TITUS
Svan Chrestomathy
Part No. 4
Previous part

Text: 4 
Page of edition: 9 
Line of edition: 23 
4. ყვილჲე̄რი ი მუსვი მურყვამ


Line of edition: 24       ყვილჲე̄რისგა ერხი სოფლა̈რ საყდრარე ფე̄დჲას მუსი მურყვმა̈რს ჲჷგემხ ი
Line of edition: 25    ჟიქა̄ნ ერხი̄ სოფლა̈რისგა ჯვა̈რს ხაჴლენიხ. ერხი ჭე̄რა̈რს ხონხენიხ ძირან ი კა̈ცხჟი̄ნ
Line of edition: 26    ზუჰე̄რა̈̄ ნა̈ცლუვა̈რ ი ამკა̈ლიბა̈რ ხალჯახ, მა̄რე ჟი დეშ ხეჰო̄ლი ლაგა̈მთ', ე̄ჩქას
Line of edition: 27    ეშხუ ჟიქა̄ნ ა̈რი, მე̄რმა̈̄ლ მუსი კიცხა̈რს ხოშდეხ ი ჟიქა̄ნ მერდე ხოჩა̄მ უსტად
Line of edition: 28    გჷრკიდ ახჭიმ ლაგა̈მს. ჟი ხეფშენიხ, ეჩქას ქიჩხჩუ̄ნ ჩუ ჴედნი ჟიქა̄ნ მერდე. ამჟი̄ნ
Line of edition: 29    მურყვმა̈ ლაგა̈მს ო̄შთხვ-ოხვიშდ ლადა̈ღ ხაკუხ ი ეჩქას გარ აზგჷრეხ ქა ლიგემს.
Line of edition: 30    ყვილჲე̄რისგა იგო̄ლა მუსვი მურყვამ მჷჟა̄ლს აღბა̈ ლაღრა̄ლჟინა̈შდ, ყვილჲე̄რისგა
Line of edition: 31    იგო̄ლა ლაღა̈მს ჯგვიბჟი̄ნა̈შდ ი ალ მუსი მურყვამ ლენჯა̈̄რ ჲარვ ა̈დგილს იგო̄ლახ
Line of edition: 32    -- ეშხვი ნე̄სგუნს ი მე̄რმე ლაშთხვერს. მურყვმა̈ ლირღვე̄ ლადა̈ღ ჴედნ', ე̄ჩქას
Line of edition: 33    ხოხვრე̄მი ლალე̄ზი ჟი იყვბა̈̄ლ. მა̈̄ნკვი იყვა̄ბუნა̈̄ლხ ი ჟი ხებზიხ ლიბუძგვა̈̄ლს, ეჩქანღო
Line of edition: 34    ჩუ ყველნიხ ჲარვდ: ჟიბა̄ვიშდ ი ჩუბა̄ვიშდ. ჟიბა̄ვიშა̈რ ჟიქა̄ნჩუ ხეგნიხ
Line of edition: 35    ლა̈რღვას ი ჩუბა̄ვიშა̈რ ჩუქვა̄ნჟი ბერჟა̈ ლა̈̄ხი̄რარშვ ი წაკტარშვ. ითჲა̈̄ლხ, ერე
Line of edition: 36    მინეშხა̈ნჩუ̄ნ ა̈დკა̈̄ფიხ მურყვამ, შომვა̄ლე აშხვხა̈ნჩუ̄ნ ჩუ იკა̈̄ფი მურყვამ ი ჯვა̈რს
Line of edition: 37    ერვა̈̄ჲ ქა იღე̄შგი, ეჯა ხოჩა ხაბჟახ. ეჯ ფოყთ' ე̄სერ ხოჩა ზა̈ჲ ჴედნი, მა̈̄ჲ ფოყხა̈ნჩუ̄ნ
Line of edition: 38    მურყვამ ჩუ იკა̈̄ფი ი ჯვა̈რსი̄ ქა იღე̄შგიხ.

Line of edition: 39       ყვილჲე̄რისგა იჩომხ ლაშთხვერ თა̄რინგზელი წირს ი აშხვ ლე̄თ რიჰდ ლითრე
Line of edition: 40    ი ლა̈ხი̄რულ ხა̈რხ სოფალვშ. ყვილჲე̄რე აღაბ ლე̄თ, ლა̄შგ ესვა̈̄ჲ ხა̄რ, ჩიქე ქუთს
Line of edition: 41    ი ჭიშდვა̈რს ანყა̈̄ლიხ ი ჩუ იხჷრჯა̈̄ლხ. ნა̈დჲარობენ ლჷჯე̄მი ქაქს იჩოხ. მინე ნა̈̄იას
Page of edition: 10  Line of edition: 1    ბოფშა̈რ ფაკანშვ შუნ ა̈ჲე̄სგიხ, კელიკაჩხუშ ქა ხეცხპენიხ ყველფს, ქაქს ფხულარშვ
Line of edition: 2    იკლიტიხ უშკთე ი ტუ̄ლიხ: "შიშა ფაფა გა̈მჷრკელა̈ჲ, ელჲა̈ ხოჭორა̈̄ლე̄
Line of edition: 3    ო̄".


Line of edition: 4 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.