TITUS
Textcollection: RV 
R̥g-Veda
Text: RVS 
R̥gveda-Saṃhitā


On the basis of the edition by Th. Aufrecht,
Bonn 1877 (2.Aufl.),
entered by H.S. Ananthanarayana, Austin / Texas;
TITUS version
with corrections by Fco.J. Martínez García,
synoptically arranged with
the metrically restored version by B. van Nooten and G. Holland
and the "Padapātha" version by A. Lubotsky,
by Jost Gippert,
Frankfurt a/M, 31.1.1997 / 28.2.1998 / 24.6.1998 / 22.10.1999 / 1.6.2000




Book: 1    1
Hymn: 1 


Verse: 1 
Halfverse: a    अ॒ग्निमी॑ळे पु॒रोहि॑तं य॒ज्ञस्य॑ दे॒वमृ॒त्विज॑म् ।
   अ॒ग्निमी॑ळे पु॒रोहि॑तं
   अ॒ग्निम् ईळे पु॒रोहि॑तम्
   अ॒ग्निम् ईळे पु॒रोहि॑तं

Halfverse: b    य॒ज्ञस्य॑ दे॒वमृ॒त्विज॑म् ।
   य॒ज्ञस्य दे॒वम् ऋ॒त्विज॑म् ।
   य॒ज्ञस्य दे॒वम् ऋ॒त्विज॑म् ।

Halfverse: c    होता॑रं रत्न॒धात॑मम् ।।
   होता॑रं रत्न॒धात॑मम् ।।
   होता॑रम् रत्न॒धात॑मम् ।।
   होता॑रं रत्न॒धात॑मम् ।।


Verse: 2 
Halfverse: a    अ॒ग्निः पूर्वे॑भि॒रृषि॑भि॒रीड्यो॒ नूत॑नैरु॒त ।
   अ॒ग्निः पूर्वे॑भि॒रृषि॑भिर्
   अ॒ग्निः पूर्वे॑भिः ऋषि॑भिः
   अ॒ग्निः पूर्वे॑भिर् ऋषि॑भिर्

Halfverse: b    ईड्यो॒ नूत॑नैरु॒त ।
   ईड्यः नूत॑नैः उ॒त ।
   ईडि॑यो नूत॑नैर् उ॒त ।

Halfverse: c    स दे॒वाँ एह व॑क्षति ।।
   स दे॒वाँ एह व॑क्षति ।।
   स दे॒वान् आ इ॒ह व॑क्षति ।।
   स दे॒वाँ एह व॑क्षति ।।


Verse: 3 
Halfverse: a    अ॒ग्निना॑ र॒यिम॑श्नव॒त्पोष॑मे॒व दि॒वेदि॑वे ।
   अ॒ग्निना॑ र॒यिम॑श्नवत्
   अ॒ग्निना र॒यिम् अश्नवत्
   अ॒ग्निना र॒यिम् अश्नवत्

Halfverse: b    पोष॑मे॒व दि॒वेदि॑वे ।
   पोष॑म् ए॒व दि॒वेदि॑वे ।
   पोष॑म् ए॒व दि॒वेदि॑वे ।

Halfverse: c    य॒शसं॑ वी॒रव॑त्तमम् ।।
   य॒शसं॑ वी॒रव॑त्तमम् ।।
   य॒शस॑म् वी॒रव॑त्तमम् ।।
   य॒शसं वी॒रव॑त्तमम् ।।


Verse: 4 
Halfverse: a    अग्ने॒ यं य॒ज्ञम॑ध्व॒रं वि॒श्वतः॑ परि॒भूरसि॑ ।
   अग्ने॒ यं य॒ज्ञम॑ध्व॒रं
   अग्ने यम् य॒ज्ञम् अध्व॒रम्
   अग्ने यं य॒ज्ञम् अध्व॒रं

Halfverse: b    वि॒श्वतः॑ परि॒भूरसि॑ ।
   वि॒श्वतः परि॒भूः असि ।
   वि॒श्वतः परि॒भूर् असि ।

Halfverse: c    स इद्दे॒वेषु॑ गछति ।।
   स इद्दे॒वेषु॑ गछति ।।
   सः ।!। इत् दे॒वेषु गछति ।।
   स इद् दे॒वेषु गछति ।।


Verse: 5 
Halfverse: a    अ॒ग्निर्होता॑ क॒विक्र॑तुः स॒त्यश्चि॒त्रश्र॑वस्तमः ।
   अ॒ग्निर्होता॑ क॒विक्र॑तुः
   अ॒ग्निः होता क॒विक्र॑तुः
   अ॒ग्निर् होता क॒विक्र॑तुः

Halfverse: b    स॒त्यश्चि॒त्रश्र॑वस्तमः ।
   स॒त्यः चि॒त्रश्र॑वस्तमः ।
   स॒त्यश् चि॒त्रश्र॑वस्तमः ।

Halfverse: c    दे॒वो दे॒वेभि॒रा ग॑मत् ।।
   दे॒वो दे॒वेभि॒रा ग॑मत् ।।
   दे॒वः दे॒वेभिः आ ग॑मत् ।।
   दे॒वो दे॒वेभि॑र् आ ग॑मत् ।।


Verse: 6 
Halfverse: a    यद॒ङ्ग दा॒शुषे॒ त्वमग्ने॑ भ॒द्रं क॑रि॒ष्यसि॑ ।
   यद॒ङ्ग दा॒शुषे॒ त्वम्
   यत् अ॒ङ्ग दा॒शुषे त्वम्
   यद् अ॒ङ्ग दा॒शुषे तु॒वम्

Halfverse: b    अग्ने॑ भ॒द्रं क॑रि॒ष्यसि॑ ।
   अग्ने भ॒द्रम् करि॒ष्यसि ।
   अग्ने भ॒द्रं क॑रि॒ष्यसि ।

Halfverse: c    तवेत्तत्स॒त्यम॑ङ्गिरः ।।
   तवेत्तत्स॒त्यम॑ङ्गिरः ।।
   तव इत् तत् स॒त्यम् अङ्गिरः ।।
   तवेत् तत् स॒त्यम् अङ्गिरः ।।


Verse: 7 
Halfverse: a    उप॑ त्वाग्ने दि॒वेदि॑वे॒ दोषा॑वस्तर्धि॒या व॒यम् ।
   उप॑ त्वाग्ने दि॒वेदि॑वे
   उप त्वा अग्ने दि॒वेदि॑वे
   उप त्वाग्ने दि॒वेदि॑वे

Halfverse: b    दोषा॑वस्तर्धि॒या व॒यम् ।
   दोषा॑वस्तर् धि॒या व॒यम् ।
   दोषा॑वस्तर् धि॒या व॒यम् ।

Halfverse: c    नमो॒ भर॑न्त॒ एम॑सि ।।
   नमो॒ भर॑न्त॒ एम॑सि ।।
   नमः भर॑न्तः आ इ॑मसि ।।
   नमो भर॑न्त एम॑सि ।।


Verse: 8 
Halfverse: a    राज॑न्तमध्व॒राणां॑ गो॒पामृ॒तस्य॒ दीदि॑विम् ।
   राज॑न्तमध्व॒राणां
   राज॑न्तम् अध्व॒राणा॑म्
   राज॑न्तम् अध्व॒राणाअं

Halfverse: b    गो॒पामृ॒तस्य॒ दीदि॑विम् ।
   गो॒पाम् ऋ॒तस्य दीदि॑विम् ।
   गो॒पाम् ऋ॒तस्य दीदि॑विम् ।

Halfverse: c    वर्ध॑मानं॒ स्वे दमे॑ ।।
   वर्ध॑मानं॒ स्वे दमे॑ ।।
   वर्ध॑मानम् स्वे दमे ।।
   वर्ध॑मानं सु॒वे दमे ।।


Verse: 9 
Halfverse: a    स नः॑ पि॒तेव॑ सू॒नवे ऽग्ने॑ सूपाय॒नो भ॑व ।
   स नः॑ पि॒तेव॑ सू॒नवे
   स नः पि॒ता इ॑व सू॒नवे
   स नः पि॒तेव सू॒नवे

Halfverse: b    ऽग्ने सूपाय॒नो भ॑व ।
   अग्ने सूपाय॒नः भ॑व ।
   अग्ने सूपाय॒नो भ॑व ।

Halfverse: c    सच॑स्वा नः स्व॒स्तये॑ ।।
   सच॑स्वा नः स्व॒स्तये॑ ।
   सच॑स्व+ नः स्व॒स्तये ।।
   सच॑स्वा नः सुअ॒स्तये ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.