TITUS
Svan Prose Texts II (Lower Bal)
Part No. 4
Previous part

Text: 4 
Page of edition: 5 
Line of edition: 15 
IV. ლიფანა̈ლი


Link to spto2g
Line of edition: 16       კანდანღო სემი-ვოშთხვ ლადეღ ქა ღჷრი, ეჩქას ხა̈მთქვახ ლიფანა̈ლია̈შ
Line of edition: 17    
ლიბნე. ლიფანა̈ლი ვოშთხ-ვოხუშდ ლადეღ ლი წეს.

Link to spto2g
Line of edition: 18       
მა̈ნკუშ ლადეღს ადგომ ხაჟხა. ამ ლადეღ ხოშა ხოხრა მა̈გ
Line of edition: 19    
ხაშდბა, ჩიგვაშ ა̈წმინდა̈ვიხ: ტაბგა̈რს, ჰასკმა̈რს ბანდრა̈რს, ფაკნა̈რს,
Line of edition: 20    
ყოშა̈რს, ყორა̈რს ჩიგვაშ, მა̈ჲ ქორისგა ჩუ ლჷგ. შედ-მაკვედს ტებდი
Line of edition: 21    
ლჷცშვ აშყვდიხ ქახკჷნეხ. ადგომ ლადეღ ქა დემის ირბიელხ.
Line of edition: 22    
ნებოზს ყორა̈რქა, ლახ მუს დემის ჴედნი, ბარა̈რშვ მუსს შიდეხ:
Line of edition: 23    
ქუნა̈რს ესერ ჭჷშხა̈რ ნომეგ ა̈ხკურეკენეხ. ნებოზს, ჩუ იბვრი, ეჩქას
Line of edition: 24    
ქა ირბიელხ. ქორისგა ქუნრე სგა ნა̈ჴედუნღო (ხაბჟახ, ერე ქუნა̈რ
Line of edition: 25    
შიშდ, ჩუ იბვრი, ეჩქას ჴედნიხ) კჷლთხიდ რაგა̈დ მადე შიდ.
Line of edition: 26    
ჰასტამს წირხს ხაბემხ: ჰერს ესერ დემ ა̈ნკედ, ეჯღა. ბოფშა̈რ კვადლა̈რს
Line of edition: 27    
ჴიდეხ ალ კვადლა̈რხენქა გირგვდა̈რს ა̈სყიხ, აჭანჭეხ ქა
Line of edition: 28    
ხორკინეხ ლალსგურაქა: გირგვდა̈რქა ესერ ქუნა̈რ ისგვრიხ. ჩი
Line of edition: 29    
ჰამს ნებოზს ხოფანეხ. ვოშთხვ-ვოხუშდ ლადეღ ეჯჟი ღჷრი, ერე
Line of edition: 30    
ქორისგა კჷლთხი ჰერს და̈რმოშ იკედ: კჷლთხი ჰერდ ესერ ქუნა̈რს
Line of edition: 31    
ხაყვლენიხ.

Link to spto2g
Line of edition: 32       
ღვეშგიმპილიშ ჰამს ჯოდი ჰამ ხაჟხა. ეჯ ლეთ დოსდ იგნალხ
Line of edition: 33    
ხოშოლუ, ქა ირბიელხ ქა ხოფანეხ: ამ ლადეღ ესერ ქუნა̈რ ეტიხხ,
Line of edition: 34    
ჰამს ქა ხობჷრდა̈გიხ. სგა ტეხნიხ (მჷბჷრდაგა ზურალა̈რ), ეჩქას
Line of edition: 35    
ყვერბჩუ ხეთხელიხ: აღო მა̈ჲ ესერუ ოთცვირენხ ქუნა̈რს. ლახ
Line of edition: 36    
ხეხოლიხ ითქა̈რ, ეჩქას ტულიხ, ერე ხოჩა ზა̈ჲ ესერ ხოჴდენიხ.

Link to spto2g
Page of edition: 6 
Line of edition: 1    
ხოფანეხ, ეჩქას ხეჴჷრალხ ღერმათ, ერე მინე ქუნა̈რს ქრისტეცახა̈ნ
Line of edition: 2    
ესერუ ხარხ ლაქუნ, იმგვა̈ჲ თვიმი სარა̈გ ესერ ანღჷრდეს.
Line of edition: 3    
ქუნა̈რს ხაბიცხ, ერე მინეშღა ხოჩა გარ ა̈დთიალახ ლახპა̈ტივახ,
Line of edition: 4    
ამეჩუ ხოჩამდ მადმა ა̈ხშდაბეხ.

Link to spto2g
Line of edition: 5       
ნაფანუნღო გვია̈ნდ გარ იყვნალხ იმბვალხ ცინგლა̈რს: ერვა̈ჲ
Line of edition: 6    
ესერ ხოშამ ოხუმბა̈ვის ცინგლა̈რს, ეჯის ესერ ხოჩა ლაქუნ ხერი.
Line of edition: 7    
ცინგილს იმბვალხ ხოშოლუ. ლიფანა̈ლიქა ხა̈მთქვახ ლინყავალ
Line of edition: 8    
მენყა̈ვ მარე იმბვალ ცინგლა̈რს. ამჟი ლამბუალს ისგლათვ ხერა̈გიხ
Line of edition: 9    
გვია̈ნდ იყვნალხ.

Link to spto2g
Line of edition: 10       
ლიფანა̈ლიუნღო სემი-ვოშთხვ ლადეღ ქა ღჷრი, ეჩქას ხატულიხ
Line of edition: 11    
ნა̈ლტეხულს. ამ ლეთ აჯა̈იდ ეჯჟი ხოფანეხ, იმჟი ლიფანა̈ლისგა.
Line of edition: 12    
ნა̈ლტეხულ ლეთ ჴედნიხ ეჯ ქუნა̈რ, ერვა̈ჲ მჷკლი ლიხ: მჷკლი ქუნა̈რს
Line of edition: 13    
ქა ესერ ხერა̈გიხ შუკვჟი ეჯღა გვია̈ნდ ხოქხენიხ.

Link to spto2g
Line of edition: 14       
კანდა ლადღი სგვებნე ლეთ უცხრაშ ზჷსყი ფაუს ხასგვრეხ
Line of edition: 15    
ბეფშვს ეჯჟი ხაზელალნეხ. ალ ფაუს ჴულ ხაჟხა. ჴულს იშხვნიხ
Line of edition: 16    
ლჷკერაქა. ადგომ ლეთ ჩუ იკედხ ჩვაქვცურეხ კუდა̈ჲ-კუდა̈ჲდ.
Line of edition: 17    
ეშხუ ნა̈ქვიცს სგა ხოჩდიხ კერა̈იშ კუთხისგა იშხი თამ-თამა̈შდ.
Line of edition: 18    
ამჟი ჩი ლეთ ლადეღ ლა̈რბიელჟი სგა ხოჩდა ჴულიშ ნა̈ქვიც.


(ერმენტო კვიციანი. დოლი. .თოფურია. 18.II.1940)



Next part



This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.