TITUS
Svan Prose Texts III (Lentekh)
Part No. 6
Previous part

Text: 6 
Page of edition: 19 
Line of edition: 2 
V. ოჯახი


Line of edition: 3       შვა̈ნს სოფლა̈ლისა იზგეხ მეზგალ. ჩი მეზგეს ოჯა̈ხ ხაჟახა. ჯვინალდგნდირან
Line of edition: 4    ხოშა ნაღალდ ა̈რიხ ძღგდ ოჯახა̈რ.

Line of edition: 5       ოჯახა̈რისა ა̈რიხ ჲერბიხენჟი ერბეშტხოჟი წევრ. მახვში ლი ბაბა,
Line of edition: 6    აღვე ეჯი ჩუ̂ა̈რი ლუვა̈რ, დორიჲ მამა. გეზელილ მუს ხატულიხ
Line of edition: 7    მამას, დის -- დედეს. დედეს ი მამას სა̈ერთოდ ხაჟახახ დიჲმუ.

Line of edition: 8       დიეშ ი მუე გეზალს, აღვე ჭყინტ ლი, ჭყინტგეზალ ხაჟახა, აღვე
Line of edition: 9    დენა -- ეჯის -- დენაგეზალ. ეშხუ ბეფშ გეზალ ლი, ეშხუნჟი --
Line of edition: 10    გეზელილ. ეშხუნჟი ჭყინტ ჭყჷნტა̈რ ლიხ, დენა -- ნა̈დენა̈რ (\ ნა̈დიენა̈რ).
Line of edition: 11    გეზელილ უშხვა̈რეშვდ ლიხ ჯუმილ-დაჩვირ, ლახვბა
Line of edition: 12    ედ (\ ჲედ) ლავდილა. ეშხუ დიეშ ი მუე გეზელილხენ ჭყინტეშვდ
Line of edition: 13    დენა დაჩვირ ლი, დენა̈ჲშვდ ჭყინტ -- ჯუმილ (\ ჯჷმილ), დენა
Line of edition: 14    დენა̈ჲშვდ -- უდილ, ჭყინტ ჭყინტეშვდ -- მუხვბე.

Line of edition: 15       გეზელილ დიეშ ი მუე დედეს დადას ხატულიხ, მამას -- ბაბას.
Line of edition: 16    ლა̈მეჴერნა̈ლდ. ერე ხედ დადა̈ჲშ ი ბაბა̈ჲშჟი რაგა̈დიხ, ნამა̈ჲ დის
Line of edition: 17    ი მუს ა̈გიჲ და დადას ი ა̈გიჲ ბაბას ხატულიხ, დედეჲ დის ი
Line of edition: 18    მუს -- ბაბაშა დადას ი ბაბაშა ბაბას.

Line of edition: 19       მუე მუხვბეს ი დიე ჯუმილს ბუბა ხაჟახა, მინეგ ეზელილს --
Line of edition: 20    ბუბა̈ჲგეზელილ. მუე დაჩვირს ი დიე უდილს გიგა ხაჟახა. მარე
Line of edition: 21    ხოშა ნაღალდ მუე დაჩვირს მამიდას ხვატულიდ, დიე უდილს --
Line of edition: 22    დეიდას, მინე გეზელილს -- მამიდა̈ჲგეზალს ი დეიდა̈ჲგეზალს.
Line of edition: 23    ამჷნქა ბოფშა̈რ ბუბას ხვატულიდ ჩიჲს ხოშა მარას ი
Line of edition: 24    გიგას -- ჩიჲს ხოშა ზურალს.

Line of edition: 25       ჭყინტე ჲეხვს დიჲმუ, ლახვბა ი ლადაჩურა თელეღრას
Line of edition: 26    ხვატულიდ. ლახვბა̈ჲ ლა̈ეხვა უშხვა̈რეშვდ ლამყარ ლიხ. თელეღრა̈ჲშვდ
Line of edition: 27    ჭა̈ში დი ი მუ დიმეთილ ი მუმეთილ ლიხ. ჭა̈ში
Line of edition: 28    დაჩვირ და̈ლი, მუხვბე -- ძმა̈, მარე თელეღრა დიმეთილს დედეს
Line of edition: 29    ხატული, მუმეთილს -- მამას, და̈ს, ძმას ი მეყერას ჟა̈ხევშ
Line of edition: 30    ხარაგა̈დი.

Page of edition: 20 
Line of edition: 1       დენაგეზალა̈ ჭა̈შ მიჩა ქორა̈ მარემიშვდ ჩიჟე ლი. ჩიჟეჲშვდ
Line of edition: 2    ჲეხვი დი ი მუ აჯაღ დიმეთილ ი მუმეთილ ლიხ, უდილ ი
Line of edition: 3    ჯუმილ -- სემუნ. ჩიჟე ჩიჟეჲშვდ მოქშა̈ლ ლი, ედ ლაჭაშა
Line of edition: 4    ლამოქშალა ლიხ.


Line of edition: 5 
მაყვალა გაზდელიანი. ლესემა. მ. ქალდანი. 26.X.1962 წ.



Next part


This text is part of the TITUS edition of Svan Prose Texts III (Lentekh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.