि॒च्छान्तो॒ दान्त उ॒परतस्तितिक्षुःश्रद्धा॒वित्तोK समाहितोभू॒त्वात्म॒न्ये॒वात्मा॒नं पश्येत्!K पश्यति,
   त॒स्माद् एवंवि॒द् शान्त॒स् दान्त॒स् उ॒परतस् तितिक्षु॒स् श्रद्धा॒वित्तस् K समाहितस् भूत्वा आत्म॒नि एव आत्मा॒नम् पश्येत् ! K पश्यति

Sentence: g          स॒र्वमात्मा॒नं पश्यति,
         स॒र्वम् आत्मा॒नम् पश्यति

Sentence: h          स॒र्वो ऽअस्यात्मा॒ भवति स॒र्वस्यात्मा॒ भवतिK om. सर्वो...,add. नैनं पाप्मा तरति,
         स॒र्वस् अस्य आत्मा भवति स॒र्वस्य आत्मा भवति K om. सर्वस् ..., add. न एनम् पाप्मा तरति

Sentence: i          स॒र्वं पाप्मा॒नं तरति,
         स॒र्वम् पाप्मा॒नम् तरति

Sentence: j          नैनं पाप्मा॒ तपति,
         न एनम् पाप्मा तपति

Sentence: k          स॒र्वं पाप्मा॒नं तपति,
         स॒र्वम् पाप्मा॒नम् तपति

Sentence: l          विपापो॒ विरजोविजिघ॒त्सो ऽपिपसोK om. ambo, add. ऽविचिकित्सोब्राह्मणो॒ भवति,
         विपाप॒स् विरज॒स् विजिघत्स॒स् अपिपस॒स् K om. ambo, add. अविचिकित्सस् ब्राह्मण॒स् भवति

Sentence: m          य॒ एवं वे॒दK om. य...,add. एष ब्रह्मलोकः,
         य॒स् एव॒म् वे॒द K om. यस् ..., add. एष ब्रह्मलोकस्

Sentence: n             सम्राड्,
            सम्राट्

Sentence: o          एनं प्राप्तो ऽसीति होवाच याज्ञवल्क्यः.
         एनम् प्राप्तस् असि इति ह उवाच याज्ञवल्क्यस्

Sentence: p             सो ऽहं भगवते विदेहान्ददामि माम्चापि सह दास्यायेति.
            सस् अहम् भगवते विदेहान् ददामि माम् च अपि सह दास्याय इति

Verse: MK24 
Sentence: a    स वा॒ एष॒ महा॒नज॒ आ॒त्मान्नादो॒ वसुदा॒नः.
   स वै एष महा॒न् अज॒स् आत्मा अन्नाद॒स् वसुदा॒नस्

Sentence: b    स यो॒ हैव॒मेतं॒ महा॒न्तमज॒मात्मा॒नमन्नादं॒ वसुदा॒नं वे॒द,
   स य॒स् ह एव॒म् एत॒म् महा॒न्तम् अज॒म् आत्मा॒नम् अन्नाद॒म् वसुदा॒नम्

Sentence: c          विन्दतेव॒सुK वसुदानो.
         वे॒द विन्दते व॒सु K वसुदानस्

Sentence: d    विन्दते वसु,
   विन्दते वसु

Sentence: e          य एवं वेद.
         यस् एवम् वेद

Verse: M30/K25 
Sentence: a    स वा॒ एष॒ महा॒नज॒ आ॒त्माज॒रो ऽम॒रोऽभ॒यो ऽमृ॒तोK ऽमृतो ऽभयोब्रह्मा॒भयं वै,
   स वै एष महा॒न् अज॒स् आत्मा अज॒रस् अम॒रस् अभ॒यस् अमृ॒तस् K अमृतस् अभयस् ब्र॒ह्म अ॒भयम् वै

Sentence: b          जनक,
         जनक

Sentence: c          प्रा॒प्तो ऽसी॒ति होवाच या॒ज्ञवल्क्यः
         प्रा॒प्तस् असि इ॒ति ह उवाच या॒ज्ञवल्क्यस्
[K add.:]
   ब्रह्माभयं वै ब्रह्माभयँ हि वै ब्रह्म भवति य एवं वेद.
   ब्रह्म अभयम् वै ब्रह्म अभयम् हि वै ब्रह्म भवति यस् एवम् वेद

Sentence: d    सो ऽहं भ॒गवते विदेहा॒न्ददामि माम्चा॒पि सह दा॒स्याये॒तिK om. सो....
   स॒स् अह॒म् भ॒गवते विदेहा॒न् ददामि माम् च अ॒पि सह दा॒स्याय इ॒ति K om. सो ...

Next part


This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.